حملت بعد معاناة ثلاث سنوات وربي لك الحمد ..... ودكم تعرفون شلون......! بتنصدموووون؟؟؟

[نـــــــــــونه]

مرحبااااااا بناااااااااااات

والله العظيم بقولكم قصتي بدون زياده او نقصان انشاءالله

انا تزوجت من ثلاث سنوات خامس شهر من زواجنا قلت حق ريلي خلنا نروح نفحص علشان اذا في مشكله نتعالج الحين احسن دام تونا ماصارلنا خمس شهور وافق ريلي وقالي اوكي شوفي اي دكتوره نروحلها المهم امدحولي الدكتوره ماجده اليتامى واخذنا موعد وتوكلنا على الله ورحنالها اول مادشينا سوتلي سونار داخلي كانت علي الدوره ثاني يوم المهم قالتلي انتي عندج ضعف بالمبايض وقالت حق ريلي انت لازم تسوي فحوصات ووافق ريلي وعطتنا موعد بعد اسبوع وشافت نتايج فحوصات ريلي جان تقوله انت عندك ضعف والحركه بطيئه واكثر الحيوانات المنويه مشوهه قلنالها والعمل قالتلنا ماكو حل الا انكم تسوون تلقيح صناعي المهم وافقنا وسويناها اربع مرات وماحصل حمل بعدها قالت مالكم الا طفل انابيب انا ماوافقت وطلعنا منها
وبعدها رحنا حق دكتور منصور العرف وشاف تقاريرنا واننا سوينا اربع مرات تلقيح قالنا مالكم الانابيب وتركناه ومشينا وبعدها رحنا حق الدكتوره مهجه البدر وشافت تقاريرنا وقالت نفس الحجي مالكم الا الانابيب وتركناها وبعدها رحنا حق الدكتوره بهواني اللي بالهادي وشافت جان تسويلي سونار وقالتلي بويضاتج ممتازه وشافت تحاليل ريلي وسجلتله حبوب وداوم عليهم بس ماكو فايده الحمدلله وقالتلنا دام مستعيلين على اليهال سوو طفل انابيب وتركناها ومشينا وبعدها رحنا
للعلم انا يوم كنت اراجع عند ماجده اخذت كلوميد شهرين وابر شهرين مع التلقيح
المهم خلصت مهمتي مع الدكاتره قالت الحين بروح للحريم الطب الشعبي وكل ماروح حق وحده تقولي رحمج مايل وتمرخني وهم ماكو فايده رحت حق ام مشعل اللي بالعقيله ورحت حق ام سعد اللي بالصليبيه ورحت حق ام عادل بالجهرا
وبعدها تعبت وقلت حق ريلي بس انا تعبت وخلاص ماراح اروح حق اي احد وبعد عمري اهو مايبي يضايقني قالي عادي احنا تونا صغار للعلم انا عمري وقتها16 سنه واهو26 سنه لايغركم كلامي ترى انا ياهل 
ومره كنا قاعدين انا وريلي نتابع برنامج على قناة العداله ومسوين لقاء مع واحد مطوع جان يقول عندي حبوب واااايد عليها طلب تكثر الحيوانات المنويه وتنشطهم وحط رقمه جان يدق ريلي عليه ثاني يوم وعطاه العنوان واخذ منه ريلي علبة الحبوب بعشرين دينار والتزم فيهم والله العظيم بعد شهرين من اخذ الحبوب انا حملت لانه الحيوانات عند زاد عددهم واااااااااااااايد والله العظيم عطا هالحبوب حق اثنين من ربعه والله انه حريمهم احملوا
وكل ماروح موراجعاتي علشان اتابع الحمل ريلي يقول حق كل دكتوره نروحلها اذا في واحد ييلج عنده ضعف عطيه للرقم هذا ا وياخذ من الحبوب

بس والله ماعرف الريال اللي يبيع هالحبوب وريلي ضيع رقمه بس ريلي يقول اسمه خالد الطيب بس مادري وين بيته


والحين انا ولدت من ست اشهر وولدي الحين مسخن ومتعبني معاه وياحلووووه مت تعب والله مالي علي الدنيا



وهاذي كل القصه *

 

[غلا صلاح]

ماشاءالله الله يخليه لج ياارب ادعي لي احمل

 

[رووح ابووها]

الله يحليلج ولدج

عفيه دوري الرقم خلي زوجج يدوره عند ربعه
عشان البنات يستفيدون
وجزاج الله خير

 

[مراااااحب]

حبوبه ضرووووووووري دزي لي رقمه واسمه

ع الخاص او العام

محتاجته ولك احلى دعوه

 

[لـــيل]

مشاء الله لاقوه الا بلله الله يخليه لكم يارب

 

[!! Ba6a 7lwa !!]

الله يخليلج ولدج يارب

 

[&هند&]

جزاج الله خير ،،،

 

[نـــــــــــونه]

يارب كلكم تحملون وتفرحون مثل فرحتي
والله تليفونه انباق قبل فتره وضاعوا كل الارقام معاه
بس انشاءالله بكلمه يدور الرقم عند ربعه

 

[MEMO GirL]

جزاج الله خير

 

[آلــريم]

حبيبتي انتي نفسس حالتي بضببط انا ليمه وكل شي تمام


بس زوجي عنده الحيوانات المنويه ضعيفه وتشوهات

الله يوفقج عطينا الرقم

وبعدين لما ندق ششنقول .؟

اي حبوب


وجزاك الله الف خير

 

[نـــــــــــونه]

قلت حق ريلي ابي الرقم ضروري قالي انا انشالله اييبه لج

 

[beenoo]

الله يخليه لج يااارب ويرزقني وكل محرومه

 

[شقرا كويتيه]

جزاج الله خير والله يخليلج ولدج

 

[Hanan82]

ما شالله ، ربك كريم ومافي شي صعب ع رب العالمين والله يخليج ولدج يارب ويتربى بعزكم ان شا الله

 

[مفرفشة ومنعنشة]

ماشاء الله تبارك الرحمن
الله يخليلج وليدج ويرزقج له خوان وخوات

 

[الريشة]

يا بنات لقيت موقعه على الإنترنت و موجود فيه منتجاته و رقم تلفونه و عنوانه:

http://www.draltaieb.com/​

 

[sanaya-q8]

شنو مكوناتهم. يعني من طبيب ولا هو مسويهم

ممكن الرقم عالخاص

 

[متوترة]

كل شي بامر الله يصير

حبي الله يوفقك ويخلي لكم لبعض ويرزقك من واسع فضله ..

 

[الزيـــــ^^ـــــن]

ماشاءالله الله عسى ربي يخليلج وليدج ويرزقج اخوان له

 

[نـــــــــــونه]

مشكوووووورين حبايبي