حق اللي سووا منظار من فتحة الشرج ساعدوني تكفون

[shoO shoO 95]

الحمد لله سويت من الصوبين من الحلج ومن الشرج يقولون ماكو شي بس خذو عينة من قولوني وباجر نتيجة التحليل
مشكورين و ما تقصرون يعطيكم الف عافية

 

[shoO shoO 95]

الحمد لله سويت من الصوبين من الحلج ومن الشرج يقولون ماكو شي بس خذو عينة من قولوني وباجر نتيجة التحليل
مشكورين و ما تقصرون يعطيكم الف عافية

 

[أم حمد 4]

الحمد للة على سلامتش ها حسيتي بشي لان ودي اروح اسوي بس حدي خوافة

 

[عسووووولة]

رد : حق اللي سووا منظار من فتحة الشرج ساعدوني تكفون

الحمدلله على سلامتج حبيبتي سويتها بنج موضعي او عام

 

[!! غزل !!]

الحمدلله على سلامتج قوليلنا شلون صار
لان انا بعد بسويه وخايفه ياقلبي

 

[shoO shoO 95]

ابي اكتب لكم بالتفصيل شنو صار حقي و شنو سوولي

 

[shoO shoO 95]

اول شي يودونج مكان و يحطون لج حقنة شرجية طبعاً السسترات اللي هناك و اتروحين و الحمام و يشوفون اذا في خروج ولا لاء وانتوا بكرامة مرتين اذا طلع في ما يسوون لج منظار و اذا ماكو يعني البطن نظيف يسوون لج
بس طبعاً انتي لازم قبل الموعد تتزهبين و تكونين صايمة و منظفة بطنج اهوا يعطيج يا زيت خروع او شي ثاني مادري انا عطاني خروع
و بعدين يودونج الغرفة مالت المنظار و يقفلون الباب بس تفصخين ملابسج اللي تحت و يلبسونج شورت في فتحة من ورا و بعدين لما تلبسين و تتغطين يفتحون الباب السسترات و بعدين يحطون لج مغذي بيدج و يحطون حق شعرج هذا اللي يلم شعرج مادري شسمه نسيت
و بعدين يحطون لج اكسجين بخشمج و يطقونج ابرة بنج مخدر كامل و تنامين على جنبج و بعدها راح اتناامين بالعسل
و تقومين الا انتي بغرفة ثانية مرتاحة و ماكو اي الم وبس تروحين تقومين و اذا كنتي دايخة عادي يوصلونج بكرسي متحرك بس لا بالاول راح اتكونين دايخة بس بعد جم ثانية تروح الدوخة

و سلاااامتكم

 

[shoO shoO 95]

الحمد للة على سلامتش ها حسيتي بشي لان ودي اروح اسوي بس حدي خوافة

الله يسلمج ما حسيت بشي بس ألم بسيط ببلاعيمي حييييييييل بسيط والله لا تخافين روحي سوي عند العصفور

يعطيج الف عافية على الرد و ماتشوفين شر ان شاء الله

الحمدلله على سلامتج حبيبتي سويتها بنج موضعي او عام

الله يسلمج لا بنج كامل نمت وناااسة
يعطيج الف عافية على الرد

الحمدلله على سلامتج قوليلنا شلون صار
لان انا بعد بسويه وخايفه ياقلبي

الله يسلمج
يعطيج الف عافية على الرد

 

[كتكوته نورة]

حمدلله على سلامتج

يلا شكلي بسوي !! ما بخوا بخاخ بحلجج ؟ وجم ظلع عليج ؟

 

[shoO shoO 95]

الله يسلمج
اي والله نسيت بلى بخوا بخاخ و قال لي بلعيه اهني من بعدها ركبوا لي شي بحلجي عشان لما يدخلون المنظار و من بعدها مادري شصار لاني نمت

 

[كتكوته نورة]

هذا البخاخ ما يخنق ؟

 

[shoO shoO 95]

لا ما يخنق بس حتى لو يخنق اهما بيحطون لج اكسجين بالأنف يضح الهوا حقج

 

[كتكوته نورة]

الله يسهل ... شكلي بسويه قبل الدوام..

انتي شنو الاعراض اللي تحسين فيها بالضبط ؟

 

[shoO shoO 95]

أعراض القولون عندي ولا اعراض اللي بعد المنظار؟

 

[كتكوته نورة]

أعراض القولون عندي ولا اعراض اللي بعد المنظار؟

الاثنين

شنو حسيتي ؟؟؟

 

[shoO shoO 95]

اعراض القولون كل شي ضيق تنفس عوار وامساك و غازات < اللي اهوا اكثر شي مزعج و وااايد اشياء بعد
و بعد المنظار ماكو الا عوار بلعوم خفيف حده
يعني ماكو اعراض

كل شي طبيعي

 

[Mig.MiG]

الحمدلله على سلامتج
عند اي دكتور سويتي ؟؟ و بجم ؟؟
وقوليلنا شنو الادوية اللي صرفلج ؟؟

 

[shoO shoO 95]

الله يسلمج
سويته عند الدكتور مساعد العصفور بالشعب التخصصي
و السعر اعتقد بـ300 المنظارين معا بعض
و بالنسبة للادوية لي الحين ما عطاني

يعطيج العافية على الرد

 

[عسووووولة]

رد : حق اللي سووا منظار من فتحة الشرج ساعدوني تكفون

اب اب اب

 

[كتكوته نورة]

بس 300 .... انا قالي 650 !!!