::|[حملـة لنبـدأ بتغيير حياتنا للأفضـل »الجزء الثالث]|::بسـم الله،،وعليــه توكلنــا

[نهى الأحمد]

السلام عليكم
كان ودي ادخل معاكم بس انشغلت شوي الجمعة عرس رفيجتي واليوم كان عندنا عزيمه في البيت وانا الصغيرة وكار فيني عشو صغيره سنعه واقهوي الحريم ههههه


أنا جداًًً حزينه لان الحمله ما بقى شي وتخلصبس يللا الحمد لله وااايد استفدنا منكم وتعودت عليكم اهئ اهئ
بس بفضفض الحين اذا ممكن توها تخلص العزيمه؛p

أنا ما كان عندي ثقه بنفسي كللش الثقة عندي معدومه مع أني اجتماعيه واحب الناس وعندي صديقات وااايد واحب أتواصل مع الكل بس من داخلي ما كنت احب نفسي لما نروح عرس او مناسبه اقعد أقارن بيني وبينهم وأقول الكل أحلى مني وانا منو بياخذني كنت اكره روحي ساعات واستمر معاي هالموضوع فتره طويله واطالع نفسي بنظره سلبيه. اقول أنا ما عندي شخصيه حتى رفيجتي مره قالتلي ليش تقولين عن روحج أشياء مؤ زينه انتي مافيج شي والكل يحبج ومره بعرس أختي أمي قالت ماشاءالله العرس كله رفيجا تج من كثر ما أهما وايد وانا حريصه أتواصل معاهم ون تزاور حتى عقب ما تخرجت من الجامعة بس أتضايق حييل لما افكر بالأخطاء اللي سويتها بحياتي واحس أني سخيفه أنا ندمانة قد شعر راسي على وايد أشياءوأحاتى المستقبل وزاد عندي الموضوع عقب التخرج صارلي فتره قاعده في البيت وناطره وظيفتي ان شاء الله ف بس كنت قاعده وأفكر ما عندي شي يشغلني اما بالفترة الاخيرة وتحديداًً برمضان الحمد لله احس أني صرت أحسن قاعده اقرأ وايد عن الشخصيه وكتب دينيه وحسين ثقتي بنفسي تحسنت شوي وإيماني بربي زاد وماراح يصير لي الا اللي ربي كاتبه ورزقي بيد الله وكل تأخير باي موضوع فيه من وراه حكمه وخير ولازم أرضى بكل شي يصير لي وخاصه الاسبوع اللي طاف أخذت بنصييحتكم وغيرت الروتين واستانست وااايد الحمد لله​

وعليكم السلام

هلا والله ياقلبي بدوعه

شخبارج

الف مبروك زواج رفيجتج وعقبال عندج حبيبتي

والله يعطيج العافيه يا السنعه :ggdw: على العشا

مابي تكوني حزينة ياقلبي

كل ما صار معاي وقت رح ادش وانزل لكم مواضيع تفيدكم ان شاءالله


بالنسبة لفضفضتج :

تمر على الانسان لحظات يحس فيها بالضعف وقلة ثقة بالنفس ومايكون راضي عن نفسه

لكن مع الايام والمواقف اللي تحصل معاه رح تخليه انسان قوي يتحدى كل شي صعب


لو كنتي راضيه عن نفسج بكل مافيها مارح تقارنين نفسج بغيرج ابد


انتي فيج صفات رائعة غيرج يفتقدها ياقلبي

انسانه اجتماعية

عندج رفيجات ماشاءالله تبارك الرحمن


وحلو انه الانسان يراجع اخطائه حتى يصححها ومايرجع لها مرة ثانيه احسن انه مايحس بالندم لانه مارح ينفعه بشي ياقلبي


انتي ختمتي الفضفضة باحلى الكلام اللي خلاني اسنانس حيييل منج على التغيير اللي صار معاج عقب رمضان

يا عسى دوووم ياقلبي


عسى ربي يوفقج في حياتج ويسعدج حبيبتي

 

[نهى الأحمد]

صااادقه نهى حبيبتي والله ان كلامك يشرح القلب
انا مسامحتها وعادي اسووالف معها بس كلما اتذكر كلامها اشيل في قلبي شوي

