حملة (( رشاقتي مع لذوذه )) بالصور--انتهت الحمله وبانتظار النتائج

[GAP^^الكبيرة]

رد: حملة (( رشاقتي مع لذوذه )) بالصور

مسز شوغر

حياج الله حبيبتي... والعين اوسع لج من المكان
شنو نظامج؟
وجم وزنج؟
وان شاء الله باجر ننزل اوزانا في الموضوع المثبت
http://q8yat.net/showthread.php?t=300910


[/quote

هلا و غلا GAP^^الكبيرة

مشكورة عالترحيب

انا عبالي تسكرت المسابقة

لما حبيبتي القادرينيا قالت لي لا عادي تقدرين تسجلين

عاد باجر ببلش اصور وزني و احط معلوماتي علشان يصير كل اثنين مثلكم

بس بقول لكم الحين

طولي 153

وزني : لا تخترعون كان اخر مرة 81

و ريجيمي هذا

http://www.q8yat.net/showthread.php?t=225584

من المنتدى طبعا

و الوزن المطلوب :70 مبدئيا بعدين 60 بعدين يصير خير المهم نوصل 60

و الرياضة : رياضة بالبيت مع دي في دي

حياج الله حبيبتي وان شاء الله تنزلين بصحه وعافيه

اوزانا واطوالنا حيييل متقاربه وان شاء الله تحصلين كل التشجيع اللي تبينه :ggdw:

وناسه يعني حصلت لي منافسه ههههه:krkrkr:

بالتوفيق

 

[mrs_sugar]

رد: حملة (( رشاقتي مع لذوذه )) بالصور

هلا والله gap^^الكبيرة

شخبارج

شنو اعشابج اللي شربتيهم ؟

عاد راح تبدا اللقافة

ميخالف تحملوني

خخخخخخخخخ

 

[GAP^^الكبيرة]

رد: حملة (( رشاقتي مع لذوذه )) بالصور

لالا عادي اخذي راحتج افا عليج
هذي اعشاب للاسف ترا مالها شغل بالرشاقه هذي انا اخذها عشان ابي المسعده تنزل ذابحتني متاخره علي 5 ايام
المهم الاعشاب عباره عن زنجبيل و هيل ودارسين وروزماري
طعمها مقبول ومفعولها اكيد هههه
واذا كنتي تقصدين بالكوب الابيض فهي بابونج

 

[mrs_sugar]

رد: حملة (( رشاقتي مع لذوذه )) بالصور

بالعافية

و ان شاء الله تنزل المسعدة و ترتاحين

عبالي اعشاب تخفيف وزن

 

[GAP^^الكبيرة]

رد: حملة (( رشاقتي مع لذوذه )) بالصور

شوفي الزنجبيل يفيد عشان نزول الوزن
وهم اشرب شاي عباره عن كمون وليمون وانا اضيف له زنجبيل هم يمدحونه
والشاي الاخضر معروف
وساعات اذا طق ببالي اشرب اعشاب عبدالله المطوع هههههه

والمسعده ( عزج الله ) الحمدالله نزلت هههه مو اقولج هالاعشاب فتاكه خخخخخخ

 

[just-me]

رد: حملة (( رشاقتي مع لذوذه )) بالصور

أخباري :

يوم الخميس غداي كان المفروض سموجتي العجيبة .. بس انا هالمرة شريت هامور فليه مثلج و للآسف كانت ريحته الزفرة واصلة لي راس العاير .. فأول ما دشيت البيت كفختني ريحة الزفرة ....ويع اذا بالجو ريحة السمجة جذي.. عيل بطني شبيصير فيه؟؟؟ المهم استغفر الله .. الله لا يعاقبنا.. قطيتها بالزبالة و تغديت شوربة ماشروم و سيزر سالاد امريكانا ... المهم بالليل رحت مع بناتي و الفلافل حق أفي نوس ...تواعدنا انا و رفيجتي و بناتها و تعشينا بأبل بيز ...هم ماشروم سوب و سيزر بدون كروتون(توست محمص)

الجمعة الصبح نفس الطقوس المعتادة "ماي حار كي دي دي اناناس و كيوية " تالي بالزوارة الغدا سلطة و صدرين دجاجة من مجبوس الدجاج بدون الجلد ... العشاء سلطة و حليب خالي الدسم ..

