حلويات اليمعات...جان زين اتشاركون ابتجاركم:)

[BaiTotia]

رد : حلويات اليمعات...جان زين اتشاركون ابتجاركم

مشكورة على وصفة الكيكة نجربها إن شاءالله
و كيكة الدايجستف عند أختي مقاديرها آخذها منها و أحطها لكم
بس مشكلتها الكيكة من داخلها ما يكون مستوي عدل
و متأكدة المقادير كاملة لأن ماخذينها من خالتي
بس ما أدري شنو المشكلة؟!
مع العلم إن بالمقادير مافيه بيكنغ باودر خخخ!!!!!!!!!!! أو يمكن لأني أحط مع الخلطة قطع كاكاو!!!!!!!!!!
و البسكوت يبت لكم أسمه قبل أمس لقيته بجمعية بيان اليديدة
mini voglie snack
من شركةvicenzi
طبعا يكون محشي كاكاو بنكهة البندق

 

[نفنوف كشكش]

رد : حلويات اليمعات...جان زين اتشاركون ابتجاركم

اممممممممممممممم.........اكيد لو اشوفه راح اعرفه
ترا قطع الكاكاو مالها شغل عادي بس اتوقع انج تحتاجين تفتحين الفرن من فوق عشان تستوي وتكونين امبطله الفرن من قبل بس لازم اتديرين بالج عليها جرباي اول شي تفتحين الفرن من تحت لين تستوي بعدين اتشبين اللي فوق انا ساعات شسوي ابطل الاثنين مع بعظ ليش مالي خلق انطر هههه
جربي انج اتسوين جذيه اول شي الفرن من تحت بعدين من فوق وشوفاي شيصير معاج

 

[الشيف رقيقة]

رد : حلويات اليمعات...جان زين اتشاركون ابتجاركم

عاشوا البنات عاشوا

 

[نفنوف كشكش]

رد : حلويات اليمعات...جان زين اتشاركون ابتجاركم

ايوا يا ايوا و ايوا يا ايوا ......
اشدعوه رقوقه وين اطباقج الحلوه جنج ماتدرين اتحفينه ابواحد

 

[الشيف رقيقة]

رد : حلويات اليمعات...جان زين اتشاركون ابتجاركم

والله ودي بس حدي بيزي يوميا ماافضى وان شاءالله بس افضى بعطيكم مثل قبل واكثر

 

[نفنوف كشكش]

رد : حلويات اليمعات...جان زين اتشاركون ابتجاركم

انشالله اتروحين وتردين بالسلامه (( احس اموظفه هالجمله غلط ههههه))

 

[BaiTotia]

رد : حلويات اليمعات...جان زين اتشاركون ابتجاركم

يمكن البلا من الفرن!!
أو يمكن ما أطحن البسكوت عدل!!
خخخخخ ما يندرى
زين ماعندج طريقة حق كيكة الدايجستف؟؟
و الشيف رقوق شنو رايها بهالمشكلة العويصة!!

 

[نفنوف كشكش]

رد : حلويات اليمعات...جان زين اتشاركون ابتجاركم

ميي بي والله
امبلا عندي خذيتها من حوا بس ماجربتها ومادري اذا في لها طريقه ثانيه

المقادير :

2 بيض
1/2 ك سكر

8 حبات جبن كيري
1 علبة قشطة نستلة
1 اصبع زبدة سايحة
1 م وسط قرفة مطحونة

2 علبة صغيرة بسكوت دايجستف مطحون

الطريقة:

يخلط البيض+ السكر جيدا ثم تضاف الاربع مقادير الثانية
تم يتم خلط البسكوت مع الخلطة عن طريق ملعقة خشب
يدهن قالب كيك مدور ثم تصب الخلطة في القالب وتخبز بالفرن وعن اخراجها من الفرن
يرش عليها 1م ك سكر بودر + 1 م وسط قرفة مطحونة بعد خلطهم مع بعض
وعندما تبرد الكيكة تقطع مربعات صغيرة وتقدم مع القهوة

 

[Umabdulmohsen]

رد : حلويات اليمعات...جان زين اتشاركون ابتجاركم

السلام عليكم ورحمة الله وبركاته

شلونكم وشخباركم ؟

عندى لكم حلو النوتيلا انا ماخذته من زمان

جيس كيك بكاكاو نوتيلا
============

المقادير
====

اصابع بسكوت ( Ladies Fingers )

