حـــصـــريـــاً.. أول فـيديو لـي عـلى يوتيوب،، لوك سهـل و بسـيط

[صلوا ع الرسول]

بـفضل الله و بفضـلكم عشــقت هـذا الشغــل


​

بفضل الله ثم بفضلكم ))للتصحيح فقط
لان واو تفيد المشاركه
ثم تفيد الترتيبب

 

[om reem 86]

انا بعد اشجعج للمرات اليايه

 

[Lavita]

انا ماكملت الفيديو بصراحة وماشفت المكياج لكن حبيت اقولك

اول شيء رضا الله عشان تتوفقي في حياتك طالما ربي امرنا بالحجاب وتغطية الوجه اذاً اتحجبي واجب عليكي وانصحك تحذفي الفيديو مجرد نصيحة من اخت ..

 

[لجين العبرات]

بصراحه ..




كأول فيديو تنزلينه وايد حلو والمكياج همن حلووو بس اتمنى تتكلمين المره اليايه وتراعين مسألة الإضاءه وصدقيني بفتره قصيره راح تتطور فيديوهاتج .. وترا شكلج وايد حبوبه وعسل الله يحفظج يارب

ملاحظه : اتمنى تاخذين النقد البناء بعين الإعتبار والنقد الهدام تطلعينه من اذنج الثانيه وتقطينه ورا ظهرج
موفقه حبيبتي :eh_s(7):

 

[اسرار70]

مع انى ما احب اضايق احد بس نصيحه مسحيه
التصوير مو واضح والمكياج والشدو مو حلو احس مخربط
وغير ولدج الله يخليه لج يارب يشتت الواحد يطالعه وينسي المكياج
سورى
بس علشان مبين انج طيوبه حبيت اقولج رايي بصراحه

 

[Sparkle]

اولا يعطيج العافيه
المكياج حلو بالعكس لا اوفر ولا شي أنا لما اطلع أحط جذي كل واحد وراحته
ولون الحمرة خطير
بس الإضاءة للأسف مخربه على التصوير وايد
ثاني شي اقول للبنات يعني صاحبه الفيديو راضيه وكيفه وحاطته عن قناعه ومافيها شي يعني اهيه ماتطلع ويشوفونها الناس
واذا اهيه كويتيه او لا لو حبيتوا شخص رفعتوه السما واذا وحده تبي تبرز مواهبها نكدتوا عليها
يعطيج العافيه واستمري للإمام كافي انج راضيه بالشي ومقتنعه فيه

100%أتفق وياااج :rerrerek:

Good luck حبيبتي :* وان شاء الله اليايات أحلى وأحلى

 

[ايمانو حلوة]

موفقة يارب

 

[STILL G L A M ~]

بالعكس مافيه شي الفيديو حلو بس ضيطي الاضاءه المرا اليايه ..

حبيبتي كيب ات اب

بسس سؤال انتي كويتيه ؟؟

 

[نادر هواي]

حبيبتى .. دام حطيتى شغلج تحملى ارائ البنات

بغيت اسالج

1- شنو كحلج الابيض ؟
2- بشنو نحتى وجهج ؟
3- شنو ماركة حمرتج ؟

 

[مرت العود]

حبيبتي ما جاوبتي علي

شنو الحمره والقلوووس

عفيه لا تطنشيني ترى داشه عشان موضوعج عشان اقرى الرد

ومشكوووره ونبي لوكات بعد 

 

[ر-وح الجوري-]

ماشاء الله روعه ياقمر ربي يعطيك العافيه..
أبدعتي ربي يحفظلك ولدك..

 

[!witcha!]

قلتلج بتويتر انه الميك اب اينن وانتي كيوته :*
بس ملاحظة ..... الحين البنيه منزلة فيديو برضاها يعني كيفها مو حلوه تقوللها مسحيه و مايصير و شلون جذي !!! كيفهااا !!! هذا يزاها الحين تراويكم شغلها؟؟؟ لازم تخريب بالموضوع؟ :\
الله يوفقج سارونه

 

[Rock N Roll]

مو حلو كلش والناس اذواق

 

[UNICORNA]

ولا يهمك

اصلا دوم المرات الأولي يكون فيها غلطات

كثيره لين نتعلم

الحين بشرفه ويرجع تعطيكي رأيي

 

[UNICORNA]

حبيبتي ماودي اضيق خلقج بس انا اقولج مسحيه لان عليه ملاحظات وايد ..

