حطلي المنوم بالفيمتو

[ملكة الأسطوره]

الله يعينج حبيبتي وبعض البنات ردودهم تغث شنوو لزقه وشنو فجي عنه وشنو انتي شكاكه شساالفه خفوو عن البنت شووي
البنت توها عرووسه والمعروف ان الرجال باول شهور زواجه يلزق بزوجته ومايفج عنها حبيبتي مووون لا تسكتين دخلي اهلج بالموضوع
لانه الرجال تصرفه موطبيعي او دخلي احد من اهلج كبير وعاقل يفهم بالامور وخليه يتكلم معه ويعرف شنو سالفته لانه السالفه مو هينه
لازم احد يدخل فيها انتي بروحج صعبه تتصرفين فيها والله يعينج وييسر اموورج حبيبتي ......

 

[مين انا]

رد : حطلي المنوم بالفيمتو

للدلع هيبه حرااااااااااااااااااااام عليك كلامك جدا قاسي


زوجك مو طبيعي ولا شخص ماصارله شهرين متزوج يقول روحي نامي عند أهلك


حبيتي لازم ترجعين بيتك وتتحملين شوي أدري أنه صعبه عليك بس لمن تصير بينك وبين زوجك مشكله


لا تروحين لأهلك ونتي ماحليتيها هروبك صدقيني راح يكبر المشكله أكثر

 

[~LiBrA~]

رد : حطلي المنوم بالفيمتو

امبيه وين قاعدين يحطلج منوم؟؟

والمصيبه من وين يايبه؟؟؟؟؟؟؟؟

هذا الريال اخاف ياخذ شي؟؟؟


الله يستر عليكم ويحفظكم

 

[قمة الرضا]

تعوذي من بليس واذكرو ربكم بنات حرام اللي تقولونه شوفي كللللللللللل اللي توهم متزوجين هذي حالتهم والله والله والله
وناااااااااااااااااااادرا في انسان عايش الحياه اللي نعرفها انه لازق بعروسته وميت عليها لاااااااا الحين لازق بربعه ومتعود عليهم وفي ترى يعايرون بعض هاااااااااااا ماتخليك تسهر ومن هالكلام الموضوع مو كبير مثل ما احنا متخيلينه ترى عادي مع الايام لي شافج سوالف حلوه وقعده حلوه بيقعد وبيحب القعده معاج بس بالتدريج طبعا والدعااااااااااااااااااااء والصلاة بوقتها
وعن النومه عادي روحي نامي انتي تغيرين جو وتردين عندج سوالف وقصص تقولونها حق بعض شالمشكله
والمنوم ياقلبي يخليج اطيحين من طولج وراسج ثقيل وتنامين على طول هذا منومه يمكن بو ربع ههههههههههههههههه

 

[عشيقة ريلها]

اولا اتفق مع البنات شكله مو منوم او انه منوم ولا شربتي العصير مااثر فيج وايد

حبوب المنوم ياثر فيج نص يوم او 3 ارباعه يخليج كله نايمه ودايخه

وسالفه انج تنامين بيت اهلج وخاصه اول عرس شكو

بنااااااااااات من صجكم تنام بيت اهلها واهيه توها عروس ليش بالمتزوجه ولا زينه انها متزوجه

وشي طبيعي لو تبي تقعد معاه ولا تطلع الا معاه بس طبعا بالمعقول مافيها شي

انا بعد ست شهور نمت بيت اهلي وعلشان مااشوفهم على طول بعاد عني بس لو يمي ماانام ولا يوووووووووم

يكفي ازوورهم يوم في اسبوع وطول اسبوع وان في مجال عادي بس ارجع نفس اليوم

 

[njoom1]

رد : حطلي المنوم بالفيمتو

حبوبه الحل الوحيد انج تواجهينه .... بس مافي حل ثاني
تعرفين منه ليش سوا جذي وبعدين تقدرين تحكمين شنو الغلط اللي سواه

اما جذي ماتدرين عنه ولا بينكم اتصال وتبين السالفه تنحل ..... مايصير طمنينا عنج

 

[Petite]

الله يهديه ويهدي الجميع

 

[دانة من البحرين]

الله يسخره لج

 

[سارحة بالغنم]

رد: رد : حطلي المنوم بالفيمتو

انا مالزقت فيه منو ياب طااري التلزق @@

انا بعرف ليش عطاني منوم ووين طلع بالضبط انا خايفه السالفه فيها خرابيط تلفونات او شقه عرفتوا

