حـــصـــريـــاً.. أول فـيديو لـي عـلى يوتيوب،، لوك سهـل و بسـيط

[Pupiipop]

اشلوووونكــم بنــات
اشتـقت لكـم
أخيــــــرا سويت ميكب تيوتوريال على اليوتيوب
الأجانب مو أحسن منا بشي
هم احنا نسوووي هههههه P:

بس في جم غلطة اعذوووورني :eh_s(22):
1. إضاءة خايسة
2. تصوير أخيس لووول كامرتي فيها فايرس و الا الا بسوي الفيديو
3. ولدي طالع لوووووووول يحوووس
4. عندي شوارب صغيروونه :eh_s(22)::eh_s(22):
5. وايد أشياء استخدمتها و نسيت اطلعها او اكتبها

طبعــا هــذا علـى السـريع.. يعــني عـادي مـو بـروفيـشنال .. بيني و بينكـم ما أحـب أمكـيج روحــي بسـرعة أتمللللل :eh_s(4):


أحب أشتـغل علـى عيــووون زبــونـاتي أكــثر
أحــس بمـتعــة و أحـس قـاعدة أرسـم لووحة
بـفضل الله و بفضـلكم عشــقت هـذا الشغــل



هذا رابط الفيديو
http://www.youtube.com/watch?v=xdUpWXe-qnU&list=HL1337820384&feature=mh_lolz


سووولي لايك و سبسكرايب
و فووولو مي @Pupiipop

و أي سؤال أنا حاضرة :eh_s(21):

Sarah Nabil Make Up Artist

​

 

[اشراقة كل يوم]

فعلا الاضائة جدا سيئة ووقت التصوير لازم تاخذين بالج من اللي حولج
بالنسبه لعملك جدا رائع وللأمام

 

[Pupiipop]

مشكووورة حبيبتي وانشالله المرة الياية الاضاءة احسن من جذي
بس لاني ما احتاج الاضاءة حيل بالغرفة
ما اسوي شغلي بالبيت اروح حق اللي تطلبني ببيتها
​

 

[Mako Meni]

حبيبتي دام توج منزلته نصيحة مني لج مسحيه ..
و سوري مو قصدي الا النصيحة ..

 

[رانس]

ياعمممري الله يخلي لج ولدج ياحياتي يهبل ماشاء الله ومكياجج روووووووووووووووووعه ماشاء الله انزين اذا ابي اطلبج تسوين لي مكياج وتجيني للبيت شلون؟ وموووفقه يارب

 

[الكيكه دندن]

موفقه بس الولد اللي بيلعب خلاني انتبه حقه اهوا وقاعده اراقب منو بيطلع بعد ولما كان نايم بعد عالسرير

هههههه الله يخليه لج الى الامام
وننتظر فيديوهاتج اليديده .

 

[مرت العود]

وااااااو رووووعه رووووعه ماااشااءالله *:
تهبلييين فديتج *:

الشدو مع إن مو خفيف بس حيييييل مرتب والدمج راااااااااااااايق

ممكن اسم الحمره والقلوس ؟؟؟ أسعفينا فيه حده دمااار


ومشكوووووووووووووووووووره تسلم ايدج
الله يخليلج هالوليد الصغيرون يحلووه يحوس

 

[احتاجكـ]

السموحه منج بس ماعجبني حده اوفر ومو مرتب

 

[نعوووووومه]

اممممم الصراحه ماتوووفقتي بهالفيديو
والميك اب اوووووووووووووفر *

 

[رورو 88]

حبيبتي ماودي اضيق خلقج بس انا اقولج مسحيه لان عليه ملاحظات وايد ..

الاضاءه حيل ساطعه ومخربه كل شي + مكان التصوير ماينفع لانج ميكاب ارتست ولازم يطلع شغلج

بطريقه بروفيشنال عشان اسمج عالاقل لو مصوره بمكان صاد او غرفه ميكاب + اللوك وايد اوفر الشدو وصلتيه لي

حواجبج خصوصا ان اللون قوي واوفر بروحه من غير شي

انا حبيت اقولج هالملاحظات عشان اطورين من نفسج المرات اليايه ..

ومشكوره ..

 

[MakeupAholic]

اول شي يعطييج العافيه ..
ثاني شي شغلج حلوو .. طريقتج حلووه ..
صح الاضاءه مو مناسبه والمكااان مو مناسب بس
بالاخير كل واحد وحر باللي يسوويه
انا بالعكس اشجعج اذا حابه تستمرين بهالفكره واايد حلووه
بس يبيلج تعدلين بعض الاشياء
بس كشغل حلوو وشغلج
واسمالله عليج بوهتج حلووه وغمازتج احلى
والله يوفقج يااارب ​

 

[Pupiipop]

امبييييه!! مشكوووووورييييييييييييين كلكم على تعليقاتكم الحلوة
انشالله في لووكات قادمة تابعوووني
الياي افضل.. اتقبل كل ملاحظاتكم
​

 

[فواصل]

حبيبتي ماودي اضيق خلقج بس انا اقولج مسحيه لان عليه ملاحظات وايد ..

الاضاءه حيل ساطعه ومخربه كل شي + مكان التصوير ماينفع لانج ميكاب ارتست ولازم يطلع شغلج

بطريقه بروفيشنال عشان اسمج عالاقل لو مصوره بمكان صاد او غرفه ميكاب + اللوك وايد اوفر الشدو وصلتيه لي

حواجبج خصوصا ان اللون قوي واوفر بروحه من غير شي

انا حبيت اقولج هالملاحظات عشان اطورين من نفسج المرات اليايه ..

ومشكوره ..

:rerrerek:معاها

 

[Roty]

مع راي رورو

وايد اللوك اوفر

سامحيني بس هذا رايي

 

[brod.a3ssab]

اسم الحمرره و القلوس ؟

اذا ماعليج اممرر

 

[mrs.abk]

نفس ملاحظات البنات

الاضاءة من قوتها موب موضحة الألوان

 

[dana1985]

يعطيج العافيه بس صج الاضاءة.ظالمه الشغل والمكان مو.مناسب بس.ماعلي دام.اول مرة
اكيد.راح يكون في اخطاء وان شاء الله الفيديو.الياي بيكون.احلى وما في اي عيوب وموفقه حبيبتي

 

[BankerQ8]

اختي انتي كويتيه ؟!!! اذا كويتيه بصراحه قمت استغرب من الرياييل يخلون حريمهم ينزلون فيديوات باليوتيوب والعالم تشوفهم وقاعده بغرفة النوم بصراحه كلش موحلوة وبالنسبه للميك اب نوعا ما جيد بس لو يايبه لج وحده من العارضات وحاطه لها ميك اب وايد بيكون افضل سوري اتمنى تتقبلين كلامي مو قصدي أسيء لج ومشكورة

 

[Kooogaa]

السلام عليكم ...

بنات بليييز ساعدوني ابي وحده تسوي تسريحه ومكياج في البيت لان ظروفي ماتسمح لي اروح صالون وعرس اختي بعد يومين

عفيه اللي تعرف وحده شاطره حق ميك اب و تسريحه تعطيني رقمها حدي متوهقه:eh_s(11)::eh_s(11)::eh_s(11):​

 

[funrose]

مع راي رورو ما عجبني اللوك بس حبيت لون الحمرة ولو ان يمكن يطلع لونها بالصج غير لان الاضائة مو ذاك الزود بس موفقه حبيبتي وناطرين يديدج