حمااااامي

[q8 knosha]

السلام عليكم....​

بلييز ابي مساعدتكم حدي موحابه حمامي تكرمون :eh_s(2): ابيي اغير فيه ​

حمامي لونه ازرق بأبيض نص الطوفه من تحت ازرق فاتح ومن فوق ابيض ومانقدر نغير الطوفه الحين
فحبيت اغير فيه الشغلات البسيطه اللي مافيها تكسير :eh_s(4):​

انا كنت مدخله لكسسوارات البيضه بس الحمام تكرمون حييل باهت :eh_s(1): وغيرت حطيت ستاند نفس هذا تقريبا

بس اللي عندي من الاجناب بس عواميد موجذي مسكر والارضيات مبطله على شكل مستطيلات من ايكيا :eh_s(4): انشاءالله وصلت الفكره .. ولونها بني اللي مايل على البرتقالي​

وشريت الفووط نفس اللون البني المايل على البرتقالي
وبشتري القالب مال الصابوننه والفرش هذا الست بشوفلي شي نفس اللون بعد​

وحابه ادخل اكسسوارات بس مادري شنو؟؟!​

ساعدونييييييييييييي فكرت بشموع؟؟ ولا اعلق صور علطوفه؟؟ شرايكم بالفكره؟؟
اممممممم احط مثل قالب وداخله بتلات؟؟ شحط؟؟​

و ويين احصل هل هل سوالف واكسسوارات الحمام الحلوه؟؟​

ايه وحمامي فيه شور بوكس :eh_s(14): ماحبه
نفس هذا بس من غير النخل اللي علباب

​

وفي بالحمام مساحه كبيره ومفكره احط بانيو يمه شرايكم؟؟​

انا مره شفت مثله ماتذكر ويين ومت ادوره مومحصله منه
هذي صورته يارييت اللي شايفته بمكان تقولي وين​

​

وهذي صوره ثانيه

​

فكرت احط زرع جذي مثل اللي بالصوره شرايكم؟؟ بس بشتري طاوله عنونه حق الحمامات واحط عليها سوالف؟​

ولاتقولون حطي زل بالنص لان ريلي دفش يعفس الدنيا بالماي كنت حاطه بس شلتهم :eh_s(4):​

وناطرتكم:eh_s(22):​

 

[سلامه الحربي]

وايد حلووووووووو

 

[q8 knosha]

????
مشكوره وينكم بنات

 

[ام ميلا]

حبيبتي انا حمام زي حمامك بس كلو لون واحد الازرق نا فكرت ادخل الون الاخضر يدي حيويه في الحمام ويكسر لون الازرق الباهت مثلا استاره الحمام بيكون لونه اخضر مثل لون الشجر وحطي بتلات على الركن الفاضي عندك وشموع خضرا والدلاب الي تقولين علي من ايكيا اشتري الشرايط العريضه اكيد تعرفينها لون اخضر وسويها فيونكن ت وحطيها علي بشكل حلو اتمنى اني افدتك زي لون الخط هههه

 

[Chay7aLeeB]

قالب الصابون والفرش وربعهم في حلوين بهوم جاردن والمحلات اللي لاصقه فيه وعندج في a2z يشوقون على كراسي بحر وكوخ وفي سوالف فنتك وهم في بعض الديزاينات معاهم فوط صغار ووسط وعندج بعد صفاة الغانم

الاكسسوارات على حسب المساحه الي عندج والمكان حطي الفازات الشافه وداخلها ور مجفف وشمعه كبيره بالوسط او كرستالات وصخر وتقدرين تحطين شكلين او 3 من الفازات وتغيرين بالوانهم او نفس اللون يعتمد على اكسسوارات تكرمين الحمام القوالب وبعها

انا حاطتلي جذي عالمغسله شكلهم يونس بس تحتهم كرستالات ملونه من هوم سنتر

صراحه برايي الشموع بالتزيين يعطون جو موووووطبيعي بس لعبي بالتزيين واخذي الفازات كلها شفافه عشان بس تملين غيري الوان الورد والكرستال والشموع

وبالنسبه للبنايو افتكر في بالمحل لصيق هوم جاردن اذا ماخاب ظني لان خبري فيه من شهر 11 مادري عاد الحين بس هذا افتكر تمديداته تختلف عن العادي حق تصريف الماي عاد كل ماشوفه بالافلام ادور تمديداته ومالقاها اقول شلون يروح الماي

 

[دلوعة باباتــي]

فكره حلوه

 

[q8 knosha]

لول جاي حليب ضحكتيني تصدقين ماطرت على بالي الفكره!
عاد اشيله وفرغه بالشور بوكس لووول بس خل احصله وتسلمين حبيبتي
ومشكورين باجي البنات

 

[أم*سلمان]

رووعه ما شاء الله

 

[سكره مالحه]

البانيو موجود برفليكشن الغانم اللى يم ابيات
بس احسه مال استرخاء وجذيه مو حق تسبح ومنظر اكثر
ان شاء الله اكون افدتج

 

[q8 knosha]

ايه اكيد انا عندي الشور بوكس
هذا بحطه نفس ماقلتي ومشكووره حبيبتي بمره اشوفه

 

[قلبي ماركه]

ممكن تحظين فوط لزينه مربعات ومربوطات بشرايط ملونه شكلها يونس تنباع بمحلات الفوط وأغراض الحمام .

