حقائق لم تكتشف يا جماعه هذي روايتي الاولى ان شاء الله اقروها و عطوني رايكم يهمني وايد

[حقائق لم تكتشف]

رد : حقائق لم تكتشف يا جماعه هذي روايتي الاولى ان شاء الله اقروها و عطوني رايكم يهمني

ان شاء الله بعد شوي احط البارت الـ 14

 

[حقائق لم تكتشف]

رد : حقائق لم تكتشف يا جماعه هذي روايتي الاولى ان شاء الله اقروها و عطوني رايكم يهمني

الفصل الرابع عشر
الاء : أي شفت
زينب : يلا مسحي دموعج مليت وانا اشوف دموعج
الاء ابتسمت : ان شاء الله ومسحت دموعها
زينب : يلا قولي لي شنو راح نسوي مع احمد
الاء : ما ادري
زينب : اكيد الحين عرف دقي عليه يمكن يرد
الاء بعد تفكير : امممممم اوكي
خذت تلفونها ودقت على احمد
زينب : ها رد
الاء : لا للحين ما رد
زينب : والله ان يبط الجبد هالصبي صج ياهل
الاء : لو سمحتي مو يعني عمرج 21 ومزوجه و حامل يعني الحين احنا صرنا يهال
زينب : هههه كيفي
الاء : والله اني اتذكرج تقولين جذي من سنين كل تقولين ياهل
زينب : و انا الصاجه تصرفاته جنه تصرفات ياهل
الاء : هههه الحمد الله و الشكر
نروح عند حسن (( ابو الاء ))
اميره : و ليش اهيا رافضته
حسن : انا اعرف بنتي اذا الشخص ما عجبها تقول رايها بصراحه ان ما تبي
جميله : بس هذا ما يمنع انها تقعد شوي و تأجل سفرها على شان تعرف الصبي عدل
حسن : النيه ما تبي مو غصب بعدين انتو تعرفون ان الزواج قسمه و نصيب و ان الزواج مو شهر و تتطلق
ام حسن : أي والله اهيا مو متقبله الصبي يمكن ما تتقبله بعد الزواج و تصير مشاكل بينهم و تتطلق على اتفه الاسباب خلوها جذي احسن
ام امينه : أي انا اقول نخليها على راحتها يمكن اهيا ما تبي تتزوج الحين
اعتدال : أي كاهي بنتي يو لها خطاب اشكثر و رفضتهم لان ماكانت حاسه ان راح يجمعهم سنين و ايام مو متقبلته شوفوها الحين ما شاء الله مرتاحه و الحين حامل
اميره : خلاص عيل براحتها انا ما ابي اغصبها على شي ما تبيه بس كنت ابي اعرف الاسباب بس ما شاء الله عطيتوني اسباب تقنع
الكل : ههههه
حسن : على شان لا تعصبين و تطنقرين كل واحد معطيج سبب
اميره : أي والله
نرووح عند زينب مرت فيصل نشوف شنو صار وياهم
فيصل واهوا مبتسم : الحمد الله على السلامة حبيبتي
زينب ابتسمت لابتسامته : الله يسلمك حبيبي
فيصل واهوا طاير من الفرحة : ونااسة راح اصير ابو راح ايصير ابو
زينب واهيا فرحانة لفرحة : أي وانا راح اصير ام من قدي ههههههه
ام فيصل : يلا عاد يا بنيتي شدي حيلج على شان تولدين بالسلامة
زينب : ان شاء الله
سمعو صوت الباب طق طق
دخلو اهل فيصل عند زينب و زينب تغطت لان الشباب برا يمكن يدشون بأي لحظه
الكل : السلام
زينب و فيصل و ام فيصل : وعليكم السلام
خالت فيصل سوسن : مبروك ديرو بالكم على البيبي
زينب و فيصل : ان شاء الله
دشت عمه فيصل سعاد و بنتها سهى
زينب قالت بقلبها : وييه الحين بتسمعني سم بس الله يصبرني ولا سهى بعد مني يا ويلي و ويل قلبي على الي بصير
سعاد بنفسيه : مبروك فيصل مبروك زينب
فيصل : الله يبارك فيج عمتي
زينب فضلت السكوت على انها ترد عليها
سهى بقلبها : ان شاء الله يطيح و تموتين و اخذ فيصل
سعاد طقت سهى بكوعها على شان تنبه سهى و تسلم
سهى بهمس : آآي
سعاد بهمس : سلمي يا مال الماحي خليه ينبه لج مو يطالع بهذي
سهى بهمس : انزين ,, السلام مبروك
زينب و فيصل : و عليكم السلام و الله يبارك فيج
سهى : شلونك فيصل ان شاء الله بخير
فيصل باشمئزاز : كنت بخير قبل ما اشوفج
زينب انصدمت من رده : فيصل شالكلام على الاقل احترم الموجودين
فيصل : زينب رجاءا سكتي
واهوا سرح الى ورا تقريبا 6 سنين
فيصل واهوا يمشي بالحديقه سمع صوت سهى راح قرب ولا يشوف ان وياها صبي انخش فيصل ورا الطوفه و قعد يسمع
سهى واهيا تبجي : حبيبي متى راح تخطبني بعد الي سويته
الصبي : قلت لج لا تخافين كلها جم شهر
سهى : متى يعني بعد جم شهر
الصبي : لمن اكون نفسي
سهى : متى يعني انت تدري ان الي سويناه اكبر غلط
الصبي بعصبيه : سهى قلت لج لمن اكون نفسي لا تحنين
اهني فيصل انصدم من الي سمعه و قرر ان يقول حق عمته
سيده راح داخل البيت و شاف عمته بالمطبخ بروحها
فيصل : عمتي سعاد تعالي ابيج شوي
سعاد : يلا يايه الحين
فيصل خذاها و راح فوق داره
سعاد : تفضل شنو تبي
فيصل : عمتي ترى سهى غلطت مع واحد
سعاد : و يعني غلطت مع واحد يعني ما تعيش حياتها
فيصل بعصبيه : عمتي تفهمين شنو يعني غلطت مع واحد يعني شرفها راح
سعاد بعصبيه وخرت الاكو و الماكو : اصلا اهيا ما غلطت و هذي كانت تمثيلي هانا قلت لها تدق على ولد عمتها و تقوله جذي و اهيا تدري ان انت كنت قاعد تسمعها
فيصل : يعني تلعبونها علي على شان اتزوجها والله ثم والله ما راح اتزوجها لو تنطبق الارض على السمه وهذا انا قلت
سعاد بنفسيه : فيصل فيصل
فيصل : هاا ها شنو شنو صار
زينب : شفيك حبيبي وين رحت سرحت مره وحده
فيصل : ماكو ولا شي انا رايح برا عند الشباب اخليهم يدخلون
طلع فيصل
سهى : اقول زينب
زينب بقلبها : الله يستر منهم ,, هلا قولي
سهى بكل كره الارض : متى راح يطيح الياهل؟؟
زينب بصدمه : نعم !!
سهى : لا بس اقول جذي
الا بدخله فيصل : ...............
نطرو شنو راح يقولها فيصل بالبارت الياي ​

