حملة قراءة سورة البقره كل يوم

[%عـجـمـيـه صـريـحـه%]

السلام عليكم خواتي

بنات اعلن انسحابي من الحمله لكن اوعدكم راح اكمل مشواري بالقرايه

وصدقوني الوحيده الي تاكدت انه قلبها ابيض وتبي الخير لنا اهي الجوهره الماسيه

انسحابي مو علشان انسحاب الجوهره لا

اسمحولي احتفظ السبب لنفسي

أحبكم في الله

 

[أم منصور]

عجمية صريحة الواحد افضل له ما يرد على كلامج يكفي الرسالة الي بعثتيها لي ما فيها ذرة احترام ونا مالي ذنب في شي

والي يقرا قرآن ما يتهم الناس باطل والصراحة افضل انج تنسحبين طالما هذا ردج على خواتج بالحملة وبرة الحملة

وعلى فكرة هالموضع مو موضوعي وله صاحبة والمفروض اهي الي ترد عليج مو انا لكن شنسوي هذا الي صاير

 

[%عـجـمـيـه صـريـحـه%]

ام منصور اسمحيلي تربيتي تمنعني ارد على كلامج

وما شاء الله انا بعد الجوهره بسببج نطلع من الحمله منو الي ورانا بعد ؟؟

وبعدين ليش تقولين عن الرساله حطيها مثل ما حطيتيها بموضوعي سوي الي ولا وحده من بنات المنتدى نزل اسلوبها وحطت رسالة بنت بالخاص بموضوع

ومنو انتي علشان تقولين لنا ننسحب او ما ننسحب

صج انصدمت فيج ولا هذا كلام وحده ملتزمه وتخاف ربها تطلب منه الانسحاب بحمله فيها كلام ربناا

لا حول ولاا قوة الا بالله

 

[%عـجـمـيـه صـريـحـه%]

سبحان الله كل شخص يفكر حسب تفكيره

خواتي لما مدحت اخت الجوهره ذكرت البنت الوحيده الي تاكدت من طيبة قلبها وما فيكم قصور

اعتذر منكم خواتي ما كنت اتمنىى هالكلام يكون بالحمله

مع السلامه

 

[أم منصور]

ليش تغالطين نفسج انتي قلتي اعلن انسحابي من الحملة مو انا

ثاني شي قلتي تاكدت ان الوحيده الي قلبها ابيض وعلينا الجوهرة الماسية

والمعنى واضح ان الجميع قلبهم اسود وما يخافون على البنات

شوفي انا من راي موضوعج هذاك ما تسحبينه خليج قد المواجهه لما تكتبين موضوع عرفي شلون تردين على البنات هذا على فكرة يبيله تدريب مو من اول شي وحده ما عجبها الموضوع تردين عليها بكلمة وقحة ولما دافعت عنها وما رضيت انج تقولين عن اخت لج بالمنتدى بعثتيلي رسالة بالخاص كلها تجريج

ولما حطيت الرسالة في موضوعج مو انتي الي كاتبه تقولين ما نبي نجامل نقول الصج قلت لج شنو سويت عشان تبعثين لي هالكلام وتجرحين فيني شنو كاتبه

رديتي علي كل همج اني ليش حطيتها عالعام ما همج شعور الناسهمج تفكرين بنفسج تفكرين بمشاعرج والباجي كيفهم

لا حبيتبي مو من حقج ومو من حقج تجرحين فينا بدون سبب

ولا انا الي قلت لج انسحبي من الحملة ولولا جهود البنات الي واقفين فيها مثل الفا ومناير وفلور واخيرا انا ويعذروني البنات الي ما ذكرت اسمهم جان تسكرت من زمان لان ما فيها احد يرد على البنات

ما قلنا مو موضوعنا شكو نجابله نبي الاجر حبيبتي وعلى فكرة الجوهرة الماسية اشتركت مؤخرا بالحملة وكنت افضل انها تكون اكبر من جذي شنو فيها لو البنات او انا قلنا نختصر القصص وكل يوم شوي هذا مو تجريح ولا اهانه هذا طلب لمصلحة الكل حتى نستفيد من الكلام المكتوب ما تكتب شي وما يكون عندنا المقدره على القراءة خصوصا مواضيعها طويلة ونبي نستفيد

