حمــلة قراءة سورة البقره يوميا + الاستغفار

[Qatwoo]

الله يشفينا من كل عين او حسد او مس او سحر..

قوولووو امين

 

[I`m Yours]

الله يوفقكم يارب

 

[الكيكه دندن]

تمت القراءه

16

و

17

الحمدلله

 

[المعطف الوردي]

اب اب

 

[ماتغير شي]

تم قرائتها كل الايام اللي طافت بس وقفت وقت الدوره


تم اليوم الحمدلله

 

[تواضع انثى]

انهيتها يارب لك الحمد بس راحه عجييبه شعور ماعشته من زمااان ...

 

[الكيكه دندن]

عاد بتاريخ 18 انشغلت بطلعه السوق ولا لحقت اقراها

تمت القراءه تاريخ 19

الحمدلله

 

[الكيكه دندن]

تمت القراءه 20\10

الحمدلله

 

[ماتغير شي]

تم قرائتهآ الحمدلله

 

[الكيكه دندن]

تمت القراءه 21


ومن بعده جات الحلوه راح اتوقف ليما اخلص ومن بعده ارد لكم ان شاء الله

كملوااا قرايه الله يوفقكم ويبارك فيكم

 

[تواضع انثى]

تمت القراءة الحمد لله....

حبيبتي حملي برنامج المحفز لتلاوة القران الكريم في لاب توبك ذا اناحملت وصرت اقرا منه اذا جاتني حمليه وبتدعيلي

 

[الكيكه دندن]

مشكوره ياقلبي

اييه انا عندي المصحف الالكتروني لكن مسخنه زكام وحلقي يوجعني ان شاء الله بعد العيد ارد اقراها :**

 

[اليقظة]

السلام عليكم ورحمة الله وبركاته خواتي جميعا وبارك الله فيج صاحبة الموضوع ماتدرين شكثر الحين تاخذين اجر وحسنات وثواب من كل بنت فينا راح تقرا سورة البقره او قرتها بسببج ان شاء الله ربنا سبحانه يسهل عليج كل صعب ويرزقج من حيث لاتحتسبين ويستر عليج بالدنيا والآخره ويحسن خاتمتج وخاتمتنا اجمعين . خواتي مستحيه منكم بس بكتب اللى بقلبي لكم لأن والله عقب الله سبحانه ماعندي احد اشكيله همي وحزني . ابي اللى تقرا كلامي تدعيلي بصلاتها ان ربي يفرج همي ويوسع علي رزقي ويهدي ابو عيالي وايد ظالمني الله يسامحه ويهديه ويثبته على طاعته زوجي مايصلي الا بالغصب اذا شافني زعلانه حيل بالغصب والله العظيم بالغصب يقوم يصلي احس جنه معادي الصلاة استغفر الله ووايد غارته الدنيا والبنات وامور اخجل عن ذكرها وانا كل يومين او ثلاث تورم جفوني من كثر البجي وهم اصبر اليوم شفت شعره بيضا بغذلتي انصدمت وقلت بقلبي اكيد من اللى اسمعه واشوفه من زوجي من اذى حتى مرات يعيب على صلاتي ويقط كلام جارح مثل مسويه روحج دينه وكلام يذبح والله واسكت ومرات يقول انتى بالنار على طول واسكت تعبت من البجي والله العظيم الحين حارمني من انى احمل ماتتصورون هالشي شكثر مسبب لى ألم كبير بقلبي ونفسي كل ماشوف طفل والله دمعتى تترس عيني واسكت ماعندى غير الله سبحانه وثم دعواتكم واللى بتدعي لى بظهر الغيب إن شا الله لها أجر كبير من الله سبحانه بنات انا مابي اتطلق وابي الستر بس ابي زوجي يبتعد عن اصحاب السوء وابيه يغض بصره عن الحرام وقبل كل هذا ابيه يكون مخلص لله عز وجل بحبه وصلاته وطاعته لله سبحانه انا مادرى اذا اللى احنا فى سحر وله عين وله اهو طبيعته جذي بس ماقول الا الحمدلله على كل حال واللهم لا إعتراض على حكمك وقضاؤك سبحانك

 

[تواضع انثى]

تم القراءة بحمد لله

اختي اليقظه عندي كلام كثييييير لك بس ارجووك راقبي الموضوع وانتظري ردي

 

[اليقظة]

عيدكم مبارك​

 

[الكيكه دندن]

عيدكم مبارك حبايبي

تمت القراءه اليوم 27\10

 

[الكيكه دندن]

اليقضه

ربنا يسسهل عليج وييسرلج امورج وسخرلج ريلج ياااااارب

مادري شقولج والله

انا هم كنت نفسج اكتشفته يغازل وووووووو وايد شغلات تخيلي ونا توني عروس ماتحملت الوضع وتطلقت
عسى ربي يبدلني باللي احسن منه يارب

ويفرج عليج حبيبتي مالج الا الدعاء في السجود
وقولي حسبي الله ونعم الوكيل ردديها باستمرار
واستغفري وايد
واللي كتبتيله لنا هم بيوم حاولي تصلين القيام وقولي كل هالحجي لرب العالمين وماراح يردج خائبه .

 

[تواضع انثى]

اختي اليقظه ابي اقولك معلومه قبل لا اعطيك الي عندي يوم كنت اقرا حق الختمه والله مريت بايات كثيره

يعني فيما معناها ان الله لايظلم احد والمصايب تجينا من انفسنا يعني وشو المصايب تصيبنا بسبب بلاوينا ذنوبنا

فانصيحه يا اختي خليك واثقه من نفسك ولا تخلي كلامه ياثر فيك ولاتقنطي من رحمة الله اذا انك ماتبين تطلبي الطلاق خلاص اصبري

وقومي الليل واكثري من قراءة القران والاستغفار وان شالله بتنفرج عليك في اقل من شهر...

 

[ايمان الغساني]

استغـــفر الله
الله يفرج همي وهم كــل وحده

 

[اليقظة]

اليقضه

ربنا يسسهل عليج وييسرلج امورج وسخرلج ريلج ياااااارب

مادري شقولج والله

انا هم كنت نفسج اكتشفته يغازل وووووووو وايد شغلات تخيلي ونا توني عروس ماتحملت الوضع وتطلقت
عسى ربي يبدلني باللي احسن منه يارب

ويفرج عليج حبيبتي مالج الا الدعاء في السجود
وقولي حسبي الله ونعم الوكيل ردديها باستمرار
واستغفري وايد
واللي كتبتيله لنا هم بيوم حاولي تصلين القيام وقولي كل هالحجي لرب العالمين وماراح يردج خائبه .

السلام عليكم اختى دندن جزاج الله كل خير والله يرزقج بولد الحلال اللى يخاف الله سبحانه ويحافظ عليج كزوجه وام عياله ويسعدج ويحسن خاتمتج ويبشرج ربي سبحانه باللى تمنين يارب