 

[حقائق لم تكتشف]

رد : حقائق لم تكتشف يا جماعه هذي روايتي الاولى ان شاء الله اقروها و عطوني رايكم يهمني

ان شاء الله يعجبكم البارت
ودمتم بود

مع تحيات : حقائق لم تكتشف

 

[حقائق لم تكتشف]

رد : حقائق لم تكتشف يا جماعه هذي روايتي الاولى ان شاء الله اقروها و عطوني رايكم يهمني

أب أب أب

 

[حقائق لم تكتشف]

رد : حقائق لم تكتشف يا جماعه هذي روايتي الاولى ان شاء الله اقروها و عطوني رايكم يهمني

بنات ليش لمن تقرون البارت ما تحطون ردودكم
شلون اعرف ان البارت عاجبكم و تبوني اكمل

و بعد شوي بنزل البارت الـ 15
ويت مي

 

[حقائق لم تكتشف]

رد : حقائق لم تكتشف يا جماعه هذي روايتي الاولى ان شاء الله اقروها و عطوني رايكم يهمني

*****الفصل الخامس عشر*****
الا بدخله فيصل : انتي هي ما تستحين على ويهج شالكلام هذا ؟؟
سهى خافت منه بس تكابر : شنو ما قلت شي
فيصل بعصبيه : شوفي يا بنت الناس انا واحد ما احب هالاستهبال اذا تبين شي قوليه جدامي مو تنطرين اروح و تسمينها اهيا شنو سوت لج
سهى : بس يا فيصل ...
فيصل يقاطعها : جب ولا تيبين طاري اسمي على لسانج الوصخ برا برا ما ابي اشوف رقعت ويهج
سوسن : بس يا فيصل هدي اعصابك مهما يكون هذي بنت عمتك
فيصل : أي عمه انا من 6 سنين تقريبا و انا مو معتبرها عمتي
ام فيصل بعصبيه و بحده : فيصل شالكلام
فيصل : يما انتي لو تعرفين شنو سوت اهيا و بنتها والله لا تطردينها لا يت تزوركم
ام فيصل باستغراب من ولدها : فيصل شنو هالسالفه الي انت مو قادر تنساها
سعاد بتوتر : ماكو يا وخيتي بس ليش قلت له اشرايك ببنتي
فيصل : واضح واضح ما شاء الله ما قلتيلها تنادي ولد عمتج و تقولي جدام فيصل ان انتي غلطتي وياه و تبي تتزوجه واهوا مو راضي مو انا سحبتج و قلت لج السالفه جان تصرخين بويهي و تقولين لي ان كل هذا تمثيل و ان هذا ولد عمتها و ان انتي ورا كل هذا
زينب بصراخ : بس بس بس خلااااص و قامت تبجي
سهى : رجاءا زينب احنا قاعدين نتناقش بسالفه انتي مالج شغل فيها
فيصل : انا شقت لج مو قلت مالج شغل بمرتي شوفي يا سهى لو صار بمرتي شي والله ما تلومين الا نفسج و زواج احلامج افكر فيج يا يا خليني ساكت احسن
سهى طلعت و اهيا تبجي و سيده طلعت وراها سعاد
فيصل قعد على حيله : آآآآآخ متى افتك من هالسالفه
ام فيصل بعتاب : ليش يا وليدي تسوي جذي ليش تدري ان ابوك يخاف على اخته ما عنده الا اهيا الي ظلت له
فيصل : يا يمه شسوي شفتيهم سمعتيهم جدامج شلون يتكلمون ويا زينب
اهي زينب تكلمت : بس يا فيصل مهما يكون هذي عمتك من لحمك ودمك ما يصير تسوي جذي
فيصل واهيا تنهد : يعني عاجبج طريقتهم معاج
زينب : لا بس لازم اسكت لانهم من لحمك ودمك مهما يتكلمون عني راح اسكت
سوسن : اصيله اصيله يا زينب بس كان لازم يوقفون عند حدهم
تدرين اني سمعت سهى و اهيا تدعي عليج قاعده تقول ان شاء الله يحطيح الي بطنج و تموتين على شان تبي فيصل ياخذها والله ان كان ودي التها كف
