حفلة التخرج سااعدونا افكاركم

[الشهدوالدموع]

ساعدوني بنات حفلة التخرج ماادري شسوي مليييييييييييييييييييييييييييييييييييييييييييييييييييييييييييت ..كنت بسوي قطورة غيرت لان كنا صفين وصرنا صف واحد...وانا اللي ابتلشت وخذوا احلى الفقرات.....الوطني والترحيبي...وانا كل سنة اسوي تعليمي خلصوا الاغاني ملييت الللي عندها فكرة حلوة اغنية يديدة تسااعدني واللله يسهل امر اللي تسهل علي

 

[عهود الحب]

هلا الشهد والدموع

التخرج ممكن يكون منوع موبس ترحيبي ووطني
والوطني ممكن يكون اكثر من اغنية

في اغاني تكون جديدة ومافيها كلام خادش او حب وتقدرين تستغلينها

وفي اغاني شعبية ممكن تنعرض
ووممكن تسوين فقرة رياضية
ممكن تسوين اغنية كأنه مدرسة اجنبيه
يعني اغنية انجليزية
وممكن فقرة اسبانية باللبس والرقصة
ووممكن كاوبويات < غريبة بس حلووووة
وممكن تسوين فقرة جيش وعساكر وعرض عسكري



ممكن فقرة عرس وطقطقة خاصة اذا كانوا الاهالي بدو بيشيلون الصالة لج لواليش
ووممكن عرس قديم رجال وحريم مع التدريب والديكور واللبس يطلع شي والزفة عرض حي

ممكن رقصة شعبية عرضة للرجال { الصبيان فديتهم } والبنات صف بدو


ممكن فقرة العاب شعبية قديمة



انتي وخيالج
لاتظنين التخرج وطني وترحيبي بس


ووممكن فقرة تمثيلية بسيطة مع اغاني وطقطقة
بس المهم الحوار والهدف

ممكن تقليد لشغلة معينة او مسسلسل معين او اوبريت معين
مثال اوبريت بساط الفقر تومتاري سبيكووووووووووو < شالطاري ههههههههههههههه

ممكن تسوين فقرة كوميدية تقليد لبرنامج معين

ممكن عرض ازياء مع الرقصة وتختمينها بالزي الوطني ورقصته



شتبين بعد افكار ؟

 

[الشهدوالدموع]

يااابعد جبدي ياااااااااااااااااعهود والله انج حبييبهههه وعلى قلبي ....مو المشكله ماافي اغاني حلو ..والفقرة التعليميه العام سويتها درسس انجليزي وبعدين اغنيه....انا ابي اغاني حلوة وماتخدش الحيا....ويييييييييييييييييييييييييييييييييين؟؟؟والله تعبت ونااظرتنا ماتاايعجبها العجب والأسبااني شنو ممكن في اغاني حلوة؟؟؟؟؟؟؟؟؟؟؟؟؟؟؟

 

[عهود الحب]

الاسباني رقصة اسبانية عرفتي
انا لو عندج غنيت لج اللحن بس شلون اغنيه ههههههههههه

عندي لججججج حل خطير

شوفي باجر روحي لمحلات التسجيلات وخل يسمعونج اغاني جديدة حلوة مافيها كلام خادش
ترى راح تتعبين الين تلاقين اغنية سنعة

بس بالاخر بترتاحين


وعندي لج حل تقدرين تاخذين اللحن وتغيرين الكلمات للكلام الي تبينه اذا ابلة الموسيقى متعاونة وشاطرة
تقدرين تستعين بمساعدتها


انا احب ميامي
شوفي لهم شي جديد ؟ شكله في شريط نزل قبل فترة
وترى لهم اغاني خاصة لحفلات خاصة
تلاقينها بموقع السالمية



والاحسن تفترين عالمطربين بموقع السالمية او المواقع
والي يعجبج اغنيته
سمعيها القوى العظمي ااذا عجبتهم
اشتريها لصفج وسلامتج

 

[عبق الورد]

ما قصرت عهود الله يعطيها العافيه
بس يا قلبي احسج متشتته .. اختاري فقره بالاول وصدقيني بتلقين كل شيء
احنا العام سوينا عرس كويتي معرس وعروسه وسوينا دخلت عروس كان صر احه جووو حلوو والكل استانس
موفقه ياااارب

 

[عهود الحب]

ترى الفقرة الاجنبيه حلوة
رقصة لاحدى الدول
في ناس يسوون رقصة هندية والاغاني الهندية تهبل
خصوصا مع نجاح فيلم سلامدونج مليونير
يمدحون اغنيته
واللبس سسسسسسسسسهل الله يسلم التراث الهندي شي بسيط وسهل ورخيص ومتوفر بكميات




الاسباني لبسهم الوان اختاري متناسق وحددي خياط وجيبيه للامهات وخل يقايسون ويدفعون له مع الخصم للكل بما انه جماعي
والصبيان بنطلون جينز اسود وقميص ابيض وكرفته الي تصير وردة
والاغاني الاسبانية على قفى من يشيل تلاقين شحلااااااتهم يجننون
ووممكن تاخذين بس موسيقى بدون كلمات عشان تتجنبين الشبهه وانه خادش للحياء < شدعوة فاهمين
ولو انكم فري فري اخذي من اغاني شكيرا ههههههههههههههههههههه

