حقيقة التابعة .. واجهاضاتي

[&هند&]

والعلاج يا حبيبتي قراءة سورة البقره 40 يوم وتتسبحين بماي مقري والخلطه الروميه ( سدر +ملح+شب) وتاخذين ملح خشن وتخلطينه بماي مقري وترشينه بالزوايه والابواب
وكل ما تبين تنامين تنفضين فراشج وتقولين بسم الله والله اكبر 3 مرات
وتدهنين بطنج وظهرج بزيت مقري
وطبعا تحرصين على الاذكار المساء والصباح

وسورة البقره تقرينها اما قبل اذان المغرب ولا قبل اذان الفجر

وطبعا ابتعدي عن الاغاني والافلام >>> فترة العلاج

استمري على كل الي كتبته لمدت 40 يوم الخلطه الروميه بساول 7 ايام

وبس تحملين اقري سورة البقره كل يوم واذا ما قدرت كل ثلاث ايام لانها تحفظ 3 ايام

والحمدلله انا توني والده من شهرين والله يرزقج الذريه الصالحه

 

[&هند&]

سالفة انها تحط المصحف عند الباب ما تحفظها من الجن

شغلي سورة البقره بشقتج كل يوم ولا تنامين الا وانتي مشغلتها لو تحطين هد فون

 

[الحلا والملح __]

جزاج الله خير

 

[عروسة فوشيآ]

حبيبتي في شي يكون بالارحام الطب الحديث مستحيل يعرفه


الا وهو وضعية الرحم

يعني ممكن الوحدة تحمل عادي بس تجهض لانه رحمها مو بالوضع الصحيح



ففي بعض الحالات لازم لازم الوحدو تمرخ عششان يتعدل وضعه


انا سمعت قصة من امي ان البدو قبل ممكن تطلع رحم الحرمه برا تدهنه وتدخله هذي اذا حالتها خطرة




وفي حريم يسقطون بسبب عين



حالتج الله اعلم فيها

بس سالفه التابعه بصراحة استغقر الله

هذي ارزاق ماله داعي الخرافات



انتي رحتي لام عايد وهالمرة اثق فيها وان استمريتي معاها انا متاكدة بعد عون الله

بتبشرينا بولادتج السهله




موفقه

 

[عروسة فوشيآ]

حبيبتي هند تطيعين الله 40 يوم وتبتعدين عن الاغاني واذا عطاج اللي تبين رجعتي تعصينه


مايجوز هذا استغفال

اللي بيسوي الصح يسويه على طول مو عشان مصلحه


الله يهديج ويرزقج على قد نيتج


وبعدين شالخرافات اكت ملح ومدري شنو


ابي دليل بالدين يثبت الرسول سوا هالشي



وراح ااكد كلامي لكم ان مشكله صاحبه الموضوع وضعيه رحمها يبيلها علاج لا اكثر ولا اقل






احححبكم

 

[الحلا والملح __]

انا عن نفسي رحت لحريم واجد قالوا وضعيه الرحم السليمه وحتى الدكاترة والسبب الله وحده يعلم ماحد يدري

 

[&هند&]

عروس فوشيا حبيبتي من قال اني اسمع اغاني حبيبتي لا تتهمين ااحد شي ما تدرين عنه

انا حذرت صاحبة الموضوع عن خلال الرقيه انها ما تسمع اغاني >>> لان مالي شغل فيها سمعت ولا ما سمعت

وحبيبتي روحي اقري هذي سنه عن الرسول وكل المشايخ يقولونها >> ومن قال خرافات حبيبتي شي ما تدرين عنه لا تعلقين عليه

والله تتهمني باستغفال الله استغفر الله >>> اقول خلج بدينج ومالج شغل فيني زين

 

[&هند&]

وهذا دليل للاخت فوشيا


فتوى الشيخ عبدالله بن عبدالرحمن الجبرين - حفظه الله - في الموضوع :
سئل فضيلته عن حكم استخدام رش الماء والملح في زوايا المنازل المسكونة بالجن والشياطين واعتبار ذلك من الأسباب الحسية للاحتراز من أذاهم بأذن الله تعالى ، حيث يكثر تواجدهم في الزوايا وهم يكرهون الملح ولا يستسيغونه ؟
فأجاب - حفظه الله - :
لا بأس بطرح الملح في الماء حتى يذوب ثم يرش به زوايا المنزل من الداخل والخارج فقد جرب ذلك فوجد مفيدا في حراسة المنازل وطرد المتمردين من الجن والسلامة من أذاهم ، فإنهم قد يتسلطون على بعض القراء والمعالجين فيجوز استعمال ما ينفع في التحرز من شرهم وأذاهم ، وكذا يشرع قراءة بعض الأذكار والأوراد والتعوذات في ماء ثم يرش به المنزل الذي يتواجد فيه الجن والشياطين فإنه يبعدهم بإذن الله تعالى والله الشافي .ا.هـ.

