مسـاء الشعور اللي ضوى و اعتراني
و الاّ الغيـــاب و لهفتي لا وصلتك
:stars:
و الاّ الوله .. و الاّ الشعر .. و الأغاني
و الاّ الحنين .. وضيقتي .. لا ذكـرتك
:stars:
في مسـرح .. عيونك تضج الأمـاني
تعبت أنادي و يصفع الصـوت صمتك
:stars:
أفز و ارجــع .. و أتحسس مكـاني
و ألقــاك حلم .. في عيوني رسمتك
:stars:
جيتك سحــابة شعر تلـهم بنــاني
جيت و على خد الصحــايف مطرتك
:stars:
أزرع حــروفي في ريـاضك معاني
بيني .. و بينك .. تنتشـي لا عـرفتك
:stars:
جيتـك و هذا الشـوق .. راسم حناني
لوحة مشـاعر.. في ضـلوعي نقشتك
:stars:
تعـ،،،ـال و اسمع وش تقول الثواني
يا مـا انتظرتك .. و انتظرتك وشفتك
:stars:
واقف و أنا اسـأل حظي اللي عصاني
وشـلون تضوي دنيتي لا فقـدتك ؟ ؟
:stars:
إرجـع و رجّع فـرحي اللي نسـاني
شف كمّ يـا ليـت ..بمفـرداتي كتبتك
:stars:
سؤال ثــاير .. تحت صمت المحاني
بالله .. قل لـي حبيـبي .. وحشتك ؟؟
:stars:
تضيـق بغيـابك .. صدور المـواني
يا مـا على مرسى الليـالي .. سهرتك
:stars:
جيتك .. و بأيـدي ورد يـا ما بكـاني
و دايم يـواسي .. دمعـتي لا ذكـرتك
:stars:
بحـر الرجـاوي فـوق شطّك رمـاني
مـدّ الكـفوف ..وصـب فيني عشقتك
:stars:
خـذني حنين و لـهفة إنسـان عـاني
خـذني زمن يرقـد على حجـر وقتك
:stars:
خذنـي ترى يا مـا غرامـك خـذاني
و يا مـا على جذع انتظـاري حفرتك
:stars:
جيتك و مـا ادري كنّي إنسـان ثـاني
طـال الفـراق و كـن تـوّي عرفتك
:stars:
جيتك و أنـا ما جيت .. واقف مكـاني
طيـفك حضنّي و احسـب أني وصلتك
