حلويات رمضانية

[جارة القمر]

السلام عليكم


شخباركم


بما أن شهر رمضان المبارك قرب وأكثر المواضيع عن الحلويات الرمضانية دورت وحصلت هالموضوع ونقلته لكم وأن شاء الله يفيدكم يارب:eh_s(22):
لقيمات ام عزيزان
الطعم الاول يكون مقرمش من الداخل والخارج


والطعم الثاني مقرمش من الخارج وعجينه خفيفه وطعمها حلو من الداخل


والسر في البطاط


تعالو اقولكم المقادير


حطيت 2 كوب طحين ابيض
3 ملعقه نشا
2م حليب بودر
2 م كبيره زبادي
2 م زيت
بطاطه متوسطه مطبوخه بالماء ومهروسه جيدا
و م خميره
وماء دافي


ذوبي الخميره بالماء


اخلطي المواد الجافه وبعدين حطي الزبادي وبعدها الماي اضيفيه اشوي اشوي لما تتكون عندج عجينة القيمات وانا طلع معاي حوالي كاس ماء واقل من الربع ... وخليتها لما تخمر ... بعدين لما جيت ابي اصبها حطيت البطاط ... وصبيت العجينه وقليتها


هذى الطريقه تطلع مقرمشه من الداخل والخارج يعني مافيها عجين من الداخل


الطريقه الثانيه والي صورتها لكم اليوم


اني ما هرست البطاط بالأله


هرستها بايدي وخلطتها مع العجينه وبعدين صبيتها بالزيت


واذا تبين طريقة الصب او شكلها يكون مكور ومتساوي


اعملي هذى الطريقه التي اخذتها من ام خالد جزاها الله خير


خذى كمية من العجيين بيدك اليسار كانك تعصريها...............ثم بيدك الثانية تكون معك ملعقة صغيرة وجنبك فنجان زيت ........غمسى الملعقة بفنجان الزيت ثم اقطعى من العجيين التى فى يدك
وارميها بالمقلى


خليها اشوي لما ينزل منها الزيت وعلى ما تصبين الدفعه الثانيه حطي الدفعه الاولى بالشيره
وهكذا لما تخلصين المقدار


والمقدار هذا راح يصير دفعتين

وصورتها لكم من الداخل بعد ....

طريقة صب او تلقيم اللقيمات

لقيت صورة يد من النت وراح اشرح لك الطريقه عليها

تعصرين العجينه بهذا الشكل وراح تخرج العجينه من المكان المشار اليه بين السبابه والابهام ... وتقريبا راح تخرج بشكل الكوره .... تاخذينها بالملعقه التي غمسناها بالزيت ... عشان لما تصبينها بالمقلى تنزلق بسرعه وما تلصق العجينه بالملعقه .... وان شاء الله تكوني فهتي الطريقه راح تكون الكور متساويه وشكلهم مثل اللي بالصوره

ملاحظه مهمه : ابدا لا تستعملين الماء في صب اللقيمات دائما استعملي الزيت لان الماء راح يصير ناااااااار مع الزيت الساخن

ويتبع​

 

[جارة القمر]

بلح الشام

المقادير :

2 قلاص طحين

نص قلاص زيت او زبده (انا حطيت زيت )

2 قلاص ماء

4 بيض

1 م ص فانيليا

القليل من الخل الابيض (لرائحة البيض)

زعفران وهيل

وطبعا زيت للقلي

وشيره

الطريقه :

يوضع الماء والزيت على النار حتى يغلي الخليط ثم نرفعه من النار

نضيف الطحين ونخلط جيدا (اهني انا خليت المقدار يبرد اشوي لان ماحبيت اضيف عليه البيض وهو ساخن )

نضيف بيضه بيضه مع الخل حتى يمتزج الخليط ثم نضيف الفانيليا والهيل والزعفران

يوضع الخليط في كيس الكريمه ويشكل في زيت غزير ساخن على نار هادئه ويقلب حتى يتحمر

خليه في المصفاة حتى يبرد جيدااااااااا ( وهذي الخطوه مهمه اهم شي انه يبرد تماما حتى ما يلين بعدين) وبعدها اسقيه بالشيره البارده

ويتبع​

 

[جارة القمر]

الزلابيه

حنا بالكويت نسميها الزلابيا ودول الخليج اضن تسميها بنفس المسمى لكن الدول الاخرى تسميها المشبك