فيصل انصدم : نعم !!
زينب : بس يا فيصل خلاص الله يسامحها
بهذي اللحظة و بهذا الوقت كان بطل قصتنا الي اهوا احمد قاعد على الرمل يطالع البحر بكل هدوء ببحر ماك
احمد بقلبه : كل مني كل مني انا الي ضيعتها من ايدي
أي انا احبها و اموت فيها بس ليش خشت عني هالسالفه ليش
اووووف ياربي ودي اسمع صوتها ودي اسمع حسها الي يخلي قلبي يفز من مكانه
يتنهد خلاص يا احمد راحت عليك اكيد الحين اهيا موافقه
نروح عند الاء
زينب : وين بتروحين الحين
الاء : ما ادري ودي اتمشى ابي اروح البحر احس ان صدري ضاق علي
زينب : امممم كان ودي ايي معاج بس للأسف انا الي يايبه امي و ماما حجيه وياي
الاء : خلاص مره ثانيه عيل
ولا يسمعون صوت من تحت
اعتدال : زينب زينب
زينب : هل يمه امري
اعتدال : يلا امشي يدتج تعبت تبي تروح البيت تريح
زينب : ان شاء الله ,, وانتي ديري بالج على نفسج و جهزتي كل اغراضج
الاء : أي خلصت
و نزلو مع بعض و كل وحده ركبت سيارتها
زينب راحت البيت مع امها و يدتها و الاء راحت تتمشى على البحر
الاء واهيا تمشي قررت انها تروح ماك كان ودها تقعد على البحر مكان ماكانوا اول يتواعدون الاء و احمد
نزلت من سيارتها و مشت و نزلت على البحر و لمحت من بعيد شخص كانت تحبه كانت تعشقه و مازالت
الاء : احمد أي أي احمد حبيبي موجود مني
راحت و قعدت يم احمد حسته سرحان و قعدت واهيا ساكته راعت شعوره
احمد واهوا سرحان : ياربي اشم ريحه عطرها مشتاق لها و مشتاق حق كل شي و نزلت من عيده دمعه قهر دمعه ندم انه هدها وراح
الاء شافت هالدمعه و مدت ايدها على خده و مسحتها
احمد انتفض بمكانه : بسم الله
الاء ابتسمت و ردت على حزنها : اسم الله عليك
احمد بقلبه : يازينها فديتها بس انا اوريها
احمد بعصبيه مصطنعه : نعم شتبين
الاء ما استغربت رده فعله : ما ابي شي كنت قاعده اتمشى و نزلت مني ولقيتك و قعدت يمك
احمد : الحين تبين شي قبل ما اروح
الاء : لا سلامتك
احمد بقلبه : الله يسامحج يا لولو على الي سويتيه الله يسامحج
الاء : اممممم احمد
احمد : نعم خير
الاء : لا تخاف ترى ما وافقت و باجر الصبح مسافره
احمد انصدم شلون عرفت بالي يدون بقلبه و عقله
الاء جنها عرفت من نظراته ان يبي تفسير شلون عرفت لفت ويها على البحر : احمد الي يحب يحس بالي يحبه و انا ضاق صدري و ييت مني مكان ما كل مره نقعد بدون لا ادري انك مني شفت قلبي شلون يابني لعندك
احمد : مو مهم شلون وصلتي مني المهم ان انا و انتي من هاللحظه كل واحد بطريج و خلاها و راح
احمد يلوم نفسه : ليش يا احمد تقول جذي مو انت ميت تبي تشوفها مو انت توك قاعد تقول ابي اسمع صوتها مشتاق لها ليش كل هالزعل الي شايله بقلبك ليش
و راح بعيد قعد يراقب كل تصرفات الاء و يقول سامحيني يا قلب احمد انتي سويتي شي انا ما كنت راضي عليه سامحيني يا نور عينه سامحيني و راح
و تابعوني بالفصل الياي

