حمستي الخطييرة سمج فيليه +ربيان مع عيش بنكهة جوز الهند

[.:lady bug :.]

السلام عليكم شلونكم حبيباتي
عندي لكم خوووش شي
شي شي مو اي شي
اكله حدها لذيذه
بس اعذروني ماكو صور

اولا الحمسه:
نحتاج سمج فيليه مقطع قطع متوسطه
ربيان مجمد ومفوحته ربع ساعه تقريبا مع ليمون وملح و ورق غار
و فلفل بارد مقصص طوال
بصل مقصص طوال
البهارات: كركم ودارسين وبهارات سمج نتفه وكمون وكزبرة وملح وفلفل اسود
قلاص كريمه
3 قفاش كبار بودرة حليب جوز الهند
قفشه كبيرة دبس الرمان

الطريقه :
نحمس البصل والفلفل لين يتحمر ونضيف البهار
والسمج لين يستوي ع نار متوسطه ونضيف الربيان
واذا استوا السمج نضيف الكريمه و بودرة حليب جوز الهند وقفشه دبس الرمان
ونقلب لين تثقل و بجذي خلصت
لازم نكثر الكريمه عساس لمن تثقل تكون في صلصه والصلصه طعمها عجييب مع العيش

اما العيش
نزهب عيش مشخول ومستوي نص استواء ونكون مسويينه مع اعواد دارسين
ونكون مقصصين فلفل بارد ملون اخضر واصفر واحمر
وقلاص حليب ضايفيله 4 قفشات بودرة حليب جوز الهند

الطريقه:
نحمس الفلفل عدل وبعدين نضيف الحليب لين يفور بعدين العيش ونقلب عساس يتلون بالفلفل

ونخليه ع نار هاديه لين يخلص

وبالعااااافيه

 

[جارة القمر]

تسلم ايدج


حبيبتي

 

[.:lady bug :.]

بالعافيه ي قلبي

 

[أحلى همبه كويتية]

يسلمووووووووووو حبيبيتي
ياريت المرة الياية لما تسوينها تصورينها

عوافي على قلبك

 

[زوجة عزيز]

تسلم يدج

 

[manamia]

مرحبا
يعطيج العافية شكلها حدها لذيذة وانا من عشاق السمج
مشكورة و يعطيج العافية
اضم صوتي لصوت أحلى همبة كويتية باضافة الصور

 

[Tom ♥ Jerry]

.


تسلم ايدج

 

[.:lady bug :.]

بنات لاتحرجوني
والله ماعرف انزل الصور
والاكله حدها تهبل
بس يمكن اذا سويتها المرة اليايه اعطي اي وحدة الصور
عساس تنزل لكم الصور
اوكي

 

[ABEER FLOWER]

يمي يمي

يسلموو حبوبه

و بانتظار صورج الحلوة : )​

 

[noo77noo]

تســلم ايــــدج​

 

[.:lady bug :.]

الله يسلمكم
والله اعذروني بنات اذا طولت عليكم
بس مو لازم صور طبقوا وقولولي شرايكم

 

[*نور الكويت*]

شكلها لذيذة بس حصالة ماحطيتي الكمية يعني شكثر ربيان بصل فلفل اخضر *

 

[خَ ــجَل]

يسلمووووووووو

 

[Hawaii]

الله يعطيج العاااااااااافيه

 

[جوانا2010]

تسلم الايادي

 

[aatofa]

يسلموووووووو

 

[.:lady bug :.]

الله يسلمكم

 

[المكسيكيه]

يسلمووووو

 

[.:lady bug :.]

الله يسلمج حبي

 

[ضحكة الدنيا]

تسلم الايادي