حملج والناس

[دنيا الصدمات]

السلام عليكم ببنات شخباركم

حابه اتناقش وياكم شغله من خلال تجاربكم وايمانكم بوجودها وهو الحسد

طبعا انا توني خلصت الشهر من اجهاضي الحمدالله ع كل حال اللهم لك الحمد حتى ترضى ولك الحمد اذا رضيت ولك الحمد بعد الرضى

اؤمن بوجود الحسد وهو مذكور بالقران ولكن دائما اقول الله الحافظ
ولكن ماكنت اؤمن بوجود اشخاص حولي قلبهم مو نظيف واقول كلمتي المعتاده دايما " شنو عندي زياده عشان الناس اتطالعني عشانه " وبالنهايه كلشي احبه بروح مني بغمضة عين

شغلات وايده بحياتي افرح لها عدل وكله تروح مني واخرها ضناي
ماتتخيلون شنو كنت سعيده كانت اجمل ست شهور بعمري من فرحتي اني بصير ام قصرت ع روحي باشيا عشان اجهز لبنتي اغلا واحلى الاشياء ولكن قدر الله وماشاء فعل

هل تعتقدون الي قاعد يصير طبيعي
قبل يومين بس من اجهاضي ناس من هلي امهم حسوده سالو انا شفيني وطبعا اختي بحسن نيه قالت لهم بنت ماجافو الا امهم تغير ويها عدل كنت اتمنى احسن الضن فيها بس هيا معروفه ماتحب تجوف احد سعيد

وقبلها وحده سالتي شنو فيج وقلت لها بنت وويها تغير
والانسان اللي يفرح لج يبين ع ويهه والحسود هم يبين

انا مو عارفه هل الي يصيدني طبيعي او لا بس خلاص من كثر ماقلبي تعب قمت اخاف افرح جدام احد وخذيت عهد ع نفسي اي شي يصيدني حلو ماقوله


وشغله ثانيه اختي من قبلي تزوجت بفتره ومسكينه جم مره تجهض
وغير حياتنا احنا فبيتنا ككل الاحظ اي شي يصير لنا حلو ينقلب علينا
مع العلم الحمدلله مؤمنين بالله ونصلي ونصوم ونقرا قران ومانسمع اغاني قطعناها من فتره
بس فينا طبع اذا فرحنا بشي مانخشه نقوله بحسن نيه


هل في احد صار له مثلي هل فعلا الناس تحسد غيرها ع اشيا الله رزقها
والحسد معروف ينزع الشي من صاحبه
يعني هذي رزقي وانتي لج رزقج محد بيمشي من الدنيا الا ماخذ رزقه كله ليش المطالع
هل خشيتو موضوع حملكم عن الناس وتعرفين احد يحسد على اقل شي او صابتج عين من احد

​

 

[عطاء أنثى]

حبيبتي اولا الله يعوضج ان شاء الله


ثانيا لا تحطين ببالج الرزق بيد الله أبعدي عنج الوسواس

 

[عطاء أنثى]

حبيبتي اولا الله يعوضج ان شاء الله


ثانيا لا تحطين ببالج الرزق بيد الله أبعدي عنج الوسواس

 

[لوولوو_88]

أول شي عسى ربي يعوضج بدال البنت بنتين توم يا حبيبتي .. و كل شي يصير لج خيره بإذن الله

الحسد موجود و محد ينكره بس الواحد حلو انه يكون إيمانه بالله أقوى انه يحفظنا بحملنا و نلتزم بأذكار الصباح و المساء .. ولا نركز على العين و الحسد لأنه تركيزنا بأنه الله الحافظ أقوى .. هذا امي الي عودتني عليه

انا ما خشيت حملي عن أهل زوجي و أهلي و بيت يدتي الله يطول بعمرها .. و انا على يقين ما سيصيبني إلا ما كتب ربي لي ..

و إذا في شر و الم و معاناة يصرف عني اي شي بخاطري فيه و إذا فيه خير أقربه و اتممه ..

حبيبتي لا تركزين ولا تقولين الشي الزين يروح منا لا تقولين جذي ربج له حكمته ولا تعترضين مو زين والله .. ربج أقوى ربج الحافظ .. كوني أكثر حرص بس مو لدرجه أنج ممكن تشككين بيقينج بأن الله الحافظ

و نعم في ناس تحسدج على أقل شي و في و اشوف حولي .. ربي يكافينا شرهم و بشغلهم بنفسهم قادر ربي على كل شي ..

