حملة للدفاع عن الكويت وبنات الكويت ...

[FA9LA..3L6000L]

السلام عليكم ..........


انا كتبت هلموضوع لاني شفت واايد ناس يسيئون للكويت وخصوصا بنات الكويت يعني مثلا: مره دشيت موقع امريكي مشهور لقيت اعلان كبير بالصفحه الرئيسيه مكتوب كلام ترجمته >> للقاء فتيات كويتيات ساخنات اضغط هنا << وبنفس الموقع دخليت المنتدى وكتبت موضوع الكل رد علي انه >> نحن نغار من العرب لانهم يملكون فتيات ساخنات ومثيرات << شفتوا شلوون نظرتهم للعرب وخصوصا حبيبتي الكويت ؟!

وبدول الخليجيه والعربيه طبعا البعض مو الكل نظرتهم للكويت انهم ناس ترفين وما يهمهم غير الكشخه والموضه وان الكويت مافيها ريايل كلهم مايعين يعني تلقى اييون الكويت ناس من دول الخليج او الدول العربيه سيده يقزوون بالمجمعات ويتحرشون بالبنات والي يغث اكثر يكون اخو البنيه او ريلها واقف يمها !!!!!!!!!!!!
وبعد الي يضّيق خلقي اكثر المصخره الي صايره كل من هب ودب يهين رجال الامن يااجمااااااااعه هيبة الكويت رااااااحت محد قام يحترمنا ولا يقدر
عشان جذي لازم يكوون لنا وقفه جاده عشان ندافع عن ديرتنا وحتى لو بالانترنت وهذي الحمله راح تبتدي من منتدى كويتيات الى باقي المنتديات الكويته .......

 

[جوك احلى جو]

الحين الكل عارف ان النت مافي مصداقيه وكله فبركه ماقول غير حسبي الله علي هالاشكال الرخيصه ظفر الكويتيه يسوا طوايف هالاشكال اللي تسئ سمعت بنات الكويت

 

[FA9LA..3L6000L]

ولا المشكله بعد انه في ناس يحطوون انه اهم كويتات ويحطوون مواضيع قذره وصور وتواعد مليووون واحد على اساس انها كويتيه وفوق هذا تتكلم عن عادات الكويت انه احنا فري وعادي بنات يطلعوون مع شباب بعلم اهلهم وبالاخير الناس الي ماتدري يقولون شوفوا بنات الكويت مو محترمات !!

يعطيج العافيه حبيبتي على مرورج اي والله صاجه انهم ظفر الكويتيه مايسوون بس ترا هم في ناس مايدروون ان النت في فبركه وانا اعرف وايد مايعرفون هالشي وعبالهم كل شي موجود بالنت صج!!

 

[~ miss NERD ~]

حسبي الله علي هالاشكال

 

[FA9LA..3L6000L]

اي والله حسبي الله عليهم هم مايدروون ان البنت الكويتيه اخلاقها عاليه ومحافظه ولو كان في البعض من البنات الكويت مو محترمات بس هذا الشي يعود عيهم اهم وعلى تربيتهم وبيئتهم الي عايشين فيها والنوعيه هذي من بنات الكويت قلييييييييله جدا وانا فموضوعي هذا اتكلم عن الكويتيات ابا عن جد مو عن المقيمين هني ....

 

[جوك احلى جو]

ولا المشكله بعد انه في ناس يحطوون انه اهم كويتات ويحطوون مواضيع قذره وصور وتواعد مليووون واحد على اساس انها كويتيه وفوق هذا تتكلم عن عادات الكويت انه احنا فري وعادي بنات يطلعوون مع شباب بعلم اهلهم وبالاخير الناس الي ماتدري يقولون شوفوا بنات الكويت مو محترمات !!

يعطيج العافيه حبيبتي على مرورج اي والله صاجه انهم ظفر الكويتيه مايسوون بس ترا هم في ناس مايدروون ان النت في فبركه وانا اعرف وايد مايعرفون هالشي وعبالهم كل شي موجود بالنت صج!!

والله صاجه بعضهم مايدرون ان فبركه شي يقهر :eh_s(14):

 

[بدويـــة مودرن]

حسبي الله عليهم ....

