حملة هيون للنيو لوووووك

[هيون و بس]

بنات انا صار لي فترة ملاحظة الكل قاعد يشكي من المعاشات اللي ما تقعد ابد ( و انا اولكم) الله و كيلكم من 10 الشهر طاااااااير:krkrkr:

و كل مرة ينفتح موضوع لاحظت ان الكل يقول يا اما من المطاعم و الا من الخرابيط اللي مالها داعي و الا من هذرة الموبايل ( نفس حالتي )

المهم فكرت فكرة و شرايكم نبدي فيها من 15 -6

الفكرة ان نسوي حملة مدتها شهر من 15-6 الى 15-7 نجرب فيها اشياء جديدة بطرق جديدة مثلا اذا اكثر مصاريفنا سببها الطلعات و المطاعم نجرب نروح اماكن ما فيها بلعة او تكلفتها اقل منها ان احنا نستانس و نكتشف شي جديد و نكسر الروتين و منها انه وفرنا و خففنا من هالبلعة :dddds:
او اذا مثلا مصاريفنا بالتسوق و شراء الاشياء اللي مالها داعي كل وحدة تجرب اماكن جدية او طريقة جديدة عشان تونس فيها روحها بمصاريف اقل

و خنشوف منو معانا عشان نبلش و انا ببدا احط يومياتي و بالصور بعد حق افكارنا الجديدة _03BA:

و يالله همتكم يا بنااات معانا

 

[brettey]

خوش فكره

 

[*نور الكويت*]

والله آنا اجزم انه مايطير المعاش الا روحة السوق اللي مالها داعي
كل طلعة سوق اقل شي شاريه من محلين ومتعشيه بمطعم ولاقاعده بكافيه لاااااا واذا عيالج معاج لعبيهم وعشيهم
والحين عطله يعني مافي كونترول للطلعه بأي وقت تطلعين وتصرفين هالمصاريف كل 3 ايام 4
فأنا اشوف انه لازم نقلل طلعة السوق
مثلآ القهوة الشعبيه واااي ياحلوها استانس عليها
نقعد بالليل عالبحر
نسوي جو فرفشه بالبيت , اسوي عشا حلو لعيالي اشتريلهم ديفيديات يحبونها حوض سباحه مع العابه
او اشركهم بنادي يطلعون طاقتهم فيه

ايي دوري الحين ,
اروح كبتي اطلع الهدووووووم المكوده وارزها جدامي واشوف شنو اللي مالبسته ويااااكثرهم
الميك اب ويااااكثره بعد يقول تكفين حطيني بلمس ويهج
ما اروح للسوق الا للضرورة القصوى بس
وبجذي يمكن نقدر نسيطر شوي على نفسنا وبنوفر المعاش

 

[فديت قلبه]

ودي امتع عيالي بهالصيف بسسسس شلوووووون واحاتي المخاسييييييييييير

 

[نيــلــوفــر]

والله ودي ادش معاكم بس انا ليحين طالبة جامعية
و قبل كنت اصرف الاعانة بالهبل
و الحين عندي نظم يديد
اعانتي 100 دينار
الشهر فيه 4 اسابيع
كل شهر اصرف بس 25
على الكروت والبانزين والغدا اذا كنت بالجامعه
والله بهالطريقة وفرت حيل حيل
يعني اخر كل اسبوع يبقى عندي 7 ولا 8 دنانير عاد هني انا لما ارح السوق اشتري فيهم الل ابي

سوا هالطريقة قسموا معاشكم و رح تضبط معاكم ان شاء الله

 

[ثلاثينية]

انا ماني موظفه بس ريلي يعطيني كل شهر 200 وهذا لي ومالي شغل في البيت والمصاريف الثانيه
وتقريبا مقسمه مصروفي على اربع اسابيع يعني كل اسبوع 50 ونفس الطريقه اطلع مكالماتي ونهايه كل اسبوع ايمعه واذا احتجت شي شريت
وبالنهايه ايمع مبلغ حلو تقريبا من 40 لي 60 دينار واطيرهم في السوق احيانا
واحيانا اشتري فيهم حق ريلي اذا كانت مناسبه او هدايا لاعيالي
واحب افاجئ بناتي بين فتره وفتره
واحيااانا يتم لي الشهر اللي وراه
وبصراحه انا عياره ,,,,,,,,, دايما احاول اروح الروح مع ريلي علشان اشتري من كرته وكله اقوله نسيت كرتي في البيت
علشان جذيه ما اصرف وايد

 

[ROYAL]

