حملة sunshine . . إذاً سوف نسمن ")

[توووووتة الحلوة]

مساء الخير و الاحساس و الطيبة على كل صديقاتي العصقولات

كل عام وانتم بخير يا حلوات، اليوم اول يوم من السنة الهجرية الجديدة :eh_s(9):

 

[التوق]

كل عام وانتوا بخير حبيباتي
وصباح الخير


وزني الحالي اللي وصلت له : 45
زدت كيلو بس !!!!!!!!!!!! وحده ضاق خلقي

 

[احآسيس هآدئه]

الله يحقق احلامكم ويجعلها سنة خير وبركة


التوق
كويس كيلو ليه متضايقة :ggdw:
المطلوب بالحملة زيادة كيلو في فترة قصيرة

 

[احآسيس هآدئه]

بسم الله
اليوم موعد الميزان

النك نيم :
الوزن السابق :
الوزن الحالي :
مقدار الزيادة :

كل وحده تكتب نتائجها

 

[lial^^ليال]

صبااح الخير
كل عام وانتم طيييبيييييييين

وزني مازاد كثير اسبوع وكم يوم وزيادة 100 غرام >



بسم الله

النك نيم : ليال
الوزن السابق :48.500
الوزن الحالي :48.600
مقدار الزيادة :100 جرام

 

[عويتقة]

ياااربي يجعل السنة الجديدة زيادة لنا فالطاعة ومغفرة لنا وتحقيق لكل الامنيات يااارب السنة هادي تكون نقلة حلوة لكل مسلم ومسلمة

 

[عتيبيه ذوق]

عتيبية ذوق
كويس ماشاء الله ربي يتمم عليك :eh_s(9):
كم مره تأخذين الصويا
خليك هيك ملتزمة ولاتنسين التمارين
وترطيب الجسم عشان التمدد
>

يا مره ي مرتين باليوم ... بس اكثر شي بالليل () ... والله التمارين م ألتزم فيها بس الكريمات اول بأول اهم شي الترطيب ^^

 

[اسطورة الزيـن]

بنات ابي وحده
ترسل للبنات المتغيبات عشان الموعد
لاني تعبت وانا ابلغهم

حسوووس عطيني النك نيم تبعهم وانا ارسل لهم....​

 

[اسطورة الزيـن]

كل سنه وانتم طيبين بنااات
الله يجعلها سنة خير وبركه وسعــــااده ع الجميع

الوزن السابق :44.3
الوزن الحالي :44
الزياده : نقصت 300 غرام
زين اني مانقصت شي كثير



​

 

[عتيبيه ذوق]

بنات بسألكم وين ألقى احسن ميزان ؟! كل م اروح لصيدلية يطلع لي ميزان شكل ويقولون هذا افضل نوع ؟! أبي اعرف الجوده مو خرطي >

 

[عتيبيه ذوق]

ثاني شي فيه خلطات او حبوب او خلطات تنفخ الخدود غير الخميرة ؟! الانه الخميرة سمعت عنها لو انحطت عالخد توسع المسامات وححنا مو ناقصين !!!

 

[توووووتة الحلوة]

مساء الخير يا صديقاتي العصقولات

حسوس

ما شفت وزنك يا مديرة التجمع :eh_s(10): المفروض انتي اول وحده تحط وزنها

التوق

مبرووووووووك على الزيادة :eh_s(9): و كيلو حلوووووو كثيرررررر :rerrerek: ترى ما اجامل

ليال

لاتزعلين على انك ما زدت غير 100 جرام، ان الجبال من الحصى اللي اقصده لا تستقلين ب 100 جرام
100 جرام و لا العدم او النقصان

اسطورة

امممممممممم، ما شاء الله تبارك الرحمن ( خايفة احسدك) كل هالاكل اللي تاكلينه و نقصتي يمكن انا راح انجلط، ياليتي مثلك

عتيبيه

انا راح اقولك افضل انواع الموازين ماركة beurer الالمانية

انا عندي هالميزان الرقمي من سنين، اتعب و انا اقول ممتاز :rerrerek: حتى البطارية ما خلصت، الله يبارك. امي الله يرحمها هي اللي شرت لي ايه ... ناسيه السعر بس ما يتجاوز 200 ريال ... عندكم بالكويت اتوقع هم بعد ما يتجاوز 20 دينار

ترى في انواع كثيرة الشركة مطلعينها

 