 

[C'est La Vie]

اذا جاءتك مذمتي من ناقص فهي الشهادة بأني كامل

يعطيج العافية عالموضوع الجميل
وانا احط ايدي بيدكم وخلنحارب اللي يكيدون لنا الحقد والحسد وهمهم تشويه سمعتنا

 

[yam_yam]

واثق الخطوة يمشي ملك

و انا كويتية و هذا كافي لي الشرف و بس

 

[aaaa1]

حسبي الله علييهم

ذاابحتهــــم الغيـــــــــــــــره ........عااد تصدقين انا قبل شوي قاريه موضوع بمنتدى ...للسعوديات ومسوين استفتاء وحاطين الكوييت

اخر شي بالاخلاق والديين ..و اول شي بالتحرر من العادات والتقاليد


بصــراحه وااااااااايــــد انقهــرت :eh_s(14):

بس شنقول غير الله يحفظ ديرتنا الغاليه الكــــويــــــــــــــــت

 

[قلب المنتدى]

حبيبتي ولا يهمج اصلا لي قلنا احنا كويتيات غصبن عليهم يحطون ايدهم على راسهم

ويوطون راسهم تحت ريولنا احنا من عمرنا واحنا رابين على معزة ديرتنا واهلها واذا اهم يقولون ان الكويتيات مترفات اي نعم شعندهم

احنا ماربينا عالفقر ربنا عطانا من خيره ليش يحسدوننا وبعدين بنت الكويت شايفه خير والف الحمدلله الريال يوصلها لي عند ريلها ويترجاها بالحلال

مو بنت الكويت الي ترخص بنفسها وتعرض نفسها بهالطريقة !!!!!!!!!!!!

حسبي الله ونعم الوكيل فيهم

ومشكووووره حبيبتي وماقصرتي عالموضوع

 

[aaaa1]

وو نسييت اشكرج حبيبتي عالمــوضوع وكثر الله من امثــالج :eh_s(6):


وفديتكم بنـــات ديــرتي :ggdw:

 

[FA9LA..3L6000L]

حسبي الله علييهم

ذاابحتهــــم الغيـــــــــــــــره ........عااد تصدقين انا قبل شوي قاريه موضوع بمنتدى ...للسعوديات ومسوين استفتاء وحاطين الكوييت

اخر شي بالاخلاق والديين ..و اول شي بالتحرر من العادات والتقاليد


بصــراحه وااااااااايــــد انقهــرت :eh_s(14):

بس شنقول غير الله يحفظ ديرتنا الغاليه الكــــويــــــــــــــــت

اي وهذا الي يقهر ان اقرب دوله منا شوفي شنو رايهم فينا شلون الغرب !!! بعدين ترا اكثر شي مخلي الناس ياخذون هالنظره السلبيه عنا > المسلسلات الكويتيه < يعني والله الواحد تنبط جبده لما يحطون انه احنا العروس عندنا مختلطه :eh_s(14): ولازم كل بنيه لها بوي فريند وانه البنات صايعات !! يعني اذا مسلسلاتنا تطبع هالصور بعيون المشاهدين اكيد الي مايعرف عنا شي بيصدق وهذا الي صاير تقريبا اغلب الناس مصدقه هالمسلسلات التافهه وخصوصا الي تنعرض على قنات سكووب :eh_s(14): لا تمت للكويت والكويتين بصله < كلها جذب بجذب ويحاولون قد مايقدرون يشوهون سمعة الكويت
ماقول الا > اللهم احفظ الكويت وشعبها واحمها من كل مكروه < قولوا امين <

 

[FA9LA..3L6000L]

حبيبتي ولا يهمج اصلا لي قلنا احنا كويتيات غصبن عليهم يحطون ايدهم على راسهم

ويوطون راسهم تحت ريولنا احنا من عمرنا واحنا رابين على معزة ديرتنا واهلها واذا اهم يقولون ان الكويتيات مترفات اي نعم شعندهم

احنا ماربينا عالفقر ربنا عطانا من خيره ليش يحسدوننا وبعدين بنت الكويت شايفه خير والف الحمدلله الريال يوصلها لي عند ريلها ويترجاها بالحلال

مو بنت الكويت الي ترخص بنفسها وتعرض نفسها بهالطريقة !!!!!!!!!!!!

