حماتي الصغيرة نقالة الحجي ووكالة كونا العايلة شنو الحل !!!!!

[warDa.mazioOona]

رد : حماتي الصغيرة نقالة الحجي ووكالة كونا العايلة شنو الحل !!!!!

لا والله سكتي احسنلج باجر اطيح السالفه براسج

 

[أنفاس الكويت]

رد : حماتي الصغيرة نقالة الحجي ووكالة كونا العايلة شنو الحل !!!!!

لا تقولين شي عندها وتحاشيها أفضل لج ...

 

[غلاي امي وزوجي]

ما لج شغل فيها ولا تكلمينها

ومشاكلج خليها بينج وبين زوجج

 

[نـور الكويت]

عسى الله يعينج

 

[@البتووول@]

رد : حماتي الصغيرة نقالة الحجي ووكالة كونا العايلة شنو الحل !!!!!

شوفي اللي متعوده تسولف بكل شي ماراح ينفع فيها لاكلام ولاطق ولاشي لأن شي متعوده عليه ماراح تهده


الحل سوالفج لاتوصلها وبس

 

[مطيريه ماركه]

رد : حماتي الصغيرة نقالة الحجي ووكالة كونا العايلة شنو الحل !!!!!


دآم عرفتي آنهآ كونآ لآ تعطينهآ سرج وحآولي خلآفآتج مآتوصلهآ آبد

وكلمي خآلتج آمآ زوجج لآ تقولين له كلش مو عدلة بِ حقه !

 

[اكسبلانكا]

الله يعينكم عليها

 

[dnyay_mll]

رد : حماتي الصغيرة نقالة الحجي ووكالة كونا العايلة شنو الحل !!!!!

دام السوالف مو عليج مالج شغل فيها

مردهم يعرفون انها فتانه وتحب الحجي

 

[RoWaIsHeDyA]

رد : حماتي الصغيرة نقالة الحجي ووكالة كونا العايلة شنو الحل !!!!!

حتى لو قلتيله يمكن مايصدقج خليها تحت امتحان قولي لها شغله واهوا يعرفها وشوفوا شكثر تاخذ وقت قبل محد يدري وقوليله انا قلتله نتقل حجي فكلمها احسن ولاتطقها علشان مصلحتكم او بس لاتقولين اي شئ قبالها

 

[Stylista_Q8]

رد : حماتي الصغيرة نقالة الحجي ووكالة كونا العايلة شنو الحل !!!!!

الله يعينج حبوبه

 

[ELFAD3Ah]

رد : حماتي الصغيرة نقالة الحجي ووكالة كونا العايلة شنو الحل !!!!!

انا اقول لاتبطلين سوالف على نفسج ولاتتكلمين خلي السالفه توصل لاهلها من احد ثاني لاباجر السالفه تنقلب عليج

 

[المرتاحة]

مره اشطولها تنطق؟؟!!

مهما تسوي ما توصل للطق وين قاعدين بغابه؟؟

الطق مو حل.. اصلا لو بتنطق بتفضحكم زياده لان محد له حق يمد ايده مهما كانت صلة القرابه فيها

على العموم دام السوالف مالها علاقه فيج خلاص مو لازم تدخلين او انج تروحين تكلمينها و بيني لها العواقب اللي ممكن تصير من تنقيلها للحجي وبالنهايه هالسوالف ترجع عليها اهي مو عليج

ومثل ما قالوا البنات لا تخلين مشاكلج تدري عنها و كان الله غفورا رحيما

 

[زوجة عزيز]

وي الله يعينج انا اهل زوجي كلهم جذي مو بس ينقلون الحجي الا يحطون حجي زود من عندهم ومره تزاعلنا انا وزوجي بسبتهم حسبي الله ونعم الوكيل وانا اهله كلهم مو اصغار اصغر وحده عمرها 29 واكبر مني

 

[فنكيه]

لا تتكلمين خلج ساكته ولا تسوون ولا شي جدامهه يعني اخذو موقف

 

[عيش و مرق]

كلميها انتى قولى لها تعالى فلانه الله يهداج ليش قلتى حق رفيجتج تدرين انها قالت حق اختها وكل من يتكلم فى بيتكم ترا مو حلوه انا اخاف اخوج يسمع من احد ديرى بالج انا خايفه عليج

خرعيها من اخوها وقولى لها لاتخربين على نفسج باجر الناس يقولون هذه بيتها كله مشاكل ومايخطبونج يكشون منج ,,,,,,,,,










واحسن حل زوجيها وافتكى منها ,,,,, دوريلها على معرس تلها فيه وبعيالها وبحياتها بعدين

 

[ملوكة الامورة]

ابو طبيع مايجوز عن طبعة

 

[ليتني مـآ كبرت]

رد : حماتي الصغيرة نقالة الحجي ووكالة كونا العايلة شنو الحل !!!!!



إذا السوالف مو عنج مالج دخل فيها ..

و أنتي ماتقدرين تغيرين أطباع الناس .. عشان جذي أفضل لج أمورج و سوالفج لا تطلع لها ..

 

[تبطي عظم!]

عطيهم طاف لا يهمج الموضوع مشاكلهم

مشاكلج اطلعها ماطلعها ابعدي عن الشر مالج شغل

علشان المشاكل تصيير بعيده عنج ~

 

[Daleela]

والله سالفه الحجي بين الحريم كلش مو حلوه

انا اقول كلميها وفهميها ان هالشي غلط ولاتدخلين ريلج بيقولج سوالف حريم مالي شغل فيها

 

[فديت قلب امي]

رد: رد : حماتي الصغيرة نقالة الحجي ووكالة كونا العايلة شنو الحل !!!!!

لاتكلمين خليها وحاولي كثر ماتقدرين مشاكلج انتي وزوجج محد يدري عنها
اما المشاكل الثانيه مالج شغل فيهم مصيرها بتوصل لزوجج او خالتج


او عندي حل ثاني


اذا صارت سالفه او هووشه وانتي مو كنتي موجودده وسمعتيها من برا ومتاكد ان حماتها هي اللي ناشرتها
انزلي تحت عند خالتج
وقولي عسى ماشر سمعت جذيه وجذيه
واذا قالت منو قالج
قولي سمعت من برا
صدقيني راح تنتبه اذا تهاوشت مره ثانيه وراح تحرص على بناتها محد يتكلم

اتوقع اسلم طريقه