حملة نيولوك للعيد .. منو تبدي معاي من باجر :)

[yam_yam]

بنات شلونكم

ببدي من باجر نيولوك و ريجيم حلو للعيد منو تبدي معاي

بس شرط تلتزمين

و نبي نختار ريجيم حلو ينزل بالاسبوع من 3 ل 4 كيلو

انا عندي ريجيمات الموسوي سويته مرة اسبوع نزلت 4 و نص كيلو
و ناويه انزله هني للي يبي يدخل معاي

و مسجله بنادي


و ابي انزل 25 الى 30 كيلو :eh_s(1):
بس الحين لو انزل 15 نعمه على هالبلعه اللي ابلعها خصوصا بالشاليه كل اسبوع بس اكل ياربيمادري شنسوي
ابي احد يشجعني
يالله بنات



:0bee2e8d89:

 

[~ MhMh ~]

موفقه
بس سؤال ليش مو من اليوم تبدين ؟؟

 

[Apple-q8]

انا رحت حق دكتور طالب وعطاني رجيم قاسي عشان انزل 7 كيلو باسبوعين


اهو نسكفيه الصبح


وعالغدا توستين- جبن خالي الدسم - طماط-خس-خيار-مرتديلا 2 او تخلطين مرتديلاوتركي او تركي بروح بس قطعتين


والعشا هم نفس الشي توستين او 1



وبس هذا رجيمه


وان شاء الله بجربه

 

[yam_yam]

حبيبتي على ماشوف منو تبدي معاي
عادي انا اصلا باديه


ام حسن انتي جربتي هالريجيم ؟؟

تبين نبدي مع بعض و نشوف جم ننزل ؟؟
انتي جم تبين تنزلين ؟؟

 

[عسووولة]

يلة معاكم

شنو الرجيم ؟؟

 

[yam_yam]

حبيبتي انا سويت ريجيم الموسوي مثل ماقلت لج و نزلني 4 و نص كيلو باسبوع

و هذا الريجيم


الاسبوع الأول

بعد النهوض مباشرة : 1 كوب من الماء الحار + نص ليمونه .

الافطار :
في البيت قبل الدوام :

حبة فاكهة ( تفاح – برتقال – كيوي – عرموط – 4 حبات فراولة – 4 حبات عنب )


بعد الافطار ب 3 ساعات :
5 حبات مكسرات ( مو أكثر أدري صعبة بس حاولي ههههههه )

تاخذين معاهم
حبة فاكهة
أو بيضة مفيوحة + خس + خيار + طماط
أو 1 توست + جبن خالي الدسم + خس + خيار + طماط


الغدا :
ربع دجاجة أو سمك أو ستيك مشوي أو مسلوق أو بالفرن + سلطة أو تفاحة .

العصر :
كل يوم 2 حبة تمر
معاهم :
حبة فاكهة
أو خس ( عشان الامساك )
أو أصبع كتكات

العشا :
تختارين واحد من هذيل بس
-سلطة
- تبولة
-بيضة مفيوحة + سلطة
- شوربة ( عدس أو خضار )
- 5 قطع شيش طاووق + سلطة

ملاحظة : تشربين 2-3 لتر باليوم
تقدرين تبدلين الغدا بالعشا 

 

[سارونه87]

هذا رجيم الديتوكس يسمونه
اللي ينظف الجسم
عجيب

 

[آليشآآ]

وياااج

 

[بنت منصور]

وانا بعد معاكم ابى اضعف


وياريت تقبلونى ابى اغير ابى اصير انيو لوك على قولتكم

 

[a7la roro]

وانا معااج قلبي وابي انزل هالشهر 15 كيلو لان عندي مناسبع لازم انزل
لي اسبوع اسوي رجيم بس لازم اخرب نزلت كيلو ويوم وراء يوم يعني يوم اي ويوم لا اسوي رياضه المشي
ادعو لنا ننزل بصحه وعافيه
وياليت رجيم ينزل 5 كيلو بالاسبوع

 

[آليشآآ]

آحـــس كله شكـــر


بس بدا من بآجر

 

[Cotton Candy<3]

D: اااااااااحم ااااحم
اناااا بعد وياااااااكم يصييير ولا مايصييير !
اول مره اسوي رجيم p: و الله يستر

 

[*الفراولة*]

ابي انظم معــــــــــــــاكم

 

[yam_yam]

حياكم الله بنات

يالله الحين كل وحده تحط بياناتها


ايمي : يم يم
طولي : 175
وزني : 110
الهدف للعيد 75

و راح ابلش من باجر الصبح و كل وحده تقولنا شنو كلت

اي و ناويه بعد اروح الممشى او النادي اللي يمدي بروح له

 

[قمـة فے الانوثہ]

معااااااااكم عجبني الرجيم بس بما ان بطاليه و كله سهر
فحييل بخفف بالاكل و بحاول اخذ المفيد و هم عندي مشكله بالحديد قبل جم يوم سويت تحليل لأن حيييل يتساقط شعري
فيعني بمشي عالرجيم + اخذ افيد شي من الخيارات