انا وضحت حتى يكن الكلام مفهوم للكل مو من طرف واحد

ومن حقنا الحين نجامل ولا نقول الصج مو هذا الي تبينه ياعجمية صريحة ولا ماله داعي تنزلين مواضيع انتي بالاساس ما تطبقينه بحياتج

 

[أم منصور]

منو الي بعدي

دوري بعد يمكن ناسية احد

وسبحان الله تنزلين موضوع شطوله عن عدم المجاملة وقولنا للحق وبعدين اول وحده تهاجمين انتي سبحان الله

 

[الجوهرة الماسية]

قــــــــــــــــــصــــــــــــص


هالقصة ذكرها الشيخ الجبير في شريطه (أسباب منسية)

فلان ... تاجر معروف ...فجأة .. إنقطع الرزق عنه ... يحاول يفكر يخطط يشتري يبيع ... لكن لا فائدة ...؟؟؟



داوم هذا الأخ على قراءة سورة البقرة ...
وماهي الا أيام قليلة ... وعاد الى سابق عهده ...
وأصبح الرزق يأتيه من كل حدب وصوب ... تبارك الرزاق ...




القصة الثانية...بنفس الشريط

امراة تشتكي من السحر وعدم الانجاب وذهبت لكثير من المشائخ وبعد ان اقنعها الشيخ ان تبدأ برقية نفسها بسورة البقرة بالقيام.. اشتد
عليها الأذى من الشيطاين الحارسة للسحر ونصحها الشيخ بالاستمرار وفعلا استمرت وبطل سحرها باذن الله وقد رزقت ابناء بعدها


ومحاضرة الدكتور خالد الجبير في شريطه( اسباب منسية) جدا رائعة واتمنى الرجوع لها للاستفادة اكثر.

 

[الجوهرة الماسية]

هل تشغيل سورة البقرة من المسجلة يجزئ لطرد الشياطين من البيت ؟

السؤال : يا شيخ هناك حديث عن النبي صلى الله عليه وسلم أن الإنسان لو قرأ سورة البقرة لا يدخل الشيطان في بيته لكن لو كانت السورة مسجلة على شريط هل يحصل نفس الأمر ؟


الجواب : لا .. لا .. صوت الشريط ليس بشيء، لا يفيد؛ لأنه لا يقال قرأ القرآن ، يقال : استمع إلى صوت قارئ سابق .
ولهذا لو سجلنا أذان مؤذن فإذا جاء الوقت جعلناه في الميكرفون وتركناه يؤذن ، هل يجزئ ؟؟ لا يجزئ ، ولو سجلنا خطبة خطيب مثيرة ، فلما جاء يوم الجمعة وضعنا هذا المسجل وفيه الشريط أمام الميكرفون ، فقال المسجل : السلام عليكم ورحمة الله وبركاته ، ثم أذن المؤن ثم قام فخطب ، هل تجزئ؟؟ لا تجزئ .. لماذا ؟؟ لأن هذا تسجيل صوت ماضٍ كما لو أنك كتبته في ورقة ، لو كتبت ورقة أو وضعت مصحفاً في البيت ..هل يجزيء عن القراءة ؟ لا.. يجزئ .


الشيخ محمد بن صالح العثيمين رحمه الله تعالى
لقاء الباب المفتوح ج2/280 اللقاء 34 / سؤال رقم 986
منقــول للفائدة

 

[الجوهرة الماسية]

مشكورين يا بنات على سؤالكم عني الله يبارك فيكم ويجزاكم كل خير وهذا اذا دل على شي بيدل على طيب اصلكم الله يسهلكم امور دينكم ودنياكم ويحقق امانيكم ويسعدكم في الدارين

اختي عجميه صريحه مشكورررررة الغاليه على الكلام الي قلتيه عني يا بعد عمري والله وهذا من طيب اصلك
والبنات بعد فيهم الخير والبركه

خلينا يا بنات نستمر وندحر الشيطان الي يبي يخرب علينا ويوقع بينا العداوه والبغضاء
سكروا كل المواضيع والخلافات القديمه وخلونا نفتح صفحة جديده

كل الاحترام والتقدير لكم خواتي وتاكدوا اني احبكم في الله وانكم غالين عندي

 

[أم منصور]

يعجبني حضورج مرة ثانيه وبالعكس جميعنا في الحملة مافي قلبنا شي تجاهك الا الاستغراب من سبب غيابك ومستمرين باذن الله فيها


احنا كلنا في الحملة ما بينا خلافات قديمة نهائي وصار لي شهور مشاركة فيها والحمدلله ما علينا شي ولا محتاجين نسكر صفحات بينا لان العلاقة الي بينا جميعا قائمة على المحبة والاحترام

الي اتمناه من الجميع ان نحكم عقلنا قبل مشاعرنا

 

[::blackrose::]

هلااااااااااااااااااااا الجوهره فرحت لما شفت اسمج بالحمله مره ثانيه

ام منصوور ...

