حملت حمل كيميآئي .. تعالوا فيدوني وشوفوا شصار لي حآليا !!

[Ԏỡґἰᾷ]

السلام عليكم ..

بنآت انا حملت حمل كيميآئي ..
الي هو يكون حمل يبين بالدم لكنه ما يستمر ~
لان البويضة تلقحت بس ماصار فيها انقسامات
فيزيد الهرمون بالدرم نتيجة التلقيح فقط
ومايقعد الا اقل من شهر وتنزل دورة عادية ..

الي شخصت هالحالة لي ... د.ليلى اشكناني ~
وقالت لي ان الدورة بتنزل علي عادي .. يعني الدم الي نزل كان بتاريخ
31 - 8
فلازم تنزل علي 30 - 9
لان دورتي مدتها 30 يوم .. وطبيعيا منتظمة معاي
وقالت وممكن يكون في حمل ع طول


والحين طاف علي 3 ايام
اول شي سويت تحليل منزلي يوم 30 - 9
وبعدين غسلته بالماي بعد 5 دقايق وقطيته بعد ماطلعت النتيجة سلبية
.. والصبح لقيت النتيجة ايجابية
استغربت وقلت لاختي وقالت ممكن تكونين حامل .. لان الماي مافيه هرمون الحمل

المهم وعدته 1 - 10
وطلع سلبي ..

وعدته تو الحين وهم طلع سلبي ..

انا حاليا صارلي اسبوع تقريبا تجيني عوارات الدورة وتروح

وانا بطبيعتي اذا جاني عوار الدورة لاااازم ع طول تنزل ~

بنآت عفية فيدوني
والي ماتعرف شي خل ترفع الموضوع
وربي يوفقكم ان شاء الله
وطلع سلبي

 

[جمالي خلاب]

اختي عادي اعرف وحده حللت وطلع سلبي قطت التحليل بالزباله وانتي بكرامه بعدين قعدت تفكرر لش مانزلت الدوره

رجعت اخذته من الزباله لقته ايجابي وحملت ولله الحمد


الله يتمم عليييييج يالغاله ويرزقني رزق من عنده سبحانه



موفقه اختي ولعيوونج رفع

 

["*آآآنؤؤؤقهـ*"]

هلا والله انتي اللي نزل عليج افراز وفعلا علامة حمل ان في جسمج هرمون حمل

انتظري لعل الله يثبت حملك يكون حمل متاخر. يعني توج لاقحه من اسبووووع

 

[جمالي خلاب]

انوقه ابسئلج توقعج مفاهمته يعني ماتبين الحمل او تبين<<<وحده تبي تدعي لج بس ماعرفت شنو تبين ههههههههههههههه


كيف ماتبين تشيلينه<<تقصدين شنو

خارج الموضوع

 

[Ԏỡґἰᾷ]

اييييييييي :$
ومن يومها وعوارات الدورة متعبتني .. تجي وتروح !!
لاا ماضنتي متأخر لان انا ع كلام الدكتورة ان دورتي ماتاثرت بالحمل الكيميائي
حسبت ايام التبويض .. وماجامعت الا فيها !!
والحين متآخرة 4 ايام تقريبا ... والاول طلع ايجابي واثنين طلعوا سلبي

 

[عهدالرياض]

اب اب
الله يعطيك خيرة ويكفيك شرة

 

[*فرحة عمري*]

اي حبيبتي صارت معاي حمل كيميائي ونزلت الدوره بعد التحليل ب٣ ايام سبحان الله
نزلت دوره عاديه بس طولت معاي وقعدت ابجي وحالتي حاله طلع حمل خربوطه
لاتشربين شي ولا تسوين شي يمكن حامل والتلقيح متاخر نطريها تنزل بروحها و ان شاء الله ما تنزل وتطلعين جامل

 

[جمالي خلاب]

انا متفآآئله انج حامل يارب ياكريم يارب العالمين

الي اعرفها حيل طلع لها سلبي وقطته وبعدها رجعت لقته صار ايجابي<<<تقول شكل الحمل مايبين بسرعه


ان شاء الله تبشرينا

اقول لايكون انت الي اقصدها لانها توها حملت ههههههههههه

سبحان الله

يارب تكونين حامل يارب ولايخيب املج

 

[*فرحة عمري*]