و بنات عاد بليز حطو ردودكم على البارت ​

 

[✿¸3ώẪṧĤ»]

رد : حقائق لم تكتشف يا جماعه هذي روايتي الاولى ان شاء الله اقروها و عطوني رايكم يهمني

روووووووووووووووعه
بلييييييييييز كملي كملييييي

 

[Sara.M]

يسلمووو حبيبتي الروايه روعه .. وااي احمد ليش يسوي جذي !!! ناطرينج حبيبتي !

 

[moo-0-oon_14]

موفقه حبيبتي كملي الروايه
لاا يوقف

 

[حقائق لم تكتشف]

رد : حقائق لم تكتشف يا جماعه هذي روايتي الاولى ان شاء الله اقروها و عطوني رايكم يهمني

روووووووووووووووعه
بلييييييييييز كملي كملييييي

تسملين حبيبتي الحين بكملها

يسلمووو حبيبتي الروايه روعه .. وااي احمد ليش يسوي جذي !!! ناطرينج حبيبتي !

يسلمج ربي

موفقه حبيبتي كملي الروايه
لاا يوقف

اجمعين يارب

 

[حقائق لم تكتشف]

رد : حقائق لم تكتشف يا جماعه هذي روايتي الاولى ان شاء الله اقروها و عطوني رايكم يهمني

وييت مي بعد شوي بحط البارت الـ 16

 

[حقائق لم تكتشف]

رد : حقائق لم تكتشف يا جماعه هذي روايتي الاولى ان شاء الله اقروها و عطوني رايكم يهمني

*****الفصل السادس عشر*****
الاء ظلت بمكانها مو عارفه شنو تسوي تبجي ولا تضحك على حظها الردي قامت من مكانها و ركبت السيارة و قعدت طلعت تلفونها تبي تدق على زينب بنت عمها
عند زينب بالمستشفى
(( ابي صوتن يعبر عن شعوري و ابي قلبي يحس بيوم راحه ابي اعرف مكاني و وين و ابي يعلن محبتنا بصراحه و اقول للعالم احبك احبك انا احبك يسعد لي مساء هالحب يسعد لي صباحه ))
زينب : خالتي وين تلفوني قاعد يرن
ام فيصل : لحظه الحين اييبه
زينب : لا خالتي انتي قوليلي وينه و انا اروح اييبه مالا داعي انتي تروحين
ام فيصل ابتسمت : تلقينه داخل جنطه مالتج الي فيها ملابسج
زينب ردت الابتسامه : اوكي و راحت تاخذ تلفونها و شافت ان الاء داقه عليها ردت دقت على الاء
الاء : الوو وينج انتي ما رديتي
زينب : بالمستشفى بعد ويني
الاء: حق شنو K
زينب : شنو حق شنو دخت و طلع اني حامل و صار فيني فقر دم بعد شنو
الاء للحين مو مستوعبه : شلوون ما فهمت
زينب : ههههههه بعدين اقولج الا صج ليش ما تيين عندي ماكو الا انا و خالتي و فيصل تحت بالكفتيريا
الاء : خلاص انا الحين يايه مع السلامه
زينب : مع السلامه و صكت الفون
ام فيصل : يا حليلها لو عندي ولد ثاني جان خذيتها له والله انها تهبل
زينب ابتسمت تجامل خالتها و قالت بقلبها : لو تدرين ياخالتي ان الاء ميته على شي اسمه احمد حفيدج
نروح عند فيصل
فيصل : هلا احمد
احمد : وينك انت الحين
فيصل : بالمستشفى زينب طلعت حامل بس معاها فقر دم فنوموها اليوم بالطبيب و باجر تطلع
احمد : على البركه خلاص الحين ياي بقعد اسولف وياك ومنها اسلم عليها
فيصل : الله يبارك فيك اوكي زين تسوي لان الحريم كلهم عند زينب و انا بالكفتيرا مو معاي احد
احمد : خلاص اوكي يايك انا الحين

