حلمي تحطم وقلبي انكسر

[بنوته مقهوره]

بنااات بموت من هالريل من سالفه لسالفه ومن مشكله لمشكلللللله

احل شي يطلع شييي


وبعدين


بناااااااااااات تكفوووون طلبتكممممممم حلوها لي بموووت


انا دارسه طب اسنان...تقدم لي ريلي وحطيت دراستي بالصداره ووافق ..وطلبت اني اتوظف وهم وافق

قلنا خلاص الريال تمام وموناقصه شي ووافق على دراستي ووظيفتي مافيها شي لو كتبنا بالعقد

وواااااااااااااااااافق


يوم قرب العقد سو لي مشكله مايبنا نكتب بالعقد..ابوي ماوافق يانكتب بالعقد ياماهنا زواااج

وبعد مشكله كبيره عقدنا وكتبناااه



المشكله مو هني المشكله بعد ماتزوجتت وجبت منه بنوته يقولي انا مو موافق تتوظفين بنـــــــــــــــات تكفون شسوي

اقوله ليش تخدعني توافق يوم جبت مني عيال تقول مو موافق..

يقولي ماعلينا من كلام اول علينا من كلام الحين


بنااااااااااااااااات لي اسبوع مانمت افكر شسوي

 

[Mrs.Q]

عندج حلين الحل الأول بالحوار
تقوليله بيني وبينك عقد زواج ولو ماتبيني أتوظف يعني تبيني أتطلق لأن الوظيفة مكتوبة بعقد الزواج=طلاق
إذا قصدك تطلقني شي ثاني
ولو شفتيه خلاااااااااااااص قافل قافل واهوا خوش ريال وتبينه وتحبينه دخلوا أبوج آاااااااخر شي بالسالفة لأن الشي اللي ينكتب بعقد الزواج لو ماصار يبطل الزواج بدون رضاج فلازم تدخلين أبوج
والحل الثاني أنج فعلا ماتتوظفين وترضين وحطي خطين تحت كلمة ترضين لأن الرضا شرط حق عدم فسخ العقد
إذا شفتيه يصرف عليج ويقط عليج قط ومايرفضلج طلب قعدي ببيتكم أحسنلج بدال النجرة معاه على أشياء مصيرية
والله يهدي بالج يارب

 

[Vouge]

رد : حلمي تحطم وقلبي انكسر

سئلي شيخ .. هل يؤثم إذا خالف العقد؟
و تعالي له من هالباب !

 

[كنوشة 2009]

خلي ابوج يتفاهم معاه احسن حل

 

[اشتياق]

رفضه ماينفعه هذا شرط ومكتوب بالعقد ما ان تنازلتي عنه!
وان ماتنازلتي غصبا عليه والا يبطل العقد .

 

[زامليه وافتخر]

والله مادرى اسئلى احد ..يعرف بهالامور..

او خلى احد من اهلج يكلمه...

 

[انا مو هني]

رد : حلمي تحطم وقلبي انكسر

نصااب

لاتردين عليه هاذا عقد
نايتم العقد الا اذا طبق الي فيه
لايمسكج من الايد الي تعورج لا تظعفين خلج قويه
وقوليله اذا عندك كلام كلم ابوي وانا بصراحه بسئل شيخ دين وبخلي احد يسئلي قانونيا وان شالله مايصير الا الخير
قصي عليه يعني اهوا بيخترع
وبيعرف انج مو هينه
شنو عقب كل هالدراسه والتعب بارده مبرده اييب منج ياهل ويئمرج

 

[بنوته مقهوره]

رد : حلمي تحطم وقلبي انكسر

اااااااااااااه والف ااااااااااااااه

سنين عمري راحت وانا ادرس ..حلم امي وابوي فيني

انا اللي غاثني الخديعه اللي سواها

وماسك علي انتي عندج الشغل اهم من بيتج وانا مااقدر ادخل البيت وانتي مو فيه



احس حتى لو برضى عشان عيالي بس مو برضى من قلب وبعيش معاه مقهوره ومستحيل حبي يكبر له

واكبر مشكله انا اهلي محتاجين لي والله محتاجين لي

 

[مغروورة]

رد : حلمي تحطم وقلبي انكسر

اذا كاتب هالشرط بالعقد ترا مو من حقه يرفض اللحين !! السالفه مو لعبه بس انتي اخذييه بالسياسه
والكلام الحلوو وعاد انتي وطريقتج حاولي معاه مره واثنين وانشالله يوافق

 

[Mrs_Orchidia]

من حقج تصرين عل موقفج

و قوليله انا دكتورة اسنان .. ان شاءالله وظيفتي دوام منتظم يعني تروحين الصبح و تيين العصر

شكو ماحب ادخل البيت و انتي مو موجودة .. شدعواا!!!


