حلويات اليمعات...جان زين اتشاركون ابتجاركم:)

[gumasha]

مشكووووووووووووووووووووووووووورة​

 

[bambena]

تسلم الايادي

 

[برميته.]

مشكوره نفنوف كشكش على الموضوع
انا ويني من زمان مادريت عنه ؟؟؟ الله يعطيك العافيه

 

[عرووووس الكون]

اممممممممم ياكثر حلوياتي وخرابيطي

حاليا غالبني النعاس مقدر احطهم بروح انام

لي رجعه ان شاء الله

 

[مشغوله و محتاسه]

مراحب ..

عساكم عالقوه بناااات ..

هالطبق سويته جم مره .. وان شاء الله بسويه الاسبوع الياي



شيز كيك الرمان
الطبقة الأولي::

علبة كيك سارالي فانيلا

الطبقة الثانية وتخلط بخلاط العصير::

1 علبة كريم كاراميل


1 كيس دريم ويب

نصف كيس جيلاتين يذوب مع فنجان قهوة فيه ماء حار
1 قيمر كي دي دي

6 حبات جبن كيري


تخلط وتوضع فوق الكيك بس يتم خلطهم بدون الكيري آخر شي نضع الكيري إذا الخليط خفيف أنزيد حبة ولا حبتين كيري

الطبقة الثالثة::

2 رمان أحمر مفتت

ثم تدخل الفريزر

الطبقة الرابعة::

2 جيلي توت أو كرز علي النار مع 2 كوب ماء بارد و2 كوب ماء حار

وتوضع بالثلاجة إلي وقت التقديم



بالتطبيق تصير سهله
و كشخه جدام الناس

 

[مشغوله و محتاسه]

طبعا اهو منقول من منتدانا ... ما ادري منو اللي حطته .. بس الله يعطيها و يعطيكم العافيه

 

[الشايعية]

تسلميييييييييييييييييييييين ياقلبي

ويعطيك العاااااااااااااافيه

 

[Brounzi_girlly]

رد: مشاركة: حلويات اليمعات...جان زين اتشاركون ابتجاركم

حبيت اشاركم بالهطبق اللذيذ
وهو الكيكه البارده
مقادير:
2:قيمر
1:دايجستف
1:كوب ماء حار مذوب به جلاتين 1
1:كوب سكر
1:كوب سائل
8:جبن كيري
صوص شوكلاته
الطريقه:
توضع قطع الجبن والسكر والحليب السائل بالخلاط
2:اضع قطع البسكوت علي الخليط ويتم خلطهم جيدا
3:اضيف الجلاتين الممزوج بالماي
4:اصب الخليط في الصحن الي يفتح علي الجوانب
5:اضع الخلطه في الثلاجه
اخيرا اضيف عليه صوص شوكولاته

وبالعافيه وياريت تخلينه ليله كامله افضل واحلي

____________________________

بنات آنا جربت اليوم كيكة بنوتة عجيبة بشهادة أهلييي
تسلمييين حبيبتي وصفة حلوة وكثري من هالسوالف بس حسافة ماصورتها
مع تحياااااااااتي...........​

 

[Suki_Candy]

مشكورين
وماتقصروون

 

[fooooz]

يعطيكم العافيه كلكم على هذي الوصفات الجميلة بس ودي أسالكم من وين اشتري لقيمات بس ابيها عجيبه ؟

 

[bnt q8 in usa]

اخذي لقيمات عالم الطبيعه بسلوي عجييييييييييييييييييييييب

 

[لوكريسيا]

و عندج لقيمات عواشة في خيطان روووعة

 

[ضحكة الدنيا]

تسلم ايدينكم على هالوصفات الرووعه
وماننحرم من اطباقكم الحلوه

 

[l6eeefa]

رد: رد : حلويات اليمعات...جان زين اتشاركون ابتجاركم

وبحطلكم طريقة بسبوسه سوتها وحده يوم الأربعا تهبــــــــــــــــل شويه عليها
المقاديــــــــــــــــــــــــــــر:
(نأخذ علبة القشطه مكيال)
1قشطه
1زيت
1سكر
1ونص سميد
ملعقه كبيره ونص بيكنج باودر
3بيضات
قليل من الهيل والزعفران
يخلطون مع بعض عدل مدل وتصبينها بالكيك كب الكبيره وتحطينها بالفرن لين تشقر وتطلعينها وتصبين عليها شيره خفيفه بارده واهي حاره
وبـــــــــــــــــــــــــــــــــس وسلامتكم وتعيشون

جربتها وطلعت واووووووووووووووو روعه

جربوها ومابتندمون

وشكرا لصاحبة الوصفه ​

 

[miss5]

ترى عواشة الحين عنده اكثر من فرع

 

[miss5]

وي حسافة توني اقرا وصفتج مالت البسبوسه

لان توني سويت بسبوسة اول مره خذيتها من احد المواضيع الموجوده

بس انشالله تطلع حلوه

مشكورين بنات عالوصفات

 

[Featured Lady]

شكرا على الموضوع الجميل

 

[LaSt WoMeN]

جربت اللي بالصفحة الأولى طريقة رفرف و عجبتهم .. مشكووورين و اذا عندي طريقة مو موجودة بالمنتدى بحطها بس الوصفات انا كله آخذها منكم الله يخليكم لنا

 

[العيون الفاتنه]

شلووونكم يا بنات
عندي لكم خووووش طبق حلو للقهوه خفيف وسريع للي يحبون التمر
المقادير: تمر(الكميه اللي تبينها) + هرده(5ملاعق كبيره) + بسكوت دايجستف(نص العلبه) + فستق مطحووون
الطريقه:تنظفين التمر من الطعام اللي داخله بس بشرط تكون التمره على شكلها يعني تقصين التمره من جهه وطلعين الطعامه.
تطحنين البسكوت وبعدها تخلطين الهرده معاه عدل بعد الخلط راح يكون عندج شبه عجينه_تحشين التمر فيها وترشينها بالفستق.
وباااااااالعافيه:

 

[أم عهووود]

السلام عليكم

يعطيكم العافيه على الوصفات الحلوه اللذيذه

اليوم عندى لكم وصفه حلو للقهوه وممكن للشاى لانه يتكون من الكيك

وهى سهله وبسيطه ومقاديرها بمتناول اليد

سويس رول الصغار حسب الكميه اللى تبين تسوينها وتنوعين

يعنى علبه على شوكلاته وعلبه على فانيليا وعلبه على فراوله

حليب نستله المركز والمحلى

جوز هند

اعواد اسنان خشبيه

الطريقه :

تقصين السويس رول حلقات متساويه وتغمسينها بحليب النستله

وترشين عليها جوز الهند وتقزين عود الاسنان بنص الكيكه

وتصفينه بصحن التقديم مره شوكولاته ومره فانيليا بالتعاقب

وتخلينها بالثلاجه قبل التقديم