السؤال اهوا هل احمد و الاء راح يتقابلون بالمستشفى ولا لأ ؟
امشو نكمل الروايه
تقريبا بعد ربع ساعه الاء و صلت عند باب المستشفى توها بدش ولا تلمح احمد من بعيد ياي
الاء : انت جرحتني يا احمد و همن لاحقني ليش تبي تعذبني و دشت قبل لا يتقابلون
راحت عند الرسبشن
الاء : السلام
الموظفه : و عليكم السلام بدك حاقه
الاء : أي بغيت اسأل وين غرفه زينب صالح الـ ........
الموظفه : الدور الثاني الجناح 5 غرفه رقم 20 <<< طبعا تأليف مو تروحون تدورون خخخخخخخ
الاء : مشكوره و راحت قبل لا تروح عند زينب راحت الكفتيريا تبي تشتري ماي
واهيا داشه شافت فيصل بس ما شافت احمد وياه
راحت عند فيصل
الاء : السلام و مبروك
فيصل ما توقع ابد ان الاء راح تكون مني : و عليكم السلام الله يبارك فيج
الاء : شعندك مني قاعد بروحك ما تروح تجابل مرتك
فيصل ابتسم من التوتر الي في لان الاء مو شايفه احمد : ماكو قاعد مني لان في حريم عندها
الاء : اهاا عيل انا اروح لها الحين باي و لفت ويها ولا تشوف احمد طالعته بنظره عتااب و مشت
احمد : آآآآه يافيصل قلبي يعورني من اشوفها
فيصل : احمد انت الي قلته مو شويه شنو تقولها بعد عشره انتي بطريج و انا بطريج لي هالدرجه هانت عليك العشره
احمد : لا يا فيصل ما هانت بس ما اقدر اتحمل انها بتسافر مو قادر استوعب ان خلاص ما راح اشوفها لمده طويله
فيصل : و تقوم تقولها انتي بطريج و انا بطريج انت ليش ما تحس بالظروف الي اهيا فيها
احمد : بس يا فيصل بروحي تعبان
فيصل : احمد خل عقلك براسك البنت امها توفت بعد ما كانت كل شي بحياتها يا احمد الام اذا ماتت يعني ضياع و الابو اذا مات يعني تيتمت الحين اهيا شبه ضايعه بدون امها
احمد : شسوي يا فيصل وقتها كنت حمار ما افهم و قلت هالكلام و بس خلاص صك هالموضوع و تذكر احمد يوم قالت له الاء : احمد الي يحب يحس بالي يحبه و انا ضاق صدري و ييت مني مكان ما كل مره نقعد بدون لا ادري انك مني شفت قلبي شلون يابني لعندك
احمد واهوا سرحان : أي شفت شلون انتي معذبتي
فيصل : احمد احمد وين رحت احمد
احمد : ها ها شتبي
فيصل : انت تحبها
احمد : الا اموت عل التراب الي تمشي عليه
نروح عند الاء
عقب ما مشت الاء ما طلعت برا الكفتيريا قعدت بالطاوله بروحها
الاء : قررت اني اروح له خلاص تعبت من الي انا فيه بقوله خلاص ما ابي اسافر
راحت الاء وقفت من الكلام الي سمعته اخر شي من احمد
الاء : تحب غيري على شان جذي قلت انا بطريج و انتي بطريج تبيني اوخر عنك خلاص الحين بوخر عنك ما راح تشوف رقعه ويهي و مشت و الدموع تنزل من عينها راحت سيده دشت الحمام و غسلت ويها و لبست عدسات على شان لو احد سألها ليش عيونج حمره تقولهم من العدسات و حطت بلاشر لان خشمها صار احمر و غمجت شوي على خدودها و صار خدها حمر و خففتهم و حطت قلوس و راحت عند غرفه زينب
الاء بابتسامه مصطنعه : السلام عليكم
زينب و ام فيصل : و عليكم السلام
ام فيصل : هلا والله شلونج حبيبتي ان شاء الله بخير
الاء : تمام ان شاء الله انتي بخير مو ناقصج شي
ام فيصل : ههههه لا مو ناقصني شي و الحمد الله عايشه بخير ربي
الاء : الحمد الله ,,, و شلون حبيبتنا ام ... قعدت تفكر و قالت اهيا بنت ولا ولد
زينب و ام فيصل : ههههههههههههه
زينب : خلف الله على عقلج قعدي قعدي
الاء : ههههههههه يلا قولي لي
زينب : انا متى حملت على شان اولد توني حامل يا حضي
الاء : بعد شسوي تعودت ايي مني حق الولد مو حق الي توهم حمل خخخخخخ
ام فيصل : الاا الاء شنو ودج تشربين
الاء : ولا شي توني شاربه بطل ماي
ام فيصل : براحتج
الاء : الا يا ام فيصل يا خالت زوزو العزيزه
ام فيصل : هههههههه هلا يا الوءه يا بنت عم زوزو على قولتج العزيزه
الاء : وينهم بناتج ما اشوف احد
ام فيصل : من شوي طالعين
الاء : حسافه ما لحقت عليهم
زينب : صج الوء شصار على الي يو يخطبونج
الاء بلا مبالاه : ولا شي بس قلت حق ابوي اني ما ابي ازوج
ام فيصل : ليش يا بنيتي خلاص صرتي مره الحين
الاء : يا خاله وين مره كل هذا و تقولين مره
الا على دشه فيصل و احمد
احمد بقلبه : ليش و انتس شنو ناقصج على شان ما تصيرين مره
فيصل + احمد : السلام عليكم
الكل : وعليكم السلام
الاء ما انتبهت حق احمد لان يوم دش كان ورا فيصل و صوتهم اثنينهم متقاربه فما عرفت ان احمد موجود : مدامج يا ام فيصل تبيني اتزوج يلا زوجيني على ايدج هههههههه عاد مثل ما لقيتي حق ولدج فيصل اكيد بتلقين لي
ام فيصل : هههههه خلاص ولا يهمج من باجر ادور لج ولد مثلج رجه
الاء : هههههه شدعوا كل هذا ليش قلت لج يا ام فيصل يا خاله زوزو العزيزه :p
احمد : شلونج يما
الاء انقزت من مكانها و انصدمت ان موجود
ام فيصل : تمام يما قعدو ليش واقفين
احمد يطالع الاء بطرف عينه : ولا شي بس في وحده ماقفه صوب الكراسي مو مخليتنا نقعد تناطط جنها ياهل
الاء تعفس ويها و تسوي مثل حركاته عبالها مو قاعد يشوفها و زينب و فيصل ماتو ضحك عليها
ام فيصل : الاء شالحركات خليتيه يقول عنج ياهل
الاء بصوت واطي بس ينسمع : ماكو يا خاله نقزني و يقول اني ماخذه المكان كله يرضيج ان ولدج يقول عني جذي
ان فيصل : هههههه تعالي قعدي يمي خليهم يقعدون
الاء : لا يا خاله انا الحين لازم اروح مشغوله
ام فيصل : وين يايمه توج يايه
الاء : المره اليايه ايلج عندج و اخلي زنوب عند ريلها و انا وياج نقعد نسولف شرايج
ام فيصل ابتسمت : الي تشوفينه
الاء تذكرت انها بتسافر : ويييه يا خاله نسيت اني بسافر باجر الصبح امر عليج قبل لا اسافر عاد راح تكونين قاعده على 10 لان طيارتي 11
ام فيصل : أي راح اكون قاعده
طبعا كل هالكلام كان يسمعه احمد و قلبه يتقطع
فطلع من الغرفه و اهوا متضايق

