حماااة ... وبعد 12 يووم اصيــــر جنه..>>> بفضفض لكم شوي

[كوكيتي]

السلااام ..
صبااااح الورد والعسل... والمغثة....


على طاري موضوووع بما انج حماة وبما انج جنه...
بقووولكم سالفتي وابي راااايكم...


















بناااات انا حريم اخواني 3...
طبعا مافي بني أدام خالي من العيووووب.. بس في عيووووب ترفع الضغط..
حيـــــــــــــــــــــــل وتححسسني ان مافي الدنيا مستريـــــــــــــــــح...
وعلى قووولة اختي>>> يالمكتوووتي منك مووتي... > يعني أأأأأأأأأأأأأأأأاه بس..


المهم بما اني حماااة أنا حاليا فبيت اهلي وخواتي اللي اكبر مني متزوجين سوووو انا مديرة العلاقات العامة في البيت


دايما.. اح فبالي اتصرف مع حريم اخواني بالطريقة اللي ودي حمواااتي يعاملوووني فيها
احب احسس حريم اخواني اني اختهم(للعلم كلهم اكبر مني اصغر وحدة منهم بيني وبينها سنتيـــن أو3)...
وان المفرووض ما يستحوون مني... وان ما بيننا حدوود

بس يااااااااااااااكثر ما انصدمت.. صج حرييم


دايما لاتجمعنا وصار تحت لوووية وجاي وقهوة وحلووو وسوالف > اطرش عليهم..(تعالووا كلنا تحت ونااسة..

والا (لا يطوووفكم سويت كيك... والا الجاي والقهوة زاهبة ... تعالووا خل نسووولف..

بس صج مووووكفوا...
تلقينها بنت الحلال ...(ما ترد... وتالي تنزل وداااااااااااااااااااايركت ع الباااب .. تطلع....

بالطقاااااااااااااق وما يهمني..
بس انا تفكيري... باجر مع حمواتي ... احب اكووون وحدة منهم .. اقعد اوجب خالتي وحمواتي..
واخلي بعلي يستاااانس من تصرفاتي معاهم..

وااااي واااي لاصارت مناسبة عندنا ... حيـــــــــــــــل يفشلوووننا .. ما ينزلووون حتى لو قايلين لهم اليوووم بيزوروونا حريـــــــــــــم...


حتى مرة وحدة زايرتنا جان تقووول لأمي ..(حريم اعيالج ويــــن؟؟؟)

هذا غيـــــــــــر الخمااال والدثااارة...
واااااي وااااي وحدة منهم... (طبعا الغدا احنا ننجب لهم ونصعده مع الخدااامة) نبي الاجر>>>>اتغشمر

المهم... بنت الحلال هذي تتغدا وتتطلع المواعين بالاكل...> قصدي ما تغسلهم.. انزين الله لايهينج غسلي القلاص عالاقل...



جد الله يعيـــــن امي...حرام
الحين بنت اختي توها مولووودة وللحينها بالمستشفى..واختي نفسيتها زيروووا...
واخواني امس حااايسين معاها بالمستشفى,,, وبيتنا كله حااااايس,,
اليوووم الصبح نزلت مرت اخوي بتروووح الدوام وصادفتنا بالصااالة...
حتى ما اسئلت شلووون البيبي؟؟؟


خواتي يقووولووون لي انتي شكووو تحاتينهم؟؟؟ وتشغلين بالج... تعالوااا خل نقعد تحت..
تعالوااا خل نطلب عشا... والا انا عازمتكم على عشا...


والله انا اسوي جذي عشان امي... احسها تستااانس لاصرنا كلنا قاعدين وحايسين الدووور الارضي..
بس انا صراااحة كرهت (وحدة فيهم... الاخيرة اللي توا اتكلم عنها...
احس خلاص ماااااااااااا ابعلها....:cxxxp:


ادري قرقت حيـــــــــــــــــــــــــــــــــــــــل بس قلت افضفض..

شرااايكم بالي قلته.. ل حق اقووول(ياااااااااااصباح المغثة...؟؟؟

شلووون اتعامل معاهم؟؟؟​

 

[blue diamond]

تعاملي معاهم بسطحيه وكان الله غفور رحيم

 

[يرخصلك كل غالي]

الله يعينكم مفروض اخووج يوريها العين لحمرا عشان داري خاطر اهله
باجر كلكم بتزوجون بتقعد امج بروحها

 

[الشهد كله]

حبيبتي قطي ورى ظهرج لا يضرب عندج القولون العصبي وانتي صغيرة

بهالزمن محد فاضي لأحد

وبعدين مهما تحاولين تتقربين منهم يتمون أغراب عنكم

خليهم على راحتهم ​

 

