حملة قراءة سورة البقره كل يوم

[أنوثهـ حتى الثمالهـ]

بااك
شاالاخخبار انا قريتها اليوم

 

[الماسه حساسه777]

الله يجزاكم الف خير
من اليوم بقراها معاكم

 

[العود والبخور]

صباح الخير

لله الحمد قريتها امس مع قيام الليل ., مستمره مستمره

شلونج شيرى ياقلبى ., الله يجزاج خير

مرمر., هندوسه ., انوثه ,’ الماسه حياج الله معانا

 

[العمرانية]

سلام عليكم
الله يصبحج بكل خير يا العوودي ويثبتج ويتمم عليج الصحة والعافية
قريتها أمس الحمد لله

شلونكم بنات شالاخبار انشالله الكل شادين الحيل

 

[العمرانية]

ما شاء الله عليكم

الله يثبتكم يا رب و يزييييييدكم


واللي يسألون عن التجارب ترا بالصفحات الاوليه ملييييييييييييياااااانه تجارب والله راح تتشجعون حييل منها

وكفايه اللي تثق بقدرة رب العالمين راح تعيش اهيا التجربه وتبلغنا شصار معاها


شدوااا حيلكم و لاتخلون الشيطان يغلبكم

واقروها كل يوم ماتاخذ وقت

بس اجرها و فضلها عظييييييم

الله يجزاج كل خيير
كله في ميزان أعمالج

 

[وردية دوما]

أنا بدايتي اليوم إن شاء الله شجعوني استمر

 

[بنت الأصايل]

انا صار لي 3 شهور اقراها واحس براحة نفسية ولله الحمد والحمد الله حفظتها كلها

 

[7andoosa]

صباح الخير جميعا
شلووونكم ؟

 

[دلع_البحرين]

بنات انا امس بديت اقراها كنت احس بنعاس بس كملتها واول ماحطيت راسي عالفراش شفت وحده توني متعرفه عليها شكلها كان مخيف اهي دايما تقول لي بتقرا لي الفال وتهربد لي انا خفت يوم شفت شكلها مخيف تخرعت قلت لايكون تبي تسوي لي شي

انشاء الله بخليها عاده كل ليله بقرأ سورة البقره

 

[دلع_البحرين]

نزلت الجدول بنات بس مايصير اكتب فيه شي شلون استخدمه علموني

 

[جنى q8]

شفت نكج فز قلبي
يا نظر عيني ويييييييييييينج والله لج وحشة
طمنينا يا رب تكونين بخير

يالله معانا اهني نبدي من جديد صار لنا احنا البنات كم يوم

عساج دوووم بخير وعافية وما تنقطع أخبارج الطيبة​

ياابعد قلبي قلبج انتي ياالعمرانيه << بسميج عمورتي
والله انتي الي لج وحشه
الله يسلمج الحمدلله وبفضل من الله انا بخير
ان شاااء الله راح نبدأ من جديد ومن هني هذا المكان الي ان شاااء الرحمن ما ارح افارقه بإذن الرحمن

الله يسلمج راح تلقيني كل يوم طابه هني << حشى قطوه لوووول

عمورتي والله احبج

 

[جنى q8]

جنى ياقلبى شلونج ., احب صورتج الرمزيه

عطينا تجربتج مع سوره البقره ., وشكثر قريتيها وليش قطعت

هلا وغلا بالعوودي والاطياب الحلوه كلها

لووووووووووول عجيبه صح
وايد ناس معجبين فيها
تبين تخطبينها ترا مهرها غالي ههههههههه
الله يسلمج
مالي تجربه معينه صراحه غير اني ارتاااح نفسيا وحتى احلامي احس تصير كلها تباشير ولله الحمد والمنه
وقطعتها صراحه كسل
بس ان شااء الله هالمره غيير بإذن الرحمن
يكفي قول حبيبنا عليه الصلاه والسسلام اخذها بركه وتركها حسره
واجرها شوفي اهي تقريبا جزئين ونص يعني جم حسنه فييها والله يضاعف لمن يشاااء
شي عظيم وعجيب ورحمه الله اكبر
سبحااان الله
الحمدلله الذي هدانا لهذا وما كنا لنهتدي لولا ان هدانا الله
اليوم قريتها ولله الحمد
يارب ثبتنا
دعواتكم بنات
بالتوفيق للجميع