ونحبها اكثر شي في رمضان او بالعيد

وهي من الحلويات الكويتيه القدييييييييييمه

وطعمها لذيذ ومقررررررررررررررمشه (وطعمها مثل القيمات تقريبا )

وانا سويتها لكم وان شاء الله تعجبكم وطريقتها جدا سهله ومقاديرها متوفره

وكنت ابي اصور لكم خطواتها لكن للاسسسسسسسسسسسسسسف لحقت على صوره وحده للعجينه ومو واضحه كثير لان الشحن خلص علي

المقادير :

2 كاس طحين ابيض

4 م كبيره زيت

1 وثلاث ارباع كاس ماء دافي

1 م ك خميره

م ص سكر

1 م صغيره ماء زهر

هيل وزعفران

وقليل من الصبغه (انا استخدمة صبغة الزعفران اللي نلون فيها الرز ) وطبعا اللون على رغبتك ممكن برتقالي او اصفر

وشيره

وزيت للقلي

الطريقه :

تخلط المواد الجافه مع بعض ثم نضيف الزيت والماء وتعجن جيدا

تترك العجينه حتى تخمر (انا خليتها لمدة ساعه )

توضع في كيس الكريمه وتشكل على شكل خيوط دائريه في زيت غزير على نار متوسطه(بالاول خلي النار هاديه وبعدين طولي عليها لما تبين تقلبينها )

تغمس في الشيره البارده ثم تصفى وتقدم

ولونها على الطبيعه وايد احلى فااااااااقع والطعم لذيذ جدااااااااا كانها من السوق

والكاس هو كاس جبن بوك العادي 240 غ

ويتبع​

 

[جارة القمر]

طريقة حلى الفلوس

سهل ولذيذ وسريع


المقادير :

1 ك طحين

1 ك سميد

نص ك حليب سائل

نص ك زبدة

م هيل صغيره ناعم

الطريقه


نخلط السميد والطحين والهيل ... وبعدها احط عليه الزبده حتى يتشربه الخليط كله ويصير عندي مثل الفتات

احط عليه الحليب السائل واعجنه

راح تكون عندي عجينه سهلة التشكيل

ارقها على سطح مرشوش بقليل من الطحين واقطها بشكل دوائر صغيره

واقليها على نار متوسط في زيت وسط ... واحطها في الشيره واخليها اشوي لما تتشرب الشيره ... وخليها في المصفى حتى تنزل منها الشيره الزايده

وطبعا ممكن تنثرين عليها جوز الهند او الفستق

واصفها في صحن التقديم

ويتبع​

 

[جارة القمر]

قمر الدين بالنشاااااااا

اخذت عصير كي دي دي المشمش (ربع لتر)

وحطيت عليه 2 ملعقة اكل نشا

وعلى النار حتى ثخن (وتراه بسرعه يثخن لان الكميه اشويه )

وبعدها وزعيه بالقوالب ودخليه الثلاجه حتى يبرد

والمذاق كان لذيذ ومنعش وبارد

وبدون اضافة السكر لان العصير حالي

او اللي تحب الحلى تحط ملعقه سكر

وتزينينه بجوز الهند المبشور او بالمكسرات

والعلبه الوحده تكفي شخصين

جربي بالربع لتر بس يعني بعلبه وحده واذا حبيتيه جربي بكميه اكبر
ويتبع​

 

[جارة القمر]

الكريم كراميل السهل والمضبوط وبدون بيض ولا غيره

وغير انه شكله طلع روعه

اشرايكم فيه؟؟

الطريقه جدا سهله

وكانت عندي مشكله لما اسوي الكريم كراميل من البيض مايطلع شكله املس

يطلع فيه مثل الفقاعات ومخرم بعض الاحيان

وما شاء الله لما قلبته وقطته كان متماسك جدا وكانه كيكه

الطريقه :

2 باكيت كريم كراميل

ثلث كاس سكر

2 كاس حليب بودر

4 ونص كاس ماء

الطريقه :


يضاف الحليب على الماء ويذوب جيدا ونضيف باقي المقادير عليه وكله على النار

ونحرك فيه لما تختلط المقادير جيدا

ولما يغلي غليه وحده نسكر عليه

وطبعا نكون مجهزين القالب وحاطين فيه سكر الكراميل .... ونضيف حليه السائل بشويش ونحطه بالفريز مدة ساعه

وبعدها انزله تحت بالثلاجه حتى يجمد تماما

وتقريبا ياخذ له ساعتين او اكثر ...

