حملة قراءة سورة البقره كل يوم

[~q8ia~]

السلام عليكم ورحمة الله وبركاته
بنات شلونكم
انا الحمدالله مستمره
ونفسيتي فوق الريح

و عليكم السلام و رحمة الله وبركاته

الحمدلله انتي شلونج

و ان شاء الله دوم و الله يتمم عليج....

 

[~q8ia~]

السلام عليكم بناااااااااااات

شخباركم مع القراءة

ان شاء الله محافظين على القراءة اليومية

و عليكم السلام

الحمدلله

و الحمدلله مستمرين.......

 

[~q8ia~]

السلام عليــــــــــــــكم
وصباح الورد عليـــــــــــــــــكم
الحمدالله مستمره في قراءة سورة البقرة
والله يتمم علي وعليكم يـــــــــــــــــــارب

و عليكم السلام

و ياارب...

 

[~q8ia~]

السلام عليكم ورحمة الله وبركاته

بنات شخباركم حبيت اسلم عليكم


ان شاء الله مستمرين بالقرايه

والسموحه منكم

و عليكم السلام و رحمة الله وبركاته

و الحمدلله

بشرينا عنج ....

 

[::blackrose::]

اهلين كييوووت اليوم شابكه متأخر

ها ناويه تقومين الليل؟

 

[~q8ia~]

هلا بلاك

و الله انشغلت امس بس لا تحاتين كل يوم اقرى البقرة الحمدلله

بس ما اقوم الليل يتني الدورة بعد جم يوم ان شاء الله اتطهر...

 

[::blackrose::]

على خير ان شاالله

 

[~q8ia~]

تسلمين حبيبتي.....

 

[أم منصور]

ام منصور شلونج عقب الحلم ان شاء الله
لحين احسن

توبه اخر مرة اخلي حلم يؤثر على نفسيتي -- ونا خذيت على نفسي عهد من زمان ان الاحلام ما تؤثر فيني ولا اتوقع تحققها سواء خير او شر لان المكتوب بشوفه ليش اعيش في حلم وانتظر يتحقق ويمكن ما يتحقق .

لكن هالحلم هزني وخلاني فترة مو مستقرة تاثرت له كثير-- لا تذكروني فيه :dddds:

نسيت

جزاج الله خير على ردودك الطيبة في الحملة كفيتي ووفيتي واحنا محتاجين جهودكم ولا تنسون ان لكم اجر لا تحرمون نفسكم منه

 

[بنت الثانوية]

مشكوووووووره اختي بس جنه راح تصير الوقفه طويله بس ان شاء الله راح اقراها مع الصلاة
بس الحين انا قريتها بعد صلاة المغرب اذا صليت قيام الليل بسورة البقره يعني اكون داشه يوم يديد تعتبر حق اليوم اليديد ولا نفس اليوم ؟؟ ان شاء الله تكونين فهمتيني

انا اول ما سجلت كنت بنت ثانوية بس الحين تزوجت وطلعت صرت بنت بيتوتيه لوول

 

[بنت الثانوية]

زين سؤال صلاة الليل انا اصليها 8 ركعات والشفع والوتر

يصير يعني ولا لأ انا قريتها من كتاب جذي عاد صح ولا لأ ما أدري وضحولي

 

[حامله القنديل]

يعطيكم الف عافيه متابعه من بعد

انا والله مسمره بقراءه سوره البقره بس مو يومياا بعد يومين اقرى
بس ما اصلي صلاه ليل بس انشالله ناويه

يزاكم الله الف خير

 

[alfa2002]

زين سؤال صلاة الليل انا اصليها 8 ركعات والشفع والوتر

يصير يعني ولا لأ انا قريتها من كتاب جذي عاد صح ولا لأ ما أدري وضحولي

صلاة الليل مالها عدد معين صلي كل ركعتين بتسليمة عدد ماتقدرين بس حددي اللي تقدرين علية وداومي علية لان افضل الاعمال ادومها

 

