حماااة ... وبعد 12 يووم اصيــــر جنه..>>> بفضفض لكم شوي

[رحيق الورد]

الله يووفقج أختي بحياتج الجديدة ..

ولا تشغلين بالج بحريم الأخوان ..

على سالفة المواعين ..

خلاص لا اطرشوون الغدا ..

الي تبي اتسووي دام عندهم مطابخ ..

ياربي بيت واحد ليش ما تاكل عند خالتها و اتونسها ..

إلا إذا تاكل مع زوجها هذا شي ثاني ..

والي أعرفه حريم العيال يستقبلن الناس لأنهن حريم البيت ...

يمكن مو مشتهين القعدة ودهم بشقة خارجية عشان جذي يسوون هالتصرفات ..

 

[~LiBrA~]

رد : رد: حماااة ... وبعد 12 يووم اصيــــر جنه..>>> بفضفض لكم شوي

اللي تقول عندها مسؤوليات....... وموفاضيه!!
يعني عندها وقت تبلع وماعندها وقت تغسل صحنها اللي زحرته!!!! @@
ههههههههههههههههه

اصلا اذا الجنه موملزومه بخالتها ولا تسأل عنها ولا توجبها وتوجب اللي يجونها بالمناسبات (ماقلنا يوميا)
هذي قله تربيه.....منها
يعني الخاله ملزومه تطبخ وتنفخ لها وملزومه تصعد لها فوق؟؟ ههههههههههههه عجب هالدنيا
المره من تتزوج هي مسؤوله اصلا تطبخ لزوجها مو تبقى امه تطبخ له وتطبخ لمرته.......... يعني هذا من طيب الخاله.....
بعض الردود غريبه اللي يبونه يصير ملزوم واللي مايبونه يصير مو ضمن مسؤولياتهم

قولوا الحق وبس....

حبيبتي عدل كلامج غلط انها تنزل مواعينها وصخين واحنا ما نتكلم عن المسؤوليات والاشغال بهالشي يعني غسيل الصحن ماراح ياخذ 5 دقايق خاصة اذا عندها مطبخ عيييييييييييييب ماتغسل مواعينها

والخاله تحب يكونون جناينها معاها بالعزايم وحلو هالشي جدام خالتي وريلي بعد يستانس

بس انا اتكلم عن القعدات والزوارات العاديه الي تصير كل يوم او يوم ترك

هذي صعبه شوي الزوجه تلتزم كل مرة فيها واذا طوفتي مرة قالو ماتبي تقعد معانا

ترا والله الزوجه اذا عندها عيال او حتى بدونهم ودها تريح بروحها جم ساعه

مو كل من دخل البيت استقبلته


النقاش صار حاد:27d66a9c24b146327bf

 

[كوكيتي]

للعلم...
ماعندها عيااال...

واول ما تزوجت... كاانت 24\24 متربع عندنا بالصالة تحت..
حتى امي لما ما قامت تنزل... استغربت...

تنزل من المغرب لي ال 11...

لدرجة انا حتى لو عندي دراسة انزل عشااانها... اقول فشلة البنت قاعدة تحت بروحها..


واذا عالدواام...(مابي احدد وين تشتغل... بس دواام سهاااالات ... منطقة تعليمية..
ويووم تداوم و عشرة لأ


واذا بتقوقولون لاهية بالشقة... تنظيف وترتيب وكوي...>> خدامتنا كل يوووم تروووح تنظف شقتها,,,

شتبي اكثر من هذا دلع...​

 

[بنت.المطيري]

يومي كله اسولف ع هالسالفه

توصلت بلاخير الى انها مسألة ذوق ماهو واجب
اذا اهم مايبون يحتكون فيكم ماهم مجبورين

كيفهم

بس من الذوق مقدرينج قدريهم معبرينج عبريهم يجيبون لج اكل غسلي صحونج عالاقل

ولو اني اشوفها عادي دام في خدم واهي طالبه مثلا مافيها شي

بس ان تقدر يعني بين فتره وفتره تنزل وتجيب الحلو والنفس الحلوة وتداري امها

توني عاد اشاور اميي بهالموضوع اقولها خايفه لااحتك بخالتي اخاف من المشاكل اللي اسعمعها مو عيبا فيها ولا فيني بس اخاف اقصر وما اكون مثل ماتبي وافتحلي باب في غنى عنه