زينب و فيصل و ام فيصل : يلا تروحين و تردين بالسلامه
الاء : الله يسلمكم يلا مع االسلامه
الكل : مع السلامه و طلعت
و اهيا كانت تبي تكمل طريجها احمد مسكها من ايدها و لفها لي عنده
و قعدو يطالعون بعض تقريبا 10 دقايق
الاء : احمد هدني بروح
احمد : ما ابي و لمها
الاء بدت تصيح : احمد تكفى هدني
احمد : .............
الاء : احمد وخر بروح انت روح عند الي تحبها انا خلاص كنت ماضي
احمد : منو حبيبتي غيرج
الاء : احمد لا تمثل انك ما تعرف وحده غيري سمعتك و انت تقول حق فيصل يوم سألك تحبها قلت تموت على التراب الي تمشي عليه وخر الحين بروح و قدرت تفج عمرها منه و مشت بسرعه
طبعا كل هذا صار تحت عيون ام فيصل كانت تبي تقولها شي بس شافت الي صار بينها و بين احمد
احمد لف ويها لقى يدته ما يعرف اذا اهيا شافت الي صار ولا لأ : أأأأ هلا يمه بغيتي شي
ام فيصل : انا كنت من البدايه حاسه ان بينكم شي حسيت من يوم انت دشيت اهيا توترت و قالت مشغوله كانت عادي قاعده تسولف ويانا بس من عرفت انك موجود سالت اغراضها وراحت شنو صاير بينكم
احمد : مافي شي يمه خلاص اعتبري الي صار ان ما صار
ام فيصل تنهدت : براحتك بس تدري لو عرفت ان انت ورا الي اهيا فيه يا ويلك
احمد : لا يمه ماكو شي و دخلت ام فيصل داخل الغرفه الي فيصل و زينب سمعو كل الي صار بره بس ما درو ان الاء كانت ويا احمد و سوو عمرهم ما سمعو شي
فيصل : حبيبتي
زينب : عيونها
فيصل : يلا متى يطلع البيبي ابي اشوفه
ام فيصل : هههههه انت ليش جذي مستعيل انطر جدامك 8 شهور
فيصل : بيييه كل هذا
ام فيصل : أي بعد شنو هذا الشي من اول ما انوجدنا على الدنيا واحنا نعرف ان الحمل 9 شهور
ام فيصل شافت احمد سرحان ودها تقطع حبل افكاره و تخليه يقول الي بقلبه بس اهيا ما تبي تخليه يقول واهوا ما يبي يقول فخلته على راحته