كيك سارالى بالكاكاو

علبة كاكاو نوتيلا

2 قيمر KDD

كاكاو فليك مبشور للزينة

الطريقة
====
1 - يصف اصابع بسكوت على اطراف ماعون اللى ينفتح على جنب .
2 - يصف كيك سويسرول في الماعون طبقة وحدة .
3 - يخلط كاكاو نوتيلا مع القيمر ويصب 1/2 من الخلطة على الكيك .
4 - ثم طبقة كيك ثم طبقة اخيرة من الخلطة .
5 - يزين بكاكاو فليك مبشور ثم يوضع بالثلاجة .

بالعافيـــة مقدما

 

[نفنوف كشكش]

رد : حلويات اليمعات...جان زين اتشاركون ابتجاركم

الللللللله ام عبدالمحسن نوتيلالالالالالالالا يم يممممممم
مشكوووره عالطبق الحلوووووو.......

شوفاو بنات اللي في بالها حلو معين خل تكتب شنو اسمه عشان اكتبه ...ليش طحت علا حلويات اشكال و الوان بس اخاف اكتب شي ومايعجبكم ........انا جذي جذاك راح احطلكم اشياء بس عاد شاركاو ياويل اللي تكشت ترا اطلع لها بليل اخرعها ههههههه

بيتوتيه لقيت عندي طريقه حق كيكة اللي تبينها بس موبالدايجستف بحطها لج بس خل ارد ^__^

 

[al7anona]

رد : حلويات اليمعات...جان زين اتشاركون ابتجاركم

شكله عجيب رفرف
مشكوره على الموضوع نفنوف كشكش

 

[al7anona]

رد : حلويات اليمعات...جان زين اتشاركون ابتجاركم

هذا نو ع من الحلويات


تشيز كيك بالفراوله
الطبقة الاولى علبة بسكوت شاى مطحون مع زبدة الطبقة الثانية 2 قشطة و2 باكو دريم ويب و6 كيرى و5 ملاعق حليب بودرة وتخلطفى الخلاط جهزى جلى فراولة وخذى مقدارفنجال قهوة ويوضع مع الخليط ثم يوضع فى الثلاجة حتى يتماسك الطبقة الثالثة ضعى حبات فراولة بعد ان قطعتيها نصفين ثم ضعى الجلى المتبقى ملاحظة الصينية ذات قاع متفكك وللامانة انا ب عد مااحط البسكوت فى الصينية اضع قليل ماء فى يدى وارش علية وجربوة واللة يعجبكم ويبيض وجيهكم عند ضيوفكم

 

[BaiTotia]

رد : حلويات اليمعات...جان زين اتشاركون ابتجاركم

نفنوف كشكش مشكورة على الوصفة بس مو حلو بالدارسين
بس لاحظت إن مافيها بيكنغ باودررررر
الظاهر أنا ما أطحن البسكوت عدل!!
و بإنتظار وصفتج اليديدة

 

[نفنوف كشكش]

رد : حلويات اليمعات...جان زين اتشاركون ابتجاركم

ميرسوووووو شمعه عالوصفه الحلووه وانشالله يتم تجربت الطبق

بيتوتيه.......شيلاي الدارسين عادي نو برابلم حجيه
خل اعطيج اللي لقيتها
اول شبي الفرن ودهني صينيت الجيز كيك ابزبده وخليهم علا جنب
ثاني شي تاخذين علبت قيمر كي دي دي + علبت كريمه حمرا + قفشتين اكبار شكر تظربينهم عدل بعدين اتظيفين لهم علبت فيلاديلفيا او كيري وظربيهم لين ينخلطون عدل خليهم علا صوب

ثالث شي تاخذين كوب شكر او علبت حليب نستله الكبيره تظربينها مع نص اصبع زبده ثم تظيفين 3 بيضات وحده ورا الثانيه ثم اتحطين قفشه اصغيره فانيليا بعدين اتحطين مقادير الكريمه المحظره بس مو دفعه وحده يعني اشوي اشوي ......... بعدين تاخذين 2 كوب بسكوت ميري مطحون مخلوط مع قفشت بيكنق باودر ويم اظافت البسكوت المطحون علا الخليط بالتدريج عقب ماتخلصين اتصبينها بالقالب وتخبزينها وزينيها علا حسب الرغبه