قالت حطي نفسج مكانها باجر بتكبرين ومالج الا ولدج وولدج بيروح عنج .. ماترضينها لنفسج

قلتلها انا ماحطيت نفسي مكانها حطيتج انتي يمه مكانها ومارضيتلج اني اشوف مرت اخوي ماتعبرج

وتخليج ببروحج


<<المسلسل المثالي االمليق "انا وعائلتي "@@
فحاطه فبالي ان شالله بعاملها بالحسنى عشان ربي يرزقنا بالجنه الزينه ..المهم وايد خرتها بالحجي الزبده تعاملي بطيبج وتوكلي ع الله

وثقي تماما امشي عدل يحتار عدوك فيك واذا نيتج سليمه ربي بيعطيج ع قد نيتج

وانا برايي اشوف ان حريم اخوانج حرية شخصيه انهم مايحتكون فيكم ..مشاكل الحموله كثيره اذا كثر الاختلاط فكيفهم براحتهم

يمكن لهم وجهات نظر

 

[cat walk]

كل واحد يتعامل باصله , وما يخالف ترى انت معاملتج زينه وكله اجر ثواب حقج ,
ياليت انا بمكانهم والله

 

[كوكيتي]

انا مو هدفي من الموضووع مجرد الحش..


لاااااااااااالااااااااالاااااااااااا


بس مستغربه... ليش الناس مو مثل اول.. مو بس اول ..

مشااااء الله والله اعرف وحدة ... ماتنادي ام زوجها.. الا (يما فلانه)

ما تتوقعون كلمة يما... راح تأثر على الخالة وولدها...

موقصدي بس الكلمة...

ليش ما نعامل الخالة مثل امهاتنا...
ليش ما نعامل الحموات مثل ... خواتنا...
ليش ما نعيش ... على الفطرة... ليش نحط حدووود..؟؟؟؟

ليش وليش؟؟؟ >>>> فلم هندي...لوووووووووووووووول


لا جد والله..

انا ودي اعامل خالتي... مثل امي...
وحمواتي... خواتي... مابي اشوف نفسي عليهم...
ما بيهم يحسووون ان قعدتهم ثقيلة على قلبي....>>>

بس دام الناس تغيير تفكيرها...
اخاف يطالعوووني اني غبية... وقلبي مفتوووح...



والله مابي من حريم اخواني شي... بس ليش ما يعطووون من قلبهم...​

 

[عاشقه رويشد]

اب اب اب اب اب اب اب

 

[كوكيتي]

Up
up


up
up


up

 

[كوكيتي]

Up
up



up


up

 

[حبي حبيبي]

رد : حماااة ... وبعد 12 يووم اصيــــر جنه..>>> بفضفض لكم شوي

طنشيي

وخلج رسميه معاهم ريحي بالج

 

[اخفي همومي بضحكتي]

حبيتي خليج عاديه معهم


وبعدين .... <<< حلي السانك الناس تصير خلانك>>>>

 

[queen pink]

خلج عادية وسطحية معاهم دامج عرفتيلهم

 

[لحظة شوق]

رد: رد : حماااة ... وبعد 12 يووم اصيــــر جنه..>>> بفضفض لكم شوي

حبيبتي دام اخوانج مرتاحين مع حريمهم شعليج منهم

ليش شايله همهم خليهم على راحتهم

وانتي اذا بنيتج تكبرين بعين ريلج وتصيرين زينه مع اهله صيري بس بحدوود لانج ماردج غريبه عنهم ومايتقبلون منج اي شي

والله يعيين الجمييع

كفت ووفت:ggdw:

 

[غمزه وإبتسامه]

شووفي اغلب الي اعرفهم حريييييم اخوانهم جذي نفس حريم اخوانج
الظااهر صارت مووضه انهم ينعزلوون
طنشيهم اهتماامهم مااراح يزيد فيج شي وتطنيشهم ماراح ينقصج شي
مرة اخوي اردى من جذي ومطنشينهاا
ترتااحين صدقيني

 

[Miss McDonald]

رد : حماااة ... وبعد 12 يووم اصيــــر جنه..>>> بفضفض لكم شوي

.
مآ عليج منهم !
الزم ماعليج امج وخوآتج وهذول سطحي علاقتج وياهم ..!

