حفظ وختم القران

[بطة الزلبطة]

يا مرحبا بالامهات الكويتيات ...........


حبايبي انا عندي بنتي عمرها 5 سنين وناوية ان شالله احفظها القران واذا الله قدرني ان شالله ان شالله اخليها تختمه .......يطرون علي يهال قبل يا زينهم ماشالله صغار ويحفظون القلران كله وهذا على ايد المطوع والمطوعة ... واحنا الحين بزمننا اللي وايد احسن من زمنهم للاسف صاير هالشي مومن اهتمامنا :flower:المهم عندنا ندخل مدارس انجليزية واذا عيالنا تكلموا انجليزي واااااااااااااااااااو جنة شي عجيب ماصار ولا استوى

انا الحين بسال اللي عندهم فكرة شسوي اييب لها احد يحفظها بالبيت والا شلون واذا في اماكن تحفظ ياخذون من عملرها والا وايد صغيرة ... انا قايلة اذا الله سهل ببلش معاها من عقب رمضان وتهقون اذا الله كتب لها وبتحفظ القران خلال شكثر سنة والا سنتين والا اكثلا والا اقل؟؟؟؟؟؟؟؟؟؟؟

 

[fashionistaq8tya]

رد : حفظ وختم القران

اختي مدخله بناتها في المساجد اللي تسوي حلقات تحفيظ للقرآن من سن 4 سنوات
وكل منطقه فيها مساجد تعطي دورات للقرأن وب5 دنانير بس للشهر
دقي على الاحياء التراث الاسلامي اللي في منطفتج وراح يقولولج وين المساجد
وأتمنى أكون فدتج

 

[ام الدرر]

في محفظات قرآن ييون البيت
انتي شوفي اللي يريحج
وعسى الله يتمم عليها ويبلغج فيها حافظة القرآن وخاتمته

 

[om deaj]

رد: رد : حفظ وختم القران

اختي مدخله بناتها في المساجد اللي تسوي حلقات تحفيظ للقرآن من سن 4 سنوات
وكل منطقه فيها مساجد تعطي دورات للقرأن وب5 دنانير بس للشهر
دقي على الاحياء التراث الاسلامي اللي في منطفتج وراح يقولولج وين المساجد
وأتمنى أكون فدتج

على ايدج وينهم في؟؟

اليوم طحت على مركز تحفيظ ياخذون بالشهر 25 دينار
وسألت حق ولدي عمره 4 سنوات يستقبلون
يصيرون بالعدان قطعة 6 على الشارع الي بين العدان والقطع الموزعة يديد وجتج متجهة لطريق الغوص
بس احصل رقمهم ابلغج

للعلم المدرسين مصرين

 

[**(فـيـلا دانـتـيـل)**]

الله يبلغج فيها

حاولي انتي تحفظينها
بلشي معاها من أخر جزء
اقصد الآيات الصغيره

والله يعطيج على قد نيتج

 

[الكيكة الأمورة]

اهم شي اذا ملت اغريها خليها تستمر وجزاج الجنة
شوفي ماشاء الله مطلعين اليهال مادري باي ديرة كازاخستان بالتلفزيون اعمارهم على 4 و5 حافظين القرآن
وعفية قولي شنو صار معاج
انا دخلت عيالي مركز درر تابع لجنة احياء التراث حفظوهم جم سورة وعلموهم ادعية
وبدخلهم المسجد حلقة دائمة لتحفيظ القرآن طول السنة بس ياربي تهديهم مايطفروني ويرفضون يروحون يسوولي مناااحة

 

[الكيكة الأمورة]

توني اشوف توقيعج
أسأل الله العظيم رب العرش العظيم انه يشافي بنوتج انه ولي ذلك والقادر عليه

 

[كويتيه وافتخر]

رد : حفظ وختم القران

حتى انا ابي لولدي يارب بادخله بعد رمضان المسجد وربج كريم

 

[رنين]

رد : حفظ وختم القران

اذا تعرفون شيخ يجي للبيت مأمون و ثقه و مجربينه طرشولي رقمه و الله يوفقكم.....