[توووووتة الحلوة]

يومي

الفطور
خبزه متوسطة مع جبن فيتا. مرق بطاطس و كاس شاي

السناك
قطعة صغيرة كيك
شوية تمر

الغدا
ماكو غدا

العشا
نفس الفطور بالضبط

الرياضة
ساعة مشي مساء

 

[احآسيس هآدئه]

بسم الله
ماشاء الله تبارك الرحمن



النك نيم : التوق
الوزن السابق :44
الوزن الحالي : 45
مقدار الزيادة : كيلو


النك نيم : ليال
الوزن السابق :48.500
الوزن الحالي :48.600
مقدار الزيادة :100 جرام


النك نيم : اسطورة الزيـن
الوزن السابق :44.3
الوزن الحالي :44
الزياده : نقصت 300 غرام


النك نيم : احآسيس هآدئه
الوزن السابق :49.2
الوزن الحالي :49.8
الزياده : 600 جرام


اللي بعدي تسوي كوبي وتحط نتايجها

 

[التوق]

أحاسيس اشوى ضاااق خلقي كنت ابي مرة وحده هههههه :*
الحمدلله​

النك نيم : التوق
الوزن السابق : 44
الوزن الحالي : 45
مقدار الزيادة : +1 ​

 

[احآسيس هآدئه]

عليكم بالعافية
بنات عفيه عليكم للي ماحطت وزنها تحط


عتيبية ذوق
مشكورة حبيبتي
للخدود استخدمي حليب انشور لحاله او مع سيريلاك
طريقته تاخذين 6 قفشات من حليب انشور وملعقتين سيريلاك
تخلطينه مع حليب او مع ماي وتشربينه بعد كل وجبه رئيسية
انا ماكنت منتظمة عليه بس ماشاء الله شفت نتيجه


اسطورة
اوكي مشكورة قلبي بحصر الاسامي البنات المتغيبات بدايه الحملة الثانية
مو مشكله النقصان تعوضينها بالمره الجايه ان شاء الله


تووته
انشغلت حبيبتي
تنزلين وزنك الحين والا بعدين ؟
اذا انتي كنتي منتظمة بالدايت قبل ماتكتبينها معنا نزلي
واذا توك باديه خليها بعدين


التوق
وين مره وحده ههههه
افضل الزيادة اللي تكون بطيئه
عشان يتوزع عدل بالجسم ويتكون متناسق

 

[توووووتة الحلوة]

صباح الخير


حسوس

الف مبررررررررروك على الزيادة :eh_s(15): ما بقى شي على الخمسينات. انتى اكثر وحده كان ودي اعرف كم صار وزنها

اما بالنسبة لوزني ان شاء الله راح احطه السبت لاني السبت اللي فات كنت قايسته ومن وقتها ما شفت الميزان ( ما ابي اشوفه الا السبت) ... ان شاء الله اكون ناقصة

 

[احآسيس هآدئه]

يبارك بعمرك حبيبتي
ان شاء الله على يوم السبت نتتظرك

 

[احآسيس هآدئه]

اسطورة
هذي الاسامي حبيبتي

عآشقة الجنآن
MeM
على مودك
Phlox
ام مسلم3

 

[الدروووب]

يسعد صبااحكم
مبروووك كل من زاد واللي نقص ماعليه لاتكدري عمرك يوم لك ويوم عليك

تووووته
الله يبارك بعمرك منور بيكي
يابت وربي ادري انك كومديان باالعكس مافهمتك باالمقلوب وعارفه انك تمزحي
حتى انا كنت امزح افااا عليك ترا انا معلمه باالكمديان احم خخ ماشفتي شي يارشيقة المستقبل
حتى شوفي هرجي كان فيه نوع من الضحك

حسووس
امين ربي يبارك بعمرك
خلص ولايهمك الموعد الثاني

التووق
لاتتكدري ولا شي باالعكس كيلوو حلوو

الزين
شدي حيلك ترا انتي اللي كنتي ترفعي معنوياتنا الحين اشبك
يله نبي اسطوووره مال قبل

عتيبيه
جعل الزياده دوووم كنت بستخدم الصويا بس اختي منعتني تقول يضر اصحاب االانيمياء اهئ
خخخخخ بس نعوضها بشي ثاني

عويتقه
امين يارب
يله ياعروستنا القميله شدي حيلك..