الطول : 164
الوزن : 66 او اكثر لأن من زمااان ماوزنت و الميزان خربان !! ان شاء الله اوزن و اقولكم بالضبط جم
الهدف : 55

و بعد بلعب عالغزال الطائر كل يووم ان شاء الله
و يمكن اشترك بنادي على اخر الشهر مادري اذا فضيت اشوف لأن ان شاء الله بسافر

 

[a7la roro]

الطول 169
الوزن 83
الهدف الاول 75

 

[yam_yam]

اوكي

اللي الحين معانا

يم يم ( انا )
عسوله
الليشا
بنت منصور
احلى رورو
قمة في الانوثه



بنات سكتوا شفت وزني اليوم و لا 116 مو 110
من البلعه بالاجازة زدت 6 كيلو اهئ اهئ اهئ
يعني لازم ابذل مجهود اكثر


المهم اليوم تريقت مثل مو مكتوب
الصبح ماي حار بس ماحطيت ليمونه
و خذيت معاهم كيوي وحده بس


و الغدا انشالله باخذ سلطه جرجير مع دجاج مشوي

و الحين انا بالدوام اذا مداني باخذ نص حلوم بالتوست بعد شوي


و انتوا بنات شنو سويتوا ؟؟

 

[a7la roro]

شرايكم بهذا الرجيم

5 كيلو في 5 ايام



هذا الريجيم لمدة خمس أيام فقط ويعتمد على تناول الطعام اليومي على فترات وهي ساعتين بين كل وجبة وهو يعطي الإحساس بالشبع طول اليوم يجب تناول 8 أكواب مياه يوميا على الأقل
السلطة الخضراء عبارة عن خيار وطماطم وخس وفجل وليمون وخل وملفوف فقط


اليوم الأول

بيضة مسلوقة مع شريحة توست وبعد ساعتين ثمرة موز وبعد ساعتين كوب زبادي وبعد ساعتين علبة تونة صغيرة وبعد ساعتين شريحة توست وبعد ساعتين تفاحة وبعد ساعتين بطاطس مسلوقة مع سلطة خضراء


اليوم الثاني

3 ملاعق كورن فليكس مع نصف كوب حليب منزوع الدسم وبعد ساعتين تفاحة وبعد ساعتين كوب زبادي وبعد ساعتين 4 شرائح رومي مدخن أو ربع دجاجة مع طبق سلطة وبعد ساعتين طبق خضار مسلوق صغير وبعد ساعتين شريحة توست بتونة


اليوم الثالث

شريحة توست مع ملعقة صغيرة مربى ريجيم وبعد ساعتين تفاحة أو برتقالة وبعد ساعتين 4ملاعق جبن قريش وبعد ساعتين شريحة توست وبعد ساعتين طبق خضار مسلوق وبعد ساعتين كوب زبادي


اليوم الرابع

شريحة توست مع ملعقة مربي ريجيم وبعد ساعتين ثمرة فاكهة وبعد ساعتين طبق شوربة خضار وبعد ساعتين شريحة توست وبعد ساعتين طبق خضار مسلوق وبعد ساعتين كوب عصير جريب فروت


اليوم الخامس

شريحة توست مع ملعقة عسل أبيض وبعد ساعتين تفاحة وبعد ساعتين 4 ملاعق جبن قريش وبعد ساعتين طبق شوربة خضار وبعد ساعتين شريحة توست وبعد ساعتين شريحة جبن شيدر وبعد ساعتين ربع دجاجة

 

[*الفراولة*]

[b]مســـــــــــــــــــــــــاء الخيــــــــــــــــــــر

ابي انظم لكم
الاسم : الفراولة
الوزن : 63,300
الطول : 165

الوزن المطلوب: 58

والنظام اللي راح اتبعه نفس نظام موسوي بس انا رجيم بدر النصر الله
بعد النهوض مباشرة : 1 كوب من الماء الحار
الافطار :
في البيت قبل الدوام : حبة فاكهه ( تفاح - برتقال - كيوي - عرموط - 4 حبات فراولة - 4 حبات عنب )

الضحى : 5 حبات مكسرات + 3 تمر
او سلطة روكا ( الجرجير )

الغداء : 1/4 دجاجة او مايعادلها ( مشوي - مسلوق - بالفرن ) + سلطة او تفاحه

العصر : كل يوم 3 تمرات

العشاء :
1- شوربة ( عدس - خضار - هليون - فطر - بروكلي ) بدون شعرية بدون كريمة بدون بطاط
2- تبولة
3- سلطة
4- بيضة مفيوحه + سلطة
5- 5 قطع شيش طاووق + سلطة

ملاحظه :
ممكن ابدال وجبة الغداء بالعشاء
شرب 2-3 لتر ماء


النتيجــــــــــــــة 5 كيلو بالاسبوع بدون مشي ومع المشي 7 كيلو عن تجربة



المشي يوميا ساعه وشكـــــــــــــرا

 

[*الفراولة*]

هلا والله احلى رورو مجربة الرجيم ؟؟؟؟؟؟؟؟؟؟؟؟؟؟؟؟؟؟