بس طريقته لذيذه ومضبوطه وان شاء الله مايخرب معاج لما تقلبينه

ونسيت اقولكم بعد اذا جيتي تقلبينه شوفي الاطراف مكن تكون لازقه بالقالب فكيها اشوي اشوي عن القالب بطرف السكين حتى يدخل الهواء ويطلع لك بسهوله

ويتبع​

 

[جارة القمر]

صب القفشه

من الحلويات الكويتيه ودايم نسويها برمضان

وسميت بهذا الاسم لانها تصب في الملعقه(القفشه هي الملعقه باللهجه الخليجيه )

المقادير :

2 كاس طحين ابيض

1 كاس طحين نخي(حمص)

4 بيض

نص كاس زيت

1 كاس حليب سائل دافي

1 م ط خميره

هيل وزعفران

واشوي خل ابيض حق ريحة البيض

الطريقه :

نحط المقادير الناشفه مع بعض ونخلطها جيدا بالملعقه

وبعدها نخلط المقادير السائله جيدا ونضيفها على مقدار الطحين حتى تتجانس جيدا وراح تكون عندي عجينه لزجه

نتركها حتى تختمر تقريبا ساعه وربع او ساعه ونص حسب المكان (راح تشوفينها انتفخت)

تصب بالملعقه في زيت ساخن على نار هادئه حتى تتحمر من الجانبين (الزيت يكون وسط وليس غزير )

نصفيها اشوي عن الزيت ثم نضعها بالشيره لمدة خمس دقايق

ثم نقدمها بالطبق بعد ما نصفيها من الشيره

ويتبع​

 

[ضحكة الدنيا]

تسلمين حبيبتى جارونه على هالنقل الرووووعه
والله يبلغنا وياكم هالشهر الفضيل
ومبروك على هالتوقيع شحلاته
والله يرزقج الذريه الصالحه ولايحرمج يارب​

 

[جارة القمر]

عيش السرايا

اول شي طبقة التوست


لما اعمل اي شي من التوست تزيد عندي الاطراف فاحمرها بالفرن وبعدين اطحنها يصير عندي شكلها مثل البقسماط


اخذ منها كوبين ونص واحمره اشوي بالمقلى بدون دهن


وبعدين ابعده عن النار واكب عليه كوب ونص شيره او اقل حسب ماتحبين الحلى واخلطه جيدا حتى يتشرب كل الشيره


احط الخليط في طبق البايركس واساويه واضغط عليه اشوي اشوي


نجي لطبقة القشطه


كوبين حليب سائل
خمس ملاعق اكل نشا مملوئه
قليل من الهيل
وماء ورد
وعلبة قشطه


احط الحليب والنشا والهيل حتى يثخن عندي وبعدين اكب فوقه القشطه واخلطه بسرعه حتى يمتزج الخليط جيدا
اخر شي احط ملعقتين او ثلاث ملاعق ماء ورد واخلطه


اصبه فوق طبقة التوست واساويه وارتب شكله

نجي للمكسرات


حطي صنوبر والكازو وحمريهم بالدهن اشوي


وحطي لوز مكسر وفستق واشوي جوز الهند


بالاخر حطيها بالثلاجه حتى تبرد وقطعيها ووزعيها


وفي ناس تحب تاكلها وهي دافيه او ساخنه اشوي


وعليكم بالعافيه

ويتبع​

 

[جارة القمر]

الكنافه الكذابه

تاخذين كيس واحد توست وتنزعين عنه اطرافه

وتبدين تفتتييين فيه لما يصير عندج فتات صغير جدا

تاخذين ثلاث ارباع قالب زبده صغير 113غ وتذوبينه وتحطينه على التوست وتبدين تفركين فيهم لما التوست يبدي يتشرب الزبده كلها

بعدها صفي نص مقدار التوست مع الضغط عليه في القالب وحطي الحشوه ( انا ادمنت على حشوة مثايل لانها لذيذه وسهله ... 2 علبة قشطه مع كيس جبن موزريلا... واللي تحب طعم الجبن اكثر تحط قشطه وحده بس )

وبعد الحشوه تحطين باقي التوست وتفرشينه اشوي اشوي مع الضغط القليل على الحشوه

دخليها الفرن حتى تتحمر من فوق وتحت وتاخذ تقريبا ثلث ساعه

وعلى طول من اطلعينها من الفرن اسقيها بالشيره وزينيها بالفستق ... انا وقتها ماكان عندي حطيت شرايح اللوز عليها

