حق اللي سووا منظار من فتحة الشرج ساعدوني تكفون

[shoO shoO 95]

السلام عليكم ورحمة الله وبركآته

انا بسوي منظار من فتحة الشرج حق القولون طبعاً عرفت شنو اسوي ان لازم مااكل و بس سوائل
بس ابي اعرف اللي سووا منظار خصوصاً اللي من فتحة الشرج عند الدكتور مساعد العصفور شلون الطريقة راح اتغطي كلي بس راح اهوا يحرك المنظار و يشوف الشاشة يعني الممرضات بسوون لي كل شي؟
و شنو الاجهزة اللي راح يحطونها علي صج يحطون لي ابر و مادري شنو ؟
قولولي بالتفصيل شنو راح يصير الله يخليكم ترا مخترعة حدي
و راح انام لي مدة جم ساعة ?
يليت بسرعة يكون الرد الله يخليكم لان قرب موعدي​

 

[shoO shoO 95]

أفا ولا رد ؟

 

[ڪـشيخـہ]

والله ودي افيدج بس مادري

وماحبيت اطلع بدون مساعده واتمنى هالرابط يفيدج

http://www.pharmacistsworld.com/forum/showthread.php?t=13909

 

[كتكوته نورة]

حبيبتي ليش بتسوينه ؟

 

[shoO shoO 95]

كشيخة مشكورة يعطيج الف عافية على الرابط

كتكوتة نورة انا فيني قولون عصبي و عندي وايد اعراض مزعجة اولها الغازات رحت حق د.مساعد العصفور و قال لي سوي سونار سويت طلع سليم كل شي جان يقول لي سوي منظار و بسوي بس ماعرف الطريقة عشان جذي خايفة و يعطيج العافية

و كل عام وانتو بخير

 

[DA3LOoOLA]

اول شي سلامات وماتشوفين شر حبيبتي

لاتحاتين ولا تخافين ترى كله سهالات وماراح تحسين بولا شي انا تقريبا مسويته 7 مرات والحمدالله اذا انتي بتسوينه بعياده خاصة ماراح تحسين بالعوار لانج راح تكونين مبنجة وراح يغطونج بشرشف والدكتور اهوه الي يسوي المنظار والسستر تكون معاه عشان تساعده ومايطول كلـــــش اذا تاخرتي وااايد ربع ساعه بس اهوه اقل من جذي وبس

 

[شذى الحب]

الله يشاافيج ياارب بس لا تحااااتين

 

[توفـــا]

الله يشفيج يارب

 

[كتكوته نورة]

حبيبتي مابي احبطج بس انتي لما توصلين هناك ويحضرونج راح تخافين ووع انا مت حسيت قلبي بيطلع ... على فكرة انا فيني قولون و رحت له شاف التحاليل انا مشكلتي 24 ساعة غازات تفشل حتى صرت ما احب اقعد يم تحد و السبه الصوت جان يقولي لازم منظار .. الصراحة خليتها يولي و رحت مستشفى الشفا عند عماد الحمر اول ما دخلت قلت لا تقول منظار لاني انا رافضه هالفكرة لانها صارت هبه الصراحة و لا يقول لا اصلا الغازات عادي اذا من غير الم ... وقالي ريحي نفستج لعبي رياضة ونظمي اكلج .. وبما اني حاطة المنظار اخر الحلول .. قمت وسجلت هيلث كومبني وقلت حق الدكتور عن الغازات والقولون وبديت والتزمت فيه ما شاء الله من اول اسبوع خفت الغازات وماكو أصوات كلش وكنت اذا حسيت بانتفاخ مرقدوش و زعتر وبس وانسيه .. ترى القولون مو شرط من الاعصاب يصير ان حساس من الاكل ... انا اقولج تجربتي وانتي كيفج .. بس احس موضوع المنظار صار مربح حقهم يقعدون ومليون تحليل عقب يقولون منظار حان من البدتية قلتوا منظار ؟؟؟ فمادري صلي استخارة وعالفكرة مساعد العصفور ما يعالج قولون عصبي ...