[المرتاحة]

صدقيني انتي عليج من نفسج وامج وخواتج و خليج زينه مع حريم اخوانج او بمعني احرى طنشي الحركات اللي اطفرج

انتي تعاملتي بطيبج واهم كيفهم

 

[نور الكوثر]

مالج شغل فيهم والله عليج من خواتج واهلج اما اهم لو شنو مابيكونون على قلبج ويحاتونج صدقيني

 

[eng_momo]

انا اقووول كل واحد يسوي الي يريحة يمكن مايرتاحون ينزلوون و داام معاج امج وخواتج شكو فيهم قعدوو واستانسوو وسولفو والاهم من هذا انكم كلهم على قلب واحد خليهم ينقعوون فووق

 

[Sweetq8]

والله بلعنه ليش معوره راشج يا امي طننننشي هي ماهمها أنتوو همها رجلها وتلقين ما شا الله مايدري وين يحطها ويشوفها ان الذووق و والواجب

ف عشان جذي طنشي والله

 

[تم مشاري]

رد : حماااة ... وبعد 12 يووم اصيــــر جنه..>>> بفضفض لكم شوي

السلام عليكم
حبيتي انا عن نفسي اسوي الي الله يسالني عنه وبس واذ على حمولتج انتي بعد سوي لهم عشان ترضين ريلج صدقيني باجر ريلج لا شافج شايله اهله بيحطج على راسه ويعزج

وسلامتج

 

[قنــــــــــوت]

رد : حماااة ... وبعد 12 يووم اصيــــر جنه..>>> بفضفض لكم شوي

فعلا مثل ما قالولج الخوات ...

لا تشغلين بالج بتصرفاتهم ودثارتهم ... اللي عليج انج تسوين الواجب والصح ... والباقي عليهم ..
ان طابت الوحده لنفسها ... وان تردّت طبايعها ..عليها ..

ماهم ضارّينج بشي ولا تحسسينهم ابدا انج متضايقه من هالتصرفات ..لاياخذون مقلب بحالهم ويفكرون ان الدنيا واقفه عليهم ...

وفيه نقطة عجبتني بكلامج ....
انج تتصرفين معاهم جذي علشان انتي تتمنين ان الله يرزقج بحموله طيبين وحموات وخاله يحبونج وتحبينهم ...
ترى صارت جدامي ..واعرف ناس صار معاهم امور مشابهه ..
اعرف وحده كانت مجننه حريم اخوانها وتصرفاتها معاهم زفت ونفسيه ... لما تزوجت الله عاقبها بحموله اي شي ... وحموات نسرات كل وحده تتفنن بمغثتها واذيتها ... لدرجه انهم كانوا يتدخلون بينها وبين زوجها ...
حسيت ان الله عاقبها على اللي كانت تسويه مع حريم اخوانها ..



خلج على نيّتج البيضا ... والطيب والنفس الحلوه ماتنزّل قيمة الانسان بالعكس ترفعه مهما كان اللي جدامه شخص تافه ومايقدّر الطيب ..

.. وان شالله الله يرزقج باللي تتمنينه ويسعدج ...

 

[عادت ذكرياتي]

الله يهديهم بس

 

[حياتي فراغ]

رد : حماااة ... وبعد 12 يووم اصيــــر جنه..>>> بفضفض لكم شوي

اذا مريحين خوانج
خلااااااااص انتي مالج شغل اطلعي منها
وسواء نزلت ولا مانزت كيفها مهي مجبوووره

عيشي حياتج و استانسي و شيليهم من بالج ... و اذا بتكثرين معاهم خليها بس سلام و مع السلامة

 

[am faisal]

واللة بتتعبين دائما الانسان اللى يهتم بالناس وبمشاعرهم يطقونة بالطوفة فنصيحة ريحى باللك توك صغيرة وياما بتشوفين سوى جو لكم تحت من جا حياة اللة ومن غاب ما يشوف شر ومع الوقت راح تعودين

 

[فـرفـر]

حبوبه اول شي ربي يوفقج بحياتج الجديده ياارب
ثاني شي لاتشدين نفسج حيل مع حمولتج لاتقولين اشيل اهله علي راسي عشان زوجي اكبر بعينه
مابي اخرعج بس نزلي وحبيهم وجامليهم بس لاتعطينهم اكبر من حجمهم
لانه والله وحده تصيرلي كانت تمسك زام الغدي <<< مع انه هالشي اندثر
بس كانت تمسك زام وكله عند حمولتها وكانت توصل حماتها الكليه وزوجها كان يشوف شلون اهله يموتون عليها ويحبونها