هلا حبيبتي

تسلمين ياقلبي

عسى ربي يشرح قلبج دوووم ان شاءالله ويبعد عنج كل ضيقة

اي سامحينا ياقلبي وسولفي معاها عادي ولا تشيلين شي بقلبج

تبقون خوات الله لا يحرمكم من بعض

 

[نهى الأحمد]

السلام عليكم

صرت أنا ماأجي بهالموضوع الا الجمعه بيوم الآجازه

عندي فضفضة بسيطه ماراح أطول

اليوم من قعدت من النوم وأنا متضايقة لأن أمتحاناتي بتبدأ ومالي خلق صرت بس أستعجل السنه تخلص ودي أرتاح
وكل أسبوع أسافر لمكان دراستي وآخر الأسبوع أرجع لأهلي طبعا هذا السفر مسبب لي أزمة لأني ماأحب الطريق والسفر
ولما أكون مو عند أهلي أحس بالوحده والضييق أشتقت لأزعاج خواتي صحيح أنهم يغثوني بس أشتقت لهم
أحيانا يصيبني خوف وأنا مو عندهم وأطمن نفسي شوي حتى أنام
بس كل شئ بتحمله بأذن الله الخوف والوحده وفراق أهلي والتفكير والهواجيس وتعب الدراسه كل شي كل شي بس ياربي أتخرج هالسنه أنا خلاص لو ماتخرجت هالسنه حاسه بيصير لي شي تعبت وأنا أدرس أرسب وأعيد من سبع سنوات أنواع المشاكل تحملتها بدراستي صبرت وبكيت ليت تعبت
مرت فيني أيام أنسحب من الدراسة وكانت صديقة قديمه علي بعد ماأنسحبت من الأمتحانات كلمتني وأقنعتني أكمل دعمتني معنويا لأني كنت محبطه جدا جدا جدا رجعت للدراسه وكملت وأعدت الي طافني من أمتحانات سنه جديده وللحين أقول الله يجزاها خير هالبنت حست أن فيني شي وماحبت أني أتأثر وتتأثر دراستي قالت لي أيام بتنسينها بس لاتستسلمين ,,,
مرت فتره ولازلت بين كر وفر بس صراحة خايفة من النهاية مدري شلون بتصير
السنه الي راحت كانت مسؤله بالجامعه تقول لي أنتي ماراح تكملين دراسه<< أعتبره نوع من التهديد ,, ظلمتني كثييير وتحملت وسكت لأني الطرف الأضعف بالموضوع طالبه لو أتكلم أنا الخسرانه وهم ولاحسيب ولا رقيب الا الله عز وجل ,, كل سنواتي بالجامعه حسيت بمرارة الظلم ياما تعبت وبكيت وأنهرت وحسيت باأحباط قاتل وأكتئاب بس كنت أصبر وأقول الصبر راح ينفعني بالنهاية,,صحيح أنا مابي مجال وضيفتي فيما بعد نفس الدراسه بس أنا أن شاء الله أذا تفرغت منها راح أبدأ تجارة بأذن الله بحاول أبدأ أحقق طوحاتي وأمنياتي أنا مابي أحد يلغي تفكيري ويفكر عني خلاص أنا بصير بأذن الله شخص ثاني أنا ودي أشيل شي بقلبي الحين ودي أزيله وأعيش حياة جديده
بس ياربي تعيني على الي جاي,,

لاتنسوني من دعواتكم أعتبرتكم خواتي وتكلمت لكم باللي بقلبي صحيح ماتعرفوني لكن ماقصرتوا معاي بنصايكم وكلامكم
جزاكم الله خير الجزاء

هلا والله ياقلبي


شخبارج

ماعليه ياقلبي

المهم انج تكوني متابعتنا في الحملة

ودي منج بالاول تقرين رد الغاليه مدمد لانها قالت اللي كنت بقوله واهي انسانه رائعة متحكمة في شخصيتها وتغيرت للافضل من خلال الظروف اللي مرت فيها عسى ربي يحفظها


يا الغاليه

اللي يهمه مستقبله وتهمه نفسه مايهتم بالمؤثرات اللي حواليه

ويبقى يقاوم ويجتهد حتى يوصل لدرجة عاليه من القناعة والرضا عن النفس


انا رح اذكرج باللي قلتيه بهذي الجمله :



