حضر ... بدو.... سنة.....شيعة

[كـــكـــاوة]

[quote=algada;7404783]اسمعي احب بابا جابر لازم اهلنا يعلمونا عاداتهم وتقاليدهم ويعلمونا ان فيه حضر وفيه بدو علشان احنا لما نكبر بنختلط في المدارس وما يبونا نستوحي من افكارهم وعاداتهم وتقاليدهم او نقلدها لان عادتنا فيها شوي من المحافظه وكلامي صحيح محد يقدر ينكره عندنا مثلا عيب البنيه تكشف وجهها اصلا هو حرام قبل لايصير عيب واحنا مقتعيين بعادات اهلها اللي كلبوها زينه وتحمي البنت وتعزها بصراحه [/quote]

يالغاليه انتى بنت تحترمين عاداتج وتقاليج وهذا الصح لكن كل اللى أقصده بموضوعى ان كل البدو نفس الشى وكلهم يحترمون هالعادات والتقاليد ومحافضين عليه والحضر كلهم نفس الشى وملتزمين كلهم بنفس التقاليد .. بس اللى قصده ما نعمم على الكل وللأسف أنتى قلتى أنتو الحضر عندكم إذا البنت ملجت تطلع مع زوجها .يعنى قاعده تعممين
بقولج شى والله يشهد على احنا حضر وعايلتنا كبيره حيل بس ليلحين فى من اهلنا ممنوع عندهم الزوج بالملجه يدخل ويطلع علي زوجته شرايج ؟؟ وأهلى ياحلوهم على كثر ماهم صاكين على صكه بس لما تزوجت حسيت إنه كله طلع من صالحى والحمد الله على كل حال .. وشكرا لج

 

[أنوثهـ حتى الثمالهـ]

بالعكس ماني مستعجله بس سؤال ليش كل وحده تقول امي حضريه وابوي بدوي اتحدى بدويه تاخذ حضري لان البدوي عادي ياخذ حضريه يعلمها على عاداته وبتتبعه لكن البنت عندنا يالبدو مستحيل تاخذ حضري مستحيل فسروها انتو

حبيبتي لا تعممين الحضر أصيلين مو معناة حضري يعني فيه نقص خالتي ماخذه حضري وهي بدويه
واحنا عايلتنا عادي تناسب الحضر اذا اصيل ويخاف ربه شالمشكله
البدو رجال والحضر رجال
واللي يميز واحدهم عن الثاني أخلاقه ودينه فقط لاغير

 

[algada]

كاكاوه انا ماقلت تطلع مع زوجها انا قلت تكلمه وتشوفه بس

 

[أحب بابا جابر]

صاجة والله :eh_s(7):

اوه ورد
اثتحي :blueSmCLR:
تثلمين عالورده يا ورده

 

[Super_Star]

يعطيج العافية و خوش موضوع

 

[algada]

مربى الدلع انا ماقلت فيه نقص او مو اصيل انا قلت لاختلاف العادات والتقاليد....

 

[كـــكـــاوة]

يعطيج العافية و خوش موضوع

الله يعافيج يالغاليه .. مع إنى حسيت قاعد يصير ألحين نفس اللى كان يصير بالدوام :bbbiu:..

الله يهدى الجميع والأهم : الدين و الخلق وهذا مقياس التفاضل بينا ياجماعه " وأعتذر من كل وحده فهمت الموضوع بطريقه ثانية مع إنه كان كلامى حييييييييييييييييل واضح

شكرا لج مره ثانية

 

[algada]

بالعكس ياكاكاوه كلامك واضح وجميل بس العادات تفرق لازم تقتنعين والا الحضر وش فيهم مايفرقنا عنهم الاهالعادات غصب عنا كلن مقتنع بعاداته وهذا عرف اجتماعي

 

[عيني عليه]

العرق دساااااس يبااااا

 

[KuWaiTiYa FeDa2eYa]