افضل طريقه بنات اللي قالت عنها اوبرا وينفري وهي : استهلاك الموجود _03BA:
يعني تستهلكين كل اللي عندج من ملابس واذا مليتي منهم تجددينهم عند خياط انتي واثقه فيه انه ما يخربهم لج بتركيب كلف وازره جديده وتستهلكين كل الاحذيه والشنط والاكسسوارات والماكياج وممكن تتبادلين فيهم مع صديقاتج او خواتج راح تلاقين نفسج متجدده دايما ووفرتي ثروه بعد مو بس مبلغ بسيط لان الاسعار بصراحه صارت نااااااااار
اوبرا طلعت برنامج كامل عن هالنقطه وهي التوفير كانت روعه وتقدرون تدخلون موقعها تشوفونها
وبالنسبه لتوفير مصاريف الطلعات المشي علي البحر ما يبي منج الا بطل ماي والحدائق العامه ما تبي منج الا بساط ومطارة شاي وكيس حب والقهاوي الشعبيه ما تبي منج الا سندويشات والكافيهات ما تبي منج الا فنجان قهوه بس قعدي 3 ساعات وانتي تشربينه علشان تضيعين وقت وتستمتعين بالفرجه عالرايح والراد :eh_s(6): والتمشي بالمجمعات تجددين افكارج وتقارنين بالاسعار :dddds:
ها شرايكم بافكاري

 

[Hello_kitty]

خوووووووش موضوووع انه بنضم معاكم لأن ظروف الحياة وغلاء المعيشه تخلينا نفكر بشكل جدي بالتوفير والحد من المصاريف

لي رجعه ان شاء الله للموضووووع ارتب بعض افكاري واكتبها لكم

 

[هيون و بس]

واااي بناات ونسنس تفاعلكم
و ان شاء الله راح نبدي يوم الاثنين
انا من اللحين بقولكم افكاري :
يوم الاثنين يوم جمعتنا الاسبوعي مع رفيجاتي مرات نروح سينما او نتعشى و بصرااحة ملينا نبي نغير و بنفس الوقت نبي نوفر
فقلتلهم اليمعة عندي بالبيت و بسوي لهم براوني و بوب كورن و زهبنا جنجفة واونو و متراهنين اللي تخسر الجمعة في بيتها الاسبوع الياي لووول
منها تغيير عن المطاعم و السينمات و العشيات و منها نسولف مع بعض و نستانس و ان شاء الله اقولكم شصار معاي

 

[مشاعر أمرأه]

يعطيكم العافيه
خووووووووووووووووووووش موضوع

 

[BiiShOoO]

اي والله صاجة لازم نفسفس بهالفلوس اذا مو على المطاعم و الطلعات على السوق غير المصااريف الثانية

انا قمت اخفف من مصاريفي و قمت مو كل ما اطلع اكل من مطعم بس تمشي و حركة و اذا بغيت اشرب عصير او قهوة الي طبعا تشبعني


و ان شاء الله نوفر



لااا للاسراف نعم للتوفير

_03ba:

 

[هيون و بس]

قوة بنااات انا مثل ما قلتلكم اليوم تيمعوا رفيجاتي عندي و طلعنا اشرطة الفيديو من الارشيف لووول حفلاتنا و العروس و متنا من الضحك و انا كنت مسوية براوني شريته من مركز سلطان ماركة بيتتي كروكر و طلع شي عجيب تررررف و سويت معاااه كابتشوينو و قعدنا من الساعة 4 لما الساعة 10 و احنا بس فيديو و بما ان الاغلبية رجيم فسوينا العشاء همبورجر بالشوااية و جبت صمون و قصصنا خس و طماط و يبنا الكتشب و الجبن و المايونيز و العدة كلها جدام التلفزيون و طحنااله تحشي و بلع لووووول
و الله يا بناات ما اجذب عليكم حسيت ان الهياتة بالمجمعات و المطاعم كانت حارمتنا من هالشي و من هالوناسة و هالضحك عسى الله لا يحرمنا و لا يحرمكم و االله ما كو احلى من القعده بالبيجامات و اللبس العملي و البساطة في الاكل و القعدة
و باكر ان شاء الله بحاول اني القى طريققة و افكار حلوة ساعوني بناات

 

[opera]

قوة بنااات انا مثل ما قلتلكم اليوم تيمعوا رفيجاتي عندي و طلعنا اشرطة الفيديو من الارشيف لووول حفلاتنا و العروس و متنا من الضحك و انا كنت مسوية براوني شريته من مركز سلطان ماركة بيتتي كروكر و طلع شي عجيب تررررف و سويت معاااه كابتشوينو و قعدنا من الساعة 4 لما الساعة 10 و احنا بس فيديو و بما ان الاغلبية رجيم فسوينا العشاء همبورجر بالشوااية و جبت صمون و قصصنا خس و طماط و يبنا الكتشب و الجبن و المايونيز و العدة كلها جدام التلفزيون و طحنااله تحشي و بلع لووووول
و الله يا بناات ما اجذب عليكم حسيت ان الهياتة بالمجمعات و المطاعم كانت حارمتنا من هالشي و من هالوناسة و هالضحك عسى الله لا يحرمنا و لا يحرمكم و االله ما كو احلى من القعده بالبيجامات و اللبس العملي و البساطة في الاكل و القعدة
و باكر ان شاء الله بحاول اني القى طريققة و افكار حلوة ساعوني بناات

اي والله

انا استانس على قعدت البيت مع الاهل او الرفيجات


حددددددددده وناسه واذا عالعشى ياحلو الخفايف ولا كل وحده تسوي طبق