بس كنت أصبر وأقول الصبر راح ينفعني بالنهاية,,صحيح أنا مابي مجال وضيفتي فيما بعد نفس الدراسه بس أنا أن شاء الله أذا تفرغت منها راح أبدأ تجارة بأذن الله بحاول أبدأ أحقق طوحاتي وأمنياتي أنا مابي أحد يلغي تفكيري ويفكر عني خلاص أنا بصير بأذن الله شخص ثاني أنا ودي أشيل شي بقلبي الحين ودي أزيله وأعيش حياة جديده


هذا الكلام اللي ابي اسمعه منج دايما ياقلبي

اول شي

الصبر مفتاح الفرج

عندج طموح رح يتحقق لو سعيتي بكل قوتج وارادتج




لا تخلين احد يأثر على اي قرار تتخذينه او يأثر في حياتج ومستقبلج

بامكانج تشيلين شي من قلبج انتي ماتبينه ياقلبي

قوي شخصيتج وايمانج في الله اللي مالنا احد غيره نلجأ له اهو الكفيل فينا حبيبتي


عيشي حياتج باللي يرضي الله سبحانه ويرضيج في النهاية

عسى ربي يبعد عنج كل مكروه

 

[نهى الأحمد]

وينكم

هلا والله ياقلبي

شلونج عساج بخير

السموحه ماطليت امس لاني انشغلت شوي وعادة يوم اليمعه يكون استراحة للكل

شوفي ردي عليج

تحت ظلك

و لاااااااااااااااااااايضيق صدرج

ترى كثيييييييييييييييييييييييييييييييير مثلج بسالفة الدراسة

واولهم اللي تكلمج

انا اول ما تخرجت من الثانوية درست بكلية مو بمدينتنا ...

ومرت السنين و صرت بالسنة الرابعة ....................... واخر سمستر و قبل التخرج بثلاث شهور تركت الكلية ....!!!!


سنتين .............. وانا بس افكر ابي اكمل دراستي حالي حال صديقاتي ....

و بــ 2008 قررت اني اكمل دراستي ....

ورحت بسجل بالجامعة و قالوا لي التسجيل مخلص ...

قلت مسجله مسجله ... لو شنوو .. لو باخر الدنيا ... انا لو هالسمستر ما درست ما راح افكر بالدراسة مرة ثانية ..

ورحت لفرع ثاني يعتبر بعيييد نسبيا ... يعني مسافة ساعة ونص ... وكان التسجيل مفتوح ما خلص ..

سجلت .. وبعد اسبوع مديرة الجامعة كلمت ابوي وقالت له نقلناه الفرع اللي عندكم >> بين بيتنا و الجامعة عشر دقايق ^_^

الدراسة بالانقلش .. وانا كنت مو ذاك الزود بالانقلش ..

بس تحديت نفسي ...

ومرت اربع سنين ........................ و بـــ 7/7/2012 .............. تخرجت


فرحة اللي تعذب بالدراسة بالتخرج غييييييييييييييييييييييييييييييييييير .........................

نصيحة لا تفكرين بشي غير دراستج ............. هاللحظة تستاااااااااااااااااااهل تسووووووووووووووووين كل شي علشانهاااااااااااااا

طبعااا يا ما سمعت كلام و طنز ...

كثيييييييير يقولون راح تجلسين طول عمرج تدرسين ..

بس الحين ................... اشوف اللي تطنزوا علي وين ..!! وانا وبدون غرور وصلت وين ..!!

حلمي الأمومة

مدري صج احس ملل تجلسين بروحج :d >> اتوقع ريلج لو يقرا الرد يجي لسعودية وينحرني ويرد لوووووووووووووووووووووووووول


حاولي تقسمين وقتج ..

يعني امج روحي لها يومين بالاسبوع ..

زوري صديقاتي ... و عزميهم عندج ..

و ايام ادهري بالشقة كرفي :d اعتبرها تسليه

اقري كتب .. يا حظه اللي عنده وقت للقرااااءة ...

استغلي هالوقت قبل العيال .. واقري بكل مجااااال ...

بتنشغلين عن كل شي ... وبتنسين الملل ........... :rerrerek:


الله يرزقج الذرية الصالحة يارب ...