ليش ماقالي ترا ابطلع جان اذنت له ؟

فهموا ياناس ابي حل هادف

اللة يعينج بس سمعي حبيبتي قلتي عنة كريم ورومنسي وهذا شي طيب...بس طلعتة من البيت يوميا لي الفجر انا زوجي يوميا يسهر ولا اقولة وينك لانة يسوي الي ابية انا وعيالي وبالنهار مقابلنا بس يحب الدواوين والقهاوي

بالبداية استخفيت يوميا يطلع وشكيت فية نفسج لاني ماكنت اعرفة بس الحين ادري لو بسوي شي بسوي الرجال رقيب نفسة والمرة ماتردة عن شي وادعي اللة يحفظة

لاتفضحينة ولاتكلمين اهلج قوليلة تعبت ورحت الطبيب وقالي منوم ومايصلحلج سببلج حساسية ونمت عند اهلي وواجهية

ولاتطرين كلمة طلاق لو نبي نتطلق جان ياكثر الي تطلقوا من اول حياتهم وانا منهم صبرنا على المررررررررر الي امر من سالفتج واللة عوضنا خير عسى ربي يتمم عليج ويهدية .


وترى الزوج الي متعود على الربع وقعداتهم صعب تجذبة عروووووووووووس مثلج توهم ماعرفتلة اذا كان ينام معاج ويشتاقلج لاتشكين فية رجال عن رجال يفرق فية الي معرس ويقدر يجي زوجتة مرة وأكثر باليوم وفية الي معرس بعد ومايجيها الا بعد كم يوم كل واحد وقدرتة حاولي تكسبينة,

 

[أم حوور]

حبيبتي


قعدي وتفاهمي معاه اذا في شي مضايقه منج او فيج نقص او .... او ....


مافيها شي كل شي بالتفاهم حلو ...


اما بخصوص النوم بيت اهلج ما أأيد هالشي خليج بزوارة بيت اهلج من الصبح لمن تالي الليل وردي لبيتج


اما بخصوص طلعته بسرعه من البيت .. المفروض انج تبينين انج صاحيه عالاقل حتى لو متصله عليه .. عشان يفهم ويعرف انج



صاحيه وما كنت نايمه .. وماله داعي يطلع من البيت مثل الحراميه .." سامحيني عالاسلوب ....


والله يهدي سركم يارب

 

[hooryah q8]

رد : حطلي المنوم بالفيمتو

انتي بالملجه كنتي تطلعين معاه؟؟

لانه واضح في شي ابحياته كان متعود عليه ايام العزوبيه وللحين ماقالج عنه
بس طريقته انه شي موزين والله اعلم!! مابي اخرعج
بس الظاهر يسهر مع ربعه مخيمات او شي من هالقبيل .. لازم يصارحج واذا شي موزين لا يفتك منه
لانه انتو الحين حياة يديده وحياة زوجية والزواج مشاركة مايصير تخشون على بعض شي

والله يوفقج حبيبتي ويفرج همج

 

[جـلكسي عـسل]

رد : حطلي المنوم بالفيمتو

الحمدلله والشكر شفيهم رياجيل هالوقت منهبيلين

اللي مايبي الزواج والمسوليه ليش من الاول يتزوج ويغث بنت الناس معاه .. حسبي الله ونعم الوكيل

اكثر من عروس نفس السالفه واولهم انا

انا يقوولي خميس وجمعه وسبت اتروحين لاهلج الويك انت لي اسهر واستانس فيه مع انه كل الايام والله ويك اند مايقعد معاي

واذا قلت له بطلع ولا بروح قال اقعدي بيتج ولا اوديج لاهلج ولا لاهلي اقووله شبعانه منهم انا ابيك انت والطلعه معاك ..

قطيعه تقطع هالطبع الخاايس جد موو قد الزواج ليش موهقين بنات الناس صج صج جهال الله يهديهم ويرد عقولهم ..

سوري دشيت قووي بس من لي احسه فيه وقاهرني

 

[أم محمد وريحانة]

حبيبتي الواضح أن فيه شيء يعني أعوذ بالله وراه شي موزين

والدليل الفيتمتو اللي طعمه مر

ما في أحسن من تصارحينه


نصيحة من مجربة الجئي لله

وأستخيري الله إنك تتصلين عليه وتصارحينة ليش يتهرب منك

الله يعينك حبيبتي ويألف بينكم

 

[واصله]

امبي لا بصراحة شي يخرع
وهذا اذا منوم مو شي ثاني
حبيبتي حاولي تلاحظين تصرفاته ووين يروح بالضبط دام ما عندكم عيال من الحين شوفيه ماتدرين يمكن عندة شي جايد من وراج فليش تعيشين طول عمرج مع انسان ما يستاهل
والبنات اللي يقولون فجي عنه نعم تري معاريس شكو نايمه عند اهلها شالسالفه ماله داعي يعني الحين كلش بيشتاق بيستانس ياخذ راحتة
ولو كانت سالفه ربع ودوانيه جان قال وماخش ولا عطاها منوم عشان تنام لا هذا وراه سالفه
انا ما ابي اشيش بس اكرة الريال اللي يقول حق مرتة نامي عند اهلج عيل ليش متزوج بالله