 

[جنان2006]

السلام عليكم ورحمة الله وبركاته


اشلونكم خواتي ان شاءالله بخير وعافية؟؟؟


يزاكم الله كل خير على هالحملة وإن شاءالله انا معاكم بإذن الرحمن


اليوم ثالث يوم لي وإن شاءالله ربي يوفقنا ويزيدنا من فضله ويعينا على ذكره وشكره وحسن عبادته يارب

 

[جنان2006]

جنوونة الله يوفقج يالغالية ويزيدج من فضله اللهم آمين

 

[العمرانية]

سلام عليكم
شلونكم بنات انشالله القراءة مستمرة > الله يثبتكم
هندوسة - الماسة - أنوثة - وردية دوما - بنت الاصايل - دلع البحرين - جنان 2006
شاخباركم لا تتكاسلون

العووودي
طمنينا القراءة معاج في القيام أوكي
صحيح انه تعب لكن بعدها تحسين باليقين > الله يعطيج الصحة والعافية والثبات
وينولج الخير من حيث تحتسبين ومن حيث لا تحتسبين


جنووووو
أسأل الله العظيم الذي أسكنكم قلبي أن يسكنكم أعلى جناته
يارب افتح أبواب الخير وأنلها كرامة عبادك الصاحين تقول للشي كن فيكون
يا رب نفرح فيك مع ختمة البقرة > قولي آمين
أحبك الذي أحببتنا فيه

اللهم انك تعلم أننا أردنا التقرب اليك وحسن عبادتك بهذه السورة
اللهم فلا تحرمنا رحمتك وبركاتك​

 

[الشآمخة]

جزاكم الله خير أنا ببدي من اليوم أدعولي أستمر

 

[7andoosa]

السلاااااااااااااااااااااام عليكم
هاا وينكم ؟

 

[العمرانية]

هندووووسة
شا خبارج انتي انشالله بخير
اشلون القراءة معاج ؟
هالمرة نبي التزام قلبووو

 

[al.3nood]

السلام عليكم

اول شي جزاكم الله خير كلكم / انا اليوم يصيرلي 16 يوم من قريت البقره / وتوني اشوف حملتكم للاسف / والتقصير مني انا اللي مامر على القسم بـ استمرار

عـ العموم خلني افيدكم بـ اللي عندي / طبعا انا مو اول مره احاول اقرا البقره / بس للاسف ما استمر / يعني اذكر اول مره حاولت واستمريت تقريبا 7 او 8 ايام / وبنات خلال هـ الفتره كنت احس بشغلات غريبه / يعني صرت خوافه / احس ان في احد يراقبني او اني بشوف الجن او شي جذي / لدرجه اول الايام كنت انام بدار خواتي / بعدين لأ صرت ابطل الليت وانام بداري / تالي قمت اتكيسل / واقول بعد شوي بقوم اقرا وجذي لما يروح وقتها يعني يطوف اليوم وادش بيوم ثاني / واقول خلاص ببدي من جديد باجر وباجر اقول اللي بعده وجذي / المهم هم بديت مره ثانيه ونفس الشي اتكيسل / سبحان الله الشيطان يثقلها علي مع انها سهله / وهم حاولت مره ثالثه والتزمت واستمريت ولله الحمد هذا انا اليوم لي 16 يوم من بديت / بنات ماتصدقون شلون احس براحه نفسيه سبحان الله / حتى عصبيتي بنات احس حيل خفت / صرت اقدر اكضم الغيض واتحمل / مو عاد كلش مره وحده بس احسن من اول / تدرون بنات صرت احب اقراها دايم ارفض اروح مع اهلي او اطلع مكان او اتابع شغله بالتلفزيون عشان اقراها / احس حتى بيتنا صار فيه هدوء وسكينه / وعلى فكره بنات انا دايم اشغل سورة البقره بداري وخصوصا بالليل لما ابي انام واخليها تشتغل لين الصبح لان اخاف / زبدة الحجي .. قال تعالى ((وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنكًا وَنَحْشُرُهُ يَوْمَ الْقِيَامَةِ أَعْمَى * قَالَ رَبِّ لِمَ حَشَرْتَنِي أَعْمَى وَقَدْ كُنتُ بَصِيرًا * قَالَ كَذَلِكَ أَتَتْكَ آيَاتُنَا فَنَسِيتَهَا وَكَذَلِكَ الْيَوْمَ تُنسَى))[طه:124-126]