مدمد يابعد عمري انتي

ماقصرتي بالرد على خواتج تحت ظلك وحلومه


عساه في ميزان حسناتك ياقلبي


عسى ربي يوفقج دنيا واخره

 

[نهى الأحمد]

حبيباتي



اكثر شي مستانسه عليه بالحملة انكم قاعدين تخففون عن بعض وتشاركون بعض بالرأي وتقديم النصيحة


وهذا شي حلو مشاركة الغير والمشاعر الطيبه تجاههم





باجر ان شاءالله رح اطرح موضوع تنظيم الوقت




واي شي تحتاجون له انا حاضره حبيباتي

وسامحوني على القصور

 

[اميره1980]

اي و الله نهى محتاجين موضوع تنظيم الوقت حيل مهم
انا الحين صايرة انام بالنهار و اقعد الظهر

 

[نهى الأحمد]

اي و الله نهى محتاجين موضوع تنظيم الوقت حيل مهم
انا الحين صايرة انام بالنهار و اقعد الظهر

صباحج ورد حبيبتي اميره

شخبارج

حاضر يا الغاليه

من عيوني

 

[نهى الأحمد]

السلام عليكم


وصباحكم كله تفاؤل وسعاده باذن الله



أخواتي العزيزات

ليما يجهز موضوع تنظيم الوقت حبيت اقدم لكم موضوع تم طرحه من اختي الغاليه العود والبخور عسى ربي يذكرها بالخير قدمته لنا في الجزء الأول من الحملة



لــــــــون حياتـــكـ

الحياة كـ لوحة تنتظر الألـوانـ لتبدو اكثر جمالا ..





نولــد ولوحة حياتنا بيضاء نقية ..
منا من يحولها الى الســــواد..
ومنا من يحافظ على نقائها و صفائها ..



والقليل هم من لونوا صفحاتهم بــ ألـوانـ الحياة ..
سنأخذكمم احبتي في جولة بين ألـوانـ الحياة من حولنا ..
ألـوانـ ليست كغيرها من الألـوانـ ..



لــون حيــآتك .. بألــوان التفائل ..و السعاده .. و الفرح



فعندما .. تمر بـضيق .. لا تقف حزينا .. وتتقوقع .. في حزنك ..
أكسر .. قوقعتك .. وأبدأ بتلوين حياتك .. بلون السعاده



عندما تحس بــالوحدة .. تذكرشخص .. تحبه .. وتعزه ..
وتذكر .. كل لحظاتك الحلوة معه ..
عندها ... أبدأ برسم لوحه جميله في مخيلتك .. مليئة بكل المشاعر الجميلة والدافئة ..
ستجد أنك ابتســمت دون ان تشعر



عندما تمر .. بتجربة فاشلة .. لا تقف عندها .. وتضع نفسك في شرنقة الفشل ..مزق شرنقتك .. وأبدأ برسم .. لوحه النجاح .. من ألوان الفشل ..




عندما يسيء إليك أحدهم .. و يدمي قلبك بحفر إساءته بين جدرانه ..
لا تلوث قلبك بالحقد عليه ..
وامسح إساءته بلون التسامح ..



عندما تحس بـالملل لا تجلس واضعا يدك على خدك ..
أشعل حياتك .. بل حياة كل من حولك .. بلون التجديد .. حوّل عالمك إلى عالم مليء

بــالألـوانـ

اشعلها لتجد سمائك انت .. قد تحولت الى العاب نارية .... تغزو بالوانها السماء وتنيرها بهجة ..

 

[فجر 1]

فعندما .. تمر بـضيق .. لا تقف حزينا .. وتتقوقع .. في حزنك ..
أكسر .. قوقعتك .. وأبدأ بتلوين حياتك .. بلون السعاده

كلام فى الصميم نهوى الإنسان بمر بلحظات بيشعر ان الدنيا
لاتطاق .. محتاج يلون حياته بشوية امل والأمل هو بيخلق السعاده

عندما تحس بــالوحدة .. تذكرشخص .. تحبه .. وتعزه ..
وتذكر .. كل لحظاتك الحلوة معه ..
عندها ... أبدأ برسم لوحه جميله في مخيلتك .. مليئة بكل المشاعر الجميلة والدافئة ..
ستجد أنك ابتســمت دون ان تشعر

:rerrerek::rerrerek:
مشكوره على كلماتك جت بوقتها .. :eh_s(17):

