حل مجلس الأمه

[Layz]

لا والله مو خوش خبر
علشان يبون يعرفون وين تروح فلوس الكويت ينحل المجلس
علشان يبون يسقطون ديون الكويتيين ينحل المجلس
علشان نبي نتمتع بفلوس ديرتنا بدل ما تعمر غزة والعراق ينحل المجلس
لا لا لا
مو خوش خبر
ياديرة

إي والله مو خوش خبر !
إن شاء الله مو صج ..

الحين الدول الثانية تحسدنا على الديمقراطية و أنتوا تقولون أحسن بدون مجلس !!!!!

والله ابتلشنا ..

 

[ii DareeN ii]

ياسفني جهل بناتنا في اهمية مجلس الامة كجة رقابية

وان الحل يعني تعطيل بعض مواد الدستور الي تمس حرياتنا

 

[فررررح]

مو خووووووووووش خبر والله

 

[كويتيه رزتها ملكيه]

ياسفني جهل بناتنا في اهمية مجلس الامة كجة رقابية

وان الحل يعني تعطيل بعض مواد الدستور الي تمس حرياتنا

ااااى هاذا الكلام السنع0000000

الله يستر من الى نبى نشووووفه:0bee2e8d89:

 

[WaRDiaH]

عندي كلمة وحده بخصوص مجلس الأمة وحال هذي الديرة
إلي خيرها للطغاة وإلي داسوا على راسنا .. غزة ما غزة والعراق وهالخرابيط .. وحارمة عيالها من نعيمها
الكلمة إهيا

(((( مصخرة ))))

ثم مصخرة ثم مصخرة

إنحل المجلس ولا ما إنحل
الوضع في هذا البلد يظل

(((( مصخرة ))))

أخييييه بس أخييييييه

 

[شيخة الزين 80]

شفت الخبر على الجزيره...قطيعة فرحانه الجزيره بالحل.....

 

[ذهبيه براقه]

توة حطو على الوطن خبر عاجل... مالفيت موضوع على العام!!

الحمد لله في احد شهد على الموضوع
الاخت مشرفة القسم بالركن العام تقول الموضوع مخااااااااااااالف
بعد مخااااااااالف ليش
خبر وحاطينه بالتلفزيون
انزين هذامو مصدر
انزين المعاااارف اللي عندي داخل مجلس الأمه لاتثقون فيهم
بس التلفزيون
مو مصدر بعد والله حاااااااااااااااااااااااااااااااله
:gr4uu::gr4uu:

 

[ذهبيه براقه]

خوش قرار ...
واتمنى يتم تعليق مجلس الأمة سنتين خل تتسنع الديرة محد معطلنا غير النواب ... ​

مشكوره على مرورج
بس هذا مو زين حق الديره
راح تتأخر عجلة التنميه

 

[ذهبيه براقه]

ابركها من ساعه

اصلا القرار ياا متاخر الله يهاداهم بس

ان شاء الله بهالحال على طوووول من غير مجلس مادري شمستفيدين منه غير البهدله فشلووونا جدام الناس !!!

مفهومه السااااااااالفه
دايم بأستجواب ر ئيس الوزراء
في حل
تتوقعون ليييييييييييييييييييييش

 

[ذهبيه براقه]

الخبر اكيد والا ؟؟؟؟؟؟؟؟؟؟

للأسف اكيد

 

[ذهبيه براقه]

وي عاد هاذي مو حاله
الله يهدي الكل

وهم مو حااااله الكويت تصير متأخره في كل شي
خليهم ييبون وزراء عدلين
والا الاعضااااااااااااء يحليلهم
مامداهم
هوووووووووووووووب
استقااااااااااالة الوزارة

 

[ذهبيه براقه]

احسن محد معطل التنمية الا هالنواب

عيل وزارة ما صار لها شهرين بيستجوبون رئيسها

الواحد يبيلة سنة عشان يعرف وزارته وهذيلا بشهرين يبون انجازات

مافي مجال للمقارنة بين نواب قبل ونواب الحين

قبل قلبهم عالكويت الحين كل واحد يركض ورا مصلحته

الله يحفظج يا كويت

حبيبتي
النواااااااب مالهم شغل نفس مااااااااااااقلت
في منهم الزين في منهم صاااااحب تكتل
وفي منهم سلف يصلحون الديره
الشغل ترى شغل الوزاراء عيل اماااااااانه
آكو في مجلس في العاااااااااااااالم كله
يصير تشكيل وزاري 3 مراة في انعقاد واحد لمجلس الامه
خليها على الله ولي يرحم والديج

 

[بنت بابا جابر]

ياسفني جهل بناتنا في اهمية مجلس الامة كجة رقابية

وان الحل يعني تعطيل بعض مواد الدستور الي تمس حرياتنا

حبيبتي اللي شرع الدستور شرع حله عند اللزوم ومو دايما النواب يكونون كفؤ وانتي عارفتهم اللي رفع نعاله و اللي رقص مع حماااس وانتي رايحه ... بذمتج هذيلا كفو يستجوووبووون...؟؟؟!!!!

