حماي الي مايستحي على ويها

[غير كل الناس]

طوفي حسبه اخوج

يتقشمر

عادي

وسعي الخاطر

 

[كيك وحلاو بشكلك]

رد : حماي الي مايستحي على ويها

ماالومج اتنرفزين بنات مافي غشمره بين المره وحماها بعدين يحس انج سهله ويمصخها-- الحمو الموت---

 

[كيك وحلاو بشكلك]

رد : حماي الي مايستحي على ويها

اهو مو ابوج ولا اخوج عشان اتغشمرين معاه

 

[violet*q8]

:gr4uu:
مادري حسيييته معتبرج مثل اخته لانه في شباب
جذي يحبون يتطنزوون ويخلون الواحد يعصب---متعه بالنسبة لهم
عندي اخواني وعيال عمي جذي
عيال عمي اذا شافو اختهم حاطة حمرة يقولوون ليش ماكله يااااهل :krkrkr:
والكل بالصالة يقط تعليييق على اخته و لااااا تشوفين مرته اذا حطت نفس الحمرة نفسهاااااااااااااا :eh_s(1): نفس اليوووم يقوول يه يه يه شالزين شاللون الحلو ويهج محلي الحمرة :tomato2:

وهم اخواني يتطنزون ليش حاطة جذي عبالج صايرة حلوة اليوم ؟؟؟ :krkrkr:
عادي اخذيها سهالات
وطبعا ردي انا وبنت عمي يكون كييييييييفي واحط السبابة على خشمي :ggdw:
وطبعا الخوات قلوبهم على بعض
اذا اختي سمعت هالكلام تقوول جدامهم وبصووت عااالي محلوة شالمكياج لووككج واايد اينن
اكيد حماج جذي معه خواته متأكدة مو بس عليج
جذي (اتوقع) اسلووب حياتهم طنازة بطنازة :eh_s(4):
نفس بيتنا يعني

 

[لمسة اناقه]

ftana
حبيبتي ومعليه هذا سفيه وغيور طنشيه
بس الي لازم تتأكدين منه اذا كان اميك اب يفطر ولا لا
لازم تسألين احد يفتلج لانه ضروري بس اذا اهو شايف انه يفطر ماكان المفروض يكلمج بهالطريقه ععلى الاقل يمسك زوجج على صوب ويكلمه اذا كان عنده اي تعليق عليج
بس رايي انج تتجنبينه ويكون بينكم سلااااام بس
لانه انسان دفش ومايحترم وهذا يدل على قلة ادبه

 

[ام كوشه منكووشه]

رد : حماي الي مايستحي على ويها

حبوبه لا تحريين روحج ولا تتضايقين يمكن اهوا قاعد يحاول يستضرف دمه معاج ولا يتغشمر لان في ناس جذي غشمرتهم ثقيله
ويمكن حموانج الباجي ما ردوا عليه لانهم منحرجين منه واكيد تفاجاو بكلامه عشان جذي مااعرفوا شنو يقوالون طوفي ياقلبي

 

[بنت عطا]

الصراحه مله شغل ومن قال المكياج يفطر اصلا انا احط مكياج وانا بشقتي وماعندي احد وانا صايمه

الصر احه قليل ادب او انهبل من الجوع لانه مومن حقه كلش

 

[سمسومه الحبوبه]

لومني منك كان عطيته ذيك النظره اللي تسكته من دون ما اتكلم
صدق ما يستحي
وبانسبه للزينه للرجال الغرب وخاصه الحمو لان الحمو الموت انتبهي حبيبتي

 

[Dr.Nouf]

رد: رد : حماي الي مايستحي على ويها

اي ونسيت اقولكم وانا قاعدا امشي بطلع يصارخ يقول روحي يالفاطره يالفاطره
وانا ولا كلمه

جان ابتسمتي


الإبتسامة تقهر بدون ما تردين او تدافعين عن نفسج حتى :eh_s(6): !

 

[ياشايل الظبى]

الانسان هو يفرض احترامه على الجميع

انا مع حماج

انتي صايمه

وطالعه بره البيت

وجدام حموانج

وانتي بكامل زينتج

هذا يقلل الميانه لدى الرجال ويتجرأون عليج

بالتأكيد زوجج شنو يقول

يقول اشوف زوجتي بالمكياج وصايمه وبره البيت وساكت!!!!!