بالرد الثاني بحط لكم كيكه اتيييييييييييييييييييينن

 

[نفنوف كشكش]

رد : حلويات اليمعات...جان زين اتشاركون ابتجاركم

كيكت تفاح ........ هاذي كانت اول وصفه اسويها ابحياتي خذيتها من رفيشتي حقوق الطبع محفوظه لها

المقادير "1"
1-4\3 كوب ماء
2- تفاحتين مقشرين ومقطعين مكعبات
3-2\1 كوب سكر
3- ملعقة دارسين

الطريقه :
كلهم ينخلطون ثم يوظعون علا النار مع التقلبي حتى ينشف " تكون ثقيله "

المقادير "2" الكيكه
1- 4\3 كوب طحين
2- 4\1 كوب سكر
3- ملعقه صغيره B.p
4- 4\1 كوب زيت
5- 2\1 ملعقة فنيليا
6- 3 بيضات

الطريقه :
بالخلاط اليدوي يتم خلط البض مع السكر
2- بالتدريج يوضع الزيت والفانيليا
3- يوضع الطحين وال B.p " ايكون مخلوط بالطحين " بالتدريج
4- بعد الانتهاء من الخلط وتوضع المقادير الاولى وتقلب بالملعقه ثم يصب بقالب الكيك المدهون بالزبده وتخبز بالفرن
5- اثناء الخبز تعمل صلصة التوفي :
1- 2\1 زبده لورباك " حجم 300 غرام تقريبا "
2- 2\1 كوب سكر
3-علبة قيمر " نستله "

علا النار توضع الزبده والسكر ويتم التقلبي الى ان يصبح الخليط بني ثم يوضع القيمر ويخلط جيدا
ثم يصب على الكيكه وهي حاره

انصحكم وبشده بنات ابهالكيكه لذيييييييذه

 

[نفنوف كشكش]

رد : حلويات اليمعات...جان زين اتشاركون ابتجاركم

وهاذي جيز اصليه ميه ميه
اخذاو قالب الجيز كيك ودهنوه ابزبده
كوب بسكوت مطحون ينخلط مع 3 اقفاش كبيره زبده يفرك الزبده بالبسكوت وترص ابقفالب الجيز كيك وتنحط ابفرن حوالي 5 دقايق وخلو الفرن مشبوب

بعدين بالباديه مالت الخفق اتحطون 4 علب جبنت فيلادلفيا اتكون ابحرارت الغرفه تظربونها مع كوب شكر بعدين اتحطون 3 اقفاش كبيره طحين علا سرعه متوسطه

اتظيفون 4 بيظات وحده ورا الثانيه بعدين علبت ساور كريم بعدين قفشت فانيليا اتصبون الخلطه علا البسكوت وتخبزونها ابدرجت حراره اشوي مرتفعه حق ربع ساعه بعدين وطاو النار علا حراره متوسه وخبزوها حق ساعه خلوها تبرد بعدين دخلوها الثلاجه ليله كامله وتزينونها مثل ماتبون

عاد صج بنات اذا ماشاركتاو بزعل وبطنقر عليكم وراح احرمكم من وصفاتي اللذيذه

(( زعلي زعل بويعل وطقاي راسج بالطوفه ههههههههه )) لا والله صج بنات حلو انه يكون في تفاعل انفيد ونستفيد

 

[Umabdulmohsen]

رد : حلويات اليمعات...جان زين اتشاركون ابتجاركم

بالعافيــة مقدما يا نفنوف كشكش

 

[نفنوف كشكش]

رد : حلويات اليمعات...جان زين اتشاركون ابتجاركم

الله يعافيج ويخليج وبيت مكه ايوديج ^_________^

 

[BaiTotia]

رد : حلويات اليمعات...جان زين اتشاركون ابتجاركم

حلوه كيكية التفاح عاد أمي تحب شي فيه تفاح خخخخ
باجر إن شاءالله ودي أجرب الكيكة الفلبينية
يعطيج العافية كشكوشة
راح أدور لج باجر أكلات حلوه و أعرضها
جم كشكوشة عندنا؟؟؟؟؟؟؟؟؟؟؟؟؟؟

 

[مواســم]

رد : حلويات اليمعات...جان زين اتشاركون ابتجاركم

تسلمين اختي كشكش والبنات كلهم

سجلت الوصفات وبسويهم كلهم بعون الله

الف شكرررررررررررر