يلا عاد الحين ابي كل وحده تقول توقعاتها شنو راح يصير :eh_s(3):
و اشوفكم بعد الامتحانات باااي :eh_s(8):​

 

[حقائق لم تكتشف]

رد : حقائق لم تكتشف يا جماعه هذي روايتي الاولى ان شاء الله اقروها و عطوني رايكم يهمني

عاد ان شاء الله يعجبكم البارت

 

[✿¸3ώẪṧĤ»]

رد : حقائق لم تكتشف يا جماعه هذي روايتي الاولى ان شاء الله اقروها و عطوني رايكم يهمني

كمللللللي
لا يوووقف
لايوقف
لا يوووقف

 

[حقائق لم تكتشف]

رد : حقائق لم تكتشف يا جماعه هذي روايتي الاولى ان شاء الله اقروها و عطوني رايكم يهمني

كمللللللي
لا يوووقف
لايوقف
لا يوووقف

راح اكمل بس بعد الامتحانات :tek:

 

[كويتية نايس]

رد : حقائق لم تكتشف يا جماعه هذي روايتي الاولى ان شاء الله اقروها و عطوني رايكم يهمني

000000000000 لا تعليق ابداع0000000000000000

 

[ᴥ Ϻḭṩṧ Ԛ8ӵᾱ ᴥ]

رد : حقائق لم تكتشف يا جماعه هذي روايتي الاولى ان شاء الله اقروها و عطوني رايكم يهمني

7bebti elrwaya tynn 7di andmjt kmlii plllz nbii part;**

 

[حقائق لم تكتشف]

رد : حقائق لم تكتشف يا جماعه هذي روايتي الاولى ان شاء الله اقروها و عطوني رايكم يهمني

000000000000 لا تعليق ابداع0000000000000000

تسلمين و مشكوره على مرورج

7bebti elrwaya tynn 7di andmjt kmlii plllz nbii part;**

مشكورة حبيبتي ان شاء الله اكمل بعد الامتحانات الحين الفاينل العود كلها لي يوم الخميس و الخميس العصر ان شاء البارت يكون موجود



ادعولي بالتوفيق و الله يوفقكم :hjy5jewf:

 

[حقائق لم تكتشف]

رد : حقائق لم تكتشف يا جماعه هذي روايتي الاولى ان شاء الله اقروها و عطوني رايكم يهمني