أمس السبت الريوق نفسه و الغدا سموجتي اللذيذة الأولية المو زفرة ..تالي يه و قت الامتحان اللي يكرم المرأ فيه أو يهان كان وقت السينما الساعة 5:30 ... و الصراحة استعديت على الأخر لاني الصراحة ما ابي اخرب الريجيم مهما كان
فاستعديت بالأتي : شربت تب حليب خالي الدسم مع قهوة .. تالي اول ما وصلت السينما شريت لي 2 عصير برتقال فريش بس لأن البطل وايد صغير بالنسبة لمعدتي .. تالي بطل ماي ابراج صغير ..شربتهم من اول مادشيت الفلم ....عموما الفلم حلو بس ماشفته عدل و السبة حزته بنفس وقت الصلاة غير المياهه و العصير و القهوه كانوا محتاجين تصريف :eh_s(6): الفلم عيبه ان مو مثا باقي الافلام مطر و الوان وركض و سواري ..كان التركيز اكثر على القصة أكثر...والبطلة مو اساسية و لا اعرف اسمها يمكن مشهورة بس مالها دور فعال صج حلويه بس ماكو بطلة حبيبة شاروخان و تكون حلوة و زوغة و كل ساع تنطرينها شلابسة و تنطرين شعرها ....لا... حسافة كانت البطلة فقيرة وما ترقصلانها مرن رفيج شاروخان ( حرقت عليكم الفلم) فما تلفت النظر الا بظهرها اللي جنه بورد تزحلق ( ماشاء الله راحت فيها المرة ) المهم شاروخان كان عذاااااااااااااب ..

[/url][/IMG]

والا سيارتااااااااااااااااه

بنتلي أبيض​

[/url][/IMG]

تعقدنا أنا و بناتي من البنات اللي كانوا معاه بالرقصات كان شعرهم خفيف و منتف وقصيررررر

[/url][/IMG]

خنت حيلي ما ادري شفي شعرهم جذي الحمدلله و الشكر .. تالي عشاي كان سلطة مع رمان و اليوم الصبح ضفت على ريوقي 4 شرايح انانس فريش

[/url][/IMG]
وبس ... الله يستر وايد حاطة وبانية امال على الميزان باجر .... عموما باجر موعدي مع المطوع أول مرة ... ادعوا لي

 

[GAP^^الكبيرة]

رد: حملة (( رشاقتي مع لذوذه )) بالصور

ما شاء الله براااااااااااااافوووو عليج هذا الالتزام ولا بلاش عيني عليج بارده
بس صج استانست لج
ومن وين ماخذه الهاموره الزفره؟؟.. جان اخذيتها فرش احلى

ودي اسوي نفسج اتغدا ادام وسلطه بس معدتي اذا ما طحنت كربوهيدرات وعليه تنفجع على الاخر >> شيسكت وحش فيغا مادري فيغو بعدين هههههه

وشاروخ صج عذاب ينننن >> استغفر الله ... ذكرتيني برشوق حبيبه قلبي ههههه
ان شاء الله تلقين النتيجه اللي تسر خاطرج باجر
ووين اخذتي الموعد بالديره لو بالمنقف؟

 

[mrs_sugar]

رد: حملة (( رشاقتي مع لذوذه )) بالصور

شوفي الزنجبيل يفيد عشان نزول الوزن
وهم اشرب شاي عباره عن كمون وليمون وانا اضيف له زنجبيل هم يمدحونه
والشاي الاخضر معروف
وساعات اذا طق ببالي اشرب اعشاب عبدالله المطوع هههههه

والمسعده ( عزج الله ) الحمدالله نزلت هههه مو اقولج هالاعشاب فتاكه خخخخخخ

بالعافية

انا بسويلي مطارة زنجبيل و جاي اخضر و نعناع و بدردع منها طول اليوم

يقولون زين و يضعف

انا اذا ما اشوفها جدامي ما اتعنى و اسوي لي و اشرب

قلت حق الخدامة تسوي مطارة حق طول اليوم اشرب منها

و الله كريم

 

[just-me]

رد: حملة (( رشاقتي مع لذوذه )) بالصور

ما شاء الله براااااااااااااافوووو عليج هذا الالتزام ولا بلاش عيني عليج بارده
بس صج استانست لج
ومن وين ماخذه الهاموره الزفره؟؟.. جان اخذيتها فرش احلى

ودي اسوي نفسج اتغدا ادام وسلطه بس معدتي اذا ما طحنت كربوهيدرات وعليه تنفجع على الاخر >> شيسكت وحش فيغا مادري فيغو بعدين هههههه

وشاروخ صج عذاب ينننن >> استغفر الله ... ذكرتيني برشوق حبيبه قلبي ههههه
ان شاء الله تلقين النتيجه اللي تسر خاطرج باجر
ووين اخذتي الموعد بالديره لو بالمنقف؟

بعد قلبي الله يسمه منج ..يا رب ان تعبي مايروح بالهوا والصراحة عيني على اللقب هالاسبوع :tomato2: .. بالنسبة للمطوع ..موعدي باجر اذا الله عطاني عمر وبروح شرق لانه يم دوامي ..عاد قبل شوي دقيت قالت لي الفلفينيه مالته ماكو وقت ثابت تعالي على ال 9 .. فانا بارتز جدام ويهه من ال8 والا شرايكم اصلي الفجر واروح له :krkrkr: بس انا الصراحة ما سويت تحاليل ومالي خلق اروح المختبر الالماني اخر مرة محللة عنده اطلب تحاليلي مالي خلق ولا اكو وقت..
اما بالنسبة للسموجة الزفرة ما ثبت اسم الماركة سامحيني .. والفريش صعبة اروح اشتري فيليه طازج مع ان عندنا الدانه بمشرف بس الصراحة السمجة اذا شريتيها و فلهوها ( يعني سووها فيليه ) حقج خذوا دبلات سعرها ..عشان جذي الله يخلي السموجات الاماراتية ماركة شاهين و ربعه وحتى امريكانا لاباس يعطونج معاها ربيان مثلج حق فلبينيتي :dddds:

 

[GAP^^الكبيرة]

رد: حملة (( رشاقتي مع لذوذه )) بالصور

مسز شوقر..زين تسوين ... احسن شي تخلينها قبال عينج
واصلا كثر السوائل زينه بالرجيم

تخيلي انا كان عبالي باليوم 2 لتر كفايه .. ولا اقرا بكتاب يقول كل كوب تشربينه غير الماي شربي بداله دبل ماي وخاصه اذا كان شاي او قهوه عشان ينظف الجسم
يعني حتى ال 2 لتر طلع شويه مع نظام حياتنا

 

[GAP^^الكبيرة]

رد: حملة (( رشاقتي مع لذوذه )) بالصور

جسوووت... انا محاربه هالايام السمجات المثلجه كلو فريش
واذا رحتي مبجر عند المطوع ان شاء الله ما تاخرين وخاصه انج اول مره
بس نصيحه اذا بيعطونج الاعشاب لا تشترين 2 واحد كافي ويطول
موفقه بموعدج باجر..وتقدرين تسوين ترا تحليل عندهم بس ما يسوا سويه بالحكومه ارخص قوليلهم ابي تحليل شامل وعادي يسونه لج
وان شاء الله الشعار لج باجر>>>> نداء لكل البنات اليوم يوم مفتوح من عندي اكلو كيك وكوكيز وذوبي شكر بماي واكلوه بين الوجبات يقولون يهضم خخخخخخخخ
محد بياخذ الشعار الا جسوت سمبتيك وعاشت دالوكا وعاشت دالوكا
لوووووووووووول

 

[just-me]

رد: حملة (( رشاقتي مع لذوذه )) بالصور

عزة الله نلبس حفاظات ابرك انا 4 او 5 بطول غير القهوة والعصاير احس فشلة الفراريش يعدون لي جم مرة ادخل الحمام

 

[bo6aa6ee]

رد: حملة (( رشاقتي مع لذوذه )) بالصور

صباااااااااااااااااااااااااح الخير

صفووي ماتشوفين شر حياتي

gapoo انا تمام انتي شلونج ؟

just هلا هلا هلا


والله صرت ماحب الاكل كلش ياجبل لايهزك ريح حتى الحلو مالي خاطر عليه كلش حتى بالطلعه بالغضب اشرب قهوه او عصير لايطوفكم بيت 7 عليهم عصير كيوي و برتغال فرش ختيييييييييييييييييير

 

[just-me]

رد: حملة (( رشاقتي مع لذوذه )) بالصور

لووووووووووول ودج على هالخبة الميزان متنحر على 84 ؟؟ بس القصة موجذي .. متى انزل الصورة بالمنتدى .. أولا ما اعرف الله يعافي ينتي المبتزة الملقوفه ثانيا مايمديني الصبح بوصل ولدي العود بعدين ادش سباق عشان اوصل شرق قبل الزحمة و لاتنسين الابو هذا بالله هالشايب شيفهمه اني بصور ميزاني عشان انترنت و رفيجات ومنتدى

 

[GAP^^الكبيرة]

رد: حملة (( رشاقتي مع لذوذه )) بالصور

مممم سؤال عويص... وزني بالليل قبل لا تناميين
وباجر نزلي الصوره اذا تقدرين او كتبي الوزن من غير صوره
وسالفه الميزان سكتي انا اخوي مسويني نكته الموسم بسبه هالسالفه
من تشوفوني ما اصور عرفو ان اخوي معاي ههههههه

 

[GAP^^الكبيرة]

رد: حملة (( رشاقتي مع لذوذه )) بالصور

بنات عطوني اقتراحات غدا لو سمحتو

 

[just-me]

رد: حملة (( رشاقتي مع لذوذه )) بالصور

بنات عطوني اقتراحات غدا لو سمحتو

سموجة :tomato2:

 

[bo6aa6ee]

رد: حملة (( رشاقتي مع لذوذه )) بالصور

روب

 

[GAP^^الكبيرة]

رد: حملة (( رشاقتي مع لذوذه )) بالصور

ممكن... وانا طالعه امر سطان اخذلي سالمونه او فيليه هاموره واشويها بالبيت >> ميغسي اوي اوي
وان شاء الله احصل فيليه عدل مو من صوب الذيل لاني ماحب هالقطعه تكون عرده وتاذيني بالتقصص

 

[GAP^^الكبيرة]

رد: حملة (( رشاقتي مع لذوذه )) بالصور

بطاطي.. هلا حبيبتي انا بخير عساج دوم بخير وعذريني توني اشوف مشاركتج
عحبتني خلطه الكيوي مع الاناناس والبرتقال.. ان شاء الله نجربها
بس سالفه اتغدا روب هذي من المستحيلات عندي لازم معاها هاامممم خخخخخخخ