عفوا المساله مو فرق بين بدوي وحضري يا جماعه او سني وشيعي الحين الفرق صار بين البدوي والبدوي والحضري والحضري انا بدوية سفور مثلا وفي واحدة حضرية اهي وخواتها كلهم محجبات ومنقبات بعد ملتزمين مثلا اكثر اهني اهي النقطة لكن لا تعممين مو كل البدو ولا كل الحضر نفس الشي في ملتزمين ومتشددين وفي متساهلين ومتراخين وعلى حسب كل بيت ومثل ما قالت اختنا الكريمة الى جزاها الله الف خير على طرح الموضوع ان الاخوان من رحم واحد يختلفون فما بالج الناس عامة من جميع الفئات والجنسيات والاعمار والاصول؟؟؟؟ واختى القلادة منو قالج بدوية ماتاخذ حضري يا جماعه دخلنا 2009 يمكن بين قبيلة وقبيلة تفرق وبيت وبيت تفرق ولا تقولين متحضرة لا انا اظل بدوية لكن جد قديمة انتي وين ماياخذون الحين الناس من القحط قاموا ياخذون هنود وفلبن هيهيهيهي حريم ورياييل مع احترامي للهنود والفلبن ترا هم خوش ناس موضوعنا عن المساواة لازم مانتعنصر عليهم

 

[_LaNa_]

مشكوووره صاحبة الموضوع على هالموضوع الرائع وكلامج عدل

بس لللأسف واااايد صعب ان نغير قناعة الناس اللي تربوا عليها سنين

 

[عيني عليه]

بالعكس ماني مستعجله بس سؤال ليش كل وحده تقول امي حضريه وابوي بدوي اتحدى بدويه تاخذ حضري لان البدوي عادي ياخذ حضريه يعلمها على عاداته وبتتبعه لكن البنت عندنا يالبدو مستحيل تاخذ حضري مستحيل فسروها انتو

هههههههههههههههههههه

خربطت البنت

ركزي حيااطي انتي

ابدوييه انتي بس هدي اعصاابج

 

[algada]

اللي تقول انا بدوية سفور عذرا جداتك سفور امهاتك سفور مستحيل ان كنتي بدويه يكونون هم سفور اما انتي ليش سفور تطبعتي بطبع الحضر السفور (الحضر اللي مايتغطون مو الحضر اللي يتغطون )وهذا اللي اتحدث عنه انه لازم نتمسك بتقاليدنا مو لازم تكون صدقتي حضرية سفور اني اسوي مثلها احبها وهي صديقتي بس ما اقلدها

 

[كـــكـــاوة]

مشكوووره صاحبة الموضوع على هالموضوع الرائع وكلامج عدل

بس لللأسف واااايد صعب ان نغير قناعة الناس اللي تربوا عليها سنين

تسلمين حبيبتى وماقصرتى وأنا ما أقصد نغير بس اللى قصدته بكلامى نتقبل الناس ونحترم عاداتهم وتقاليدهم وما ناخذها من باب التطنز والإستخفاف فيهم .. وشاكره لج مرورج يالغاليه.

 

[algada]

بالعكس ياكاكاوه انا ضد اللي يتطنز على ايش نتطنز هذي اشياء تربيتوا عليها مافيها شي وحنا تربينا على اشياء عادي والله عندي صديقات حضريات بس مو سفور والله اني احبهم بس لما نجي عند العادات والتقاليد كل يحترم الثاني اما لو تكون سفور بنصحها لان هنا دخلنا بالدين وكشف الوجه حرام ....فوق انه عييييييب

 

[كـــكـــاوة]

اللي تقول انا بدوية سفور عذرا جداتك سفور امهاتك سفور مستحيل ان كنتي بدويه يكونون هم سفور اما انتي ليش سفور تطبعتي بطبع الحضر السفور (الحضر اللي مايتغطون مو الحضر اللي يتغطون )وهذا اللي اتحدث عنه انه لازم نتمسك بتقاليدنا مو لازم تكون صدقتي حضرية سفور اني اسوي مثلها احبها وهي صديقتي بس ما اقلدها

بس ودى سؤال أسأله لج وأبى إجابه واضحه ..

أنتى ألحين تشوفين البدو كلهم من الشمال لى الجنوبوالشرق والغرب نفس الطبع ؟؟؟؟ وخصوصا بهالوقت اللى نعيشه .. ولا تشوفين الحضر كلهم بعد نفس الشى ..

