حملة قراءة سورة البقره كل يوم

[~q8ia~]

السلام عليكم ورحمة الله وبركاته

بغيت اشارك بالموضوع لاني قبل كنت اشوف العنوان وماأدشه لاني أستحي من عدم قراءة سورة البقرة بس كنت اكتفي بتشغيلها بالغرفة من سنة أو اكثر، بس سبحان الله من السبت اللي طاف قعدت أقراها واحس الآيات أعرفها وهذا كله من المسجل لما كنت أشغلها فسهل علي الأمر وإذا نويتي على عمل صالح الله سبحانه يعينج والله يثبتني أحس بوناسة أدعو الله يثبتني صار لي 8 أيام الله يتمم على أيامي وأيامكم كلها بالقرآن

الله يتمم عليج يا رب

و سبحان الله صح كلامج لما تنوين الشئ الله يسهله لج

 

[~q8ia~]

تكفون إدعولي ولكم بالمثل إن شاء الله
أن يرزقني ربي بزوج صالح يعينني على ذكر الله وشكره وحسن عبادته عاجلا ليس بآجل
العمر يمضي وانا للحين محد جاء وخطبني
تكفون بنات أمانة والله يوفقكم لما يحب ويرضى

الله يرزقج بالزوج الصالح و ولد الحلال اللي يهنيج و يعوضج ايامج و يفرح امج فيج يا رب

 

[~q8ia~]

السلام عليكم اشلونكم بنات
انا صارلي الحين 5 ايام وانا اقرى سورة البقرة ادعولي ان الله يسر اموري عندي مشكلة معلقة ماتدرون من اي سنة وانا معلقة من 2003 وانا لما الحين انطرها تنحل وكل ما بتصير تتعطل حسيت اني يائسة وزهقانة وكل ابجي بس من بلشت اقرى سورة البقرة حسيت انه نفسيتي تحسنت اشوي وادعولي اني اكمل انشاءالله

الله يسهل امروج يارب

 

[nora77]

اشدعوة مافي تشجبع انا اول مرة اشارك معاكم ابي تشجيع منكم وترفعون من معنوياتي

 

[حجازيه 1]

انا ابنظم لكم ولكن انا نصحتني وحدة اقرها كل 3 اياااااااااااااااام

 

[أم منصور]

اشدعوة مافي تشجبع انا اول مرة اشارك معاكم ابي تشجيع منكم وترفعون من معنوياتي

حبيبتي انا بشجعج واقري مشركاتي القديمة وتعرفين شنو كشفت لي قراءة سورة البقرة يوميا

والحمد لله اني بالف خير بفضل قرائتها

ابدي وربي يثبتج :eh_s(6):

 

[нάγoηά cнεмίsтяγ]

السلام عليكم شـلونكم بنات
الله يتمم عليكم انشـالله .. من زمان ما دخلت الموضووع:eh_s(22):
بغيـت استفسر عن شغلـه صغيرونـه الحيـن وقت الدورة الشهريـة تكملـون تقرون البقـره؟
والا تقطعونهـا وبعد الدورة تكملـون :080402ask_prv:​

 

[нάγoηά cнεмίsтяγ]

آنا يايتني الدورة وأول مرة أقراهـا وعلي الدورة .. توني الحين خلصت من قرائتهـا .. تم بحمد الله

وهذا السايت الي قريت منـه
http://www.holyquran.net/cgi-bin/prepare.pl?ch=2

 

[أم منصور]

سمورة شخبارج انشالله بخير

اقريها من النت

تدرين الحين صار لي ليلتين اشغل سورة البقرة بالليل واخلى الاب توب شغال يمي وتصدقين كل ما خلص القراءة سبحان الله افز واعيد اشغلها والله من الله ومرتاحه حيل

وصرت على طول اشغلها مو بس بالليل

وربي يتمم عليج انا وايد استفدت من قراءة سورة البقرة :eh_s(6):

 

[كنزو]

بارك الله فيج ياصاحبة الموضوع على هذي الفكره من اول ماقريت موضوعج وايد تشجعت وبديت اقراها وانا اليوم صار لي 11 يوم من بديت اقراها وا ن شاء الله انكمل لي 40 يوم يارب ...بس عندي سؤال انا اول 3 ايام تقريبا حسيت بضيقه واحلام مزعجه من اول يوم بس هالايام اشوا احلامي عاديه بس حبيت اسأل اذا في وحده صار معاها نفس الشي وليش تعتقدون ....
ادعولي الله يتمم علي ووفقني ونولني مرادي

 

[الكادي-83]

تكفون إدعولي ولكم بالمثل إن شاء الله
أن يرزقني ربي بزوج صالح يعينني على ذكر الله وشكره وحسن عبادته عاجلا ليس بآجل
العمر يمضي وانا للحين محد جاء وخطبني
تكفون بنات أمانة والله يوفقكم لما يحب ويرضى

