حملة ضد الغلاء مع شتا الكويت

[~ام خالد~]

بنات اي محاميد تروحون
انا اعرف اللي بالسالميه وحولي
اي واحد احسن؟؟
واحصل تريننقات حق بيبيات 5شهور جذي؟؟

 

[*البدرة*]

بنات انا شفت الترينقات في النصر اللي قبال الافينوز يهبلون...
حتى حقنا احنا بعد تلقوون...

 

[واحشنى موت]

بنات صج قريت وحده من الخوات هنى تمدح مترو الفروانيه ورحتله نفس البضاعه وارخص من سوق السالميه
وفى شغلاات احلى بعد ... تدرون رحت سوق السالميه شريت لبنتى بس بجامتين للبيت ومن مترو شريت لعيالى
كل واحد خمس قطع وحتى فى ترنغات حلوه تصلح لطلعات .. يعنى صج جزاها الله خير اللى مدحته لناااا

 

[ام فجور 2008]

بنات اي محاميد تروحون
انا اعرف اللي بالسالميه وحولي
اي واحد احسن؟؟
واحصل تريننقات حق بيبيات 5شهور جذي؟؟

محاميد خيطان وحولي والسالمية
انا بنتي سته شهور اخذت لها والله خمس ترينقات الواحد 750 وثلاث قطع وفي قطعتين

 

[ام فجور 2008]

هنى تمدح مترو الفروانيه

يبيله قزة بمترو

 

[*البدرة*]

واحشني موت هاذي انا ... انا مشكورة على الدعاء..
انا اللي قلت عن مترو ..
"
"
عليج بالف عافيه وملبوس العافيه

 

[nahed.alkhaled]

السلام عليكم بنات

البرد و الشتاء جانا الحمدالله و بلشت استعدادات المخيمات و تجهيز الدوه حق البيت....عسى الله يحفظكم انتوا و عيالكم من حوادثها

الصراحه طحت على فحم في جمعية ضاحية عبدالله السالم وايد ممتاز....هذا الفحم ميزته انه مصنوع من قشرة جوز الهند و الصراحه مكتوب عليه وايد مواصفات زينه و جربته و طلع صج....اولا اسم الفحم كوكونارا و موجود داخل الجمعيه عند ركن الفحم و من مميزاته التالي:

يطول اكثر من الفحم العادي تقريبا ٣ مرات اكثر
ما يطلع شرار و يتفجر و هذا وايد ضروري يحمي من الاحتراق داخل الخيمه او الدوه بالصاله
ما يطلع لهب حاد او دخان ضار من مادة السلفور و هذا وايد ضروري عن الاختناق
و الشي الاكثر غرابه انه تقدرين تطفينه بالماي و تشبينه مره ثانيه و صج انا جربته
الحلو بعد انه العبوات بكرتون وايد نظيف مو خيشه كلها بودره و توسخ البيت يعني تقدرين تحطينه بالمطبخ ولا يدمر المطبخ

الصراحه حبيت ابلغكم عنه و انشالله تستفيدون منه و الله يحميكم من حوادث الفحم و الدوه
و بعد اذا تبون انا طلعت رقم الشركه اللي تبيعه و خليته عندي عشان يوصلون لي بس اللي تبي تدزلي رساله خاصه عشان ما يعتبر هذا اعلان عنها حسب قوانين المنتدى

و مشكورين حبيباتي مقدما

 

[~ام خالد~]

ام فجور
مشكووووووووووره حبيبتي
شكلي باجر بروح طيران فاجأنا المطر اليوم
واخاف البرد بعد يدش على غفله
احنا مو مشكله بس وعليه هالعيال حرام

nahed.alkhaled
والله خوش شي عاد انا اموت على سوالف الدوه
بس اخاف بالشقه يصير دخان ولا شي ننقمت
بس شلون يشب بسرعه؟؟
عطيني الرقم الله يعافيج
الله يعافيج ابي رقمهم

 

[مس دلع]

شلونكم بنات..
تفاعلت مع الموضوع وايد عجبني ..

هذا اول شتا لولدي الصغير ..
عمره 8 شهور ..

رحت شريتله طقمين كشخه حق الطلعات واصلا طلعات الشتا حق ياهل بعمره مو وايد..
خذيتهم من اتش اند ام .. على التنزيلات الاسعار اوكيه صراحه ..

بالنسبة لملابس البيت رحت المباركيه
خذيتله طقمين .. بس بصاحة ما حبيتهم وايد
ناوية اروح السوق اللي صوب لولو هايبر... يمدحون بجاماتهم
وترنجات اليهال

هذا المهم اليهال

انا ليلحين مادري من وين بشتري
يبيلي بنطلونات وجاكيتين طوال
ودلاغات ... طبعا انا عندي غرام اسمه دلاغات غرااااااااااااامي

عموما لو شريت شي حق ولدي او حقي راح ابلغكم ..

