حملة لتنظيف القولون والامعاء منو القويه اللي تسوي معاي

[ombaza]

قوة بنات شلونكم
انا من زمان وان اعاني من امساك يخف ويرجع علي ادري من اكلي بس شوي اهد اسلطه واكثر معجنات يرد بطني يصك عدل فقالتلي اختي سوي تنظيف الامعاء وغسلي قولونج باهالطريقة

عالريج الصبح نص كاس زيت زيتون اصلي و طووول اليوم بس اشرب ماي وتقول هالطريقه فايدتها عظيمه تفلتر الجسم وتخلصه من السموم وتغسل الامعاء
هاااا شقلتو تحملوو يوم واحد وشوفو النتيجه
شقلتووووووووووووو

 

[سبائك]

بس هالطريقه صحيه ولا لأ؟؟

أقصد وصى فيها دكتور ؟؟

 

[أم منصور]

خخخخخخخخخخ جربي اول وانا وراج :dddds:

 

[فررررح]

صعبة زززززززززيت عالريييج

 

[ombaza]

اي دكتوره اللي شرحتها
تقول اكو واحد سواها وتكرمون طلع منه زرار بالعه يوم اهو صغير تخيلوووووووووووووووووو
انا احب الزيت زيتون وبشربه بعوود وبتخيل انه سانكيست لوووووووووووول

 

[غنوة ستايل]

زيت اشرب ؟؟
قولي اكله بالخبز ممكن بس اشربه بروووحه ليش شغاااصبني
اخذ عشبه تسوي لي اسهال وافكر عمري ... في عشبه انا استخدمها واااايد زينه

 

[أسرار الطبيعة]

أم بزة
على الله الزيت اللي عندي عصرة أولى
نسلك البايبات
وفكرة حلوة بسويها
والله يستر من الخبايا
يمكن تطلع شباصه خخخخخخ
لا ابشري والله بإذن الله بكره مسويتها وبعد بكره اعلمك بالنتيجة

 

[ونه]

يابنت الحلال لاتسوينها

شوفي عليج بالاعشاااب الملينه وربي عن تجرررررربه شي فضيع

 

[أم الطيب]

اشرب زيت مقدووووره عليها
بس اظل طول اليوم بس اشرب مااااااااااي

هذه صعبه
والله امووووووووووووووووت من اليوع وادوووووووخ ماعبر

 

[عهود الكويتيه]

انشاللله راح اجرب هالطريقه واقولكم النتائج الله يستر عيزنا ماخلينا شئ ماجربناه نسلك المجراي وماكو فايده دوووووم مسدوده هههههههااااااااااااااااااااااااااااااييييييييي

 

[شيهانه]

ما ادري واااااااايد صعبة سويها وقولي لنا شيصير معاك اذا استفدت نسويها

 

[شندوخه]

صح كلالالالامج هالطريقه صحيه بس انا جبانه ماراح اسوي لان اذا ماكلت دخت
بس بقوولج المصابين بامراض الجهاز الهضمي واضطرابات القولون يسولهم هالطريقه بش يعطونهم شوربات يعني بس سلق الدياي او سلق خضار بدون الياف او شي تهضمه المعده سوائل في سوائل ويستمرون عليها بالاشهرررررر

 

[ريمه الكويت]

عادي انا اقدر اشرب زيت زيتون عالصبح مايضر بس طول اليوم يعني اصوم بس ماي ؟؟؟؟ وعلى سالفه الزرار اختي يوم اصغيره بلعت خمس فلوس بالحمام طلع منها اميه فلس لوووووووووول استثمار

 

[شقاوي]

وااااااى حدها صعبه ها سالفه ما اقدر اتحمل طعم زيت

 

[شقاوي]

:dddds:
وااااااى حدها صعبه ها سالفه ما اقدر اتحمل طعم زيت

 

[SILVER ROSE]

زرار... فلوسس ... حسرتنا شبيطلع منا اخاف يطلع خروف يبمبع

 

[أحلى من الحلوين]

لا يا معوده انا ريحته م احبها

 

[ombaza]

قوة بنات شلونكم اشكر مروركم
زيت الزيتون احسن من الاعشاب بشي واحد انه راح يفلتر الدم نفسهويخلصه من السموم
المهم قعدت الصبح وشربته شربت نص قلاص كبير صراحه شوي لاعت جبدي لا مو شوي وايد وحسيت لاعت جبدي وبغيت ارجع بس تحملت رديت فراشي ونمت عشان ما احس باللوعه وقعدت حاسه اني ماكله خروووووووووووووووف كامل وجبدي ثقيله بس الحين واااايد احسن والحلو فيه انج ماتحسين باليوع
لين الحين وانا اشرب ماي بس كثر ما اقدر
واوافيكم بالاخبار بالليل

 

[GAP^^الكبيرة]

طمنينا شصار عليج ام بزه,,,

انا سمعت بعصير العنب طول اليوم بس ولا مره جربته

 

[um-naser]

عسى ما شر أم بزه اشصار عليج؟
أنا سامعه عن هالطريقه يقولون تطلع من الجسم بلاوي