ذكر الله مو بس بالصلاة اللي مادري شلون بسرعه بسرعه وماندري بعد هل اهي مقبوله ولا لأ / ذكر الله بحب نبيه ودراسة احاديثه واتباع سنته وحب القران والتعلق فيه / والله يـ بنات اني ماهقيت بيوم من الايام راح اشتاق اني ارد البيت بسرعه عشان اقرا قران / ولا فكرت بيوم من الايام اني اخلي روحت عرس ال فلان عشان اقرا قران / بس الحمدلله توني لقيت الراحه والله يتمم علي يارب ..

تدرون بنات .. المفروض ما اذكر لكم هـ الشي / بس انا بذكره من باب اني بفيدكم خواتي / والله وبحياتي ماعمري طرا علي اتصدق نهائي / مادري ليش احس الناس اللي بشارع ممثلين ويقصون علي / بس كافلتلي يتيم واقول خلاص هذا انا سويت عمل خير بحياتي / لأ غلط انا كنت افكر غلط وماكنت احس بالعالم اللي حولي

بنات تدرون ذاك اليوم بالجمعيه وانطر الوالده تخلص / سبحان الله وكنت توني راده من المخبز وشاريتلي فطاير / ولا سيارتنا واقفه جدام المخبز الايراني / وبعد صلاة العشا صار طابور شكثره كلهم رياجيل افغانيين / الواحد لحيته لين سره ووجه مسمر من التعب / ومعاهم اجياس وواقفين بالطابور ناطرين / والحريم كل شوي وحده تجي وتوقف جدام وتاخذ الخبز وتمشي والكويتيين نفس الشي وهذيل ساكتين / والله يـ بنات مادري شلون طرت فبالي هالفكره / ناديت السايق وعطيته فلوس قلتله روح اشتر فيهم خبز كلهم وعطهم الافغانيين الواقفين / راح السايق وصف دور وراهم << خفت يروحون ويطوفني الاجر / نزلت انا وشريت الخبز وعطيتهم / والله والله والله ماتذكرت الا قول الله تعالى في سورة البقره : ((لِلْفُقَرَاءِ الَّذِينَ أُحْصِرُوا فِي سَبِيلِ اللَّهِ لَا يَسْتَطِيعُونَ ضَرْبًا فِي الْأَرْضِ يَحْسَبُهُمُ الْجَاهِلُ أَغْنِيَاءَ مِنَ التَّعَفُّفِ تَعْرِفُهُمْ بِسِيمَاهُمْ لَا يَسْأَلُونَ النَّاسَ إِلْحَافًا وَمَا تُنْفِقُوا مِنْ خَيْرٍ فَإِنَّ اللَّهَ بِهِ عَلِيمٌ ))
وهذا من فوائد قراءة البقره علي / انا اللي مافكرت اتصدق .. مو بخل اصلا بحياتي مافكرت بالموضوع كنت لاهيه بعمري ولا افكر بغيري / مع ان كل هذا لي انا .. اتصدق لنفسي لاني بحاجة لرضا ربي

وسمحولي عـ الاطاله بس مستانسه وحبيت اعبر عن مشاعري و ان شاء الله تكون مشاعري وتجربتي دافع لبنات غيري انهم يجربون قراءة البقره والقران ايضا لان القران كله خير

وبس

 

[(روحي تحبك)]

اللـــــــــــــــــــــــــــــه يعطيــكـ العــــــــافيــــة