أسأل الله بأسمائه الحسنى وصفاته العلى ان يقر عينج بالزوج الصالح عاااااااااااااااااااااااجل غير آآآآآآآآآآآآآآآآآآآآآجل يااااااااااااارب

 

[جوريksa]

الحمد الله من يوم ما دومت على قرايتها وانا الحمد الله ارتحت نفسيا والله ما تخيلون وشلون الضيقه الي تجيني والحمد الله على نعمة الاسلام

 

[nora77]

انا صار معاي نفس الشي اول يومين قريت فيهم سورة البقرة حلمت احلام مزعجة وبجيت وماقدرت انام بعدين ارتحت بس لما الحين ماعرفت السبب

 

[нάγoηά cнεмίsтяγ]

سمورة شخبارج انشالله بخير

اقريها من النت

تدرين الحين صار لي ليلتين اشغل سورة البقرة بالليل واخلى الاب توب شغال يمي وتصدقين كل ما خلص القراءة سبحان الله افز واعيد اشغلها والله من الله ومرتاحه حيل

وصرت على طول اشغلها مو بس بالليل

وربي يتمم عليج انا وايد استفدت من قراءة سورة البقرة :eh_s(6):

هلا والله حبيبتي .. بخير الحمدلله انتي شخبـارج بشري عنج؟
بعد عمري الله يتمم عليج انشالله :eh_s(15):

آنا بعد صارلي مدة لمه أنام أخلي اللابتوب يمي وأشغل القرآن وأنام
بس في ناس يقولولي ما يجوز صج ؟؟ يعني قصدهم لازم ما اشغلـه وانام لازم اكون مستمعه للآيات
بس مـادري أحس ان هالشي يريحني وايد ​

 

[нάγoηά cнεмίsтяγ]

بارك الله فيج ياصاحبة الموضوع على هذي الفكره من اول ماقريت موضوعج وايد تشجعت وبديت اقراها وانا اليوم صار لي 11 يوم من بديت اقراها وا ن شاء الله انكمل لي 40 يوم يارب ...بس عندي سؤال انا اول 3 ايام تقريبا حسيت بضيقه واحلام مزعجه من اول يوم بس هالايام اشوا احلامي عاديه بس حبيت اسأل اذا في وحده صار معاها نفس الشي وليش تعتقدون ....
ادعولي الله يتمم علي ووفقني ونولني مرادي

هلا حبيبتي
آنا صار فيني جذيـه من بديت أقراها قامت تزيد أحلامي
مع اني من زمـان أشوف احلام مزعجـة
بس ما عليـج مع بدايـه القراءة اذا زادت احلامج استمري وبترتاحين انشالله وتستقر نفسيتج بإذن الله وماتشوفين شي يزعجج والله يهدي باجر استمري وتعوذي من ابليس هذا من الشيطان الله يلعنـه عشان يبعدج عن القرايـه ​

مرات تكون من العين أو مس أو أي مرض روحي بس لا تحاتين انشالله ما فيج الا العافيه

 

[أم منصور]

سمورة سوي الي يريحك الحين اشارك ومشغله موقع السديس على سورة البقرة

بالعكس شغليها للبيت حصن والحمد لله احنا نقراها لكن شعوري بالراحة والامان اكثر

والخوات المشاركات الجدد

الاحلام في الايام الاولى هي تخويف من الشيطان حتى تقطعون قراءة السورة

اكثر شي يذبح الشيطان قراءة سورة البقرة

استمرو وبعد مده انشالله تستقر الاحلام وراح تشوفون رؤية من الله

شوفو مشاركاتي القديمة وبفضل سورة البقرة شفت رؤية من الله خلتني اتحذر من خدامتي الي بالبيت ووحده معاي بالدوام

وفعلا الي شفته طلع صج مو من الشيطان

والحمدلله تحسنت امري الصحية بشكل ما توقعته لاني مرة وحده تدهورت ولولا قرائتي للبقرة الله العالم شنو صار لي

استمرو خواتي وانشالله ما عليكم الا العافيه

 

[خذاك الموت]

يعطيكم الف عافيه

 

[~q8ia~]

السلام عليكم

شلونكم بنات....

 

[нάγoηά cнεмίsтяγ]

سمورة سوي الي يريحك الحين اشارك ومشغله موقع السديس على سورة البقرة

بالعكس شغليها للبيت حصن والحمد لله احنا نقراها لكن شعوري بالراحة والامان اكثر

اي انشـالله آنا قاعدة أشغلـه يوميـاً والله يتمم عليج انشـالله مشكورة حبيبتي ​

 

[нάγoηά cнεмίsтяγ]

السلام عليكم

شلونكم بنات....

وعليـكم السلام ورحمة الله وبركاته

الحمدلله بخير :eh_s(6):

انتي شلـوونج ؟​