>>> حماتج ماورتج ألبوم عرسها اللي حضرتيه !!دشي <<<

[sunshine22]

رد : >>> حماتج ماورتج ألبوم عرسها اللي حضرتيه !!دشي <<<

888
صح كلام مشايخ

100%
عين العقل

 

[صمت المرافئ]

رد : >>> حماتج ماورتج ألبوم عرسها اللي حضرتيه !!دشي <<<

الحين انتي عرفتيهم وعرفتي سوالفهم لا تحرين نفسج وطبقي المثل ( عامل الناس كما تحب أن تعامل ) ... ما يعلمونج لا تعلمينهم .... ما يقولولج لا تقولين خليج رسمية معاهم ترتاحين ... آنا مطبقه هالشيء في حياتي ومرتاحه وايد اللي يحبني ويعزني أحطه فوق راسي واللي ما يحبني ما يشوف شر ما أتعب نفسي علشانه ولا أحتر كيفه الله خلقه جذي ولا اعتراض على خلقة الله واخيرا دائما أطبق القول ( استعينوا على قضاء حوائجكم بالكتمان )
​

 

[kuwaitya_zoGaa]

وي دامج عرفتيه خلاص سحبي عليها وشوفى اذا ما راكضت وراج
حق مصلحتها

 

[thenutybee]

رد : >>> حماتج ماورتج ألبوم عرسها اللي حضرتيه !!دشي <<<

يمدحون التطنيش تري ....بعدين عادي تعاملي مع الموضوع ومرة ثانية لاتصورين معاهم دام اهم جذي او اتفقي مع المصورة صور خاصة لج تستلمينها منها وايد ناس يسوون جذي ويامالج من هالحركات واكثر بس انتي طنشي و تبينين اي شي وسحبي روحج وشوفي اهم شلون بيركضون وراج تري اهم الخسرانين مو انتي

 

[al-musk]

طنشي وعيشي حياتج واستمتعي

 

[Apple-q8]

صج والله شي غريب وخصوصا اذا كنتي قريبه منهم وقاعده وطالعه وقايمه معاهم


ما اقول الا الله يعينهم علي نفسهم

 

[حلاا الدنيا]

السالفه عاديه ولاتسوينها مشكله

واذا سويتي طيب اتركيه لله

 

[ميسم]

رد : >>> حماتج ماورتج ألبوم عرسها اللي حضرتيه !!دشي <<<

والله زمن ...؟؟

حبيبتي لو اني منج مااجيب طارررررررررررري لزوجي لأنه أكبر غلط :ggdw: انج تقؤلين لزوجج لأنه اهما عقليتهم ان اهلهم كله صح واحنا الغلط ..

حتا لؤ باجر بيصير اي لبس بأي موضوع بيروحون يقولون له ويبقؤل اي صح لأنج تتحجين عنهم عنده حتا لؤ بالخير يعني قصدج زين مثل "مااعزموني ؟؟؟

الشغله الثانيه :
لؤني منج بالعزايم سؤاء اعزموج ولا لأأأأأأ :eh_s(6): اجي و اكشخ ع سنقة 10 لا تقؤلؤن رزة فيس عاااادي
لأن اساساااا اهما حركتهم هذي مقصؤؤؤده يمكن محترين منج ومايبؤنج تختلطين معاهم عند الناس
بس اذا كانت العزيمه محدودة يعني خوات خالتج تعالي ورؤحي لاتطولين يمكن عندهم موضوع

ولو يقؤلج زوجج عندهم عزيمه قؤلي حااااااااضر و طلبي او ساهمي بشي حلو موالح ...الخ جدامه

والله راح يتغيرون ويحبونج وحتا زوجج >>الي اهم منهم راح تكبرين بعينه

ولا تعلمين عن اي شي حتا لو كان كلينكس >>العين بالعين
وكل ما تحجو عن اي محل او سؤؤؤق سؤي نفسج فاهمه وتوووب

ومن بين جم فترة سؤي ببيتج عزيمه وعطي خالتج هدايه حتا لؤ انها ماتستاهل شتسؤين ؟؟؟

والله العايله كلهااا بيتغيرون 180 درجه
لا تنقهرين مالج الا بنفسج جمالج اناقتج و سنعج عند اهل زوجج لا تتقارنين نفسج بباجي الجنات
ادعيلي بالتوفيق

 

[ماكنتوشه بنفسجيه 12]

رد : >>> حماتج ماورتج ألبوم عرسها اللي حضرتيه !!دشي <<<

الحموله وبلاويها

يبا طنشي بس

سبحان الله وبحمده

سبحان الله العظيم

 

[روعه 99k]

رد : >>> حماتج ماورتج ألبوم عرسها اللي حضرتيه !!دشي <<<

انتى نفسى بالضبط
والله قاعده اطالع النك نيم عبالى انا كاتبته

بالضبط كووووبى

لا وسالفة يطرشون ريلج يعزمج خخخخخخخخ ياما صارت لى .......يااااما

على مدى اعواام بس متى لمن الناس تتشره عليهم ما نشوفهاااا كلش

عاادى حبوبه طنشى
ولا تتحسفين على طيب انتى سويتيه ابداا لانه لو ضاع عند البشر الله بياجرج عليه