مجرد رأي​

 

[بنت الاجواد]

و هاااااذي حالتنا حل المجلس انتخابات


مو لازم مجلس امه خلاص

 

[ذهبيه براقه]

انزين شنهو الحل دستووري اوو مو دستووري


خو صارت لعبه كل شوي منحل

الحل اللي اعرفه دستوري
اما اذا غير دستوري مانعرفه لأن بأيد الأمير الله يحفظه
اهو صااااحب القرااار الأول والأخير
اما اذا دستوري يعني الأنتخااااابات اليايه بعد 3 شهور من الحل
الله المستعاااااااان

 

[رومانسيه99]

:krkrkr:لاموخوش خبر ليش وشحقه عشان مايشترون المديونيات والا ماطيح القروض بس كافي تعبنا نبي حل للمشاكل الي تواجه الناس موالحل هو الحل كويتيه تحب الخير :eh_s(1)::eh_s(1)::eh_s(1):

 

[زينة الشرق]

الله يهدي الجميع يااارب وان شاء الله الخبر مو صج والله يهدي النواب اللي صار كل همهم الاستجواب حتى يستجوبون الوزير من قبل لا ينحط بالوزارة !!!! وين السنع يا نواب الأمة صار شغل النواب بس استجوابات وبس لكن شنو سوووو حق الكويت ؟؟؟؟؟؟؟؟؟؟؟؟؟؟؟ يعني الحين استجواب رئيس الوزار بيحل مشاكل الديرة ؟؟؟؟؟؟؟؟؟؟؟؟؟؟؟؟؟؟؟؟؟؟ أتمنى الله يهدي نوابنا ويعمرون ويبنون الوطن أحسن من معاول الهدم اللي ماتفيد لا كبير ولا صغير والله محد يبي الحل لمجلس الأمة ويبي النواب ينسون الاستجوابات نصيحة ودي يسمعون النواب اشتغلو حق البلد اللي عزنا ورزنا اي نعم في أخطاء وما ننكر هالشئ بس مو معناه انه أبرهن اني اشتغل اقوم أحط اللوم كله على شخص ؟؟؟ مستحيل طبعا البلد تمشي بالكل والكل بالله يعني ودنا نسمع نوابنا سووو مشاااريع تخدم الديرة النواب بنوا وووسووو لا بس نسمع استجوابات وبس وين المصداقية لمه يستجوب وزير ماصار له على الوزارة شهر وين العدالة يحاكم انسان مدة شهر على خطأ سنوات ماله ذنب فيه اللي يبي يبني يبني بصمت وأفعاله ادل عليه لأنه عمر الحجي ماياب فايدة حتى بالأسرة الوحدة كثر الحجي والصراخ والمشاكل عمرها ماتوصل لنتيجة ايجابية اللي يحب يطور بيته يطور بيته بدون مايستجوب أحد وكل انسان أفعاله دليل عمله واخلاصه لهذا البلد اللي عطانا اللي نستحقه وزيادة شنبي بعد ؟؟؟ صح في نواب قلبهم على الديرة ويبون لها الخير وما ننكر حتى اللي يطالبون بالاستجوابات هم بعد أكيد قلبهم على الديرة بس ياناس ياعالم عطو الناس فرصة خل الشغل ياخذ نفسه على الأقل ودي كل نائب يقعد في مكتبه بدال لا يقول بستجوب ((بعض النواب )) يقول شنو راح أبني حق الكويت اذ صار هذا تفكير كل واحد فينا ديرتنا أكيد بتكون غير ونشالله ديرتنا دوم غير والله يحفظها بحكومتها وبنوابها وبمجلسها وبشعبها قولو آمين الله يهدي النفوس ويبعد عنا كل شر حاسد وحاقد احنا بنعمه وكل ذي نعمه محسود ويارب يكافينا شر النفوس المريضة ويعافينا ويعافي ديرتنا الحنون الكويت

 

[ذهبيه براقه]

[COLOR=[/COLOR]

اي والله الحين بس تصغيه حسابات بينهم وقلبهم مو على الكويت

الله اعلم بالنيات لاتظلمين
في منهم والله اللي يبجي على الكويت وخاااايف عليه
من اعضاء مجلس الأمه اللي شاااايفينهم هذيل
والله يحاول ويحاول
بس انتو مو فاهمين ان مااااااافي تعاون بين المجلس والحكومه


نتبوتاا
شنو نسوي بعد

سنفوره
انا معاج امصخت السالفه

بنت بابا جابروجهه نظر ووضحت النقطه


daloo3aa-98الخبر للأسف اكيد
لمزيد من المعلومات تابعو الاخبااااااااار السااااعه 9

فيلجاويه عسل:0bee2e8d89::0bee2e8d89:
دنيا رديه:dddds:حبيبتي عمره الدستور مايتغير
هذا ماااااااشين عليه من سنييييين

قطوورديهه thaaaaaaaaaaaaaaaaaanx

حلم الأمس اللهم آمين

 

[البيداء_77]

ما اقول الا الله يحفظ هالدير ويستر عليها ويكفيها شر من به شر

 

[فوشية]

استغفرالله يا هالمجلس

زين ما سوا اميرنااااااااااااااا