حـراآم،،بنتي ام 5اشهر ذبحتها الكحة :-((

[A7la-SmiLe]

اسم الله عليها ماتشوف شر
حبيبتي اذا فيها كحه مع بلغم دهنيها بزيت السمسم ولبسيها ملابس صوف ودفيها
هالوصفه ززززززينه للبلغم بتشوفينه كرمج الله بخروجها
وسويلها شراب شاي الشومر (حبه حلوه) المحلى بالعسل واتخففينه بالماي شربيها الصبح وقبل النوم
نصيحه لااتعودينها عالادويه حرام توها صغيره ,, الاعشاب زيه​

 

[ليمون ونعناع]

ديروا بالكم بنات ترى العسل اقل من سنه وايد يضر الياهل سبحان الله
تركيبته ماتنهضم بسرعه وله مضار وايد

تحت السنه ماتعطينه عسل

الدوا الي عليه صورة لبلاب اسمه بروسبان ممكن يسوي حساسيه لبعض الاطفال يبين مكان الحفاظ يصير احمر ويعور الياهل يبجي فديروا بالكم ولاحظوا هالشي

 

[MOOON&M]

الله يشافيها


ماقصروا البنات

 

[حمرة الورد]

سلامتها وديعا سعاد البصيري ممتازه وانا ولدي كان تعبان وعطوه دوا للكحه ولا تخلين بنتج وتتأزم الامور مثل ولدي تعب حيل وصار عنده ضيق في التنفس وديها وماتشوف شر

 

[om MaRyooM]

مشكورين حبايبي

 

[عليا بنت علي]

حبيبتي انا بقولك على طريقة وحدة بوحدة بس استحملي الريحة
تبشرين بصل و تاخذين عصيره و تخلطينه مع كمية مماثلة من العسل الطبيعي يعني تخلطين مثلا نص بيالة عصير بصل و نص بيالة عسل و تحركينهم زين زين بعدين تعطينها ملعقة صغيرة من الخليط كل ساعتين ملعقة طوال اليوم لمدة اسبوع بس النتيجة بتلاحظينها من اول استخدام
و حتى لو تحسنت حالتها لا توقفين لين اسبوع و ما عليها شر ان شاءالله
و الله و الله انا مجربة الطريقة حق بنتي ام ست شهور كانو قايلين لي فيها ربو بس الحمدالله الحين ما فيها شي و اي حد فيه كحة اقوله يستخدمها يتشافى الحمدالله

 

[M&Ms]

هذي حساسية خشمها تنزل على صدرها لازم تعالجين النشله بس خلي راسها مرفوع واهيا نايمة وانا عطوني حق ولدي دوا كحه اسمه جوافلكس اهوا اوراق جوافه واذا ما نفع عطيها ديلانيل موسع شعب هوائية ونصيحتي وديها خاص في دكتور فهد المخيزيم ممتاز ومايسغلج

 

[om MaRyooM]

مشكورين على النصايح الطيبة
ماتقصرون والله