حلو السيجار سهل وسريع من جارة القمر مع الصور

[جارة القمر]

مشاركة: حلو السيجار سهل وسريع من جارة القمر مع الصور

لمسة فن

استعملي

قيمر الكي دي دي

واااااااااااااااااااايد أحسن

النستله مو شي حق التوفي

من واقع تجربه

العفو وأعذرني علي التأخر بالرد

 

[جارة القمر]

مشاركة: حلو السيجار سهل وسريع من جارة القمر مع الصور

زيـنـه

هلا يا قلبي


شوفي

أنا طريقتي

المضبوطة
بالتوفي

هذي


أول شي

ثلث قالب الزبدة تذوبينه علي النار بس دربالج لا يحترق وبعدين السكر وبعدين الكريمة الحمراء أو القيمر

مع رشة نسكافيه


أنا ساعات ما احط الزبدة ما احب طعمه

بس السكر والقيمر والنسكافيه

لين يصير لونه ذهبي أو بني شوي


طريقة أختي

أول شي السكر علي النار بعدين الزبدة وبعدين القيمر
لين يصير لونه ذهبي



حبيبتي

أنا إذا ما عندي قيمر أحط الكريمة

بس تري قيمر الكي دي دي أحسن مقيمر النستله



وحيااااااااااااااااااااج

والعفو

 

[علايه]

مشاركة: حلو السيجار سهل وسريع من جارة القمر مع الصور

تسلم ايدج

 

[جارة القمر]

مشاركة: حلو السيجار سهل وسريع من جارة القمر مع الصور

علايه

وايدج يا قلبي

ومشكووووره

 

[لمسة فن]

مشاركة: حلو السيجار سهل وسريع من جارة القمر مع الصور

مشكورة وايد يا جارة على الرد ... تسلمين
طيب راح أجرب قيمر الkdd إن شاء الله ...
يعني من خبرتك تعتقدين أن القيمر كان السبب في ليونته ؟؟
مع أني بعد ما عملتهم حفظته في علبة بلاستيك محكمة الإغلاق
حتى ما تتعرض للهواء ..........

 

[jolie_q8]

مشاركة: حلو السيجار سهل وسريع من جارة القمر مع الصور

لمسه فن

اهوا حلاته... تاكلينه بنفس الوقت

لان أو مره سويته الظهر .. وخليناه للمغرب

صار لين

شويه

وثاني مره سويته الظهر واكلنا العصر .. كان روعه

وعلشان ما يصير لين وياج ... خلي التوفي يبرد شويه .... وغمسي فيه البسكوت

وسلامتج

 

[زيـنـه]

مشاركة: حلو السيجار سهل وسريع من جارة القمر مع الصور

جارة القمر .. يلين وياج و الا لا ..؟

بسويه باجر و اشوف

 

[fulla]

مشاركة: حلو السيجار سهل وسريع من جارة القمر مع الصور

تسلم ايدينج

 

[السفيرة عزيزة]

مشاركة: حلو السيجار سهل وسريع من جارة القمر مع الصور

اعتقد ان كلام جولي صح

لاني حطيت التوفي حار و غمست البسكوت فيه

بجربه مره ثانيه و هو بارد يمكن يضبط

لاني حاطه مقادير جاره بالضبط

 

[جارة القمر]

مشاركة: حلو السيجار سهل وسريع من جارة القمر مع الصور

مشكورة وايد يا جارة على الرد ... تسلمين
طيب راح أجرب قيمر الkdd إن شاء الله ...
يعني من خبرتك تعتقدين أن القيمر كان السبب في ليونته ؟؟
مع أني بعد ما عملتهم حفظته في علبة بلاستيك محكمة الإغلاق
حتى ما تتعرض للهواء ..........