يا بنات عندي ملاحظه

انا جربت اذوب الجبن يعني اطلعه عن الفريزر واخلطه بالقشطه بس هذى الطريقه تخلي فرش الحشوه اشوي صعب لان الجبن يكون طري وذايب

بس المره الثانيه جربت اني اطلع الجبن على طول من الفريزر وهو مجمد وطبعا متفكك عن بعض ومبشور اخلطه مع القشطه راح يعطيني سهوله بفرش الحشوه على الكنافه او التوست

ويتبع​

 

[جارة القمر]

الاحلام الورديه

حلىىىىى سهل وسريع وحلو لرمضان

2 علبة جلي فراوله

1 علبة قشطه

وسكر حسب الرغبه

نسوي الجلي بالطريقه العاديه وبعدها نضيف عليه القشطه ونخلط جيدا

نوزعه في اواني شفافه حلوه للتقديم

نحطه بالثلاجه ولما اطلعينه راح تشوفين انه صار لونين احمر ووردي

شكل وطعم وصج احلام ورديه




لقيمات باللبن

2 كاس دقيق هوم بريد الكيس الازرق

ا م وسط خميره مذوبه في ربع كاس ماء دافي مع م وسط سكر

ولبن دافي استعملت لبن البيت ... يعني تاخذين مقدار كاسين وتخلينهم بره يدفون في جو المطبخ

و 3 ملاعق نشا



الطريقه :

نخلط المقادير مع بعض لما تتكون عندنا عجينه متجانسه وسائله نوعا ما ... مو شرط تستعملين الكاسين اللبن كله .... صبي على العجينه اشوي اشوي حتى تتجانس معاج

وخليتها تخمر لمدة ساعه الا ربع .... بعد تغطيتها طبعا وحطيتها في مكان دافي

صبيتها في الزيت الغزير والحار ... وعلى نار هاديه صرت احرك فيها وكانت هذى النتيجه

وطعمها لذيذ مابين الحموضه والحلو ( مابين اللبن والشيره )

ومثل ما شايفين تطلع مقرمشه من الخارج وعجينه من الداخل

وبالاخر ممكن ترشين عليها هيل ناعم او سمسم

ويتبع​

 

[جارة القمر]

زاد عندك كاستر من امس تعالي سوي هالحلى منه اليوم

طبعا رمضان لا يخلو من المهلبيه او الكاستر

وانا عن نفسي لازم نسوي منه يوميا

وقبل كم يوم سويت كاستر وزاد عندي... وانتو عارفين بسرعه تخترب ان طولت اكثر من يوم ... ويصير عليها ماي

اخذت الزايد عندي ... وحطيته كله في وعاء واحد
بعدها اخذت 1 كيس دريم ويب وخفقتها مع الحليب البارد لما تكونت معاي كريمه
خلطت الكاستر معاها ... وخفقتهم مع بعض لما تجانس الخليط
بعدها اخذت بسكوت ... وغمسته بالحليب اشوي وصفيته بالبايركس عملت طبقه وحطيت من خليط الكريمه عليه اشوي وبعدها حطيت طبقه ثانيه من البسكوت ... وصبيت كل الخليط عليه
بالاخر فتت اشوي بسكوت عليه مع قطع صغيره من الاناناس ... وزينته بالتوفي
وطلع رووووعه يا بنات طعمه مثل الايس كريم

اتمنى تجربون الطريقه وخاصتا لما يزيد عندكم الكاستر

اهني قبل لا احط التوفي ... وهذى صحون الكاستر خليت منهم صحنين بس

الحلى المقرمش

ومقاديره :

عجينة السمبوسه الجاهزه

وزيت للقلي

وشيره

وسمسم

الطريقه

نقطع شرائح العجينه لمربعات ... ونقليها بالزيت ... ونتركها حتى تصفى اشوي من الزيت

وبعدها نحطها بالشيره ... ونصفيها من الشيره ونرشها بالسمسم

ويتبع​

 

[جارة القمر]

حلى ام على بخبز الرقاق

كسري خبز الرقاق في طبق البايركس ... ورشي عليه المكسرات والزبيب وجوز الهند .....(كمية الخبز خليها نص طبق البايركس او اكثر باشوي )

الحين حطي 6 اكواب حليب سائل في القدر (لان الرقاق يشرب كميه كبيره من الحليب ) والسكر كاس ونص او حسب الرغبه ... وبيضه وحده ... وهيل اذا تحبين او فانليا طبعا خلطيه زين وخليه يغلي على النار

