رد : حقائق لم تكتشف يا جماعه هذي روايتي الاولى ان شاء الله اقروها و عطوني رايكم يهمني
*****الفصل الثالث*****
حسن : يلا ماكو مباراة بعدين بتقصون على امكم أي علي انا لا لان ماكو مباراة هالحزه
عزوز و عقول : اووخ نسينا الوالد يعرف حق هالسوالف
حسن : ليش انا طايح من عيونكم
زينب : خخخخخخخ عمي محشوم بس اهما يبون يقعدون زياده
عزيز و عقيل : أي نبي نقعد زياده
امينه : ماكو و يلا الكل على فراشه
الكل راح على فراشه و امينه خذت غدير على شان تنيمها
** غرفه الاء **
الاء : ها زنوب وين الاغراض
زينب : كاهم شوفيهم مثل ما طلبتي ولا لا
الاء : أي مثل ما طلبتها مشكووره عاد جم طلع الحساب
زينب : 10 دنانير من كثر الاغراض و الكيكه بـ 12 الحجم الكبير و عطيتهم صوره امج حق باجر
الاء : ايواا زين باجر امي بتروح عند خالتي و انا و انتي نزينه
زينب : أي عاد قلت لهم اييبونها الساعه 9 زين
الاء : زين وايد قبل لا تيي امي
زنوب : يلا الحين خل ننام احسن لنا لا ايي عمي و يلعوز دينا كافي التخرع الي بيصير باجر خخخخخ
الاء : أي والله كل يكفخ الباب على شان نقوم
نامو الاء و زينب الحين بغرفه ** عزيز **
عزيز : الو حكوم
حكيم : هلا بو العز
عزيز : مو تنسى الي الاء وصتنا عليه باجر نروح نشتري بعد المدرسه
حكيم : شنو نسيت
عزيز : يا حمار مو الاء قالت لنا نييب طيور الحب على شان نطيرهم اول ما تدش امي
حكيم : أي صح خلاص باجر الساعه 3 العصر
عزيز : اوكي باي
حكيم : باي
عزيز : امممم و بشتري لها هديه باجر ساعه و عطر
و اهو يفكر عزوز شنو راح يصير باجر نام
** غرفه امينه و حسن **
امينه : اليوم تاريخ جم
حسن : 28 – 5
امينه : اهااا عسى عيالك عاد ما يسوون مثل السنين الي طافت لعوزو البيت فوق تحت
حسن : لا يا امينه عيالج كبروا مو يهال الحين
امينه : أي والله صدقت منو يصدق من جم سنه كانوا مو موجودين بعدين يت الاء بعدها عزوز و عقيل و غدير
حسن : اهم الي راح يساعدونا لي احتجنا لهم خلاص الصبيان صاروا رياييل
امينه : ايييه الله يطول بعمرنا و نشوف عيالهم و عيال عيالهم
حسن : اميين يلا الحين نامي باجر وراج قعده من الصبح
امينه : يلا بس اطل على غدير
راحت امينه و طلت على غدير شافتها نايمه بغرفتها و راحت امينه نامت
29-5-2011 الصبح الساعه 6
حسن : يلا يا عيااال قوموا مدرسه
و راح طق دار عزيز لان داره اقرب من دار الباجي
حسن : عزوز يلا قوم مدرسه
عزوز : اوووه يبا بعدين مالي خلق اروح المدرسه
حسن : شقلنا امس يلا قووم
عزيز : انزين انزين قمت قمت اوووف
وطلع حسن من الغرفه راح غرفه عقيل
حسن : يلا عقـ ,,, اشوفك قاعد
عقيل : شسوي شبعان نوم
حسن : غريبه كل مره تشلع قلبي على ما تقوم
عقيل : ماكو امس اول ما دشيت الدار نمت بسرعه
حسن : امممم يلا عيل انزل تريق بسرعه
عقيل : انزين
و طلع حسن مع عقيل من الغرفه و حسن راح عند البنات
طق الباب : يلا الاء زييينب يلا قومو مدرسه و جامعه يلااا
الاء : يبا احنا خالصين بس ثواني على ما نلبس الجواتي و ننزل
حسن : انزين يلا بسرعه انتو 10 سنين على ما تتريقون
نزل حسن و بعده بـ 10 دقايق نزلت الاء و بعدها بثواني زينب
امينه : حسن يلا تأخرتوا
حسن : أي يلا قومو
الكل قام
حسن : زنوب متى تخلصين ؟
زينب : عمي انا مطوله عندي محاضرات لي 3
حسن : اوكي عيل انا رايح
زينب : و انا الحين بحرك
الكل راح لدوامه ومدرسته
امينه : غدير حبيبي كاني مني
غدير : ماما آآآم
