حلفتكم بالله لاتبخلون علي من خبرتكم

[ابله مها]

بنات تكفوووون عرسي بشهر ثلاثه
وجسمي حلو بس لي كرشه
كأني بالشهر الخامس
وماادري شسوي وين اروح
اروح لعياده ولااشترك بنادي
ولا اشرب شاي اعشاب( زنجبيل او اخضر او...)
وعندي مشكله ثانيه شعري خفيف
ويتسااااقط واجد
وللامانه انا مااهتم فيه
مااحط له دهن ولا احنه
بس اغسله
تكفووووووون ساعدوني
:yaaaaaarb::yaaaaaarb:

 

[يا رب ارزقني]

ابلة مها اذا على الكرشه
نامي ع بطنج ولا تاكلين عيش بايام الدورة
والشعر والله ما اعرف لان حتى انا شعري خفيف ويتساقط وااااايد

وهذا اللي اعرفه بس وان شاء الله البنات ما يقصروون

 

[فدوووو]

الشعر كثيرين يمدحون السدر وانا راح اجربه ان شاء الله

بس من الحين اكلي فيتامينات عشان تقوين شعرك وبشرتك تزين

وملاحظه مهمه للكرشه لاتنامين على بطنك البسي لك مشد لللبطن وخليه عليك وقت ماتمشين وتشتغلين عشان المنطقه نفسها تنحف
وقللي من العيش وحاولي انك اول ماتصحين من النوم تشربين ماي لحاله طبعا بعد رمضان سوي هالشي مو الحين
واول ماتصحين من النوم اذا كنتي مو لابسه مشد سوي كانك تشدين بطنك يعني بدون يدك اتمني تكوني فهمتي
عشر دقايق بعدين عادي ولو تسوينها دايم احسن وافضل

وحاولي تاكلين جرجير وفلف اخضر وتفركين راسك بيدك قبل النوم اذكر وحدة من خواتي كانت تسوي كذا وشعرها طال وكثر باقل من شهر

 

[متوترة]

بخصوص شعرج سوي الخلطه هذه انا مجربتها روعه ..

حنه+شويه سدر+شويه زيت زيتون+زبادي+نص فنجال قهوه عربيه+عصرتين ليمونه+وعصفره (عاد العصفر تلاقينه عند العطار حط منه شوي عشان اللون )

تخلينها 5 او 4 ساعات ع شعرك..


حلوه النتيجه ع فكره ...
انا اسويها مااستغني عنها

 

[ابله مها]

يعطيكم العافيه
وشكراً على المرور
بعد ابي نصايح

 

[ترف بابا]

دشي نادي وسوي برامج عنايه بالشعر عند صالون معروف بهالشي

وبالتوفيق

 

[ابتسامة نثيه]

الله يعين نفس الحااااله بالظبط وعرسي الشهرر الجااي

 

[بنوتة عتيبه]

غلاتوو شوفي بالنسبة للكرشة خذي كريم زين الاتات التنحيف الحراري مرا كويس
وبالنسبة لتساقط الشعر اعصري عصير جرجير وادهني به شعرك وسوي له مساج


اتمنى افدتك مووفقة يارب

 

[حطمۈكہ يآقلبي]

شربي اعشاب وزنجبيل وعليــج بالكمون ع الريق يخفف الكرش

وعندج كريم بيرتلاف من العطــار حلو للكرش​

 

[شذى الحب]

البنات افادوا لج ولي عسى الله يوفقنا يارب بس بنات ين الاقي المشد للبطن ابي اشتريه وين احصله ؟

 

[كلي لكـ]

للشعر البنات يمدحون الخلطه العجيبه عند الحواج
وانا استخدم الحين حبوب لتوقف التساقط والتقصف وبعد هالكورس باستخدم الخلطه العجيبه و فيتامينات تقوي الشعر
والجرجير والمساج وايد مهم للشعر ويكثر وحتى الثوم رووعه
والكرش لاتشربين غازيات و العيش اكلي بس لاتكثرين
وحاولي طول الوقت تشدين بطنج

 

[al-7nona]

حبيبتي دخلي نادي احسن

وشعرج اهتمي بالاكل اول اكلي اكل صحي

واهتمي بشعرج


والله يوفقج حبوبه

 

[ابله مها]

يعطيكم العافيه
على مروركم
انا ودي اشترك بنادي
بس مااعرف شنو احسن نادي

 

[ابله مها]

متوتره ياقلبي الخلطه اللي قلتي عنها

حنه+شويه سدر+شويه زيت زيتون+زبادي+نص فنجال قهوه عربيه+عصرتين ليمونه+وعصفره (عاد العصفر تلاقينه عند العطار حط منه شوي عشان اللون )

يصير استخدمها من غير الحنا؟
والعصفره لها فايده لشعر ولا تعطي لون بس؟
لاني بصبغ بعرسي
واخاف الصبغه تقلب ع برتقالي من الحنه

 

[●° يآإ حِ‘ـبنيً ليَ . . ! «]

للكرشَ وحده قالتلي عن كريمُ الزنجبيلُ بالحوآج حلو للكرش
ولاتكثرين مآي بالاكل يعني خليه بعد الاكل بنص سآعةة

آمآ الششعر انآ نفسج تعبت من الزيوت ومافآد
الله يعوضني :/

موفقةةة يً عروسآ

 

[يالبيه 17]

الشعر سدر ومحلب يوقف التساقط
وكل اسبوع حطي دهن مرتييييييييين وبتشوفين تغير ان شاء الله

 

[أميـِـِره]

الكرش ناااادي علئ طوول

والشعر عندج الخلطة العجيبه من العطار حلوه

وأحلئ أب لعيووونج

 

[شيخه كويتية]

...



الكرش انا دشيت نادي خفت شوي الركض
ركضي باليوم نص ساعه


والشعر انا استخدم امبولات مادري اذا انتي بالكويت
تلقينهم عند الاذينه عند محل عزيز وحده تنبت الشعر والامبوله الثانيه تمنع تقصفه

اهتمي بأكلج وهذا مو معناته انج تاكلين وايد لا كثري فواكة كثري الاشياء المفيده الالياااف


...




الله يوفقج حبيبيتي

 

[الزين 85]

روحي لطبيب ريجيم احسن
وخل يصرف لج فايتمن

وشعرج اشتغلي عليه بالزيووت وحمام الزيت سوي برنامج بالصالون

وسوي مره بالشهر حمام مغربي وتفريك للجسم

وايديج اذا سمراا او ريولج حطي خلطات اهني بالمنتدى


موفقه

 

[أمولة أمول]

للكرشة المشي لو نص ساعة في اليوم واشربي زنجبيل وشاي أعشاب