 

[موجة ~ بحر]

حبيبتي قعدي معاه وأجهيه وصارحيه يفضل بره البيت ووقفيه عند حده هذا وانتوا توكم مزوجين عيل بعدين قوليله احس انك مو مرتاح معاي شوفي شنو الشي اللي باعده عنج. والله يهديه ويسخره لج ان شات الله

 

[Tom ♥ Jerry]

.


آمبيه يمه شلون عايشه معآه ليلحين !
الصرآحه هاذا شي مآ ينسكت عنه !

أصلا وآضح من كلآمج عنه أول الزوآج أنه مغصوب ! \
و يوم خلاج تنآمين و طلع > وضحت السالفه آكثر !

يبه الريال مغصوب !
قوليله صآرحني بكل شي و قوليله كل الي بقلبج
قوليله أنج ذآك اليوم مآ كنتي نآيمه !
و آنج شفتيه لمآ طلع الساعه 1 و رد الساعه 5 !
آمبيه من صجج ليلحيين سآكته ..

يماي لو انا جان يوقف قلبي من الخوف !
اصلا من أول مآ قآلج بسويلج فيمتو > السالفه بينت آنه فيها آن !
يعني أولا شيآب طآري الفيمتو الحين ؟
و بعدين شطاري عليه الي مآ يشيل عود رآح يسوي فيمتو ؟
و بعدين شمعنى فيمتو .. ليش مآ قآلج بييبلج مآي مثلا
> واي و الله آحس جني قآعده احقق بقضيه
آلله يعينج بس لآزم تتصرفين :*

 

[عيون مها]

رد: رد : حطلي المنوم بالفيمتو

للدلع هيبه مشكوره على الرد

بس ما نشبتله بشي بالعكس انا دايم اطلع واروح بيت اهلي او انزل عند اهله وحتى لمى نكون عند بعض اروح الغرفه الثانيه ارتبها او اقعد اقرا انا الحمدالله واعيه وعطيه خصوصيته بس بحدود

وبعدين انا عروس اللي اعرفه انه المعاريس مايفجون عن بعض الا بعد خمس ست شهور

بنات ابي ردود سنعه مو اي كلام رجاءا موضوعي جاد ومصيري

لا لاتخيلين كل معاريس جذي مجابيلين بعض لاوربي اللحين شباب ماعندهم مسؤليه أو ماهمه كلام الناس يسهر

وخاص أذا ربع يحرضون وفي ربع يعيرون عليه أذا قعد بالبيت

وأنصحج ماتعودينه كل وقت بيت أهلج ..وشوفي شنو يحب وسويله


:sfg:

 

[غمزه وإبتسامه]

الله يكشفه لج عاااجلا غير اجلاا

 

[قلب مغليك]

رد : حطلي المنوم بالفيمتو

ليش حبيبتي موغريب زوجج زوج رفيجتي جذيه بس انتي اهون يسهر مع ربعه لانه متعلق فيهم ويمكن ربعه اغلبهم عزابيه في يستانس معاهم اكثر لانه لحد الحين ماتعود عليج والشباب ممكن كل يتجمعون رفيجتي زوجها كان يخليها بروحها لين بكره تقوم وماتلقاه رد وترا موراعي خرابيط تدرين وين يقعد بديوانيتهم لانه بيتوتي بس جذيه طبعه وزعلت وردت وتغير احسن من قبل حبيبتي الزواج يبيله صبر خليج حكيمه لاتفاتحينه بالموضوع ممكن يقعد وهو مغصوب لا حاولي تحببينه بالقعده شوي شوي بينجذب لج سوي قهوه وحطي حلو وقوليله وكلميه بالتلفون وقوليليه على اساس انها سالفه انا قاعده واتقهوى واتفرج على التلفزيون او شابكه وحسسيه ان القعده حدها ممتعه شرايك تجي شاوريه بس لاتبينين انج تبينه ضروري عاد قوليله بطريقه عاديه خل يحس انه عندج جو بشقتج ويبي جرب شلون جوج وشوي شوي غيري
الله يوفقج

 

[شقرديـه عالطل]

حبيبتي لو شنو انتي مايحطلج منوم
السالفه قويه واجهيه لاتسكتين وبينيله انج عارفه
وقوليله بالله فيني شي حساسيه من المنوم وصار ضدي علي مو زين اي احد ياخذ المنوم ديري بالج