اغانيها ترقص الجن الازرق

ممكن رقصة مصرية بس عاد موتصدقون روحكم وهات يا هز يا وز

والاغاني المصرية حلوة وشكثرهم مولازم شي جديد التراث احلى واحلى



الامارات اغانيهم تهبل وكلها كلام سنع ومدح ولبسهم بسيط وسهل الكندورة الاماراتية بمحلات الدشاديش متوفرة
والغترة لفيها وربطيها
والبنات ذهبان وقلايد فالصو ودراعتهم الاماراتية

 

[عهود الحب]

تسلمين عبق
فعلا حددي فقرتج شنو تبين وعقب تبلشين شغل وانتي مرتاحة
بس هم لاتستعجلين

 

[الشهدوالدموع]

يعطيييكم العااافية بنااات ولا استحيييت منكم والله ماااتقصرووووووووووووووووووووووووون صج انكم ذوق على ذوق:eh_s(22)::nbvppw:

 

[الشهدوالدموع]

الحين الناظره قالت سوي تركي انا استااانست بس تدرون شنو قالت؟؟ابيب اغنيه تربويه
هههههههههههههههههههه ..قتله عاد انا مااعرف تركي علشان اترجم.......لوووووووووووووول....يبونه كل شي نصير ..ثانيا الرقص التركي شلون صاير اعتقد لبناني على مصري...........هي من قالها احنا رقاصات....يحليلهم الناااظراات اي شي يبون نصير.....مارد مو ابلة...............لووووووووووووول ياليت تساعدوني باغنيه تركيه تربوية......................لوووووووووووووووووووووول اسفه طولت عليكم:dddds:

 

[دانيه]

بنات ابي اغنية وطنية حلوة ويديدة حق التخرج...بليييييييييييييييييييييييييييييز طالبتكم
فقرتي وطنية

 

[عهود الحب]

دانية روحي لمحلات التسجيلات متروووووووووس عندهم الاغاني الوطنية تهبل وتجنن
وعندج اغنية يا كويت زين على زين مالت شركة زين حلوة وطويلة تحصلينها ببعض المواقع


الشهد و الدموع حبيبتي التركي وتربوي مادري شلون يبيلنا مهند يترجم لنا هههههههههههههههه
امممممم الاغاني التركية تهبل فعلا بس صعب تلاقينها بكل مكان
يبيلج تدورين لمطرب مشهور
مثال تركان

خشتن زينة وصوتن يجيب العافية :dddds:

 

[الشهدوالدموع]

لوووووووووووووووووول عاد انا متروس عندي التركي.....بس ماااتوقع انه في تركي تربوي.....بعدين شعرفني ارقص تركي....شكلي بسوي اسبااني لبسهم حلو والأهالي يستاانسون عليه ابي اغنيه أسبااانيه تشجع على الرقص وشكرااااااااااااااااااااحبييبتي عهووووووووووووووووود الشقردية:dddds:

 

[الشهدوالدموع]

دانية سوي غنية شوف شوف تينن سوينها بالعيد الوطني وبعدين دخل عيها ياللي تحب الكويت بس صوت الأطفال مقطع بسيط حيل تخدل عليه اغنية منهو مثل الكويت من ابريت صباح الوطن عجيب وسويه مثل الابريت

 

[عقيله]

اغنية سنيوريتا مالت ميامي

 

[عهود الحب]

رابط لاغاني اسبانية
http://www.6rb.com/music/Singers-20/

 

[عهود الحب]

http://www.6rb.com/music/Singers-21/index.html
هذي اغاني تركية


شوفي اللبس التركي بسيط وحلو الحريم مثل ريفيات الدول الاوربية ويشابه لبسهم اللبس اللبناني

الرياجيل مثل لبس اللبنانيين


الاسباني معروف

 

[الشهدوالدموع]

مشكورة عقيلة ومشكورة عهود حبيييبتي توني داااااشة الموقع مالي خلق ادور قااعده تطلعلي اشياء مليقة..والله تبون الصج.......مليتاصلا مو داش بالي ولا شي

 

[علويا الحلوة]

حبيبتي الشهد و الدموع شنوو كانت فقرتج مالت العام الإنجليزية لأني امفكره اني اسوي انجليزي بس مو امحصله اغاني و فقرات حلوة يالييييييييييييييييييييييييييييييييييييييييييييت اتساعديني عشان افتك من اللوية
حدي تعبت من الفرارة بمحلات التسجيلات ما عندهم شي حق اليهاااال انجليييزي

 

[دانيه]

الشهد والدموع سوري ترى ما فهمتج...((دانية سوي غنية شوف شوف تينن سوينها بالعيد الوطني وبعدين دخل عيها ياللي تحب الكويت بس صوت الأطفال مقطع بسيط حيل تخدل عليه اغنية منهو مثل الكويت من ابريت صباح الوطن عجيب وسويه مثل الابريت))
ممكن توضحيلي؟
بنات انا مالي خلق افتر على محلات التسجيلات بس عطوني اسم الاغنية والمطرب وانا ادورها بالنت بس ابيها حلوة ويديدة...

 

[راقية باخلاقي]

سوى فقرة دينية تهبل اناشيد العفاسي جنها اوبريت وتسجيلها وااااااااااااااااااااضح