امينه : يلا الحين آآم يلا تعالي
راحت امينه غرفه الطعام على شان توكل غدير
الساعه 12 الظهر
ترن ترن ترن ترن <<< صوت التلفون
امينه : الوو
: السلام عليكم
امينه : و عليكم السلام
: ها متى تبيني امرج
امينه : الساعه 2:30 بعد ما نتغدا
: أي زين لان على ما يرد حسين من المدرسه و يتغدا
امينه : أي زين يلا انا بشوف غدير تامرين على شي
: لا سلامتج
امينه : با,,, الا اقولج اعتدال
((( اعتدال اخت امينه الكبيره )))
اعتدال : هلا امينه
امينه : مو تنسين ترى اليوم بنروح ناخذ العبي على طريجنا اليوم يخلصون
اعتدال : أي صح زين ذكرتيني نسيتهم مره وحده
امينه : أي عيل الحين تامرين على شي
اعتدال : لا سلامتج يلا باي
امينه : باي
الساعه 2:00
الاء و عقيل و عزيز و حسن : السلام
امينه : وعليكم السلام ,, نووور نووور يلا حطي الغدا
نور : ان شاء الله مادام
امينه : يلا بدلو ملابسكم و تعالوا تغدوا
الكل على الغدا
ترن ترن ترن
امينه : عزيز رد على التلفون اكيد خالتك على ما اغسل ايدي
عزيز : اوكي ,, الووو
اعتدال : هلا عزيز وين امك
عزيز : امي تغسل ايدها
اعتدال : انزين قول لها تلبس انا الحين يايه
عزيز : اوكي
اعتدال : مع السلامه
عزيز : مع السلامه ,,, يمااا يمااا
امينه : هلا عزيز شنو قالت خالتك
عزيز : تقولج لبسي الحين يايه
امينه : اوكي الحين رايحه البس و قول حق اختك تلبس غدير
عزيز : انزين ,,, الااااء الووووووووء
الاء من فوق : شتبي
عزيز : امي تقول لبسي غدير
الاء : ادري شفتها و قالت لي و انا الحين بلسها تبي شي
عزيز : لا ذلفي
الاء : اذلف انت حمار جلب
و راحت الاء لبست غدور و نطرت امها تروح على شان تنزل الاغراض و تعدل البيت
عقب ما راحت امينه الاء نزلت
الاء : عزيييييز عقييييل
عزيز : هااا
الاء : ويعااا يلا قوم نحط الزينه
عزيز : جب انا بروح الحين مع حكيم نشتري الطيور الي تبينهم
الاء : انزين خلاص عيل اذلف و اكيد عقيل ما راح يسوي وياي
عزيز : اكييد وحده لالا ما تنفع قولي اكيدين 3 ممكن
الاء : انزين بسرعه لا تتأخرون على شان نجهز الطريقه
عزيز : انزين يلا كاهو حكيم برا باي
الاء : بايات
الاء قعدت ترتب الزينه و بعد نص ساعه يت زينب و قعدت ترتب وياها و عزيز و حكيم و عقيل يو كل واحد مع هديته الي بيعطيها امه على شان يرتبون
حكيم: ها عزوز شرايك بتنسيق البنات موحلو صح
عزيز : أي والله مو حلو مثل ويههم
الاء و اهيا معصبه : مالكم شغل اهم شي عاجبنا انا و زينب
زينب : لولو مالج شغل مهم اهم كل جذي
الاء : أي والله من متى قالو رايهم عدل
حكيم : العدل ولا الكهربا و الماي
عزيز : لا التربيه كااااااااك
الاء و زينب : ملاااقه
عزيز : ملاقه ولا حلاقه هااهاهاهاهاااا
حكيم : لا لا مو حلاقه تفاله
الاء : ويعا انت وياه بسكم ملاقه
زينب : احنا ليش خليناهم موجودين ما ندري انهم يغثون
عقيل : لانهم تيوووس انتو ما تدرون
حكيم : تيووس ولا ونزدي
عزيز : لاساندي
الاء : ويييع وييييع ملاقه
زينب : حداا سقاله
الاء : ويييييه نسيت ما يبت الاستيريو تعالي وياي لا يذبحونج من الملاقه
صعدوا الاء و زينب الغرفه ولا يسمعون تلفون الاء يرن (( اشمعنا انت اشمعنا انت ماخذني من هالعالم و كل الناس قلبي تعلق فيك انت صدقني والله العالم احبك باحساس من اول ماشافتك عيني حسيت قلبي يبيك عقلي سرح في خياله تمنيت ايدي باديك اشمعنا انت اشمعنا انت اشمعنا انت اشمعنا انت ))
زينب : مو جنه رنه الي حاطتها حق ...