حللي دم و تاكدي ليش تلعوزين نفسج بالتحليل المنزلي

 

[يا كويتنا]

انا صار معاي حمل كيميائي

وانزلت دوره عاديه علي


والشهر اللي وراها حملت


وانشالله ايكون حمل


حلج الوحيد التحليل الهرموني وبعد يوم عيديه اذا زاد حمل طبيعي اما اذ وقف وقام ينزل كيميائي



وانشالله انج حامل

 

["*آآآنؤؤؤقهـ*"]

جمالي امبلا اتمنى الحمال هذا المقصود في توقيعي واضح حيييل جدااا

ادعي الله

(يالله عساني مااشيله) التوقيع حاطته للتفاااااؤل

( وهالشهر هدا اطلع حامل ). يعني ماتنزل علي الدوره



فهمتي

 

[Ԏỡґἰᾷ]

مااااابي احلل دم ~
لان مابي اصدم ريلي لانه متشفق .. لان صارلي سنه ماحلمت من بعد ولدي الاول !!
وخاصة كل شهر يسأل عن دورتي

::

ولمن احس بعوار واروح معاه واخر شي يقولولي نقتف ..
يزعل .. ومرات ينفس علي .. ولمن اقوله شفيك لايكون معترض ع قضاء ربك
يقولي لااا مو متضايق عاادي شدعوة
وادري انا بالي بقلبه : (

 

[*فرحة عمري*]

قطيعه هالرياييل ما يدرون ان هالشي بيد الله
انا تقريبا نفسج بس الحمدلله علي كل حال
الله يرزقج يارب و اذا ريلج يبيروحي عالجي و اخذي كلوميد يمكن تضبط معاج
وتيبين توام

 

[Ԏỡґἰᾷ]

حملتي بولدي الاول طبيعي .. وبعدها كنا نتجنب ايام التبويض
وانا كنت ادعي ربي اني ما احمل الا لمن يرتفع ولدي شوي ~
لان انا بالجامعه وماعندي احد يمسك ولدي ربي يحفظه غير الخدامه ..
امي الله يرحمها .. واخاف اثقل ع الخدامه خاصة اذا كانو الاثنين صغار
تخافين تالي من الخدآمة لا تغشج بالعيال
والخدامه اذا انضغطت تحط حرتها بالمساكين
والحمدالله خدامتي الي عندي امييييييييييييينه حيييييييل وتحافظ حيييييييييل ع ولدي
بس باقيلها سنه ومايندرا بالي بجيبهم بعدين

وبعدين اتجهت لايام التبويض وحملت الحمل الكيميائي .. دليل اني ما اعاني من شي
ولله الحمد ~
وقالت لي الدكتورة ان الحمل الكيميائي يحصل بنسبة 45% من نسبة الحمل للمرآة
وتنزل نفس الدورة بس متأخرة فدايما ما تلاحظها المرأة .. لان نتيجة خطأ بالكروموسومات والانقسامات ... وإلخ
وهالشهر هم اتجهت لايام التبويض .. وادعوووولي بنآت

والي تعرف عن سالفة التحليل المنزلي
انا الاول ايجابي .. وقبل لا تطلع النتيجة ايجابية كبيت عليه ماي وقطيته وبعدين طلع ايجابي اليوم الي وراه
وجيت اتاكد والثاني والثالث طلع نقتف .. : (
(( تفسير حق دعائي عشان ماتفهموني غلط .. انا ادعي ربي انه يختار لي الي فيه الخيرة طبعا ))

 

[جمالي خلاب]

اختي انووووقه اي فهمت عسى الله يرزقج بهالشهر ياكريم بالولد الصالح ورزق اخت صاحبه الموضوع
ويرزقني بالمولود المتعافي ويرزق بنات المسلمين ياكرييييييييم عاجل غير اجل

 

[كويتيه مذهله 87]

نطري حبيبتي موعدها واذا تأخرت عليج حللي

 

[Ԏỡґἰᾷ]

طاف عليها ٤ ايام .. شنطر بعد :d

 

[اهـات]

ان شاءالله تكونين حامل يارب

 

["*آآآنؤؤؤقهـ*"]

امييييييين

 

[ام الحلوااات]

اللــــــــــه يــــــــرزقــــــج ويـــكــــتــــب لــــــج الــــحـــــمــــــــل​