وبعدها صبي الحليب على الخبز وخليه يتشربه زين وحتى لو يصير سائل راح ينشف بعدين بالفرن ( قلبي الحليب اشوي مع الرقاق بالملعقه حتى يدخل فيه زين ويتشربه )

وحطي عليها القشطه ودخليها الفرن لما تتماسك وتشرب الحليب الزايد

وما تاخذ الا ربع ساعه بالفرن على درجة 170

وبعدها اكليها بالعافيه

والطريقه نفس طريقة كمبوجه لان طريقتها سهله وانا اعتدمتها من زمان بس زدت من كمية الحليب لان الرقاق يبيله زياده من الحليب السائل

وراح يطلع هذا شكلها بالاخر

ويتبع​

 

[جارة القمر]

حلى اصابع التفاح وجبن الكيري
الطريقه جدا سهله

نحضر عجينة السمبوسه الجاهزه وهي عباره عن شرائح رقيقه

ونحضر تفاحتين ونبشرهم

ونحضر نص كاس سكر

وقرفه ملعقة كبيره

اول شي :

نحط التفاح والسكر على النار لما يبدي يطلع الماء ... ثم نرش عليه القرفه ... لما ينشف مائه ونخليه على جنب حتى يبرد...

اعملي صمغ العجين = ( اشوي طحين مع اشوي ماء )

نضع العجينه المستطيله ونضع الصمغ على اطراف كل العجينه ثم نضع الحشوه على الطرف ونبدي نلفها مثل الاصابع ... ونضغط اشوي على الطرفين حتى تتسكر جيدا

نقليها بالزيت ... ثم نرش عليها سكر بودر وقرفه

اصابع الكيري :

نفس الطريقه السابقه بس بدل التفاح نمسح العجينه بالكيري ... ونقليها بالزيت ... ثم نضعها بالشيره

واذا صار عندج وقت فاضي .... اعملي هالطريقتين وحطيهم بالفريزر... ولما يجون الضيوف اقليهم وقدميهم ... حلى سريع ولذيذ وخفيف


المهلبيه البيضاء والمهلبيه بالككاو

ويتبع​

 

[جارة القمر]

الكنافه بالجبن والقشطه

وفعلا اطلعت لذيذه جدااااااااااااا

فتت الكنافه وحطيت عليها قالب ونص زبده (113غ)

وخلطت الجبنه مع القشطه

وفرشت طبقه من الكنافه بالصينيه وحطيت عليها خليط الجبن

وحطيت باقي الكنافه ... ودخلتها الفرن

وبعد ما تحمرت طلعتها وقطعتها وحطيت عليها الشيره

وحطيت عليها جوز هند محموس


والجبن طلع ذاااااااااااااااايب ذوووووووووووووب ولذيذ جداااااااااا

جربوها بنات لانها لذيذه وسرييييييييييعه ومقاديرها سهله


ونفس الطريقه ممكن تسوينها بالقشطه فقط بدون الجبن


ويتبع​

 

[جارة القمر]

القطايف




راح ادخل بالمقادير على طول

1 ك سميد ناعم

2 ك طحين

1 م صغيره خميره

2 م وسط بيكن باودر

رشة ملح

ربع كاس سكر

3 ك ماء او اكثر حسب الطحين


الطريقه:

تخلط المقادير وتكون سائله وقابله للصب

وفي القلايه نضع مقدار مغرفه صغيره في المقلى الغير قابله للالتصاق... تكون النار وسط وحتى ينشف شكلها وتحمر من جهه وحده فقط... شوفو الصوره باديه تنشف

وهذا شكلها بعد التحمير من جهه وحده فقط ... نتركها اشوي لانها راح تكون ساخنه جدا
وفي ملاحظه : لا تتركينها مده طويله على النار حتى ماتنشف اطرافها كثير وبعدين ما تلصق ... يعني من تنشف وتتحمر خفيف شليها من النار

وبعدها نحشيها مكسرات او قشطه ... ونطويها بالشكل هذا

ثم نقليها بالزيت ونتركها في المصفى اشوي وبعدها نضعها بالشيره ... راح تطلع مقرمشه ولذيذه ولونها ذهبي بالشكل هذاااااا

وسويت منها بدون قلي احشيها قشطه واصب عليها الشيره

ويتبع​

 

[جارة القمر]

حلى بيض العيون



الحلى سهل جدا

نعمل الكريم كراميل مثل ماهو مكتوب على العلبه

ونصب الخليط في فناجين القهوه

ونضعه بالفريزر حتى يتماسك

في هذى الاثناء نعمل المهلبيه

عباره عن

4 كاسات حليب سائل

4 ملاعق مملوئه من النشا

و3 فناجين سكر

نضعها على النار ونحرك فيها حتى تثخن

تحضير الطبق :