حسبي الله ونعم الوكيل فيهم

ومشكووووره حبيبتي وماقصرتي عالموضوع

شلوون مايهمني وانا قاعده اشوف كل هالحقد والهجوم على الكويت وبنت الكويت !! كل هالناس محترين وربي محترين من هالعز والخير والنعمه الي احنا عايشين فيها والف حمد لله والشكر على كل نعمه انعم علينا ولازم مانغتر ولا نجبر احد على حبنا بس بالكلمه الطيبه كل شي يصير يابناات ديرتي الغاليه حمدوا ربكم على الي انتوا فيه قبل لا ايي يوم وينتهي كل شي مثل ايام الغزو العراقي الله لا يعيد هالايام
وانا مانزلت هالموضوع الا عشان ابين للكل اخلاق الكويتيه وطيب شعب الكويت وانشالله هالموضوع راح ينتشر بكل مكان وراح انزل بعض الردود مع عرض الموضوع في المنتديات الثانيه وياريت انكم تبينون حبكم للوطنكم وصفات بينت الكويت وحسن تربيتها بصوره تعكس اخلاقها

العفو حياتي نورتي الموضوع بردج

 

[FA9LA..3L6000L]

وو نسييت اشكرج حبيبتي عالمــوضوع وكثر الله من امثــالج :eh_s(6):


وفديتكم بنـــات ديــرتي :ggdw:

العفوووو حبيبتي لاشكر على واجب وحتى انا فديتكم وفديت كل الي تفاعلوا معاي يعطيكم الف عافيه:ggdw: وهذا العشم فيكم يابنات الكويت احبكم

 

[غرتك دنياك !]

الكويت دولة الخير اعطت الجميع ولم تبخل .. فمساعداتها وتبراعاتها ساهمت في نبض دول كانت في عداد الاموات .. فاسأل الدول الافريقيه ماذا اعطكتم الكويت ؟؟ لتعرف مدى حبها للخير فهي ساعدت في تعمير دول اخرى ,,, ولم تمن يوما عليهم ولم تذل شخصا فقد حظنت الوافدين واعطتهم الفرص الكثيره للعمل ولم تفرق بين احد فالكويتي والوافد والمقيم سواء فالعدل عنوانها عطايها غطت العالم فهي اعطت الكثير ولم تاخذ الا القليل
ماذا اخذت >> غير حقد الشعووب عليها وكرههم لها !!!!!!
فالكويت حقا > عين عذاري <<
دمتي لنا ياكويت الخير والعطاء

 

[FA9LA..3L6000L]

غرتك اي هذا الكلام الي كنت ابيه تبينون شنو سوت الكويت ومحاسنها لان هذي حملة دفاااع عن ديرتنا فلازم نبين مكانتها وحبنا لها
تسلمين وماقصرتي عالكلام الحلوه

 

[كيفانية المنبع]

أولا أشكر صاحبة الموضوع جدا جدا وثانيا أنا بقول كلمة وحدة بس وأنا متأكدة من صحتها ان الموضوع كله في خلاصته موضوع غيرة محضة واذا كان في بمجتمعنا بعض الظواهر السلبية خل يعطوننا مجتمع مافيه هالسلبيات اذا مو أكثر قد نكون عايشين في مستوى مترف وهذا الترف له بعض الاثار بس الاكيد ان لو يكون عندهم هذا الترف راح تكون السلبيات اكثر من عندنا بوايد والله يصلح الجميع

 

[FA9LA..3L6000L]

أولا أشكر صاحبة الموضوع جدا جدا وثانيا أنا بقول كلمة وحدة بس وأنا متأكدة من صحتها ان الموضوع كله في خلاصته موضوع غيرة محضة واذا كان في بمجتمعنا بعض الظواهر السلبية خل يعطوننا مجتمع مافيه هالسلبيات اذا مو أكثر قد نكون عايشين في مستوى مترف وهذا الترف له بعض الاثار بس الاكيد ان لو يكون عندهم هذا الترف راح تكون السلبيات اكثر من عندنا بوايد والله يصلح الجميع

العفو كيفانيه المنبع ان عدل كلامج مافي مجتمع مافيه سلبيات وصدقيني يمكن احنا احسن دوله بالخليج لانه في دول اخس منا بس مايبينون للناس مشاكلهم مو مثل الكويت كل شي ينقلونه بالتلفزيون عشان جذي صار كل شي واضح للناس وطبعا في محطات تبالغ بالاخبار وفيه تشوه سمعة الكويت مثل قناة سكووب صراااحه مهزلة هالقناة ولافيها كويتي واحد يحب ديرته ومسوين روحهم انهم مع الشعب انشالله يشيلونها ونفتك من شرهم :eh_s(14): واكيد الترف له سلبيات بس ترا في واايد من عيال ديرتي فيهم الخير والبركه بس مافيه احد يدري عنهم وانا ماكتبت هالموضوع الا لسبب واحد اني احب الكوويت اكثر من رووووحي

 

[نونيا]

الله يحفظ ديرتنا من كل شر والقافله تسير والكلاب تنبح