ترى انا ماكو شي ماجربته

 

[أم حمد 4]

حبيبتي شنو التحاليل الي طلبها وشلون عرف قولون عصبي وجم سعر المنضار عندة وشنو الاعراض انا نفسك وحدي خوافة

 

[shoO shoO 95]

دلوعة مشكورة على الرد تسلمين يعطيج العافية و الشر ما ييج

شذى الحب مشكورة على الدعاء تسلمين يعطيج الف عافية

توفـا مشكوورة يعطيج العافية

كتكوتة انا نفس حالتج كله غازات و ما قمت اقعد عند احد حتى المدرسة قمت اغيب وانا جربت كل شي من الادوية و الحين رحت حق مساعد العصفور و قلت له الاعراض اللي فيني و قال لي لازم منظار انا كنت رافضة الفكرة مثلج تماماً بس قلت لا تعب جم يوم ولا كل يوم !
اهما صح ينصبون بعض الدكاترة و عشان الفلوس بس شسوي ! حياتي تدمرت و مستعدة اسوي اي شي عشان ارجع مثل قبل
و مشكورة يعطيج الف عافية و بغيت اسأل شنو هيلث كومبني ؟ يمكن يفيدني بدون لا سوي منظار انا فيني غازات وااايد و هذا اللي باط جبدي و فيني امساك بعد
ترا باجر موعدي

ام حمد ما طلب تحاليل لان راويته تحاليلي و عرف ان قولون عصبي من الاعراض اللي تيني و المنظار عنده تقريباً بـ224 مادري بالضبط انا اعراضي انتفاخ و غازات و الم و امساك و خنقة و دوار و كل شي يخطر على بالج
مشكورة يعطيج العافية

 

[أم حمد 4]

اللة يشافيش يارب

 

[shoO shoO 95]

آمين و الله يشفي جميع المسلمين و المسلمات
يعطيج العافية

 

[كتكوته نورة]

حبيبتي هيلث كومبني شركة تغذية اللي يوصلون الاكل البيت ... ادري شي ينرفز انتي زين بالمدرسة انا بكليه واقعد بين شباب :lololoe:

يعني صج فشله ... والله مادري شقولج ... الله يسهلج .. انتي روحي اذا خفتي قومي واذا عادي كملي اتوقع شي ما يتعب بس انا متقبله اني اسويه مع اني والله متأذيه ,, يعني لا تشوفون لم اروح الكليه لازم حمام واطول

 

[shoO shoO 95]

عيل لآ مآبي دام يوصلون اكل يعني شالفايدة بس اكل ؟ لا مابي التزم بشي ابي اكون طبيعية ! مثل قبل

اكيد فشلة يا كتكوتة بس شسوي عادي بعدين الدكتور ماراح يشوف شي السسترات اهما اللي بسوون كل شي اهوا بس يحرك المنظار و يشوف الشاشة
اكيد شي يتعب تخيلي يومين مو ماكلة شي بس سوائل و باجر ثاني يوم حق المنظار الله يعينني

و مشكورة تسلمين يعطيج العافية على الرد

 

[أم حمد 4]

لين سويتي طمنينة عليش وما شوفين شر ان شاءاللة

 

[عسووووولة]

رد : حق اللي سووا منظار من فتحة الشرج ساعدوني تكفون

اب اب اب

 

[قطوة@@]

رد : حق اللي سووا منظار من فتحة الشرج ساعدوني تكفون

ما تشوفين شر حبيبتي

طمنينا عليج

 

[zain-alq8]

حبيبتي روحي وتوكلي عالله ترا السالفه ماتسسوى كل هالخوف سهالات وبسييطه السالفه وماتحسين بالم صحتج اهم من كل شي

 

[DA3LOoOLA]

ها بشري شصار معاج وطلعت النتيجة ؟؟؟