حلال ولا حرااااااااام ؟؟

[Stylista_Q8]

السلام عليكم ورحمة الله وبركاته


حبيباتي انا ادرس في دوله اجنبيه

سارلي 4 سنين ماشالله ،، وحبيت استفسر عن هالشي

اذكر قبل فتره شفت فيديوو لابن باز اظني ؟ او ابن عثيمين يقول الاكل من "اهل الكتاب" حلال

مادري وين الفيديو رااح :0bee2e8d89:

بس امييي مو راضيه تصدقني تقولي حراام حتى لوكانوا مسيييح :tomato2:

وانا مصره على راييي انه حلاااال بناءاً على الفتوى

ورفيجاتي السنه يقولون حلااال ،، لنه الديره الي انا فيها تتبع المسيحيه > نصرانيه يعني من اهل الكتاااب

فَ مادري صج حلال ولا حرام ؟؟

اقصد يجوز ولا ماايجوووز ؟؟

وبليز بنات لا تحطونلي ردود من سايتات وشيوخ هيك

ترا ما افهم عليهم والله

بس ابي اعرف اي ولا لا :$

وبنات ادعولي الله يوفقني في دراستي ويحققلي الي في باليي ان شالله واكون شاكره لكم :$

ودمتم طيبين :tek:

 

[ام خالدوعبود]

والله انا ما افتي


بس ديري بالج من الاكل اللي فيه لحم الخنزير ومشتقاته فيه مشتقات الخمر مصلتج


الله يخلي لج امج تبي مصلتج



موفقه ان شاءالله

 

[Stylista_Q8]

هلا حبيبتي

لا لا الا الخنزير حمدالله ولامره كليت منه الا مره كليت كيكه ككاو ولا يطلع فيها جيلاتين استغفر الله حتى الكيييك !!

وتسلمين ماتقصرييين :*

 

[لوكي 22]

شوفي مابي افتي لاني مادري بس بالبرامج طبخ اشوف يحطون بالحلو مشروب والككاو يكون فيه كحول
وبقولج شي اعرفه من زمان حتى بالافلام يعلقون عليه والي حولي يأكدونه ان اليهود عندهم الخنزير حرام ماياكلونه
بس المسيح عادي عندهم عاد مادري مو كلهم يتبعون هالشي
والله يوفقج ان شاءالله

 

[Tahani Al-Mutai]

حبيبتي بأختصرها عليج وشرايج أطرشلج كل سبوع كراتين معبيه من الاكل اهل ديرتج ويكفيج طول الاسبوع ان كنتي متزوجه وحامل اما اذا انتي لسا على قولت المصري فيكفيج شهر وعلى حسابي اول ثلاث شهور اطرشلج واتركي الفتاوي ولاتتعبين حالج من موقع لموقع ... وعلى فكره ترئ الدول المتقدمه كالسودان قصدي اوروبا والا امريكا عادي يتقبلون الكراتين اللي يطرشونها اهلج بس الاهم شئ عندهم ان هالكراتين مافيها (( كحول )) اففف قصدي زيت الزيتون لانه مسببلهم عقده اذكره مره كسروه جدامي

 

[tmtmt]

راح اقولج الي اعرفه

قولي بسم الله واكلي وان شاءالله يجوز
يوم اهلي كانوا رايحي علاج
سالوا وقالولهم يصير

وتلقين حبيبتي اكيد في مطاعم اسلاميه هناك

والله يوفقج

 

[ranh]

الله يوفقك بدراستك حبيبتي ويحميكي ان شاء الله

الاعرفه ان الاكل لازم يكون مذكور عليه اسم الله وقت الذبح ولازم تتاكدين من المكونات قبل ما تاكلين ولتجنب الشبهات يفضل الاجتناب ما ادري وباذن الله الفقيهات بالدين يفيدونا
تحياتي

 

[معزوفة عشق&]

رد : حلال ولا حرااااااااام ؟؟

الله يوفقك ويسهل لك دربك ويحفظك يارب

انا بعد سمعت انه يجوز الاكل والشرب من اهل الكتاب والله اعلم

وفتوى مثل كذ1 انصحك حبيبتي انك تسالين شيخ

 

[شواشا]

رد : حلال ولا حرااااااااام ؟؟

حلال
حتى حاطينه بكتاب تاسع

 

[فاقده ابوهاااا]

رد : حلال ولا حرااااااااام ؟؟

يعني اختي احنا بالكويت وقاعده تييلنا اكلات ومنتجات من بلاد النصارى وقاعدين ناكل عادي بس اهم شي لا يكون في خمر او لحم الخنزير وتأكدي عدل لان بكل شي يحطون الواين في عجينه البيتزا والمعجنات وحتى الكاكاو فلازم تقرين عدل قبل لا تاكلين اي شي وبعدين خدمنا مسيح والي يشتغلون بالمطاعم مسيح وفي منهم بوذ انتي سمي بالله وان شاء الله مافي الا كل خير

 

[FeShinGoOo]

رد : حلال ولا حرااااااااام ؟؟

حبيبتي عادي مافيها شي اهم شي يكون مافيه لحوم يعني اكل نباتي مايضر ان شاء الله لكن لحومهم اكيد مايجوز لانها مو ذبح اسلامي وتأكدي الاكل مافيه خمور لانهم شاعات يحطون واين وغيره كنوع من الصلصه بالاكل
اذا متأكده 100% ان الاكل مافيه لحوم ولا كحول سمي باسم الله الرحمن الرحيم واكلي

 

[برنسس كاتي]