 

[mi corazon]

اشكركم خواتي حبيباتي

الاعمال بالنيات حبيبات قلبي لا تزعلون من بعض وكلكم فيكم الخير والبركه

والله اعلم اللي بالقلب وادري انكم نصحتوني من باب تبون لي الخير الله يجعله في ميزانكم


هند حبيبتي فعلا وايد قريت عن هالشي مؤخرا بس انا كله افكر شلون بكمل اربعين يوم ووقت الدوره شسوي اوقف ؟

ياجماعه انا ماكنت اصدق كلش بالتابعه مره سمعت عنها ولا عرت الموضوع اهتمام

بس لان الدكاتره يقولون ماكو شبب وتحاليلج زينه ولمن مرخت باجهاضي اللي طاف قالت لي الرحم زين وضعه

بس اذا مسآلة عين او نفس فا فعلا ممكن تكون صحيحه لان وايد ناس حاسديني على حياتي وخصوصا مع زوجي وكنت طول حمالي الاول زينه بس لما الكل درا اني حامل بولد نزل البيبي

والحمل الثاني مادري ليش كان مبجر نزوله

عالعموم حبيباتي بليز ساعدوني بس لا تزعلون من بعض والله اني شايفه فيكم كل الخير والشيطان يبي يطيح بينكم

حبيبتي هند شنو كمية السدر والشب ؟؟

والملح


الاغاني انا اوخر عن مكانهم كثر ما اقدر بس ريلي يسمع للاسف وخواتي

احاول اسكر بطريقه لبقه بس يتضايقون مني ربي يهديهم وياي


مشكورين بنات عالاهتمام والمتابعه لي

 

[mi corazon]

اختي الحلا والملح نفسي انتاي

الله يفرج عنا

الزمي الاستغفار والصدقه

لان الاستغفار يفرج الهم والكرب ويرزقج بالخير

والصدقه تداوي المريض


عاد تصدقون شي غريب صار لي ما انتبهت عليه مادري له علاقه ولا لا

من حملت كنت اتصدق على عامل نظافه

ليمن وصلت للخامس كنت راده من السفر ومفلسه قطعت عنه الصدقه ومره طلب مبلغ علشان ولده بيتزوج فا قلت بنفسي جنه طمع !!! عقبها سبحان الله اجهضت

استغفر الله ربي غني عنا بس يمكن كانت الصدقه اهي اللي حافظتني من الاذى ولما وقفتها راح الحقظ


الله يسامحني

 

[اخت الدكتور]

اختي التابعه حقيقه دايما حماتي تحلم بقطاوه وبريعصي ادخلي على قوقل وتعرفين العلاج

 

[عسل حدي]

اب اب اب

 

[الحلا والملح __]

سبحان الله كلمت اليوم مفسر احﻻم
قال اختي ماراح تحملين اذا مارقيتي على روحج
بلتزم بالرقيه واذكار الصباح والمساء وسوره البقره يوميا
والسبوح بالسدر والماح والشبه والله يشافينا ويرزقنا

 

[عسل حدي]

اب اب اب

 

[أأأميرة الورد]

الله يرزق كل متاخره بالحمل

 

[ٱستۆطنت خٱفقهْ]

^^^
انا مريت بنفس تجربتج
بس بسألج انتي سويتي فحص الاجسام المضادة ؟!
والبيبي حللوه وحللو المشيمة فيهاا تجلط او لا !!

الرقيه لازم مانخليهااا سواء حامل او لا
حتى بوقت الدورة ماتخلينهاا

ودهني بطنج بزبت مقري وارقب نفسج وجنينج
واتكلي على الله
:-*

 

[mi corazon]

اختي التابعه حقيقه دايما حماتي تحلم بقطاوه وبريعصي ادخلي على قوقل وتعرفين العلاج

اي اختي سويت قوقل بس انا ما احلم دايم

بس قبل اجهاضي وماعتقد التابعه لاني حلمت بوحده اعرفها بس الحين ماذكر منو كانت

اب اب اب

رفع الله شانج

سبحان الله كلمت اليوم مفسر احﻻم
قال اختي ماراح تحملين اذا مارقيتي على روحج
بلتزم بالرقيه واذكار الصباح والمساء وسوره البقره يوميا
والسبوح بالسدر والماح والشبه والله يشافينا ويرزقنا

شلون الطريقه اختي بالضبط

كل يوم نسبح بالسدر ولا شلون

اب اب اب

رفع الله شانج

الله يرزق كل متاخره بالحمل

امين

جزاج الله خير حبيبتي

^^^
انا مريت بنفس تجربتج
بس بسألج انتي سويتي فحص الاجسام المضادة ؟!
والبيبي حللوه وحللو المشيمة فيهاا تجلط او لا !!

الرقيه لازم مانخليهااا سواء حامل او لا
حتى بوقت الدورة ماتخلينهاا

ودهني بطنج بزبت مقري وارقب نفسج وجنينج
واتكلي على الله
:-*

اختي شلون بوقت الدوره؟

دورت بالنت لقيت الفتاوي تقول مايصير بالدوره الاذكار !!!

 

[همسات 25]

حبيبتي روحي لام فيصل بالظهر شاطره
عسي الله يرزقج


كثري استفار

 

[عسل حدي]

اب اب اب

 

[انيقه الملامح]

عادي تكملين قراية حزة الدورة بس السدر والسبوح لا

بس ماتقطعين حزة الدورة