حمااااااااااااااي امبيييه

[الغاليه ام احمد]

يمكن الريال طبعه غشمرجي ويحب السوالف

وما اظن انه نيته شينه وخصوصا انج مرت اخوه

واذا خايفه مره ثانيه تجنبيه قعدي عند وحده من خواته وسولفي معاها لا تعطينه مجال يكلمج

 

[FiOnKa]

ويمكن معتبرج مثل اخته ويسولف معاج من باب القرابه

ويمكن مرته بعينه احلى منج
صفو النيه بالعالم

إي والله صح كلامها .. و حماج اعتبريه مثل اخوج لانه حرام يمكن صج مو بنيته شي ..

و بنفس الوقت اذا حسيتي فيه شي غريب بتصرفاته ردي عليه على قد سؤاله و كلميه برسمية

 

[الينبوعة]

انا بعد اقولج نفس كلام البنت السالفة تخوف واذا كبرت مو زينة بحقج وحق زوجك الله يستر لو صار شي بين الاخوان ابتعدي نة وخلي بينكم بس سلام من بعيد خلي يحس انج ما تحبين تبادل الكلام الزايد بينكم هو عاد يحس ويبتعد ​

 

[ضايعة بدنيتي]

اي والله مدري شهالمنتدى الي فيه كلهم ملكات جمال وعارضات ازياء بجد شي غريب !!!

اختي انتي تدرين ان نص كلامج كان عبارة عن غيبة ؟؟؟ استغفري ربج واتقي الله في نفسج ترى مبين انج مستانسة لانج لفتي نظر حماج .. برافو عليج شطورة

تعوذي من ابليس ترى الغلطان الاول والاخير هو انتي .. قطعي الشر من اوله

الله يهديج

 

[حبيبه بدر]

كوني رسمية معاه و الباب اللي يجي منه الريح سده و ستريح!​

 

[قلبي سلومي]

عيب هالحجي

كل ماجا طلعي

هاذي كل القصة

 

[tmtmt]

يعني اذا انتي تشوفين نفسج حلوه غيرج يشوفج جيكره
واذا تشوفين جسمج حلو غيرج ما يحب هالجسم

ممكن حماج يشوفج جذي

واذا تشوفين مرته جيكره غيرج يشوفها احلى منج
واذا تشوفين جسها مو حلو يمكن ريلها يحب هالجسم

خلج بحالج وتفكيرج الغلط اهوا الي قاعد يقولج جذي

باختصار على تحكمين على الناس ولا تحكمين على نفسج
كل واحد ونظرته

 

[ام بشار]

حلوة هالقصة من تأليفج كملي القصة وتقطي عنة الله يستر عليج

 

[العفاسيه]

يمكن يخوزز فيج لان لايعه جبده من شكلج
انتي داشه اتعدين لنا عيوب زوجته عيب عليج
حمدلله والشكر اظاهر عاجبج الوضع ولا جان عرفتي تعفين نفسج عن الرجال اذا نظراته مو مريحه على قولتج *

 

[*peace*]

امبي ياعيااااااااارتكم يالحريم!!!

 

[ماني من الناس]

عشان جذيه انا ماحب سالفه الاختلاط بالقعدات

مفروض حريم بروحهم

ورجال بروحهم


اهي البنت ماراح تقدر تسيطر على احد اذا جاها وتكلم ,,,,,,,,,,,,,من حياها

فلازم من البدايه يصير الفصل


والكل يعيش سالم

 

[ترجمة احساس]

اعوذ بالله الحمو الموت المفروض بس السلام وما تسولفين معاه ولاتلبس اي شي ضيق ومرته يمكن عاجبه زوجها شكو احنا حلو جسمها ولا موحلو عشان موحلو جسمها نعطي نفسنا مبررات يشوف اجسامنا وين العقل والدين

 

[بنووته تكاانه]

لاتعطينه وجه

 

[نونو العصله]

ماله داعي تقعدين مع حماج سلمي و قعدي مع الحريم وخلاص وبلاها اللبس الضيق وهو لو شايفج بحالج ما قرب منج

 

[Miss McDonald]

الحل معروف بدون استشارة

 

[انصاريه قمره]

الحمدالله والشكر وانتي شكوو بمرته وشدراج انج احلا منهاا كل وحده تشوف نفسها ملكه وتينن بس الناس ينظرون لها نظره ثانيه وشنو يخز جسمج ويفصلج لو لبسج محترم وشكلج محترم جان ما خزج

 

[مندوبة ام بندر]

لاتجابلينه

وتفتكين

 

[قــل مـا تـشـاء]

ردي عليه برسمية زاااايده وخلي لبس مخصص لبيت اهل زوجج يكون محتشم وبقوووه , ومو لازم تحطي ميك اب دامنكم مختلطين ,,
ثانيا على قولتج مظلوم ويا زوجته انتي شكو ! اسمحي لي بس هذا الواقع ماتدرين عنهم وعن حياتهم

 

[عبق الخزامى]

ياااااحلو الثقه بنفس وياااااشين المقارنه مع الغير
ابعدي عن الشر والباب الى يجي منه ريح سدة وستريح

 

[يوآش يوآش]

يطلع سوالف علشان يحتك فيني طبعا مرته جيكره وجسمها موحلو

اما انا عكسها تماما فمادري احسه مظلوم معاها

قولي والله ..

اهم شي انج احلى منها

اوووووووش رحم الله والديج