الاضاءه حيل ساطعه ومخربه كل شي + مكان التصوير ماينفع لانج ميكاب ارتست ولازم يطلع شغلج

بطريقه بروفيشنال عشان اسمج عالاقل لو مصوره بمكان صاد او غرفه ميكاب + اللوك وايد اوفر الشدو وصلتيه لي

حواجبج خصوصا ان اللون قوي واوفر بروحه من غير شي

انا حبيت اقولج هالملاحظات عشان اطورين من نفسج المرات اليايه ..

ومشكوره ..

معاها

وأضيف لازم زوم علي المكان اللي قاعده تحطين فيه مكياج

يعني تسوين حواجبك سوي زووم عليها

تسوين عيونك هم سوي زوم وهكذا


ثاني شي للكتابه يجب ان تكون عربي عشان اللي ماتعرف انجليزي تقدر تستفيد من الدرس

ومشكوره وخلي هالتعليقات تكون شي مشجع وخذيها بطريقه ايجابيه:eh_s(17):

 

[_زينه_]

اينن

 

[أحترت أعبر]

خطوه جريئه ....وبما انه اول فيديو وانتي عارفه الاشياء اللي ما توفقتي فيها , فأتوقع المرات اليايه أشوف الفيديوات بطريقه اكثر احترافيه ووضوح ...
متابعه حبيبتي واكيد اهنيج على هالخطوه والى الامام

 

[أحترت أعبر]

توني قريت تعليقات البنات ....
ياليت نلتزم بالرد على جوهر الموضوع نفسه (طريقة عمل اللوك ) اي امور شخصيه مو مسموح لاي شخص انه يتدخل فيها ...
ما اظن ان البنت قاصر او جاهله بامورها الشخصيه او امور الدين ...
يعني الحين الاخت ام على الله يذكرها بالخير ويوفقها لما نزلت الفيديو الاول لها كان على موديل بس اهي طالعه فيها بشكل واضح وهي تشرح ببداية الفيديو ....والله وش حلاتكم واصلا فئه من البنات لا يستهان فيها شجعوها وانا منهم ...
خلكم بالموضوع وبس البنت اللي تنزل فيديو في اليوتيوب وتطلع جدامنا على الشاشه وش تفرق عني او عن اي وحده لما نحط مكياجنا ونطلع ...الحمدلله ازواجنا موجودين واهلنا يشوفونا ورب العالمين يشوفنا ...اللي تبي تنصح تروح تمسك كل وحده تصادفها بالشارع وتقول لها وين اهلج وين ريلج عنج والا النصح ما ينزل علينا الا هني من ورا شاشه وكيبورد ؟؟؟؟؟؟
دعوا الخلق للخالق

 

[ana moo ana]

نااااااااااايس مووووفقه ,,

 

[Vitch]

توني قريت تعليقات البنات ....
ياليت نلتزم بالرد على جوهر الموضوع نفسه (طريقة عمل اللوك ) اي امور شخصيه مو مسموح لاي شخص انه يتدخل فيها ...
ما اظن ان البنت قاصر او جاهله بامورها الشخصيه او امور الدين ...
يعني الحين الاخت ام على الله يذكرها بالخير ويوفقها لما نزلت الفيديو الاول لها كان على موديل بس اهي طالعه فيها بشكل واضح وهي تشرح ببداية الفيديو ....والله وش حلاتكم واصلا فئه من البنات لا يستهان فيها شجعوها وانا منهم ...
خلكم بالموضوع وبس البنت اللي تنزل فيديو في اليوتيوب وتطلع جدامنا على الشاشه وش تفرق عني او عن اي وحده لما نحط مكياجنا ونطلع ...الحمدلله ازواجنا موجودين واهلنا يشوفونا ورب العالمين يشوفنا ...اللي تبي تنصح تروح تمسك كل وحده تصادفها بالشارع وتقول لها وين اهلج وين ريلج عنج والا النصح ما ينزل علينا الا هني من ورا شاشه وكيبورد ؟؟؟؟؟؟
دعوا الخلق للخالق

:eh_s(15):