شلونكم حبايب قلبى
الحلو لعبت فيه لعب حلو سويته وعجب الاهل
وبنفس العجينه والمقادير قلبته طبق مالح وهم عجبهم
الحمد لله
اول شى بعطيكم الحلو بعدين بقولكم عن المالح
يعنى اذا بتروحين زواره
جهزى الطبقين حلو ومالح من نفس المقادير
عشان جذى سميته
حلو العب على الحبلين لووووووووول
لانه خداع وكلكجى
الحلو ::
الطريقه والمقادير :
عجينه سويتر اقصها بالنص مستطيلين والفها جنها اصابع بعد ما احشيها جبن كيري او محلبيه
اثقلها شويه حق الحلو
طبعا الزق طرفها عدل بعجينه ( ماى + طحين )
واعبيها بجياس وبالفريزر لوقت الحاجه
الحين بسويها اقليها مثل القيمات بزيت غزير واحطها بمشخال ينزل الدهن عنها
احطها بطبق التقديم وانا اخترت الطوس القديمه اللى جنها مالت الذهب اول
عشان شهر رمضان حركه يعنى :ggdw:
واصب عليها حليب نستله المحلى وارش جوز وهرشى وايد
وتعالى ذوقى احلى حلو
الحين نبيه مالح اشلون
المالح :
اطلع لى جيس من الفريزر واغمسه فى بيضه مخفوقه بعدين زعتر
واقليه بنفس الطريقه
ويصير احلى طبق مالح من نفس المقادير واحط يمه صوص كاتشب
ويا سلام
هاه شرايكم بحلو مو يلعب عالحبلين :rerrerek:
هديه الموضوع
http://audio.islamweb.net/audio/inde...o&audioid=8466