 

[fofo90]

الحمدالله عالسلامه
والله يعوض عليج انشاءالله
باللي احسن لج
كل شي خييرة والله كاتبلج
اللي فييه الزين

 

[أأأميرة الورد]

الله يعوضج بالحمل السليم والثابت

ويرزقج بالذريه الصالحه انتي واختج

 

[خلود ناصر]

والله نفسج وولدت طبيعي و طلق و بجي وجهزت له وبس همن اقول قضاء الله وقدره بس حلمت حلم وفسرته قالي انتي فيج عين قويه لازمج قرايه
ولا قلت بسافر وجحزت بس تكلمت وربج قالت لي وحده ياحظج بتسافرينو وزجج بيسفرج ومبين عليه يحبج مو اللي عندي تقول لي جذي خذيت الامور عاديه
وتهاوشت معاه هوشه ولا سافرت تخيلي من عقبها ماقمت انزل صور سفراتي بانستغرام ولا احط توبيكات اني مسافره والله ادري الحافظ الله بس تعبت تعبت تعبت ما اعرف انام من الاحلام وكل ما اروح لمفسر مايرضي يقولي تفسيره بس يقولي ارقي نفسج حياتي تعب تعبت مع اني كل اقوله علي شنو بنحسد اللي باط جبدي اللي تحسدني اهي عندها عيال و تسافر و مدلعه عند زوجها بس تحسد والله ملاحظه هالشي وحده جارتي ييننتي عندها خمس عيال ناشبتني علي الحمل تخيلوا عندها خمسه تقولي شلون حملتي انا الحين احاول احمل صارلي اكثر من سنه ماحملت وانتي توج تخيلوووا بغيت اقولهابس انتي عمرج كبير اكيد تبين تتاخير عمرها ٤٣سنه

 

[عاشقة هواك]

لا حول ولا قوة الا بالله حبيبتي عليج بالرقية الشرعية والله مفعوله عجيب وتسبحي بماي وملح خشن وحطي مسك اسود يقولج يوخر الجن والله الحافظ دعواتج حبيبتي

 

[صعبه]

الحسد والحقد صار منتشر بشكل كبير ومب طبيعي هالايام

مع انه الناس عندهم خير وشايفينه وشبعانين
بس حسد بني ادم مايحب الخير لغيره سبحان الله مايبون يشوفون غيرهم مستانسين

خصوصا بموضوع الزواج والحمل ..

بس انا اشوف انتي لزام تحصنين نفسج دايما بالاذكار المساء والصباح تقرين كل يوم لو 5 صفحات من القران اذكار النوم وسورة الملك وكل يووم شغلي الرقيه الشرعيه ورردي معاها
انتي جذي بتكونين محصنه نفسج وان شاء الله محد بيضررج غير اللي ربج كاتبه وقتها راح تعرفين انه ربي كاتب لج الاخير


الله يعوضج يارب ..

 

[ToOosha88]

حبيبتي الله يعوضج خير يارب
احسني الظن وبتلقين كل خير ارقي نفسج واقري دعاء الحفظ اول ماتقعدين من النوم دايما لا تنسينه ابدا

والله بيفتحلج باب خيرويبعد عنج كل شر

 

[دانة_ دبي]

احسني الظن بالناس

اتذكر يوم حملت كنت مكملة شهر و خبرت كل حد

عادي اختي انتي حصني نفسج و خلاص


مب يعني اي وحدة تمرض او تجهض هو حسد
الاجانب كل يوم و الثاني يجهضون و امراض هذا ما يعني حسد

و دايما الاجهاض لسبب ممكن يكون كثرة حركة او امشكلة ف الرحم
راجعي شو السبب الحقيقي ولا تفكرين بالناس ترى بتتعبين نفسيا

 

[Aloe Vera]

الحسد موجود بس انتي ادرى اذا في ناس حوالينج حسودين يبين عليهم هذيلي تديرين بالج منهم و تداومين عالرقية و اذكار الصباح و المساء

في ناس اهلهم و جماعتهم بالغالب مافيهم حسد و حقد و تشوفينهم ماعندهم مشاكل مع الحسد
كل بيت حالته غير و انتي شكله والله اعلم عندكم ناس حسودين

 

[أم مهره وميثاء]

الله يعوضج خير

 

[ام عبد العزيز م]

الله يعوضج خير حبيبتي اهم شي كتري الاستغفار وصدقه