 

[JANAA]

صباح الخير والنوير على الحلوين الموجودين

حبيبتي نهوي فعلا حياتنا اول ما ننولد تكون بيضاء صافيه احنا بايدينا انلونها بالوان حلوه ومتفائله وهم بعد بايدينا نجعلها اسود ورمادي اذا ما امنا وبايمان عميق ومؤكد بقول الله تعالي ( قل لن يصيبنا الا ما كتب الله لنا ) ( وعسى ان تكرهوا شيء وهو خير لكم وعسى ان تحبوا شيء وهو شر لكم ) راح تكون لوحة حياتنا كلها الوان فرحة لكن اذا كان ايمانا ايمان متقلب صلته ضعيفه مع الله تعالي راحتكون لوحة حياتنا بالاسود والرمادي بايدنا نتغلب عل ىالصعاب طول ما رب العالمين موجود .

 

[لذه السكر]

صباح الخير

 

[نهى الأحمد]

كلام فى الصميم نهوى الإنسان بمر بلحظات بيشعر ان الدنيا
لاتطاق .. محتاج يلون حياته بشوية امل والأمل هو بيخلق السعاده



:rerrerek::rerrerek:
مشكوره على كلماتك جت بوقتها .. :eh_s(17):

هلا وغلا فجوره

شلونج ياقلبي


العفو يا الغاليه

صباح الخير والنوير على الحلوين الموجودين

حبيبتي نهوي فعلا حياتنا اول ما ننولد تكون بيضاء صافيه احنا بايدينا انلونها بالوان حلوه ومتفائله وهم بعد بايدينا نجعلها اسود ورمادي اذا ما امنا وبايمان عميق ومؤكد بقول الله تعالي ( قل لن يصيبنا الا ما كتب الله لنا ) ( وعسى ان تكرهوا شيء وهو خير لكم وعسى ان تحبوا شيء وهو شر لكم ) راح تكون لوحة حياتنا كلها الوان فرحة لكن اذا كان ايمانا ايمان متقلب صلته ضعيفه مع الله تعالي راحتكون لوحة حياتنا بالاسود والرمادي بايدنا نتغلب عل ىالصعاب طول ما رب العالمين موجود .

هلا وغلا جنوووي ياقلبي

الله يصبحج بالخير والنوير حبيبتي

يا سلام عليج

هذا الكلام اللي ابي اسمعه مو بس منج ومن كل البنات دووووم

بايدنا نقدر حياتنا للأفضل ونتغلب على كل شي صعب في حياتنا ونطور من انفسنا ونتغلب على نقاط الضعف في شخصياتنا

اهم شي مانترك مجال للي حوالينا يأثروا علينا

عسى ربي يديم عليج السعادة والصحة والعافيه ياقلبي

صباح الخير

هلا والله حبيتبي

صباح الورد

شخبارج
عساج بخير

 

[نهى الأحمد]

السلام عليكم ورحمة الله وبركاته


أخواتي العزيزات


يعاني البعض من سوء تنظيم الوقت مما سوف يتسبب في ضياع وقته من دون الاستفادة الفعليه من وقته


الوقت ثمين

ويجب استغلاله بالشكل الامثل

حتى يشعر بالراحة النفسية وبانه حياته سوف تكون منظمة ويكون راض عن نفسه

تنظيم الوقت في البيت وفي العمل وفي المدرسة



انني على علم بانه بعض الضغوطات قد تسبب عبئا على الانسان ويصبح كالضائع احيانا ويضيع معظم وقته بالتفكير في امور قد تسبب له الارهاق في حياته اليومية



سبق وطرحت موضوع التسويف

الا وهو تأجيل اداء بعض الاعمال اليومية لوقت آخر

مما يسبب في هدر الوقت الثمين الذي لايمكن تعويضه



وان تم القضاء على مشكلة التسويف سوف يصبح الانسان قادرا على التحكم في وقته وينظم حياته بالشكل الامثل والافضل



حتى يشعر الانسان بانه وقته منظم وحتى لا يشعر بالملل بعض الاحيان

عليكم اتباع تلك النقاط التي قمت بنسخها من عالم النت قد افادتني سابقا:




1-أعد قائمة بأعمالك اليومية في مساء اليوم الذي قبله، أو

في صباح اليوم نفسه، واحتفظ بهذه القائمة في جيبك، وكلما أنجزت عملا فأشر عليه بالقلم.