حبيبتى الناس مختلفه بكل شى وهذى حقيقة ما نقدر أنا وأنتى ننكرها .. أتمنى ترجعين تقرين موضوعى عدل وتفهين شنو كنت أقصد بكلامى ولج كل الشكر والتقدير

 

[دلع السلاطين]

الناس الى تعمم بهالسالفه وتفرق بين البدوى والحضرى وبين السنى وشيعى ناس مريضه وتافه

لانه قبل مانكون بدو ولاحضر ولاسنه ولاشيعه احنا كويييتين ومااتوقع انه فيه فرق بينا

ولازم نحترم عادات وتقاليد ومذاهب بعض لكن وين الى يفهم هالكلام

انا قبل جم يوم كلمت وحده حضريه وكانت تذم بالبدو وتقول كلام مو حلوو والمشكله والطامه الكبرى انها تعمم
وتقول الكل
وماعندها ولادليل على كلامها

وهم فيه سالفه ماحبها لما يقولون جمله(( يع بدوو عقد)) صاطفت وايد ناس يقولون هالكلمه اوكيك انا ماانكر انه فيه ناس هيلق بتصرفاتهم ويسون اشياء كلش مو حلوه بشارع لكن ماحد يقدر يقول انه كل البدووو نفسهم

مثل مافى بدو عقد فيه حضر عقد

مع انه انا ارفض هالجمله وماحبها تنقال لى اي شخص بدنيا سواء حضرى ولابدووى
لانه هالكلمه ولافيها ذره احترام ولانسان الى يستخدمها انسان ماعندها ذوق ولا يعرف الذوق واحترام الناس

وسالفه التفرقه والعنصريه انتشرت هلأيام وبشكل موطبيعى واتمنى انه هالشغله تقل ويقولون الناس الى قلوبهم مريضه ويفرقون بهالامور
لانه ماحد برجعنا لوارا ويخلينى نرجع ورا الا هالامووور

والحمدلله البدوو الى انا منهم على عينى وراسى والحضر اخوان واهل لنا والسنه والشيعه مافى فرق بينهم وكلنا مسلمين قبل مانكون سنه ولاشيعه وكلنا نعبد رب واحد وبديره وحده

 

[algada]

اسمحي لي اختي هناك فرق بين السنه والشيعه الشيعه في منتدياتهم يكتبون سجل دخولك بلعن علي وابو بكر ......وتبينا نتساوى معهم حرام عليك

 

[دلع السلاطين]

اسمعي احب بابا جابر لازم اهلنا يعلمونا عاداتهم وتقاليدهم ويعلمونا ان فيه حضر وفيه بدو علشان احنا لما نكبر بنختلط في المدارس وما يبونا نستوحي من افكارهم وعاداتهم وتقاليدهم او نقلدها لان عادتنا فيها شوي من المحافظه وكلامي صحيح محد يقدر ينكره عندنا مثلا عيب البنيه تكشف وجهها اصلا هو حرام قبل لايصير عيب واحنا مقتعيين بعادات اهلها اللي كلبوها زينه وتحمي البنت وتعزها بصراحه

حبيبتى الى انتى قاعده تتكلمين عنه موعادات وتقاليد قاعده تتكلمين عن اشياء شرعها لله والى اهى الستر
ومااتوقع انه بس البدوو اهما الى عارفين الدين وعارفين احكامه والحضر موعارفين شى

الى اقصده انه بدو وحضر عندنا عادات وتقاليد وياما فيه حضر عاداتهم اشد من عادات البدو
وهم فى بدوو متساهلين بهالامور يعنى مثلا انا بدوويه بطن وظهر ومافينى اي عرج حضرى
لكن انا ماالبس العبايه والنقاب مثل اغلب بنات البدوو
يعنى هالامور مو بس عند البدو والحضر اهما الى فرى لا غلطانه حبيبتى

كل بيت بالكويت حضرى ولابدوي عنده عادات وتقاليد تختلف عن البيت الثانى وماتنقاس هالامور بأصل هالبيت

 

[_LaNa_]

تسلمين حبيبتى وماقصرتى وأنا ما أقصد نغير بس اللى قصدته بكلامى نتقبل الناس ونحترم عاداتهم وتقاليدهم وما ناخذها من باب التطنز والإستخفاف فيهم .. وشاكره لج مرورج يالغاليه.

كلامج عدل والاحترام شي مطلوب بغض النظر عن الاصل

بس ياريت لو algada تتعظ من هالكلام وكافي تجريح وترى كلنا نقدر نرد بس احتراما لصاحبة الموضوع و للمنتدى اللي له مكانه كبيره عندنا وللبدو اللي اخلاقهم عاليه وعايشين بينا راح اكتفي و اقول رجاءا كاااااافي