الاء : أي والله و ركضت على شان ترد على التلفون
الاء : اوووووف تصكر ما لحقت عليه و طلت على الفون ولا تشوف 10 مكالمات منه ,, زنووب زنووب كان داق 10 مرات اكيد الحين بزفني
زينب : لا ما اتوقع يزفج مو انتي كل تسوين جذي يهالهبله
الاء طلعت لسانها : أي والله انا كل جذي خل ادق عليه
توها الاء تبي تدق عليه ولا يرن الفون
الاء ردت بسرعه : الوو هلا حبيبي
: هلا تو الناس جان ما رديتي
الاء : احمد حبيبي يعني انت ما تدري ان مرات انسى الفون فوق و انزل تحت
احمد : لا مو ناسي بس انا الحين بالفرع و ياي هديه امج الي وصيتيني عليها
الاء : خلاص انا بعد 10 دقايق عندك
احمد : اوكي
الاء : باي حبيبي
احمد : بايات
الاء : يلا زنوب انتي عليج الحين المهمه ان بنروح ناخذ هديه امي و خل ننزل الاستيريو مره وحده
زينب : اوكي بس يلا لبسي انتي يومج بسنه
الاء : بلبس بس عبايه و كلها فرع خخخخخ
زينب : كلها فرع هاا
الاء و اهيا مستحيه : زنوووب خلاص عاد
زينب : ههههههههه اوكي
الاء : يلا امشي انا خلصت
نزلت الاء و حطت الاستيريو وجهزت الاغنيه الي تبيها و راحت الفرع
زينب : يلا نزلي
الاء : اممم اوكي اوكي
نزلت الاء و راحت عند احمد بالسياره بطلت الباب
الاء : السلام
احمد : و عليكم السلام
الاء : ها حبيبي شلونك
احمد : تمام حبي انتي شلونج
الاء : انا تمام
احمد : يلا حبيبي مو وقته تتمقلين فيني يلا روحي و هذي الهدية
الاء و اهيا مستحيه : ان شاء الله
احمد : الاء
الاء هلا حبيبي
احمد : احبج
الاء و قلبها يرقع من الونا سه : اموت فيك
و طلعت بسرعه من كثر ما اهيا مستحيه
ردت البيت اهيا و زينب بدلت الاء بسرعه على شان امها على وصول و نزلت
الاء : عزيز حكيم واحد على يمين الباب و الثاني على يساره
عزيز و حكيم : اوكي
الاء : عقيل روح قول حق نور تطلع الكيكه من الثلاجه
عقيل : اوووف اوكي
الاء : زينب الاستيريو جاهز
زينب : أي جاهز
الاء دقت على ابويها : الو بابا وينك
حسن : كاني عند الباب
الاء : اوكي باي ,, عزيز حكيم مو تطيرونهم الحين ترى هذا ابوي
عزيز و حكيم : اوكي
دش حسن البيت و قعد بمكانه و الاء خفضت الاضاءه و زينب حطت س يدي كلاسك
امينه دشت البيت اهيا مع غدير و تفاجأت بالطيور الي طاروا و فجأه سمعت صوت اغنيه هابي بيرث دي تو يو
انصدمت امينه الي الي مسوينه اليهال : شنو هذا الي مسوينه
اليهال : مو مسوين شي
و قعدو يغنون هابي بيرث دي تو يو شه شه هابي بيرث دي تويو شه شه شه هابي بيرث دي هابي بيرث دي هابي بيرث دي تو يو شه شه شه هيييييييييييه
الكل : كل عام وانتي بخير
الاء : نووووووور
دشت نور مع الكيكه م شابين شموعها و قطعت امينه الكيكه و كلو و استانسو