 

[ضماي هو وهناي]

ما شالله حلوه الصور
اما رايي
الشور بوكس هذا


نصيحه لا تحطينه لانه بيصب عليج الماي حتى لو سكرتي الباب عدل ........
وبعدين بالتنظيف عبااااااااااااله مابعدها عباله ........
وكله بصوب ولي حطيتي خلطاتج عشان تقعدين وتتفركين بكل مكان فيه زاويه او مجال يتكتل الصابون بيتكتل والشعر يعلق بالمجرى مال الباب .......... نصيحه لاتحطينه عن تجربه ............
حطيته شكل الحمام روعه بس عذاب تنظيفه البيبان والمجرى مالهم غير الماي اللي يتصبب .. مع اني ماخذته هاي كوالتي بس والله ما دارت عليه سنه الا وشلته وحطيت بانيو زاويه بمرشات جاكوزي ولا احلا ومريح ....
وبالنسبه للفرشه حتى لو ريلج دفش ما ظنيته ادفش من حبيبي بوعيالي الله يحفظه لي اذا تعب من شغله او اذته اي شغله اما يكسرهاا او يقطها او يلعوزها عااااادي ولا همه وكل ما سويت له شغله لازم الفت نظره لاهميتها عشان يحافظ عليهاا اقصى حد بو شهرين وبعدين تلحق اللي قبلها من اي ستايل حلو ........... وهمين مو مخليه على نفسي حاطه فرشه راقيه وحاطه تحتها مشمع الحمام عشان ما تزلق او تلم اي شي وسهله بالشيلل والحط لما انظف الحمام ...
والشامبوات والبلاسم ملبستهم اكياس من فوط نفس كيس زجاجات الحليب ملوت البيبيات احط البطل داخلهم وريلي هو اللي خلاني احطهم بكيس المميات اول كنت حاطتهم باقراش كشخه بس كسرهم بسم الله عليه وايد ذرب فديته يقول زلق من ايدي وانكسر ..
ولاني هاويه اشغال فنيه كل يوم لي ستايل وراعيه دفاشته الله يحفظه ...........
لاتحرمين نفسج اي شي سوي اللي تبين وفدا الريل كل شي عادي خو كله من مخباته ................
تتهنين ان شالله

 

[q8 knosha]

ضماي اهوا موجود من زمان بحمام :/
لوول مشكوره حبيبتي

 

[w0o0dy cullen]

البانيو موجود ببسامكو انا من جم يوم شفته
ابي منج دعوه حلوه ان الله يسهل اموري ع خير

 

[رومولا الن]

البانيو موجود بابيات انا شايفته لاني توني مجدده حمامي

بنات وشرايكم بالشور بوكس مال البانيو حلو ول لا

لاني مفكره احطه لحمامي

 

[أدووويا]

up
up
up

 

[Rose Berry89]

البنات ماقصروا


اب

اب

 

[q8 knosha]

البانيو موجود ببسامكو انا من جم يوم شفته
ابي منج دعوه حلوه ان الله يسهل اموري ع خير

الله يسهل عليج حبيبتي ومشكوووره

البانيو موجود بابيات انا شايفته لاني توني مجدده حمامي

بنات وشرايكم بالشور بوكس مال البانيو حلو ول لا

لاني مفكره احطه لحمامي

تسلمين حبيبتي
انا حابيت الشور بوكس
موعشان يلم وصخ وهل خرابيط لا مافيه شي ولايلم شي
بس مارتحتله:eh_s(10):


ومشكورين باجي البنات ماقصرتو

 

[honey lust]

البانيو اللي تبينه موجود ب ابيات و في ب الشايع بس الشايع اغلى

و ترا كلش مو عملي ما انصحج فيه مو ثابت

اختي كانت ميته عليه بس لما شافت ان مو ثابت هونت عنه

و ترا البانيو صار قديم احلى شي الحين شور بوكس

 

[دلع الكون]

انا لايعه جبدي من حمامي ابي ابدله كله

اذا رجعت من الحج باذن الله