هو منحرج مو منج ......الصحيح منحرج منهم

والله يهديج

فوفو

نفس رايي

 

[tmtmt]

انا مع الي قالوا المفروض ما تحطين انتي يبتي الكلام حق عمرج
ولو اصلا مو حاسه انج غبط جان ما فتشلتي
وشي طبيعي الرياييل لا شافوج سواء حموانج ولا بره بحطون اب بالهم انج فاطره
لا انتي المفروص ترضين على نفسج ولا ريلج المفروض يرضى

هواها كويتيه : تدرين عاد لا كحله ولا حمره ولا كريم اساس
لو اوقف عند الباب وريلي يشوفني ياويلي !!
والي بتكشخ حق ريلها الله يعافي بيتها ليش تكشخله جدام العالم غريبه !!
رديت عليك لنج كنتي وايد مستغربه ان احد ما يحط مكياج
واي على فكره مو دينه ولا ريلي ديني لبسي عادي بس احلل واحرم

 

[cutee__q8]

يمكن يتغشمر مثل ماقالت عسل وردي بس ولا يهمج اهم شي ريلج راضي وطااف
جان فشلتيه وقلتيله عندي اجازه وموصايمه وعذري معاي عشان تجعمينه خخخ

 

[~كرزه ~]

رد : حماي الي مايستحي على ويها

امبييه شنو هدا مايستحي قليل الادب من صجه
!!!
ادا اهو مااستحى ليش تستحسن جان قلتيله وانت شكو فاطه ولالا وشكو تكلمني بهالطريقه منو انت اساس
ماتستحي :eh_s(12): انا زوجه اخوك ماني اختك قله ادب استح

 

[غيركـ تمناني]

رد : حماي الي مايستحي على ويها

تبين الصراحه قليل ادب ابيه فشششله وبعدين بالنسبه لكلام البنات ماافيهاا شي اذا حطت مكيااج اهي طالعه مع زوجهااا واذا ما اكشخت لزوجها تكشخ لمنووو اجل

 

[روحي تحبه غصب]

بصراحه حماج غلطان حيل ويستاهل انج توقفينه عند حده

تدرين ليش لانه ضحك معاج واعتبرج مثل اخته

الله يهديج انشالله

 

[كويتيه مذهله 87]

رد: رد : حماي الي مايستحي على ويها

فوفو شكو شكو مع حماي حماي قليل الادب وانا زوجي ماتحجه عن شكلي والحمدالله شكلي محترم اذا انتي من النوع الي تغسلين ويهج وتطلعين انا غير عنج انا انثه وفوق كل هاذه اهتم بشكلي
وزوجي قال بعد اشوي بيلعن خيره وانا لمن سكت عنه ماسكت عشان شي سكت لان خالتي الي اهيه امه موجوده وانا احترمها وايد وايد لام اهيه محترمتني فعشان جذي كبري عقلج ولاتتهجمين وايد وزوجي انا كل مرا يقولي اشحلاتي ويمدح كشختي شكو يفتشل مني

حبيبتي الي مايحب مكياج يعني مو انثي لووووول

المهم


هو صح احتراما للشهر الفضيل مافيه ميك اب ما اب يادش بالعميق

بس عيب عليه يقولج جذي جدام الناااااس وريلج المفروض يسكته حتي لو حماج صح عيب عليه بجذي سوه حركه بايخه بأخوه يعني انت مالك كلمه لمرتك

خل ريلج يكلمه باجر خوفج يتمادي

 

[.،:"$الـعـوبــــة$":،.]

رد : حماي الي مايستحي على ويها

استغفرالله !! شهالدفاشة ؟؟
يعني فرضا أنتي فاطرة ! شيقصد يعني عليك الدورة !!
حمدالله والشكر !! لا والله عيب صراحة زين مالحقك للسيارة وقال (( الفاطرة الفاطرة )) !!
هذي ميانة والا شنو يعني !!
مدري شنو الحل صراحة !! موقفك فعلا محرج !!​

 

[واثقه خطاي]

قوه انا اشوف الموضوع حده عادي قاعد يتغشمر معاج
بس سبحانك الناس نفسيات عادي انتي ماتقبلتي غشمرته
يعني الدليل انه اهو يتغشمر وانتي طالعه يصارخ يقول يا الفاطره
لا تاخذين كل شي بحساسيه عشان تقدرين تمشين حياتج فديتج

معاهاااااااااااا يتغشمر,ضحكي وعديها

 

[بولندية]

صج موقف محرج بس طوفي بعد شتسوين ولابد بتمرين بمواقف محرجه بحياتج

بس خلي ريلج يكلمه

 

[BaiTotia]

رد : حماي الي مايستحي على ويها

وشحقه تناقشين معاه جان سفهتيه وعطيتيه نظرة تخلينه يكره عمره

ورحتي عنه والمفروض ريلج يرد عليه

إن عادها مرة ثانية قوليله أحترم نفسك