*****الجزء السابع عشر*****

ام فيصل شافت احمد سرحان ودها تقطع حبل افكاره و تخليه يقول الي بقلبه بس اهيا ما تبي تخليه يقول واهوا ما يبي يقول فخلته على راحته
فيصل : يا يمه يا حياتي انا متشوق اشوف البيبي شلون يعني
ام فيصل : خو انطر شورا الي حريمهم حملو و ولدو ما سوو الي انت تسويه ولا انت احسن منهم مرتك تحمل و بعد 9 دقايق تولد
زينب : ههههههه خالتي شنو 9 دقايق أي حمل هذا ؟؟
ام فيصل : والله هذا عند ريلج الي وده جذي
فيصل يسوي روحه زعل : الحين انا الي قلت ابيها تولد بعد 9 دقايق
ام فيصل : أي مو انت قلت انك تبيها تولد بسرعه هذا اسرع شي يصير
فيصل يكمل زعله : خلااص خلااص انا زعلت يما لا تحاجيني l
ام فيصل : زعل بو يعل انا شعلي منك
زينب : خالتي لا تقولين عن ريلي جذي
فيصل استانس : أي أي زنووب يلا يلا قوليلها مو ان انتي تحبيني
زينب واهيا ناويه على عمرها : ان شاء الله منو قالك اني انا احبك انا احترمك لا اكثر ولا اقل
ام فيصل : هههههههه اقول فصول مره ثانيه لا تصير واثق من نفسك ان مرتك تحبك قالتها لك تحترمك يلا عطنا مقفاك
فيصل : k الحين انا ما تحبيني اوكي اوكي اوريج يما هذا بدال لا تهاوشينها تقولين جذي
زينب : فصووووول
فيصل : شتبين نعم
زينب : ابي برد من باسكن
فيصل : اقول قلبي ويهج مناك ماكو لا باسكن ولا غيره
زينب : فيصل حبيبي
فيصل : مو توه قلتي انج ما تحبيني لا تقولين حبيبي مره ثانيه و همن ماكو
ام فيصل قاعده و تضحك عليهم
احمد للحين سرحان الي صار توه قاعد يفكر اهيا ليش قالت جذي لا يكون اهيا سمعت يوم قالي فيصل عنها اذا احبها ولا لا ورديت اني اموت على الاتراب الي تمشي عليه عبالها وحده ثانيه خو هذي هبله تفسر كل شي على كيفها خل اروح لها بسرعه قام و خذا سويجه و بوكه و طلع
ام فيصل : هذا شفيه مو عاجبتني تصرفاته
زينب و فيصل ما عرفو شنو يقولون فسكتو : ................
ام فيصل : انا لازم اعرف شفيه ما يصير جذي هذا حال واحد عاقل
فيصل : يما ماكو شي اليوم اهوا قالي ان الدكتور بالجامعه حاط عليه بعد ما صارت بينه و بين الدكتور مشكله
ام فيصل واهيا مو مقتنعه : اهاااا
..............................................
احمد : الحين وين القاها اكيد ما راح ترد علي اووووووف
طلع من المستشفى وقعد يدور وين كان سافط سيارته نسى وين كان صافطها جان يشوفها قاعده بالسياره سرحانه حتى ما شغلت السياره
دش سيارتها بهدوء صكر الباب مسك ايدها
الاء حست فيه بس ما حبت تكلمه و بس دموعها تتكلم عنها
احمد : الاء تدرين ان طول عمري احبج ولا فكرت احب غيرج انا ليش قلت انتي بطريج و انا بطريج
الاء زاد بجيها ولا تبي تتكلم بس تبي تسمعه
احمد : الاء بس عاد حبيبتي لا تبجين
الاء قامت تشاهق من البجي مو مستوعبه ان الحين اهيا وياه
احمد : لولو حبيبتي خلاص لا تبجين
الاء مو قادره تسكت و قطت عمرها عليه : انت ليش تسوي فيني جذي
احمد : لان ما ابيج تسافرين
الاء : بس قلت لك انا ليش بسافر ليش ما تيي وياي تسافر وياي
احمد : لان ما ابي اسافر عرفتي ليش لو ابي اسافر جان من البدايه قلت لج اوكي و انا بروح وياج
و قعدت الاء تكمل بجيها على صدره
احمد : الاء لا تسافرين
الاء : .................
احمد : لولو لولو حبيبتي
الاء : همممم
احمد ابستم : شنو نمتي
الاء استوعبت و قامت بسرعه و عدلت قعدتها : لا ما نمت
احمد : انزين لا تسافرين
الاء : بلى راح اسافر
احمد بدى يعصب : اوكي تحملي عيل أي شي و طلع
احمد : لو شنو بسوي ما راح اقنعها انها تقعد خل تروح خلاص عاد الحين صممت ان انا بطريج واهيا بطريج و ركب سياره و طلع من المستشفى و داس بسرعه و رد البيت ​

بنات هذا بارت امس و سوري ما حطيته كان عندي ظروف​

 

[حقائق لم تكتشف]

رد : حقائق لم تكتشف يا جماعه هذي روايتي الاولى ان شاء الله اقروها و عطوني رايكم يهمني

بنات انا راح اوقف كتابه
لان مافي تفاعل وياي ما ادري ليش اكتبها