2-أوجز عبارات الأعمال في ورقة بما يذكرك بها فقط.

3-قدر لكل عمل وقتا كافيا وحدد بدايته ونهايته.
4- قسم الأعمال تقسيما جغرافيا؛ بمعنى:أن كل مجموعه أعمال في مكان واحد أو في أماكن متقاربة تنجز

متتالية؛حفظا للوقت.
5-اجعل قائمتك مر نه؛ بحيث يمكن الحذف منها والإضافة إليها إذا استدعى الأمر ذلك.


6-اترك وقتا في برنامجك للطوارئ التي لا تتوقعها؛مثل: ضيف يزورك بدون موعد ،أو طفل يصاب بمرض طارئ …وأمثال

ذلك.
7-بادر لاستغلال بعض هوامش الأعمال الطويلة لانجاز أعمال قصيرة ؛مثلا:عند الانتظار في عيادة الطبيب اقرأ في كتاب

أو اتصل إذا وجد هاتف لانجاز بعض الأمور.. وهكذا.

8-عندما يكون وضع برنامجك اليومي اختياريا نوع أعمالك، لئلا تصلب بالملل، فاجعل جزءا منها شخصيا، وآخر عائليا،

وثالث خارج البيت..الخ.

9-اجعل جزءا من برنامجك اليومي لمشاريعك الكبيرة؛ كتطوير ذاتك وثقافتك، والتفكير الهادئ لمشاريعك
المستقبلية..وأمثال ذلك.

10-حبذا لو صممت استمارة مناسبة لكتابة برنامجك اليومي عليها، ثم صورت منها نسخا، ووضعتها في ملف لديك, وجعلت لكل يوم منها واحده.




أخواتي العزيزات


من بعد قرائتكم لموضوع تنظيم الوقت والنقاط المهمة التي ذكرتها :



المطلوب منكم الاجابة على الاسئلة التالية :



1- أكتبي قائمة بأعمالك او أشغالك اليومية من الأهم ومن ثم المهم ومن ثم العادي ؟





2- هل تعانين من سوء تنظيم الوقت ؟





بانتظار اجابتكم أخواتي العزيزات حتى اتمكن من حل المشكلة التي تواجهونها


أختكم

نهى الأحمد

 

[حلمي الأمومة]

مدمد لايسمعج زوجي خخخخخ بتصير حرب ارض ارض جو

كلامج روعه ودائما افكر بهطريقه ان تكون لي حياتي الخاصه الي انشغل فيها


نهووووي بانتظار موضوع تنظيم الوقت بفارغ الصبر

ومشكورة على سعه صدرج عساج ع القوة


ليش هذا اخر اسبوع اول صفحه قايله لي تاريخ 26 /10 شهرين

والله تعودت على الحمله الله ياليت نسوي تجمع نسولف فيه مع بعض بنفقدكم والله نهوي وروح وبنات الحمله واااي خنقتني العبرة


الله يجمعنا على منابر من نور في الجنه

 

[نهى الأحمد]

مدمد لايسمعج زوجي خخخخخ بتصير حرب ارض ارض جو

كلامج روعه ودائما افكر بهطريقه ان تكون لي حياتي الخاصه الي انشغل فيها


نهووووي بانتظار موضوع تنظيم الوقت بفارغ الصبر

ومشكورة على سعه صدرج عساج ع القوة


ليش هذا اخر اسبوع اول صفحه قايله لي تاريخ 26 /10 شهرين

والله تعودت على الحمله الله ياليت نسوي تجمع نسولف فيه مع بعض بنفقدكم والله نهوي وروح وبنات الحمله واااي خنقتني العبرة


الله يجمعنا على منابر من نور في الجنه

هلا والله حلومه يا قلبي

شخبارج

عساج بخير

العفو حبيبتي


يا الغاليه ،،

من يوم بدت الدوامات والكل انشغل


والسبب الثاني

عيوني ما عادت تساعدني
اعاني من مشكلة فيهم وصعوبة في النظر

الحمدالله على كل حال


اهم شي عندي انكم فعلا استفدتو من الحملة ومن مواضيعها

وكل ماصار معاي وقت رح ادش وانزل لكم مواضيع تفيدكم



موضوع تنظيم الوقت نزلته

 