=====================


لمسة فن

تصدقييييييييييييين أنتي أول مره تقوليلي هالملاحظة

أنا عطيت الطريقة حق وحده تسوي حلو وتبيع ما قالتلي نفس هالسالفة

وحتي أنا ساعات اسويه ويزيذ ويقعد حق ثاني يوم ما يخترب ما صار نفس هالسالفة


جربي قيمر الكي دي دي

 

[جارة القمر]

مشاركة: حلو السيجار سهل وسريع من جارة القمر مع الصور

jolie_q8

مشكوووووووووووووره علي هالمرور الحلو




أنا اساس أسوي التوفي قبله بوقت

مو بنفس الوقت

وتري التوفي ما يخترب إذا سويته وخلييته بالثلاجة

 

[جارة القمر]

مشاركة: حلو السيجار سهل وسريع من جارة القمر مع الصور

fulla

وأيدج يا عمري

 

[جارة القمر]

مشاركة: حلو السيجار سهل وسريع من جارة القمر مع الصور

السفيرة عزيزة

علييييييييييييييييييكم بالعافيييييييييييييييه

 

[srabeel]

مشاركة: حلو السيجار سهل وسريع من جارة القمر مع الصور

جاره الله يذكرج بالخير شاريه البسكوت من زمان يمكن من شهر ولا سويته كل يوم أقول بسويه ولا أسويه لا وخاشه البسكوت عن اليهال بس الحين إن شاء الله بقوم أسوي التوفى وأخلى لين يبرد وبعدين بشتغل فيه

 

[جارة القمر]

مشاركة: حلو السيجار سهل وسريع من جارة القمر مع الصور

srabeel

تسلمييييييييييييين بعد عمري

عاد اليها يموتون علي عالبسكوت

وعليكم بألف عافيييه

وأن شاء الله يعجبكم يارب

 

[بنت الأجواد]

مشاركة: حلو السيجار سهل وسريع من جارة القمر مع الصور

شكله لذيذ وسهل

يسلموو جارة القمر

 

[srabeel]

مشاركة: حلو السيجار سهل وسريع من جارة القمر مع الصور

جاره سويت الحلو وطلع واييييييييييييد سهل ولذيذ واليهال إستانسو عليه وسويته بالنوعين نص بالجوز الهند الأبيض والثاني بجوز الهند المحمص وعجبهم الثاني أكثر بصراحه وايد حلو بعد عقب ما سويته وخشيته عن اليهال أقولج الأصابع صارت لينه مع إنى مستخدمه كي دي دي والتوفى خليته يبرد ولا غطيت الحلو بس هم روعه
عاد بقت جم حبه وحماتي شافته عند اليهال فقالت لهم روحو قولو حق أمكم تنزل من الحلو وأنا مو مسويه غلا علبه وإلى تم يمكن 5 او أربع أصابع فصيتهم بالنص وطرشتهم عجبها حيل وما عرفت شنو مكوناته

الله يعطيج العافيه على هالوصفات السهله

 

[جارة القمر]

مشاركة: حلو السيجار سهل وسريع من جارة القمر مع الصور

بنت الأجواد

يسلمج ربي

 

[جارة القمر]

مشاركة: حلو السيجار سهل وسريع من جارة القمر مع الصور

جاره سويت الحلو وطلع واييييييييييييد سهل ولذيذ واليهال إستانسو عليه وسويته بالنوعين نص بالجوز الهند الأبيض والثاني بجوز الهند المحمص وعجبهم الثاني أكثر بصراحه وايد حلو بعد عقب ما سويته وخشيته عن اليهال أقولج الأصابع صارت لينه مع إنى مستخدمه كي دي دي والتوفى خليته يبرد ولا غطيت الحلو بس هم روعه
عاد بقت جم حبه وحماتي شافته عند اليهال فقالت لهم روحو قولو حق أمكم تنزل من الحلو وأنا مو مسويه غلا علبه وإلى تم يمكن 5 او أربع أصابع فصيتهم بالنص وطرشتهم عجبها حيل وما عرفت شنو مكوناته

الله يعطيج العافيه على هالوصفات السهله

=====================================

سرابيل

اتصدقون صدمتوني بهالشغلة


حتري رفيجاتي ما قالولي هالشغلة

وأنا اقولج أخليه لي ثاني يوم بالثلاجه

وما يتغير

وانا دايما اقصد بالنص

اصير شكله احلي وارتب

وعليييييييييييييييييكم بألف عافييييه



صدمتني هالشغلة

 

[srabeel]

مشاركة: حلو السيجار سهل وسريع من جارة القمر مع الصور

الله يعافيج
والله جاره ما أدري يمكن لنى ما أستخدم زبده بالتوفى وبعدين ترى حتى لو لين هم حلو