بعد سنين من الزواج صارت مشكله بينه وبينها

اهله مع انه ماشافوا منها شر
سيده زوجوا ولدهم بعد ماطلقوها بشهريييين
ومارتاح مع زوجته الثانيه وطلقها
تخيلي هي مو بس انقهرت عشان طلقوها ووزوجوه هي ذبحها انهاا كانت شايلتهم شيل

فانتي لاتعطييين حيل من قلبج بالعكس جامليهم وحبيهم وقعدي معاهم بس الزم ماعليج راحتج لاتعطين فوق طاقتج
والله يوفقج

 

[امواج الكويت]

حبيبتي انا بالنسبه لي ما غيرت طبعي مع اهل زوجي ويحبوني واقعد عندهم واسهر معاهم ونطلع مع بعض بس انا اللي يفرق عندي ان انا ما اطبخ لان عندهم طباخه ومالي شغل بالمطبخ نهائيا

 

[ماكنتوشه بنفسجيه 12]

رد : حماااة ... وبعد 12 يووم اصيــــر جنه..>>> بفضفض لكم شوي

اب اب اب

سبحان الله وبحمده

سبحان الله العظيم

 

[أغلى حبيبه]

رد : حماااة ... وبعد 12 يووم اصيــــر جنه..>>> بفضفض لكم شوي

حبيبتي دام اخوانج مرتاحين مع حريمهم شعليج منهم

ليش شايله همهم خليهم على راحتهم

وانتي اذا بنيتج تكبرين بعين ريلج وتصيرين زينه مع اهله صيري بس بحدوود لانج ماردج غريبه عنهم ومايتقبلون منج اي شي

والله يعيين الجمييع

 

[أو عبوش]

<<< وتتنهـــــــــــــــــد بقوه

ايييييييييييييييييييييييه ذكرتيني بنفسي ايام كنت عزوبيه <<< مالت بس مالت


والله واللي خلقج وخلقني
بــــــــــتتعبين

انا اقول ريحي عمرج وخذي امج مشيها وونسيها مطاعم اسواق مجمعات حدايق سينمات اي شي وق المباركيه لووووول

جمعت حريم الاخوان مامنها الا عوار الراس :23_asmilies-com:

وامج ذكرتني بأمي اللي مازالت تطبخ وتصعد فوق ومحد معبرهاااااا تحرني حيل دام مو معبرينج حقريهم اهي لا تقول عشان عيالي!!
المشكله ليتهم اذا صار موقف ولا مناسبه يردون الجميل هههههههه يحقرونج ويفشلونج...............

غير التشيش يشيشون اخوج عليج حسبي الله وهو نعم الوكيل ومابطلت حلجي بولا نص كلمه ولا شكيت منها لاخوي بس فوضت امرها لربي........

وغير المساعدات كنت اسوق واودي واجيب مشاوير واطلع عيالهم واشتري بدل لهم وملابس لما كانت عندهم ظروف بس الله يشوف ويعلم باللي يصير.....

شوفي خلي سنعج وذرابتج عند حمولتج لان يمكن ان شاء الله يحنن قلب خالتج عليج وتعدج مثل بنتها ولا حريم الاخوان مايثمر فيهم الطيب............ :eh_s(20):

 

[مجنونة بس عاقلة]

المهم خوانك مرتاحين مع حريمهم
ومهم ملزومين يقعدون معاكم والا ينزلون دايم
بنات الناس بكيفهم مهم مجبرين على انهم يرضون الحموله اهم شي الزوج
وهو راضي ومرتاااااااح معاها مو لازم يرتاحون الحموات
واذا على نزلاتهم للحريم مهن راعيات البيت عشان يستقبلن معكم ومن الضرورات
وعلى غسيل المواعين اللي يسمعك يقول مشمره يدينك وتكرفين بالمطبخ عشان هم يغسلون قلاص
الناس هالحين خدم وحشم وراحت سوالف ماغسلت مواعينها
انتي مكبره المواضيع ترى هذي الحياة وكل الجناين كذا راح زمن الجنه الخادمه

أنا برأيي يااااويلك من الايااام اللي تصيرين جنه جهزي رووووووووووووحك

 

[لومية]

تدرين وانتي قاعده تتكلمين جنح تتكلمين عن بيتنا أنا بالضبط أتعامل مع حريم إخواني نفسج وصج الحين الله عطاني خاله وحموات أحسن مني بعد
امبي احبهم كلهم والله كلهم عسل
صدقيني تعبج ماراح يروح الله راح يجازيج بيوم وانتي الحمدالله عندج خوات يعني منتي محتاجه حريم خوانج أنا ماعندي خوات
فصدقيني انتي تعاملي بأصلج وكسبي ثواب والله راح يعوضج بحموات نفسج