الله يهديه ان شاءالله




شوفي انا مادري ريلج شيشتغل بس شكله ماوده تصيرين اعلى منه بالوظيفة

ماشاءالله اسمج دكتورة

 

[بنوته مقهوره]

رد : حلمي تحطم وقلبي انكسر

خواتي اهووو شغله دواميييين صباح وعصر


بموت حتى نوم ماانام شاب راسي لمن حصلت على هالشهاده واللله لو ادري هذا سالفته ماخذته من البدايه

اوكي اهو ينبلع بس الريال مو امان شهادتج اهي الامان

 

[جروح خالده]

رد : حلمي تحطم وقلبي انكسر

حرررركه خاايسه منه

لاتتراجعين عن امرج عقب هالتعب كله تقعدين بالبيت خلي ابوج يتفاهم معاه وبالهدووء الله يسخره لج

 

[اميره1980]

كلمي ابوج علشان يقنعه و يقوله بطريقة غير مباشرة ان هالشي متفقين عليه قبل الملجة و اذا ماكو فايدة كلمي احد من اهله يسمع كلامه و يقتنع فيه و اذا كان ريال كبير بعد احسن

 

[Tom ♥ Jerry]

.


فهميه و قوليله مره مرتين!
قوليله مآ يصير تمنعني ! لأنه هاذا كآن شرطي و آنته وآفقت !
كلآم أول أهوه الآساس :/ !

و اذا مآ رضى بعد مآ تقولين له مره مرتين ثلاث ستين مره !
دخلي طرف ثآني بالموضوع !
أبوج مثلا خل يتفآهم معآه هاذا عقد و اهوه رضى مآ يصير بعدين يترآجع :*

 

[ام الدرر]

حبوبة اصبري ولا تعاندين بيركب راسه وبتتعبين اكثر
عطيه فرصة شهرين ثلاثة لما يهدا
ورجعي فاتحيه بالموضوع
اخذيه بالشهامة والمدح
انت زوجي وابو عيالي ومو مقصر علي بشي
وعسى الله لا يحوجني لغيرك
بس انا درست سنين عشان اريح ابوي وامي وان ما ساعدتهم من بيساعدهم
وانت ان رضيت بتشاركني بالاجر ان شاءالله
واوعديه انج ما تقصرين فيه وفي عياله وبيته
وقولي له انا ان حسيت اني بقصر باي احد فيكم
صدقني من نفسي راح اقعد بالبيت
عسى الله يهديه ويسخره لج​

 

[عرق الطيب]

باجر لي قعدتي في البيت وحكته المصاريف اهو بقولج توظفي وانتي وشطارتج نظفي جيوبه أول بأول كله طلبات وطلعات وتسوق ومصاريف الياهل ولاتخلين بخاطرج شي وبس يعني باختصار خليه يبجي من المصاريف

 

[monmon12]

اعتقد اذا ما كنت غلطانه هذا الشرط مو ملزم للطلاق حتى لو انكتب بالعقد بس ايهو عليه أثم ووعد الحر دين

يعيني راح يتحاسب عليه اخذيه بالهداوه وقوليله الراتب قوي ومميزات تساعدنا بحايتنا يمكن ايهو خايف تقصرين على البيت

خلي يطمن ووعديه انج ماراح تتغيرين عليه وبيته راح يصير أحسن بعد

سايسيه حبيبيي انتي وطريقتج

 

[مدام زيزو]

رد : حلمي تحطم وقلبي انكسر

عليج بالدعاء والاستغفار

 

[brettey]

رد : حلمي تحطم وقلبي انكسر

ماله حق طالما انكم شارطين بالعقد وينه من اول ما تكلم ظ
الله يعينج كلمي ابوج يتفاهم معاه

 

[قهوة عربية]

شوفي حبيبتي ....هو ماعنده مانع تتوظفين ...

بس نوعية وظيفتج هي اللي مخليته مايرضى !!

يعني حبيبتي انتي دكتورة اسنان ...وبتدشين بحلوج الأوادم وتكشفين على اسنانهم ...وبتلصقين وايد فيهم خاصة الرياييل

عشان جذي هو كاره هالسالفة .....

انتي خليه على راحته ألحين وحاولي تتفاهمين معاه بكل هدوء ....بس مو تحنين

أو حاولي تتوظفين بالصحة المدرسية وتعالجين الطلاب اللي بالمدارس ....على الأقل شباب صغار مو رياييل

ترا ريلج مسكين غيران عليج ...ومو قادر يوضح لج ...

عموما باجر هو اللي بيطلب منج تتوظفين إذا كثرت مسؤولياتكم ومصاريفكم ....