alzen_kilah
New member
قصيدة تعبر عن الحب الحقيقي
==================
أبد .. ما جيت أبارك ولكن جيت باوصيك
على اللي ناوي(ن) تدخل بها الليلة.. معذبتي
ترى لولا الظروف اللي عطتك وحدَت محاكيك
قسم بالله ما تدخل عليها لو على رقبتي
ولكن النصيب أقوى ولا ادري ويش أسوي فيك
نعم .. صارت نعذبتك .. ولا عادت معذبتي
كذا شاءت بي الأقدار تحرمني لجل تعطيك
كذا لازم عشان تفوز انت .. أخسر بحبي
تراها غاليه جدا .. وتكفى .. والله يخليك
تدللها.. تدلعها .. تنسيها مصاحبتي
أنا من كثر ما أغليها أحس اني بديت أغليك
ولا تسأل بأية حق ولا أيش مناسبتي
لإنك لو بتسألني بتسمع شيء ما يرضيك
لذا يا خوي لا تسأل ولا تسمع لأجوبتي
أبيك تحطها في داخل عيونك وبين ايديك
((وهي دلوعه وحساسه اعتادت على كثر مداعبتي ))
فداعبها شوي شوي حتى تشتهي طاريك
وشاغبها إلين تقول بطل مشاغبتي
واذا هي ما لها خلقك .. ولا تضحك ولا تسليك
تحملها واسألها: يا عمري ليه عصبتي ؟؟
وبالك اسمع انك يوم تضربها وهي تشكيك
ما يحتاج اوري لك بغن الضرب موهبتي
صحيح انك بتملكها ومعك الصك بالتمليك
وأنا عارف حدود الله ومن حقك معاقبتي
وأنا مجنونها اللي ما نساها وانت ما يمديك
تغطي ذكرياتي في هواها.. وربع تجربتي
أحس اني تماديت بكلامي .. والغضب حاديك
ولو انك في مكاني ما تفكر في محاسبتي
كفاك اني تركت الليله أشغالي عشان أجيك
دخلت القاعه برجلي .. ولا أدري ويش عاقبتي
وأنا ما جيت اخرب عرسك الليه ولا ..أأذيك
أنا جيت عشان أخاطبك وأسمع مخاطبتي
توصي .. وانتبه .. واحرص عليها والله يهنيك
ترى كل الكلام اللي طلع من ضيقتي وكبتي
ولكن ما قدرت إني أقوله وانت ما يخفيك
أخاف اني اذا قلتله تقوم وتقطع رقبتي
وسلامتكم ... للأمانة ملطووشه اتمنى تعجبكم
==================
أبد .. ما جيت أبارك ولكن جيت باوصيك
على اللي ناوي(ن) تدخل بها الليلة.. معذبتي
ترى لولا الظروف اللي عطتك وحدَت محاكيك
قسم بالله ما تدخل عليها لو على رقبتي
ولكن النصيب أقوى ولا ادري ويش أسوي فيك
نعم .. صارت نعذبتك .. ولا عادت معذبتي
كذا شاءت بي الأقدار تحرمني لجل تعطيك
كذا لازم عشان تفوز انت .. أخسر بحبي
تراها غاليه جدا .. وتكفى .. والله يخليك
تدللها.. تدلعها .. تنسيها مصاحبتي
أنا من كثر ما أغليها أحس اني بديت أغليك
ولا تسأل بأية حق ولا أيش مناسبتي
لإنك لو بتسألني بتسمع شيء ما يرضيك
لذا يا خوي لا تسأل ولا تسمع لأجوبتي
أبيك تحطها في داخل عيونك وبين ايديك
((وهي دلوعه وحساسه اعتادت على كثر مداعبتي ))
فداعبها شوي شوي حتى تشتهي طاريك
وشاغبها إلين تقول بطل مشاغبتي
واذا هي ما لها خلقك .. ولا تضحك ولا تسليك
تحملها واسألها: يا عمري ليه عصبتي ؟؟
وبالك اسمع انك يوم تضربها وهي تشكيك
ما يحتاج اوري لك بغن الضرب موهبتي
صحيح انك بتملكها ومعك الصك بالتمليك
وأنا عارف حدود الله ومن حقك معاقبتي
وأنا مجنونها اللي ما نساها وانت ما يمديك
تغطي ذكرياتي في هواها.. وربع تجربتي
أحس اني تماديت بكلامي .. والغضب حاديك
ولو انك في مكاني ما تفكر في محاسبتي
كفاك اني تركت الليله أشغالي عشان أجيك
دخلت القاعه برجلي .. ولا أدري ويش عاقبتي
وأنا ما جيت اخرب عرسك الليه ولا ..أأذيك
أنا جيت عشان أخاطبك وأسمع مخاطبتي
توصي .. وانتبه .. واحرص عليها والله يهنيك
ترى كل الكلام اللي طلع من ضيقتي وكبتي
ولكن ما قدرت إني أقوله وانت ما يخفيك
أخاف اني اذا قلتله تقوم وتقطع رقبتي
وسلامتكم ... للأمانة ملطووشه اتمنى تعجبكم