[بنت الثانوية]

مشكوووووووووووره خيتو alfa2002 على ردج

يلا جاوبوا بعد على سؤالي الثاني لوول لعبة مسابقات

انا قريتها بعد صلاة المغرب اذا صليت قيام الليل بسورة البقره يعني اكون داشه يوم يديد تعتبر حق اليوم اليديد ولا نفس اليوم ؟؟ ان شاء الله تكونين فهمتيني

 

[flowers_q8]

مشكوووووووووووره خيتو alfa2002 على ردج

يلا جاوبوا بعد على سؤالي الثاني لوول لعبة مسابقات

انا قريتها بعد صلاة المغرب اذا صليت قيام الليل بسورة البقره يعني اكون داشه يوم يديد تعتبر حق اليوم اليديد ولا نفس اليوم ؟؟ ان شاء الله تكونين فهمتيني

حبيبتي اذا القيام بعد 12 اتوقع يوم جديد والله اعلم
ربي يتقبل منج قيامج يارب ويرزقج كل ماتتمنين

 

[بنت الثانوية]

مشكووووووووووووووووووووووووووره خيتوو على ردج الله لا يحرممنا منج آمين

 

[الروح المتوهجة]

جزاك الله خير الروح المتوهجة على ردودك الطيبة كفيتي ووفيتي وزود جعله ربي في ميزان حسناتك من الاعمال الصالحات

وياج يارب تسلمين على الدعوة الطيبة

انا احاول اغطي فترة الصبح , هاليومين ماعندي شغل بالدوام

 

[الروح المتوهجة]

توبه اخر مرة اخلي حلم يؤثر على نفسيتي -- ونا خذيت على نفسي عهد من زمان ان الاحلام ما تؤثر فيني ولا اتوقع تحققها سواء خير او شر لان المكتوب بشوفه ليش اعيش في حلم وانتظر يتحقق ويمكن ما يتحقق .

لكن هالحلم هزني وخلاني فترة مو مستقرة تاثرت له كثير-- لا تذكروني فيه :dddds:

نسيت

جزاج الله خير على ردودك الطيبة في الحملة كفيتي ووفيتي واحنا محتاجين جهودكم ولا تنسون ان لكم اجر لا تحرمون نفسكم منه

صدقيني ام منصور الانسان معرض لاشياء كثيرة و عادي يتعب نفسياً ويضعف و تثبط همته و عزيمته هذا شي عادي وطبيعي .. لكن الاستسلام ما نرضى فيه ... لابد من رفع الهمة و الثبات و القوة و الصبر


يعني مستحيل نظل اقوياء 100% و حجر جلمود ما نتأثر بشي عمرنا كله ... طبعا لا مستحيل مستحيل احنا بشر و نضعف

لا نلغي مشاعرنا ولا نلغي ضعفنا , لكن ما نستسلم للمشاعر السلبية و الضعف

نعيشه فتره و عقب ننهض ... و لازم بكل عثرة ننهض , وبعد كل سقطة ننهض


الله يوفقج دنيا و آخره و يحميج من شر الانس و الجن اللهم آمين

 

[الروح المتوهجة]

مشكوووووووووووره خيتو alfa2002 على ردج

يلا جاوبوا بعد على سؤالي الثاني لوول لعبة مسابقات

انا قريتها بعد صلاة المغرب اذا صليت قيام الليل بسورة البقره يعني اكون داشه يوم يديد تعتبر حق اليوم اليديد ولا نفس اليوم ؟؟ ان شاء الله تكونين فهمتيني

حسب ما قريت من ردود خواتي الاسبوع الي فات ... ان قراءة البقرة تبدأ من اذان الفجر الى اذان الفجر اليوم الي بعده


يعني انتي بنفس اليوم .... قريتي البقرة بعد المغرب , و عقب تقرينها في صلاة قيام نفس الليلة ... ما دشيتي يوم جديد

 

[Q8.Bee]

السلام عليكم ممكن انظم لكم