وخلج جذيه قلبج ابيض وطيبه احسن من قلوبهم
جذيه الله بيعطيج على قد نيتج

وهنيئا لج

 

[عيون غاليهاا]

خير ياطير ماشفتيه
هذه امه وهذه اخته اكسبيهم لانه مرده لهم ويبي يسمع لهم
لايقصون عليج الرفيجات الحموله خليها تولي
وهذولا اعمام اعيالج اللي يعيبهم يعيب اعيالج

 

[عيون غاليهاا]

يابنات اهلكم بعد مو حموووووووله
والا اهلك منزهين عن الغلط
لو كل وحده طنشت الامور ولا كانها سمعت شي
ولا تقول حق الزوج اختك امك اختك امك
والله تعيشين حياة سعيده

 

[الأصيله]

رد : >>> حماتج ماورتج ألبوم عرسها اللي حضرتيه !!دشي <<<

مثل حالتي


بالطقاااق ولا افكر بناااس اقل مني و احر عمري علشانهم قطيعه

 

[om al ghaleen]

..,, لاتحرين عمرج اصلا " انا بالعرس يعزموني بالتصوير بس مااقوم اصور ابدا
الا مع خواتي .. واهلي القربيين


خل اقولج موقف صار .. مره قاعدين نشوف البوم ولا العروس قاعده تقطع صور
انا عيوني جذيه @@ ولاشعوريا قلت لها ليش ولاتقولي مرت اخوي مصووره مليون صووره قطع

تخيلي قطعت صورها ولاشافتهم انزين شنو هالنحاسه عطييها اياهم او خل تشتريهم ع الاقل

ع العموم انا مااضمن اصور مع اي احد كان لانه بالنهايه ماتدرين شنو نيتهم

\\

 

[ضي الغروب]

رد : >>> حماتج ماورتج ألبوم عرسها اللي حضرتيه !!دشي <<<

لووول عااااااااااااااااااااادي كلها صور متاكده الف بالميه ناسيه صدقيني ولاهيه يعني شنو اب بالها عشان ماتوريج خو انتي حاضره العرس مافيها شي فلانه وريني صورج بشوفهم عادي ,, ترى انتي ارحم من الي ماراح العرس وبتشوف الفيديو صكت هوشه عشان مسكينه طلبت تشوفه خو ريلها الي قالها لا تروحين :\\ قولي الحمدالله على كل حال وناس احسن من نااااااااااااااس

 

[هــدوء]

رد : >>> حماتج ماورتج ألبوم عرسها اللي حضرتيه !!دشي <<<

الصراحه مدري شلون صايرين انتم اذا عزمتكم قلتوا اففف مالنا خلق اروح وعيالي ومدري شنووو
ولاحقرتج قلتوا تحقر ماتستحي وتسولفون فيهم عند الناس اللي عنده بنت او اخت تخاااف الله
الله يهديكم ياارب


وام ريلج حرام عليكم باجر بتصيرون بمكانهااا واللي يزرع يحصد وكما تدين تدااان والدنيا دواره

سوي خير وطيب وقطيه بحر

 

[توتــه]

انتي نفسي ماعرف اخش شئ كل شئ اعلمه والله ودي اصير نحسيه

خلاص من اليوم ورايح بصير نحيسه واذا سألوني عن شئ بقولهم طالبته من النت

 

[جوووهرة]

والله الناس ما يفيد معاهم الطيب ...

هم يحبون العووبه النجسه اللي تمشيهم ع الصراط المستقيم

 

[فيونكا$]

رد : >>> حماتج ماورتج ألبوم عرسها اللي حضرتيه !!دشي <<<

بهالزمن لي صرتي عوبه والسانج طويل تنحطين على الراس وينحسبلك الف احساب
واذا صرتي طيبه يداس عليك ولا لج اي مقدار وانا ما قلت الا شي شايفته بعيووووووووووني
وفي مثل ينقال (لا تكثر الدوس يملونك) خلي علاقتك معاهم سطحيه لاتحتكين نصيحه من اخت

 

[خالده الفارس]

حبوبة .... إذا أنتي يطرشون زوجج ...أنا أختي بالمره ما يعزمونها ,,,,
عادي والله تصير بكل بيت ....
للأمانه انا مالي علاقة بزوجات اخواني .... يو سلموا اهلا وسهلا ما مروا ... ما يشوفون شر ...
ودايما حطي حسن النية ...
ما عليه ... كبري عقلج ... وخلج عن هالسوالف ... أخذيهم على قد عقلهم ...
أنا اعتقد ان الكل صاروا جذي ...
أنا بنات خواتي دايماً يسوون جذي بس أقول ما عليه ... شنو يعني .... أنا عالمي غير عالمهم ...
بعدين إذا أهمه يظنون ظن السوء ... اعتقد .. البعد عنهم غنيمة ... (البعد مو القطاعة)
وسلامتج ... ودمتم