حلو مشكلتي وساعدوني هي كبيرة والاانا كبرتها

[ديانا سبنسر]

مساء الخير كويتيات
شلونكم من زمان عنكم
عندي مشكلة واتمنى تساعدوني بحلها
زوجي كل يوم يطلع من البيت الساعة 8بالليل مايرد الاتسع الصبح وامس رد البيت لقيت ملابسه فيهم حمرة قلت من شنو هذا قال مدري تناجرنا وقلب السالفة علي انتي فيج وفيج والمهم لمينا الموضوع ونمنا شوي وقعدت سويت الغدا وتغدينا وردينا نمنا لما قعدنا وواحنا نتقهوى قتله ليت الحمام خربان بدله حصلت مسبات الدنيا وقم يقلل من احترامي انتي خبلة وموصاحية ويجيب سيرة اهلي ويتهزا قلت انا لازم احط حد للاهانات قال تبين بيت اهلج قلت اي قال يلا البسي
والحين انا بيت اهلي ومدري اللي سويته صح او خطا ومدري شلون اتصرف

ملاحظة :ريلي صار له اسبوع على ادناة الدون يهاوشني وطقني خلال هالاسبوع مرتين
سااااااعدوني تكفون

 

[ديمة الشوق]

الله يهديه ياارب

 

[بنت ابووها]

لا والله زين سويتي فيه

واذا سالوج اهلج خلج صريحه معاهم

قولي فوق شينه قوات عينه اسلوب خايس ومعامله خايسه وفوق كل هذا يمد ايده

وملابسه فيها حمره

ومرده بيجي يراضيج وان ماجا على وجهه لادقو اهله قولي شوفو ولدكم المغازلجي ابو حمره

واللي مافيه ذره رجوله يمد ايده على حرمه

يايتسنع يا بخليه يتأدب شوي

 

[ام نيوفي]

الله يهديه و يسخره لج
بس ليش ينام برا البيت مفروض مناقشته من زمان على هالسالفه وانت تقولين صار له اسبوع جنج راضيه من الاول كان ناقشيه
و بعدين كان قعدت في البيت لما قالج تبين بيت اهلج كان زعلت في بيتج احسن

 

[ناتشوو]

الله يهديه ويسخره لج
طبعا ديانا السالفة كبيرة وقديمة
وتراكمات
وكل واحد شايل بقلبه
يعني انت الحين مع عيالج ف بيت اهلج؟
اللي صار صار وماالومج
بس لا تسوين شي ليما يبدي

 

[الأميرة جوري]

والله ماتستاهلين ...ليش تغير عليج ؟؟ اهو من اول جذيه والا بس هالاسبوع ؟؟ انا احس كلامج عادي بس اهو جبريت ...الله يهديه لج يارب ...عليج بالدعاء

 

[!الجادل الصعب!]

تصرفج صح .. هو فيه عله ولآزم يبررهآ ..
والابتعآد هو الحل .. واذا وصلت للطق دخلي آهلج بالسآلفه ..
عشآن مآ يتعود على هالشي يآقلبي ..
آلله يفرج عليج ..

 

[عيون القرناس]

الله يهديه ياارب يمكن في احد يلعب براسه ومغيره يمكن نفسيته تعبانه ديري بالج تخلينه في هالفتره يمكن علاقتكم صاير فيها فتور او كنتم مبتعدين عن بعض في فتره معينه وصار هالشي راجعي نفسج وشوفي وين الغلط وصلحيه ترا روحتج لاهلج مامنها فايده

 

[G!RLooNa]

ريلج قاعد يتبع اسلوب خذوهم بالصوت و ضربني و بكا سبأني و اشتكى

سوا كل هال هوليله و الهوشه عشان يضيع سالفه الحمره على هدومه

و انتي غلطتي انج ساكتتله يمد ايده عليج

بعدين ماتقولين شسوي كل يوم يطلع بالليل و يرد اليوم الثاني الصبح ؟؟؟؟

 

[tmtmt]

ياقلبي
الله يعينج ويفرج همج

 

[tbola]

صجج الله يهديه احسن شي سوييتيه انج رحتي بيت اهلج عشان اهو راح يحس اب ضيقه بالبيت بروحه ويكون مو متعود مايلقاااج وانشالله ضميرره يحن علييج

 

[دلوعة حمني]

انت مو غلطانه و خليج على موقفج.. و خلي هلج يتفاهمون معاه

 

[جولينار]

ماودي اعبي راسك


بس ان شاء الله تنحل الأمور بينكم ,,


وحليها بهدوووء وعقل وحكمة وانتي ادرى منا بزوجك وطبعه وزلاته وزلاتك

 

[ام الدرر]

الله يهديه ويسخره لج ويبعده عن دروب المعصية​

 

[ام ريماس خوخه]

الله يهديه لج ويسخره لج يارب امين

 

[الأميرة الحزينة]

بعد عمري ديووون ماتستاهلين :eh_s(16): :eh_s(16):
انتي مو غلطانه ولا كبرتي الموضوع.. تصرفج صح دام وصل الأمر انه يخونج وينام بره البيت ويمد ايده عليج شبقى بعد ؟؟ لاززم ينقرص ويعرف ان الله حق ودخلي اهلج خل ياخذولج حقج ... عسى الله يفرج همج ويهديه لج ياااارب ........ :yaaaaaarb::yaaaaaarb::yaaaaaarb:

 

[أحلى الألماس]

زرجج لمن شفتي الحمره وسالتيه صار عنده ردت فعل
هجوووميه عشان يبين لج انه برئ وماله بهالسوالف وانتي
غلطانه المفروض من اول يوم شفتيه يتاخر ل٩ كلمتيه باسلوب حلو
يمكن ماكان تمادى وصار عنده يومي التاخير انا ماابي أضيق خلقج
دام شفتي اثار حمره ويتاخر أكيد عنده سوالف بس مو معناته تخلين زوجك
انتي الحين في بيت اهلج عادي يمكن غيابج يخليه يحس بغلطه
وديري بالج تقولين لاهلج عن الحمره مهما كان هذا زوجج قولي لهم سبب
زعلج انه هاوشجج وخلاص
*

 

[LeeMa q8]

لاحول ولاقوه الا بالله العلي العظيم

عسى الله يهديه يارب ..


حبيتبي دام مد ايده دخلي اهلج بالسالفه عشان لاييتعود ... وبعدين هو سوا كل هالبلبله عشان يضيع سالفه الحمره


وعسى الله لايوفق كل وحده تركض ورا متزوج يارب

 

[" ام حمود "]

لاا زين سويتيء ، لازم تروحين بيت آبوج شسالفه يمد آيده عليج .. !!
اصلاا من اول مابدى بالطق المفروض تعلمين اهلج عليه ولاا تسكتين له
وقولي حق آبوج ع اللي قاعد يسويه فيج
وع طاري انه يعايرج بيت آهلج ، المفروض ماتقولين له شيء عن آهلج يعني اذا مشاكل في بيت آهلج لاازم تسكتين ..
الحين انتي في بيت آبوج قوليله والله ابوج اهوه سند لج بالدنياا هذي ..
الله يهديه لج

 

[Tutti-Frutti]

ليش يتاخر وينام بره البيت ! مو هينه السالفه جان من الاول تناقشتي وياه على هالموضوع عشان لا يكبر وتصير عنده عاده

وطبعا تصرفه وهواشه عشان يضيع سالفه الحمره .. الله يهديه

دخلي اهلج بالسالفه دام صار فيها طق عشان لا يتمادى