حملة لتنظيف القولون والامعاء منو القويه اللي تسوي معاي

[كويتية أصيلة]

أول شي الحمدلله على سلامتج ام بزه شغلتينا عليج

ثانيا : ترى كل واحد وطبيعة جسمه يا مريومه وكيوت

يعني في ناس التفاح يسبب لها امساك في ناس يعتبر ملين

مثل الموز والبرتقال .. في ناس تقول هذا يمسك وفي ناس تقول هذا يمسك

انا شخصيا عكس الناس لول

فكل وحدة وجسمها

 

[ريمه الكويت]

امبيييييييييييه البارحه بعتها وجربتها

وحطيت لي نص قلاص زيت زيتون وطبعا البكر الي معصور عالبارد هذا احسن نوع

وكل ساعه اشرب شويه واقول كاااااااا مافيني شي لايلوع الجبد ولايعور البطن البنات اكيد يتدلعون

وارد اشرب ومسويه روحي بطله واشرب ماي فوقه قلت بالليل احسن عشان انام ومااحس بشي وبعد ساعه تقريبا وزوجي يكلمني بدت اعراض النساااااه هههههههههه اقصد مفعول الزيت اول شي كرهت ريلي مومشتهيه ريحته فيه ريحه زقاير لاعت جبدي اشوه نام لاني لايعه جبدي من ريحه الزقاير وبعدها اشتغل المغص وانا اشرب بالماي اجعم بروحي لالالالالا مااقدرت واركض الحمام تكرمون واول شي رجعت الاولي والتالي نضفت معدني هههههههه

وبعدها تكرمون اسهال نظفت القولون بعد نضفت جسمي وقعدت المهم من التعب

احط راسي على المخده وشخري راسي يفتر نشفت من اول ماحطيت راسي قمت اتحلم الظاهر من كثر مانظف جسمي ومعدتي الارسال سار عندي سريع لووووووووووول

بحزتها قلت اتوب اكررها بس جني اليوم قلت يبلي كل شهر اسويها مره عشان نسير نسطع ونلمع من الداخل

 

[الحلوه80]

بنات ديربالكم تجربون هالطريقه قلت حق اختي عنها
وقالت لي ترى هالطريقه خطره وما تنفع على الكل مره جارنا كان فيه امساك مزمن فشرب بطل زيت خروع الصغير يعني تقريبا نص قلاص او 3/4 القلاص وبعدين مادري شصار فيه بنفس اليوم وتوفى
فنصيحه لا تجربونها وتجازفون يمكن هالزيت اللي تشربونه يسوي فيكم جلطه لا سمح الله او القلب يصير فيه شي
وبعدين انا سألت واحد خبير بالطب الاسلامي وبالتغذيه ونصحني للامساك اشرب عالريج قفشة زيت زيتون يوميا لمدة اسبوع بس عساس تنظيف القولون وبعدين مره كل اسبوع او عند الحاجه فيا بنات نصيحه لا تجازفون بهالطريقه
واذا بتنظفين القولون في طرق ثانيه اضمن وآمنه مو مثل هالطريقه
يعني مثلا يوم كامل اكلي بس الياف وفواكه وكثري من الماي وابتعدي عن اللحوم والمعجنات والمقليات وبجذيه تنظفين قولونج وسلامتكم
صراحه كتبت هالرد لان جد خفت عليكم والله يحفظكم

 

[om-7arib]

أنا ريلي دوم حايشه إمساك شكلي بعطيه عالريج

 

[om-7arib]

هونت ماراح أشربه

 

[كل الورد]

كلاس ماء دافيء + ملعقة زيت زيتون +3-4 حبات من السويدة كل يوم علي الريج وقبل الفطور بساعتين وصية قالتها لنا الدكتورة شرارة المزيدي في درس حظرته عن الصحة وعلي فكرة انا مسوية تنظيف القولون عند عيادة خاصة وحسيت بخفة وطلعت اشياء غريبة وعلي فكرة ما يعور ولا تحسين الا ببرودة شوية وحركة في الأمعاء

 

[أسرار الطبيعة]

د.شرارة المزيدي رووعة
عني انا بسويها وبتوكل على رب العالمين
اللهم لك الحمد

 

[جوك احلى جو]

مادري راح تلوع جبدي بس زيت وماي ياااااااااربي تعذيب هذا مو علاج شكلي الحين بجرب بياله هههههه وبشوف اذا قدرت اتحمل

 

[ريمه الكويت]

امبيه يالحلوه خرعتيني خلاص توبه لو بشرب مثل ماقلتو قفشه مع قلاص ماي داقي

كل الورد وين سويتيها ومنو يسويها دكتور ولا دكتوره ؟؟؟؟

 

[كل الورد]

امبيه يالحلوه خرعتيني خلاص توبه لو بشرب مثل ماقلتو قفشه مع قلاص ماي داقي

كل الورد وين سويتيها ومنو يسويها دكتور ولا دكتوره ؟؟؟؟

حبيبتي سويتها في الصايغ كلينك بالمنقف واللي سوتها لي ممرضة وكان المكان وايد نظيف ومرتب والسعر اول مرة 70 دينار وكان هذا الكلام في شهر 10 السنة الماضية

 

[الحلوه80]

ودي انظف قولوني بالعياده بس فشله استحيييييييييييي

 

[كويتية عجيبة]

بصراحة صعبه نص قلاص زيت وبعدها انطيح له مااااااي طول اليوم ؟؟؟؟؟؟

شوفي حبيبتي الناس الي لهم القدرة ع الغسيل الداخلي لا زم يكونون ناس من الأساس محافظين أي قريبييييييين من النباتيين في نظامهم الغذائي ف تلقينهم اذا حبوا يسوون غسيل ما يلاقون صعوبة لأن طبيعة الجسم متعلمة ع الخفيف أما حنا الي أساسا ما عندنا نظام عذائي يعني ناكل كل الي نشتهيه وبكل وقت وماشين ع المبدأ الي يقووووول

" رحم الله من نظف الماعون "

تشوفين تطبيق الغسيل عندنا صعب وايد لأن جسمنا متعود ع الكربوهيدرات والنشويات والسكريات والدهووووووون عشان جذي يقول لج لما الي مثلنا يحبون يسون غسيل داخلي لالالالالالالازم يصيرون نباتيين 100% لمدة اسبوووووع واحد وبعدها يسووون الغسيل الي انتي قلتي عنه عندها راح تنتهي كلللللل مشاكلج مع الإمساك ....


نصيحتي لج .... امتنعي عن الكربوهيدرات وانتي تصيرين تمام لأن السبب الوحيد للإمساك هو الخبز بأنووووووعه .

" وجربي واعي لي "

 

[noraa]

[CENTER]كوب ماء دافي بالليمون صباحا علي الريق [/CENTER]

 

[الفجرٍ البعيدٍ]

واللي مسويه دايت اشلون تاخذ هالكثر زيت !!

 

[rr202rr]

بنات انا عندي الم يم السره من اليسار تتوقعون مرتبط بالقولون
والالم يروح ويرد
ما ادري تنفع هالطريقه