 

[ام فجور 2008]

الصراحه طحت على فحم في جمعية ضاحية عبدالله السالم وايد ممتاز....هذا الفحم ميزته انه مصنوع من قشرة جوز الهند و الصراحه مكتوب عليه وايد مواصفات زينه و جربته و طلع صج....اولا اسم الفحم كوكونارا و موجود داخل الجمعيه عند ركن الفحم و من مميزاته التالي:

ياحلات الدوا والفحم والجاي واليمون والبطاطه الحلوة على الفحم والذرة والكستن ااااااخييييييي

 

[ام فجور 2008]

احنا مو مشكله بس وعليه هالعيال حرام

اي والله يا ام خالد احنا انتحمل بس هالاعيال الي مسرع ماينتكسون

رحت شريتله طقمين كشخه حق الطلعات واصلا طلعات الشتا حق ياهل بعمره مو وايد..
خذيتهم من اتش اند ام .. على التنزيلات الاسعار اوكيه صراحه

اتش اند ام حق الصبيان في اشياء وايد

انا ليلحين مادري من وين بشتري
يبيلي بنطلونات وجاكيتين طوال
ودلاغات ... طبعا انا عندي غرام اسمه دلاغات غرااااااااااااامي

ايوالله احنا المصيبة الي موبسهولة نلاقي قدنا
بس حبيبتي روحي فاشن ميل

 

[nahed.alkhaled]

حبيباتي

ترى انا دزيت برسايل خاصه الارقام حق اللي طلبوهم اللي ما وصلتلها الرساله ارجوا تبلغني

و مشكورين

 

[ام فجور 2008]

اي ياقلبي ماقصرتي بس السموحة انا بالدوام وتوني اشوفها

 

[nahed.alkhaled]

تحت امرك حبيبتي و حياك شوفي مشاركاتي الاخرى بالمنتدى انشالله تفيدك
و انا تحت امرك اذا بغيتي شي

 

[(( أم نــونــا))]

بنات
نبـــــــــــــــــــــــــــــي الجاكيتاتا الطوال من وين الي نفس الي بزارا الصراحه غاليين على 50 و70
ابي اسود طويل
لان قلت بروح العدساني 2- بنطلون جينز واحد ازرق وواحد اسود
وابي جاكيتين اطوال ابي واحد اسود والثاني عادي اي لون بس مادري من وين
بنات المدفيات الاندرويل الي بفاشن ميل لحقوا عليهم ولا ترى يطيرون على دينار ونص بعدين ان رحتوا ماراح تلاقون
السنه الي طافت جنه صار غزو عليهم

حبوبه اذا تبين الجاكيتات الطويله شوفي بسبلاش زوجي شاريلي منه وحلووو شكله

 

[(( أم نــونــا))]

تكفوووووووووون قولولي ولدي عمره 10 شهور وماشاءالله جسمه مليان

وابي له ترنقات مخمل بس مالقيت بسنتر بوينت الا مقاسات صغيره

ياليت تدلوني وين القاهم

وابي بدلات البيت ابيهم رخاص عاديات من وين اشريهم.......

والبجايم الداخليه والفنايل الغوله من وين بعد

ادري ازعجتكم بكثرة اسألتي بس اعذروني

ياليت تردون علي لاني اليوم بروح السوووووووووق

 

[(( أم نــونــا))]

ام فجوره انتي من اي محاميد تشرين الملابس

لاني ابي لولدي الترينغ

وابي بدلات للبيت تكون رخيصه وحلوه

والبجايم الداخليه بس تكون خامتها زينه

انا لقيت بسنر بوينت بس خامتهم خفيفه واخاف مايدفونه

وابي الفنايل الغوله من وين اشريهم

ادري هذريت كثيرررر بس شسوي مااعرف اسواق بالكويت كثيره <<< الاخت سعوديه

عفيه ردو علي الحين عشان اروح السوق اليوم

 

[cute_butterfly27]

بنات اللي عندها ياهل صغار بسن 0 الى 9 شهور تروح نيو لوك مسويين سيل وتصفية وايد حلوه على الملابس الشتتوية بس من كل قطعة شي واحد بس بس وايد اشياء حلوة وتصلح حق العيد بعد وكلة بدينار وديناري

 

[ام فجور 2008]

ام فجوره انتي من اي محاميد تشرين الملابس

خيطان والسالمية ونصيحة روحي الي بالسالمية لانه يمه تلاقين بيت اولادونا ومستورة الجوهرة قراب من بعض وفي فاشن ميل

انا لقيت بسنر بوينت بس خامتهم خفيفه واخاف مايدفونه

الصراحة شوي غالي

 

[ام فجور 2008]

بنات اللي عندها ياهل صغار بسن 0 الى 9 شهور تروح نيو لوك مسويين سيل وتصفية وايد حلوه على الملابس الشتتوية بس من كل قطعة شي واحد بس بس وايد اشياء حلوة وتصلح حق العيد بعد وكلة بدينار وديناري

صج والله رخاص وفي حق البنات