حطيت كاميرات وارتحت

[iLLuMinaTion]

هلا بنات

انا توني حاطه كاميرات

الصراحه انصحكم بشده

اقدر اتابع عيالي عن طريق الايفون
وانا الحين مرتاحه
من اشوف الغلط وانا بالدوام ادق عليهم

والخدم انا بلغتهم ان فيه كاميرات

شرايكم

 

[الوحيده بهمها]

وين حطيتيها وكيف تتابغيهم من الجوال

 

[ام نـوف]

ماشاءالله عليج زين سويتي

بليز افيديني وين حصلتيهم لاني تعبت ادور ابي مثل طريقتج حلوه

وبجم حطيتيهم

جزاج ربي الف خير

 

[؛؛حلاوه؛؛]

عفية عليج

شلون الطريقة

 

[sweet lady]

زين سويتي
ماقلتيلنا وين حطيتيها وجم كاميرا

 

[اترجة]

بس ما ادري احس غلط قلتي للخدم انج حاطة كاميرة جذي ما تدرين شلون تصرفاتهم بالبيت كل وحدة الله اعلم طبعا ...

 

[أم يزيد &سديم&]

ما شاء الله عليج كم عندج خدامة
باين كثير
شنو نوع الكاميرا
ووين حطيتيها

 

[باربي للابد]

حبيبتي ممكن التفاصيل

من وين خذيتيهم؟

وجم؟؟

ومبينين الكاميرات ولا مخفية؟​

 

[ام اغلى الناس]

اي نبي سعر الكاميرا الوحده
ومن وين

 

[ملاك الغيد]

موضوعج يا بوقته دلينا عليهم وبنعرف شلون تابعينهم عن طريق الفون

والخدم مايخربون الكاميرا

 

[ام الحلوااات]

بس ما ادري احس غلط قلتي للخدم انج حاطة كاميرة جذي ما تدرين شلون تصرفاتهم بالبيت كل وحدة الله اعلم طبعا ...

مـــعــاهـا بـــاالـــــراي غـــلط انــــج عـلـمـتــي الـخـــدم شـــلــــووون تــعــرفــيـن تـعــااامــلــهـــم مــع عــيــالـــج​

 

[بيرلا ستور]

زين سويتي
بس لازم ماتعلمينهم انه في كاميرا

ممكن تسوي اللي بتسويه حتى لو بالحمام

 

[om_3azoz]

حبيبتي من وين ركبتي وبجم ,, والمفروض ماتقولين حق الخدم انج حاطه كاميرا

 

[iLLuMinaTion]

السعر الاجمالي 240 دينار
وتتابعينهم اول باول بالايفون

عجيييييب

 

[ملاك الغيد]

انزين عطينا التفاصيل

شلون ركبتيهم وتصور كل الزوايا ومن وين

 

[عسل مرت قيمر]

شي حلو


بس لو مدخله عيالج حضانات احسن

 

[om MaRyooM]

خطوة جريئة بالنسبة لي

والله يحفظ عياالنا يارب

 

[The Boutique]

انا مسويتها من زمان ومرتاحه
وبالعكس قولي احسن عشان يعرفون حدودهم ومايسوون شي يعور قلبج

حسبلي الكاميرا الداخليه 50
الكاميرا الخارجيه 60

وانتي ؟ وجم سنه الكفاله ؟

وفي انواع مخفي او واضحه وفي على شكل مناظر او ساعه طبي واختاري

 

[ملاك الغيد]

طيب بنات اللي مجربينها عطونا تفاصيل لان صج محتاجينها وهل شفتو اخطاء على الخدم

 

[ملاك الغيد]

وذا بوتيك انا معاج انج تعلمين الخدم ولا ليش بحط كاميرا عشان اشوف تعذيبها لعيالنا

احط الكاميرا عشان تحسب الف حساب وكانا موجودين عندها بس ياخوفج تخربها


المهم هلب مي عطونا تفاصيل ومن وين ماخذينها