[Miss Basma ..}]

- أكتبي قائمة بأعمالك او أشغالك اليومية من الأهم ومن ثم المهم ومن ثم العادي ؟
1-حل الواجبات و دراسة المواد المدرسية
2-الذهاب للمجلس البريطاني
3-أحفظ كلمات انجلش و أدرس كم شغلة مثل القواعد و الاستماع
4-انترنت
5-أحفظ آيات من القرآن
6-قراءة جزء من كتاب ما



2- هل تعانين من سوء تنظيم الوقت ؟
مرات تصير لما أكون مضغوطة حيل و تجيني أعمال مفاجئة بنفس اليوم الي لازم أخلصها.. بس بشكل عام أنا منظمة وقتي بالفعل عدا مرات أسوف كم شغلة إذا كنت مضغوطة

 

[شادن33]

السلام عليكم
شلوونكم بنااات
عساكن بخير
كلجن كلجن حلوااات

نهووووي مع اني مظغووووطه ومزنووووطه ومزحوووومه
بس راح اكتب الواجب لعيونج وهذاني بوقت استراحتي

 

[شادن33]

1- أكتبي قائمة بأعمالك او أشغالك اليومية من الأهم ومن ثم المهم ومن ثم العادي ؟
طبعا من غير اليد المساااعده اللي انطرها مثل هلال العيد ( الخدامه)
1 اقوم الساعه خمس ونص اسوي الريوق حق العيال
2 اربط خصري والم شعري الي فووووق وانطللللللللق
3 أنظف المطبخ اللي جنه حايشه إعصاااار من المواعين والجدور
4 اكنس الغرف غرفه غرفه ممر ممر
5 أتوجه الي غسيل الملابس الضروريه للمدرسه
6اتريق صمونه وجاااي >>>> يالا البؤس خخخخ. آثاره للشفقة فقط لاغير خخخ
7 الغدا مرات اسوي ومرات اتمرددد انييب جاهز
8 العصر أتوجه للتدريس الكريه بس الحين معطتهم طااااف لأني هلكانه وان غاب القط اعلي يا فار
9 المغرب أتوجه للكوي اللووووعه
10 اسوي العشا ويكون خفيف وااايد لزوم الرشاقه لكل افراد الأسره ههههه
11 أتوجه الي كهفي العزيز استرخي اتمدد اسرررح بخياالي اشوي ممنوع الدخول ولا اكفخهم
12 انااااااااام عشان دوره الحياه تمشي باجر

ادري لوعت جبدكم بس هذا برنامجي اليومي حاليا الي ان يجد جديد




2- هل تعانين من سوء تنظيم الوقت ؟

مافي وقت حق التنظيم كلو محصل بعضووووو

 

[شادن33]

الي اللقاء باستراحه قااادمه

 

[نهى الأحمد]

- أكتبي قائمة بأعمالك او أشغالك اليومية من الأهم ومن ثم المهم ومن ثم العادي ؟
1-حل الواجبات و دراسة المواد المدرسية
2-الذهاب للمجلس البريطاني
3-أحفظ كلمات انجلش و أدرس كم شغلة مثل القواعد و الاستماع
4-انترنت
5-أحفظ آيات من القرآن
6-قراءة جزء من كتاب ما



2- هل تعانين من سوء تنظيم الوقت ؟
مرات تصير لما أكون مضغوطة حيل و تجيني أعمال مفاجئة بنفس اليوم الي لازم أخلصها.. بس بشكل عام أنا منظمة وقتي بالفعل عدا مرات أسوف كم شغلة إذا كنت مضغوطة

هلا وغلا بسمه

شلونج ياقلبي

الحمدالله انه ماعندج مشكلة بتنظيم وقتج واذا اضطريتي للجوء للتسويف لو كنتي مضغوطه بشرط انج ما تعمتدين عليه دايما

القائمة اللي كتبتيها منظمة

بس اعتقد انج نسيتي شغله مهمة ياقلبي


وقت للراحة :eh_s(15):


نعم ياقلبي

اجسامنا محتاجة للراحة حتى نقدر ننجز اعمالنا واشغالنا

هذي ملاحظتي ياقلبي