شفتو شلون العايله سعيده تعالو نشوفها بعد سنه
و اهيا تركض بالممرات تدور رقم الغرفه الي فيها امها و ميته بجي : يمااااا يمااااا الله يخليج لا تروحين
الكل يطالعها لان شكلها يكسر الخاطر
دشت الغرفه بسرعه : يماا يما قوليلهم انها جذبه يمااايماااا يبا قولي انها بس جذي يبا عفيه قولي انها بس جذي
حسن : بس يا حياتي لا تبجين بس امج بخير
الاء : يبا شلون بخير و انت قايل لي انها بين الحيا و الموت
حسن : يا حبـ
الدكتور : انت زوج السده امينه
حسن : أي انا اشفيها يا دكتور
الدكتور : انت انسان مؤمن بقضاء رب العالمين و ان الموت علينا حق مراتك عطتك عمرها
الاء : لااااااا لاااااا يبا قوله ان اهوا جذاب قوله ان امي مافيها شي عفيه قوله
حسن : انا لله و انا اليه لا راجعون
الاء ميته بجي : ييـ با عفــ ييـ ه قولي انها لعبه بي بي بينكم
حسن : تعالي يا حبيبتي تعالي
الاء : يبا امي راحت خلااص ما راح اشوفها
حسن : راح تشوفينها بالجنه ان شاء الله
الاء : يبا راح اشتاق لها وايد و طاحت من طولها
حسن : دكتووور دكتوووور
الدكتور : هلا بدك شي
حسن : دكتور بنتي بنتي لا تقولي انها بتروح ورى امها
الدكتور : لا ان شاء الله مافيهاش أي حاقه اطمن فيها انهيار عصبي
بيت اهل امينه الكل نايم بهدووء
ترن ترن ترن ترن
: منو الي داق هالحزه الله يستر الحين الساعه 2 الفير
حسن و صوته مقموت : السلام
: و عليكم السلام
حسن : عمي
ابو امينه : هلا عمي في شي فيكم شي
حسن : البقى براسك يا عمي
ابو امينه ما استوعب الكلام قط السماعه
ام امينه : الو هلا حسن شفيكم
حسن : عمتي البقى براسج
ام امينه بدت تبجي : ليش منو الي مات
حسن و قلبه يتقطع : عمتي ........
ام امينه : قول يا حسن قوول منو الي مات
حسن : عمتي انا بالطريج الحين
ام امينه : انزين مع السلامه ,, بو علي قوم ننزل نشوف شسالفه انا قلبي ناغزني من الساعه 12
بو علي : يلا امشي
نزلو من الاصنصير طروا حسن بالحوش اول ما وصل حسن البيت سيده فجو الباب حقه
ام علي : منو الي مات تكلم يا حسن تكلم
حسن و دموعه صارت تنزل على خده : امينه يا عمتي امينه توفت البقى براسج
ام علي بدت تنوح و تبجي باعلى صوتها الكل قام على بجيها و نزلو الحوش
شافوا مهم تبجي سألوا بوهم : يبا شفيكم
بو علي : اختكم امينه
الكل : شفيها
بو علي : عطتكم عمرها و قعد يبجي
الكل انصدم و دقو على باجي اخوانهم على شان اييون
حسن : عمي
بو علي : هلا
حسن : انا بروح عند الاء فيها انهيار عصبي بالمستشفى اهيا الحين
ام علي : بروح وياك بشوف بنتي اخر مره
حسن : اوكي انا انطرج بالسياره
ام علي : يلا الحين يايه
ركبت السياره و راحو على المستشفى
و ان شاء الله ينال اعجابكم