الله يعطيج ويرزقج على قد نيتج =)

 

[اشتياق]

المهم خوانك مرتاحين مع حريمهم
ومهم ملزومين يقعدون معاكم والا ينزلون دايم
بنات الناس بكيفهم مهم مجبرين على انهم يرضون الحموله اهم شي الزوج
وهو راضي ومرتاااااااح معاها مو لازم يرتاحون الحموات
واذا على نزلاتهم للحريم مهن راعيات البيت عشان يستقبلن معكم ومن الضرورات
وعلى غسيل المواعين اللي يسمعك يقول مشمره يدينك وتكرفين بالمطبخ عشان هم يغسلون قلاص
الناس هالحين خدم وحشم وراحت سوالف ماغسلت مواعينها
انتي مكبره المواضيع ترى هذي الحياة وكل الجناين كذا راح زمن الجنه الخادمه

أنا برأيي يااااويلك من الايااام اللي تصيرين جنه جهزي رووووووووووووحك

صح كلامج بس..:lololoe:
مبين طيوبه صاحبة الموضوع وتدور الضحك والوناسه بس ماكل مايتمنى المرء يدركه..

 

[نسمة الليل]

حبيبتي اهم ماعليك امك وخواتك وطنشي دام اخوانك مرتاحين معاهم بهالزمن كون بعيد تبقى حبيب

 

[مشتاقه لك يبا]

رد : حماااة ... وبعد 12 يووم اصيــــر جنه..>>> بفضفض لكم شوي

لا تشغلين بالج فيييييييييييهم كللش الحين انتي المفروض تفكرين بحيااتج الجايه وعسا الله يوفقج وترا هالتفكير يتعععب خلي الكل على رااحته وسامحيهم اختي ما عليه المسامح كرييييييييييييم وعلى قولتج حرييييييييم

 

[*-*Lo0o0Raaa*-*]

حبيبتي تصرفج وحلوو وكل وحده تتمنى حماة مثلج

بس حطي في بالج مهما تعبتي معاها وصرتي زينه واهيا بعد صارت زينه

مستحيل تكونين مثل اختها واهيا مستحيل تكون مثل اختج

وهم نفس الشي الخاله

اقدرها واشيلها بعيوني واعاملها مثل امي واحسن

بس اهيا مستحيل تعاملج مثل بنتها حتى لو انها تحبج وتقدرج

هذه نقاااط مهمه حطيها في بالج باجر لى تزوجتي


رقم 2

ترا

اذا بزرووونكم مو واجب لان اهل الزوج مو من الارحام والعكس صحيح

وانا توني داشه قوقل وتأكد

يعني لى سويتي هالشي سنع ومحبه وطيبه منج

وبتاخذين اجر عليهااا

والكل بحبج وبقدرج

لكن ما سويتها

براااحتج وبكيفج

يعني شي مستحب مو اجبار التواصل معاهم مثل امج وابوج واخوانج واهلج


انا اتعامل بصراحه مع الجنه مثل ما اهيا تبي

اذا تبي علاقه سطحيه اصير معاها علاقه سطحيه لا اخذ ولا اعطي معاها

واذا البنت حبوبه راح اعاملها مثل هالشي واحسن

كل واحد وكيفه

بس سالفة

انها ما تغسل المواعين يمكن كانت تعباانه شي ما تدرين

حطي لختج المسلمه 70 عذر

اذا تكررت السالفه لا والله مو حلوه

وحطي في بالج زين

انه ربي بيعطيج على قد نيتح

واذا كانت نيتج صافيه ربي بيرزقووونج حموات عسل

بس حتى لو كنت عسل

ترا بتحجووون من ورااااااااااج

هذه حطها حلأه في ودااااااااااااانده متأكده

منها 100% من تجارب كثيييييييييييييييييره

 

[om_dodo]

,,, ,,, ,,, لاتعليق ,,, ,,, ,,,