ثم نصب المهلبيه حوالينه وراح يكون بهذا الشششكل المميز

ويتبع​

 

[جارة القمر]

السينامووووون
لعمل العجينة نحتاج
1 جيلة طحين رقم 1 ( 500 جرام طحين معجنات ) (( تقريباً 3 كاسات وربع ))
4 ملاعق ط حليب بودرة
1 فنجان زيت
1 فنجان سكر
1 م ك خميرة فورية
1 ملعقة ص ملح
1 م ك بيكنج باودر
ماء دافئ للعجن


الطريقة يا حلوات
تعجن العجينة بخلط كل المقادير ( عدا مقادير الوجه ) حتى تتشكل لك عجينة طرية
وانتبهي أن تستمري بالعجن لمدة لا تقل عن عشرة دقائق
وكلما زادت مدة العجن كلمات زادت طراوة العجينة


الآن غطي العجينة في مكان دافيء لمدة ساعة
ومن ثم شكليها بعد أن تتضاعف


عملت منها السيناموووووووون وطلع روووعه

نرق العجينه وندهنها بالزبده السائحه ثم نضع عليها القرفه والسكر

ثم نلفها على شكل الرول ونقطعها


ونخليها تخمر مره اخرى وهي بالصينيه


ثم ندخلها الفرن حتى تتحمر من فوق وتحت

وبعدها نزينها بالتوفي واللوز

ويتبع​

 

[جارة القمر]

الخبيصه من ام عزيزان


يمكن في بنات اعملت الخبيصه بس انا اللي اعملها غير


ما احمر السكر فيها


وتطلع لذيذه جدا


واحط فيها الحبه الحلوه وتعطيعا طعم مميز


والكل يحبها من اهلي ودايم يطلبونها مني الشياب قبل الشباب


وفي بنات اطلبتها مني عالخاص وانا وفيت للطلب

المقادير :


4 كاس طحين


5 كاس ماء


4 كاس سكر (ممكن تقللي الكميه اذا ماتحبين الحلى كثير )


2 كاس زيت


هيل ناعم ... وحبة حلوه ناعمه

الطريقه :


نحط السكر مع الماء على النار حتى يذوب السكر ويغلي غليه وحده ونسكر عليه


نحمر الطحين لما يصير لونه بني


وبعدها ننخل الطحين عن الكتل اللي فيه


نحط الطحين في قدر نظيف ونخلط معاه 2 ملعقة هيل مع 1 ملعقة حبة حلوه


ونصب عليه مره الزيت ومره الماي بالسكر ونخلط فيها لما تتجانس تماما (الله يعين ايدينكم )


ونحطها على النار اشوي لما تتجانس تماما ولا تخلينها تنشف كثير على النار (النار خليها هاديه وانتي تقلبينها ) وراح تشوفينها فكت عن القدر وترى ماتاخذ وقت على النار يعني انتبهي تنشف وتتكتل بعدين ان طولتي فيها


حطيها في الصحون وزينيها برأس الملعقه والشوكه

واذا حابه تقدمينها بشكل ثاني كوريها وحطيها باوراق التقديم وزينيها برشة جوز الهند او الفستق

ويتبع​

 

[جارة القمر]

حلى التوست بالكريم كراميل

مقاديره بسيطه ومتوفره

كيس توست .. كاس ونص حليب سائل..3 ارباع سكر.. علبة فواكه مشكله كبيره

مقادير الكريم كراميل

كاسين وربع حليب سائل... علبة كريم كراميل

مقادير الكريمه :

عدد 2 كيس دريم ويب ... عدد 2 قشطه

الطريقه :

نقطع اطراف التوست ثم نصف التوست في القالب

يغلى الحليب والسكر على النار ثم يصب فوق الحليب ... وبعدها نضع الفواكه بعد ما نصفيها من الماء

يغلى حليب الكراميل ثم نضيف الكريم كراميل مع التحريك ثم يصب على طبقة الفواكه وندخله الثلاجه حتى يبرد

بالاخر نخلط الدريم ويب مع القشطه بالخلاط حتى يتماسك الخليط ويصير شبه كريمه ... نصبه على طبقة الكريم كراميل... ونخليه بالثلاجه حتى يبرد تماما ثم يقدم

ويتبع​