رد : حلال ولا حرااااااااام ؟؟

اي حبيبتي عاادي لأنهم من أهل الكتااب
حتى يجوز انه واحد يتزوج من اهل الكتاب
يعني لمن زوجته تطبخ له أكيد حلال ياكل من أكله
بس انتبهي من سوالف الكحول والخنزير

 

[deedaluss]

السلام عليكم ورحمة الله و بركاته

أختي العزيزة أنا صارلي عايشة بره سنين أنا و زوجي
انا كنت مثلج اكل عادي منهم بس سمعت من شيوخ السعودية انه حرام تاكلين من النصارى ليش لانه الحين الذبح مو بالسجين الذبح بالصعق الكهربائي او اطلاق النار علي الحيوان او شنقهم و هذا الحرام الي هني و غيره انهم ما يسموون بالله عند الذبح.
حتى الجالية الي عندنا و شيخنا ما ياكلوون من النصارى..ز الحمدلله هذه الاشياء يبيلها تفقه في الدين... و الكل كان يقولي قبل في الكويت عادي سمي بالله و اكلي و هذا غلط.. يعني لو حتى اهل الكتاب سمو بالله ماراح يسموون بالله الواحد ... و أهل الكتاب قبل بعد ما عندهم هذي الاساليب في الذبح قبل اكثر الناس يذبحون بالسكين بس الحين بإسم الفلوس و اذية الناس يستعملون اي شي...
راح يسموون بالاب و الابن و الروح القدس و هذا تثليث و فيه شرك لله في الذبح
و بعدين اذا مافي انا متاكده انه عندكم لحوم حلال.. و خصوصا اماكن الباكستانيين و بعض الاتراك .. و مو كل الاتراك ديري بالج... و بعديم فالمكان الي تبين تاكلين منه او تشترين منه لحم حلال يحطون شهادة الحلال... انا كنت في بريطانيا عايشة سنين في اماكن ينقال لها حلال بس علشان يقصون على الاوادم... بس دخلت كذا مكان في بريطانيا في فرع واحد من ناندوز الي اهو حلال و سبويي و فيه غيرهم اذا شفتي شهادة الحلال.
و الذبح بالطرق الثانية تخلي الدم داخل جسم الانسان مده اطول من الذبح بالسجين و فيه بكتيريا خطيره تتكاثر مع الدم و خصوصا اذا قعد الدم مده اطول داخل جسم الحيوان و هذا مضر لنا.
و بعد الاكل من اليهود او شراء لحمهم عادي بعد لانه يذكرون وحدانية الله و اسمه الكوشر ... عند جصابين اليهود.. و عادي لا تخافين منهم ههههه انا رحتلهم كذا مره و انا اصلا متحجبة الحمدلله
ديري بالج حبيبتي كلش كلش اسالي في المسجد وين ياخذون لحومهم... لانه الله سبحانه و تعالى ما شرع لنا شئ الا و كان فيه الفايدة لنا.. و الوالدة الله يخليها لج امين عندها كل الحق.. و لازم ترضينها
:eh_s(7):

 

[deedaluss]

و لا ابي اقولكم فيه وايد كويتيين شفتهم بره و يشترون لحوم حرام و خصوصا المطاعم تخلط الصواني بالافران اللحوم كلها يعني مع لحم الخنزير علشان يخبزنها مره وحده و اقولوهم مثلا هذا لحم مو حلال يقولون بعد شنسوي مو لهجرجة اوصلت فينا يعني ابد مافي جهاد للنفس كلش كلش روحوا مطاعم موثوق فيها و حلال.

 

[Stylista_Q8]

و لا ابي اقولكم فيه وايد كويتيين شفتهم بره و يشترون لحوم حرام و خصوصا المطاعم تخلط الصواني بالافران اللحوم كلها يعني مع لحم الخنزير علشان يخبزنها مره وحده و اقولوهم مثلا هذا لحم مو حلال يقولون بعد شنسوي مو لهجرجة اوصلت فينا يعني ابد مافي جهاد للنفس كلش كلش روحوا مطاعم موثوق فيها و حلال.

امبيه راحت عن بالي هالنقطه استغفرلله !

وان شالله بس بقطع الاكل الباجي يزاكم الله خير بناات بميزان اعمالكم ان شالله :eh_s(7):

 

[franshiska]

رد : حلال ولا حرااااااااام ؟؟

قال الله تعالى: (اليوم أحل لكم الطيبات وطعام الذين أوتوا الكتاب حل لكم وطعامكم حل لهم…) [المائدة: 5].

أهل الكتاب اللي ينحرون بالسكين

لكن الصعق بالكهرباء وغيره ما يجوز

بقوله تعالى (حرمت عليكم الميتة والدم ولحم الخنزير)
==============================================

حبيبتي انا عايشه بره لكن الاضمن تاكلين اكل ذبح اسلامي
لان سبحان الله مو بس عن حلال وحرام هم اصح حقج
لان يطلع كل الدم اللي بالذبيحة
ما تلاحظين لحمهم كله دم
سبحانه له حكمة

 

[deedaluss]

:hearting:
حياج الله ستايلستا و الله يحفظج بره و صحيخ انا مع الاخت الي فوقي.... إني احبكن في الله:wqedqw:

 

[الاحاسيس المبهمه]

حبيبتي
صح كلامج الاكل فيها حلال ... ووقاله بعد الشيخ عثمان الخميس ...
سوي سيرج باليوتيوب ...

 

[! هُوْ وِينِه !]

مآ عندي خبر بس تأكدي إن ذبحه حلال هذآ آلمهم أظن وإذآ تبين تستفسرين أكثر أعطيج رقم شيخ ثقة وآلله يوفقج ويستر عليج من عيآل آلحرآم وينولني وينولج إلي ببآلج
موفقة