لوووووووووول انا قلت انج ملخبطه بالنك نيم يلله زال الالتباس الحمدالله


بصراحه لا تعليق على الكلام اللي دار فوق


مستمره على القراءه
بس بنات قطعت قيام الليل والله اضبط المنبه الساعه ثلاث اقوم اطفيه ارد انام احترت مادري شسالفه؟؟!!

 

[flowers_q8]

هلااااااااااااااااااااا الجوهره فرحت لما شفت اسمج بالحمله مره ثانيه

ام منصوور ...

لوووووووووول انا قلت انج ملخبطه بالنك نيم يلله زال الالتباس الحمدالله


بصراحه لا تعليق على الكلام اللي دار فوق


مستمره على القراءه
بس بنات قطعت قيام الليل والله اضبط المنبه الساعه ثلاث اقوم اطفيه ارد انام احترت مادري شسالفه؟؟!!

حبيبتي حطي المنبه بعيد عنج عشان تقومين من فراشج
حبيبتي ربي يعينج على القيام وربي يفتح عليج بالدعاء وربي يرزقج كل ماتتمنين يارب
قبل لاتنامين استغفري بنية انج تقومين الليل

 

[flowers_q8]

الجوهرة الماسية منورة الموضوع ربي لايحرمنا منج ولا من صحبتج

 

[مناير خزنة التاير]

بنات اشفيكم ؟؟ اشصاير ؟؟
ليش ؟؟ اللي بتنسحب و اللي مادري اشفيها ؟؟
ليش الزعل ؟؟

 

[::blackrose::]

فلورز مشكووره ان شاء الله استغفر بنيه قيام الليل

مناير لا تفتحين مواضيع قديمه
لا تعلقين على اللي حصل خلي الحمله تمشي بسلام
اقتباس من اختي الجوهره والله يهدي النفوس ان شاء الله

خلينا يا بنات نستمر وندحر الشيطان الي يبي يخرب علينا ويوقع بينا العداوه والبغضاء
سكروا كل المواضيع والخلافات القديمه وخلونا نفتح صفحة جديده

كل الاحترام والتقدير لكم خواتي وتاكدوا اني احبكم في الله وانكم غالين عندي

 

[alfa2002]

بنات لازم تركزون اكثر على الهدف من الحملة وتتجاهلون اي شيئ خلاف ذلك

وهدفنا الاساسي السعادة في الدنيا والأخرة

لذلك المشاكل الخاصة المفروض ماتكتب هنا تاجاهلوووا اي احد يحاول يلفت الانتباه لنفسة بإزعاج الغير
نبغى انكون قلب واحد وياجبل مايهزك ريح

انا ماقصد احد >>>خافت يقلبون عليها:080402ask_prv:

 

[::blackrose::]

ههههههههههههههههههههههه

حياج الله الفا وينج من زمان مو مبينه

اليوم انتوا الثلاثي داشين بوقت واحد شسالفه تتواعدون مع بعض ؟؟ لووووووووووووول

 

[flowers_q8]

صح كلام البنات كل واحد ينسى الخلافات ومايتناجر ويحتسب الاجر
احنا خوات وان شاء الله ربي مايفرقنا وربي يجمعنا دوم على طاعته

 

[flowers_q8]

رجاء خاص اللي بتنصح اختها وبتنبها على شي تنبهها بالخاص مو حلو تفشلها جدام الكل وتسويها كأنها غبيه
احنا خوات واسلوب النصيحه يكون راقي
لا احد يزعل من الحق
ربي يسعدكم خواتي احبكم في الله
من محبتي لكم قلت جذي

 

[مناير خزنة التاير]

بنات شلونكم مع القرايه ؟؟
تقيمون الليل بالبقرة ؟ ولا تقرونها خلال اليوم ؟؟
شنو اخر اخباركم ؟؟